خطوات الكشف الطبي بالتفصيل

[qenawy]

بكام يعني النفر يا نصار بك

الكبير بكام و الطفل بكام عند د صبري غالي ؟

[Nassarlink]

بكام يعني النفر يا نصار بك

الكبير بكام و الطفل بكام عند د صبري غالي ؟

الكبير ب 620 جنيه

والصغير حسب السن

بس بيدور في حدود من 200 الي 400 حسب التحاليل المطلوبه او الاشعه

[Nassarlink]

شكرا يا دكتور نصار على المعلومات القيمة لكن ماهي تفاصيل طبيب الاسكندرية عنوانة و تليفونه و مصاريف الكشف

دي عناوين كل الاطباء

[دكتور هيما]

[font="Arial Black"]لية مطنشني يا د نصار انا زميل بردة

[bongeorgeo]

brth)

:) Einstein

الف الف الف مبروك على الاخبار الجميلة دى يا دكتور :happy: brth) :blink:

ما تتصورش انا كنت مستنية الخبر ده ازاى يمكن اكتر منك ويا رب ان شاء الله يكملها لك على خير ويكون الكشف الطبى زى الفل دعواتنا

معاك دائما والى الامام

الحقيقة فى عز فرحتى دى لقيت فى دماغى 3 اسئلة حبيت اسألهم لك وان شاء الله الاقى الاجابة عندك

1) ممكن اعرف التاريخ المحدد لفتح ملفك فى السفارة ( يعنى بقى in process من امتى بالتحديد باليوم والشهر )

2 ) انا مافهمتش ايه موضوع شركات البريد الخاصة دى طالما انك هاتروح تستلم خطاب الكشف الطبى باليد بنفسك من السفارة ؟

3 ) يا ترى فى توقعك هاتكون قد ايه المدة لاتمام الكشف الطبى وتسليمه للسفارة مرة اخرى ؟

يا رب ماكونش طولت عليك بس عشمى فيك كبير ويا رب يقربلك البعيد ولكل اللذين على طريق الهجرة زينا

:)

الاخت الفاضلة / دعاء

الف شكر علي الدعوات الطيبات ، وانا دلوقتي بدعيلك ان الكشف الطبي يجي لكي اسرع ما يمكن وربنا يوفقك يا رب

انا قلت اعمل موضوع صغير كده علي خطوات الكشف الطبي علشان الكل يستفيد

في البداية انا مهاجر لكيبك و بعد ما نجحت بفضل الله في المقابلة و حصلت علي شهادة ال CSQ

فتحت ملف هجرة للحصول علي التأشيرة في سفارة كندا بالقاهرة

قدمت ورقي سسفراة في بداية شهر 7/2007

وعندما تابعت رقم الملف علي الانترنت وجدت انهم بدأوا العمل في الملف تقريبا في اول شهر 8/2007

وبكده فضلت مستني طول المدة اللي فاتت ان السفارة تتصل علي بالتليفون لتتطلب مني المديكال

وحسب احصائيات الموقع للاشهر السابقة فان ملف كيبك المفروض ينتهي في خلال 5 اشهر بالنسبة 30% من الحالات ، و في 7 اشهر بالنسبة ل 50 % من الحالات ، و 8 اشهر بالنسبة ل 70% من الحالات ، و تسعة اشهر بالنسبة ل 80% من الحالات

لذلك توقعت ان يتم الانتهاء من معالجة ملفي - واعني بذلك هو التحول من حالة in processing الي حالة decision made - في خلال 7 اشهر

المهم انه يوجد تأخير كبير للملفات لم يحدث من قبل نتيجة كثرة الملفات المعروضة علي السفارة

فكان اتصالهم بي لطلب الكشف الطبي في اول 5/ 2007

اي بعد مرور 9 اشهر من بداية العمل في الملف

الجديد هنا انهم طلبوا مني الكشف الطبي من خلال رسالة علي الايميل وليس عن طريق الهاتف كما كنت اتوقع

وكان الايميل يحوي ثلاثة اشياء

1 - الابليكيشن بنتاع طلب الاقامة الدائمة و الابليكيشن الخاص بالاقرار محدثين بالانشطة التي قمت بها خلال هذه التسعة اشهر

2 - شهادة اتمام كورسات اللغة الفرنسية

3 - جواز السفر ، ان لم اكن في حاجة اليه خلال الشهرين القادمين

مع التنبيه علي ان ارسال جواز السفر يكون عن طريق البريد السريع الخاص مثل DHL or TNT or Aramex وفي اي يوم خميس من الساعة 8:30 الي الساعة 10:00 صباحا

كما نص الايميل علي ان اوراق الكشف الطبي جاهزة للالتقاط عن طريق البريد السريع الخاص مثل DHL or TNT or Aramex في اي يوم خميس من الساعة 8:30 الي الساعة 10:00 صباحا ولان امس الخميس كان عيد العمال فسوف انتظر للخميس القادم حتي احصل علي تعليمات الكشف الطبي

ارجوا اني اكون اوضحت التفاصيل التي مرت بي الي الان

اما عن توقعي للفترة ما بين الكشف الطبي و الحصول علي الفيزا فهي كانت 6 اسابيع في السابق دلوقتي اظن انها هتكون اكتر شوية

وفي النهاية ارحب باي اضافة من اي عضو مر بنفس التجربة

ومرحبا باي استفسار

انا كنت عايز اسأل حضرتك سؤال

هو لازم الواحد يكمل دراسة للفرنساوى و لا لا ؟؟

انا بصراحة تعبت منه و مش قادر أكمل

[mogacomedy]

من فضلكم يا جماعة هوه اللى عنده شرايح ومسامير فى جسمه بسبب كسور قديمة ممكن تمنعه من الهجرة ؟

ولا الاحسن انها تتشال بعملية زى ما ركبت ؟

ولو اتشالت اعرف الدكتور ولا لاء؟ ارجوكم ردوا عليا للاهمية

[mezo]

من فضلكم يا جماعة هوه اللى عنده شرايح ومسامير فى جسمه بسبب كسور قديمة ممكن تمنعه من الهجرة ؟

ولا الاحسن انها تتشال بعملية زى ما ركبت ؟

ولو اتشالت اعرف الدكتور ولا لاء؟ ارجوكم ردوا عليا للاهمية

هو الدكتور بيسألك اذا كنت عملت عمليات او عندك حاجة وبيعلم فى النموذج الى عنده ويمضيك على الكلام ده انما يشوف الى فجسمك محصلش كل الى حصل انه قاس الضغط وسال شوية الاسئلة دى وبعد كدة بيحولك لمعمل التحاليل علشان تعمل تحاليل بول ودم وبييبقى اكتر تركيزها على الامراض الفيروسية وبعد كدة بتعمل الاشعة الى على الصدر وخلاص كدة

[mogacomedy]

كلامك كله صحيح يا ميزو بس لاحظ انه اثناء اشعة الصدر لو الواحد مركب شرائح ومسامير فى ايده بتبان كدا كدا فانت ايه رايك يا ريت كل الناس تفيدنى علشان مش بعد ما اتعب بعد كل ده تيجى حاجة تافهة زى دى وتكون عائق قدامى انى اخد التأشيرة .

[mezo]

هو الى بيعملك الاشعة فنى اشعة مش الدكتور بس الى لاحظته فى كشف اشعة الصدر بتاع كندا انك بتخلع ملابسك فى النصف الى فوق كلها بلا استثناء والسيدات بيلبسوا بالطو ابيض تبعهم ولما سالت بتاع الاشعة قالى انه ده لمصلحتى لان ممكن يبقى فيه شوائب فى الملابس بتظهر حاجات مش مظبوطة فى اشعةالصدر لكن مش بيهتم اذا كان فى جسمك عمليات ولا لا لانك بتكون خلاص مضيت الفورم الى عند الدكتور انك معندكش مشاكل ولا عملت عمليات ولا غيره بس انا اعتقد انك مدام معندكش مشاكل من العمليات دى ومش هتمنعك من العمل يبقى مفيش مشكلة يعنى انا مثلا عندى السكر والدكتور وهو بيسالنى عملت عمليات ولا عندك امراض مزمنة لاقيته بيعلم ان معنديش مشاكل رحت قلتله لا انا عندى السكر راح رجع على خانة السكر وعلم عليها وطلب منى تحليل هيمجلوبين السكر اضافى ولو مكنتش قلتله مكانش هيعرف ان عندى السكر ولما رحتله بعدها بشهرين علشان اعمل الكشف الطبى بتاع ابنى فسالته اذا كان الكشف الطبى بتاعى فيه مشكلة قالى مش انت الى عندك السكر قلتله ايوة قالى الكشف تمام والمفروض ان الفيزا تتطلعلك بس همامنتظرين الكشف الطبى لابنك ويبعتولكم الفيز وادينى

منتظر والله كريم

تم تعديل 16 أغسطس 2010 بواسطة mezo

[Lendo]

يا جماعة من فضلكم عايز اسأل انا من حوالي 20 سنة كنت مصاب بسرطان بالدم و علي اثرة شيلت الطحال و شفيت من المرض تماما الحمد للة هل الموضوع دة يأثر علي قبولي

[developerx]

يا جماعة انا مقدم من 8-2008 جالى خطاب رقم الملف فى 9-2008 بعد كده بفتره جالى طلب تحديث البيانات فى 4-2009 . ومن ساعتها لا حس ولا خبر ولا اى حاجه . لما بدخل اشوف حاله الملف بتاعى بيكون In Process

المفروض الميديكال ييجى امتى وبييجى ايميل ولا خطاب بريدى ؟

[ايهاب المصرى]

الى كل السادة فى النوبيك ده كل عام وانتم بخير بمناسبة عيد الفطر المبارك اعاده الله علينا بالخير واليمن والبركات وعاوز اقول كلمة صغيرة للجميع هل فى احد جاله الميديكال بعد نعديل قوانين الهجرة ولا لسه ويجعله عامر

[amruby]

ايه يا شباب محدش جالو الفيل نمبر بتاع الفيديرال ؟؟؟؟؟

تم تعديل 3 يناير 2011 بواسطة amruby

[amruby]

انا يا جماعة حصلت على CSQ يوم 8 نوفمبر2010 من المركز الثقافى فى الاسكندرية

2010

- بعت فيديرال يوم 14 ديسمبر 2010

لحد اليوم مجليش الفيل نمبر و بعتلهم ايميلات كتير لاكن نفس الرد كل مرة

"As soon as a file has been created for you, we will send you a letter of acknowledgment to the mailing address provided on the application.

مع ان فى ناس in process قبل مننى من زمان

[إيوان]

إلى كا اخوانى اللى مستنيين يعملوا الميديكال وقلقانين من اى حاجة انا لسه مكلم دكتور من المعتمدين لدى السفارة الكندية وأكدلى ان الفيزا بتطلع لاى حد واللع العظيم الا حالة واحدة بس اللى عنده الدرن ده قالى كمان اللى عنده ايدز بياخدها انما درن لاء دى اشتراطات الحكومة الكندية انا مبسوط جداااااااااااااااا

ده دكتور جنتل خالص وزى العسل اعدت ادعيله اد كده

[yassergaafar]

إلى كا اخوانى اللى مستنيين يعملوا الميديكال وقلقانين من اى حاجة انا لسه مكلم دكتور من المعتمدين لدى السفارة الكندية وأكدلى ان الفيزا بتطلع لاى حد واللع العظيم الا حالة واحدة بس اللى عنده الدرن ده قالى كمان اللى عنده ايدز بياخدها انما درن لاء دى اشتراطات الحكومة الكندية انا مبسوط جداااااااااااااااا

ده دكتور جنتل خالص وزى العسل اعدت ادعيله اد كده

إلحقنا بأسمه بسرعه ينوبك فينا ثواب

[harveyhanna]

يا ريت يا جماعة اللى يعرف الامراض اللى لا قدر الله ممكن تمنع من الهجرة يقولنا عليها

علشان نعمل شيك قبل الميديكال

[EgyptQuebec]

بص يا سيدى اذا كنت مس سكان القاهره احسن دكتور هو الدكتور احمد شاكر فى مصر الجديده امام سينيما نورمندى العماره اللى جنب عماره مترو وهديك معلومه استخباراتيه, نمره المساعد بتاعه اسمه استاذ محمد واللى تقريبا فى ايده كل شىء, 0106783933 كلمه واستفهم منه عن كل شىء:) وابقى طمنا

[رمسيس]

عملت الكشف الطبى عند احد البهوات الدكاترة ، بصراحة شئ غير معقول ، عاملى نفسه بيعمل معروف كبير فى،،، غريب خالص هذا التعامل و الطريقة الغبية دى ،،، انا دفعت أجرة الكشف لماذا اذن سعادة يتعامل بكبرياء ،،، اسلوب غير ذوق بالمرة ،،،، مع ان كل المنتظريين من سفارة كندا لكنه تفوه بتعبير كأن المحولين من السفارة ثقل على سعادة ،،، طيب هو مين اللى عمل اتفاقية مع السفارة ،،، مش انت يا داكتور برضو ،،،، مش انت اللى بتلهف فلوس الكشف ،،، متى نتحضر ،،، متى نسلك سلوك الشعوب المتحضرة ،،،،

مش عارف اقول ايه غير انك دكتور عديم الذوق و الكياسة

[دون كاملو]

عملت الكشف الطبى عند احد البهوات الدكاترة ، بصراحة شئ غير معقول ، عاملى نفسه بيعمل معروف كبير فى،،، غريب خالص هذا التعامل و الطريقة الغبية دى ،،، انا دفعت أجرة الكشف لماذا اذن سعادة يتعامل بكبرياء ،،، اسلوب غير ذوق بالمرة ،،،، مع ان كل المنتظريين من سفارة كندا لكنه تفوه بتعبير كأن المحولين من السفارة ثقل على سعادة ،،، طيب هو مين اللى عمل اتفاقية مع السفارة ،،، مش انت يا داكتور برضو ،،،، مش انت اللى بتلهف فلوس الكشف ،،، متى نتحضر ،،، متى نسلك سلوك الشعوب المتحضرة ،،،،

مش عارف اقول ايه غير انك دكتور عديم الذوق و الكياسة

هو حضرتك مش عاوز تقول على اسمة لية

ممكن تبعتهولى على الخاص منعا للتشهير

تم تعديل 26 يونيو 2011 بواسطة دون كاملو