حصلت علي الفيزا اخيرا الحمدلله

[أختكم المصرية]

اختى مصرية و مغتربة

الف الف مبروك فعلا خبر جميل جدا ربنا يوصلك كندا بالسلامة و ربنا يوفقك فى بداية مشوار كندا و يكمل على خير

ادعيلنا ربنا يكملهلنا على خير احنا لسة فى بداية المشوار و نتقابل فى يوم ما فى كندا

بالتوفيق ان شاء الله

ام ياسين

[المر]

أخت مصرية و مغتربة

الف مليون مبروك على التأشيرة و عقبال الوصول و الاستقرار فى كندا انشاء الله.

بالتوفيق انشاء الله.

[Tornado]

ألف مبروك وعقبالنا كلنا

[مزاميزو]

ألف مليون مبروك وعقبال ما نهنيكي بسلامة الوصول

[Queen]

السلام عليكم،

الف مبروك و يارب تكون خطوة مباركة عليكي و على اسرتك.

احنا برضو بعتنا الباسبورات في 7 ابريل، بس كان في الباسبور حاجة غلط فرجعوه لينا تاني و صلحناها و بعتناها تاني.

( تواريخ ميلاد الاولاد لم تكن مكتوبة بالانجليزية).

ربنا يوفقك و يوفقنا جميعا.

[arora]

مبرررررررررررررررررررررررررررروووووووووووووووووووك وعقبالنا يااااااااااااارب

يا ترى انت كنت مقدمة امتى وفيدرال ولا كيبك ومن مصر ولا من مكان اخر

تم تعديل 4 مايو 2008 بواسطة arora

[bent misr]

الحمدلله اخيرا حصلت عالفيزا واسعدت الباسبور يوم الاربع يوم 30 ابريل بعد تقريبا 24 يوم من استلام المكتب للباسبور وحاليا برتب للسفر وعمل اللاندينج

ان شاء الله الشهر القادم.

ربنا يوفق الجميع ويارب يوفقنا امين.

الأخت مصريه و مغتربه

ألف ألف ألف مبروك بجد على الفيزا و عقبالنا جميعا ان شاء الله :blush2:

أنا بجد حاسه بيك لأن الموضوع من بدايته مقلق و طويل فالحمد لله انه

كلله في النهايه بالنجاح و ربنا يسهل لكم اللاندنج ان شاء الله.

وياريت لما تروحي هناك ماتنسيناش في المعلومات المفيده.

بنت مصر

[capitshino]

الف مبروك وعقبال الوصول بالسلامة . ويارب تحققى كل اللى نفسك فيه. وعقبال بقية الاعضاء لما نبارك لهم

[مصرية و مغتربة]

اول خطوة حاليا تم حجز الطيران مباشرة الي تورنتو عن طريق خطوط طيران الامارات.

وجاري البحث عن سكن لمدة شهر..............

[Abo Marwan]

اول خطوة حاليا تم حجز الطيران مباشرة الي تورنتو عن طريق خطوط طيران الامارات.

وجاري البحث عن سكن لمدة شهر..............

الأخوة في المنتدى..

الأخت مصرية ومغتربة ..

السلام عليكم ...

أن شاء الله رحتك ياأختنا أنت والعائلة مكللة بالنجاح والتوفيق والحظ الأوفر ..وما التوفيق الا من عند الله ...

ياريت الجميع يشارك أختنا فرحتها ونتكلم سوية عن موضوع / أعداد حقيبة السفر للعائلة الى كندا / من ملابس الى مستلزمات العائلة ... الخ ، رغم أنه أخي الفاضل الدكتور الشامي سبق أن أجابني مشكوراً عن الموضوع وكذلك أجاب سابقاً بعض الأخوة عنه ... ولكن لحداثة الموضوع أرى أن نفصل بعض الشئ وخاصة الأخوة العرب الكنادوة ونرى ونسمع آرائهم خاصة أذا كان الـ LANDING لفترة طويلة ، وماذا عن حقيبة ملابس الصيف وحقيبة ملابس الشتاء وما تحتاجه العائلة العربية الفترة الأولى أصحابها معها من أدوية وكمبيوتر وكتب وهواتف نقالة ومستلزمات أخرى ... أم برأيكم لاداعي لكل هذا وتكون الحقيبة مختصرة جداً والشراء لكل شئ من كندا ..؟؟؟

مع الملاحظة يأختنا الفاضلة أن هناك كثير من شركات الطيران لها ضوابط معينة لقياس حقيبة السفر وعددها والخاصة بالسفر الى كندا ( مجموع الأبعاد الثلاث ) المسموح بها على طائراتها ، وخطوط الأمارات أيضاً تشترك بهذه القياسات وهذا الكلام موجود على موقع الشركة ..

بارك الله فيكم وشكراً لمن كان عوناً لنا منذ البداية وحتى اللحظة ..

أبو مروان

[الحازم حسن]

ألف مبروك وعقبالنا كلنا

بالتوفيق في كندا ان شاء الله وفي انتظار تفاصيل رحلة اللاندج بعد العودة

[مصرية و مغتربة]

بالنسبة لطيران الامارات الوزن المسموح لكل فرد حقيبتين كل حقيبة ٢٣ كيلو وحقيبة يد ٧ ك. انا حاليا بوضب الشنط :

واهم الاشياءاللي هاخدها معايا :

1- لابتوب.

2-فيش كهرباء مناسبة لكندا.

3-ملابس شتوية منوعة من الخفيف للتقيل.

4-غلاية ماء لعمل الشاي.

ولسة بجهز اللي عنده اقتراحات عاجلة ياريت يبلغني لان موعد السفر بعد اسبوع ان شاء الله.

[ange]

رورورورورررررررررررررري الف الف مبروك

وعقبالي يارب وعقبالك الجميع بس ساعدوني بقي ان اقدم

وياريت تردوا عليا هنا

http://www.egyptiantalks.org/invb/index.ph...mp;#entry356721

[elmadysm]

لا اعرف الناس اللى بتسافر بتروح فين ؟

انت فين ي مصرية

انت فين يا دعاء

انت فين يا ياسر

انت فين يا سامح

نسال الله ان تكونوا جميعا بخير

[حسام يوسف]

لا اعرف الناس اللى بتسافر بتروح فين ؟

انت فين ي مصرية

انت فين يا دعاء

انت فين يا ياسر

انت فين يا سامح

نسال الله ان تكونوا جميعا بخير

ده فعلا اللى راعبني

[Nassarlink]

لا اعرف الناس اللى بتسافر بتروح فين ؟

انت فين ي مصرية

انت فين يا دعاء

انت فين يا ياسر

انت فين يا سامح

نسال الله ان تكونوا جميعا بخير

ده فعلا اللى راعبني

لو كان الواحد مش عارف الناس دول

قد ايه هم ناس محترمه

قد ايه عندهم روح التعاون

قد ايه احنا بنحبهم وهم بيحبونا

كان زماني شكيت فيهم انهم من النوع الي كان بيسال قبل ما يسافر عشان مش عارف ايه الي هناك

ولما وصلوا هناك

مش محتاجين يسالوا

لكن علي راي جدتي

الغايب حجته معاه

احيانا بحس انهم شايفيننا

وشايفين الي بنكتبه عنهم

وسامعين صوتنا بيسال عليهم

ولكن مش قادرين يردوا

او يتكلوا

لكن علي راي جدتي

الغايب حجته معاه

يمكن قابلوا ناس مش كويسين

سببوا لهم ازعاج

او شوهوا صورتنا قدامهم

او خايفين احسن يشوهوا صورتهم قدامنا

لكن علي راي جدتي

الغايب حجته معاه

نصّار

[annas]

قال عمر بن الخطاب

التمس لأخيك 70 عذرا

فأن لم تجد

فالتمس له عذرا لا تعرفه

[غريق]

قال عمر بن الخطاب

التمس لأخيك 70 عذرا

فأن لم تجد

فالتمس له عذرا لا تعرفه

معاك حق

لعل لهم عذر ونحن لا نعرفه

[الصبررر]

السلام عليكم ،،، ياجماعه الحياة هنا مختلفة عن الحياة في بلادنا العربيه لأني اعتقد انك في بلدك لازم وحتما في وقت انك تزور اهلك وتعمل تلفون وتتواصل مع الاصدقاء بس في البلد دي والعياذ بالله يادوب الحق اصلي الصلاه في وقتها او اعمل اكل او اتفرغ لمساعدة ابنتي في الواجب لأن الوقت بيمر بشكل غريب والأدهى اني مش بأشتغل وأفكر ازاي الناس اللي بتداوم full time يلاقوا وقت يقضوا امورهم لأن مستحيل بعد مايرجعوا من العمل يلاقوا وقت يعملوا لوندري او تنظيف البيت كل ده بيتركن للويك اند عشان كده في مثل ما قال بعض الاخوة هنا يجب التماس العذر لأخواننا المغتربين وندعي لهم بالتوفيق وربنا يعين الجميع

[elmadysm]

ياجماعة الخير

نحن لم و لن نسىء الظن

و لكن عدد كبير من اللى سافرو كانو معانا على الخط

و فجاه و بدون مقدمات الخط انقطع

ومن شهور

فالموضوع فى الاول و الاخر تطوعى للى عاوز يساعد

صحيح الحياه واخداهم و احنا لازم نعزرهم

بس نطمئن عليهم