كلم مصر ببلاااش .. خاص للمصريين المغتربين

[se_ Elsyed]

الكومبو 430

يا عم الكومبو ده ساندوتش هامبورجر مع بطاطس وبيبس

ركز يا تامر الله يهديك

[vipwithyou]

ماشى يا ريس بتتريق عليا اكمنى مش عارف آكل كومبو فى السعودية

هو مشوار لكنتاكى اللى على اول الشارع واقوله ادينى 1 كومبو وصلحة وحار كمان

المهم يا ريس لو مش بتتريق بقى

الكومبو دة الجهاز اللى بيشتغل على الدايل أب والدى اس ال ودة ليه ميزة انك ممكن تشغلة من اى مكان فيه تليفون

يعنى مش مرتبط بدى اس ال

انما التانى 11L فيه ميزة الاتصال باى تليفون ثابت فى مصر او موبايل

بس يا ريس

وبدل ما تتريق ابعتلى واحد كومبو فى ليموزين لعند المنفوحة ولا حاجة ولا حتى حلة محشى

[om marawan]

طب معلش اصل انا ماليش فى الاتصالات وبأفهم فى المواضيع دى على مهلى

اللى فهمته ان لو عندى اشتراك دى اس ال اوصل الجهاز عندى وعند والدى واتصل بيهم على طول بدون فلوس .. صح كده ؟

طب مافهمتش ايه موضوع ال 17 سنت ؟؟؟؟؟؟

ومافهمتش برضه هل الجهاز الجديد بأه ممكن يتصل على اى رقم فى مصر ولا على جهاز متوصل بال دى اس ال فى مصر ؟؟؟

معلش ياجماعة

وشكرا جزيلا لكل الأفاضل اللى ساهموا بالمعلومات الجميلة دى

[se_ Elsyed]

بنت ديرتنا ام مروان ... صبحك الله بالخير

بإختصار

1- لو عندك جهاز وعند والدك جهاز متوصل على دي إس إل ... يبقى تتكلموا ببلاش طول اليوم . ومش مهم توصيلة كمبيوتر ولا يحزنون ...

2- طب لو عندك جهاز وعايزه تتصلي على تليفون عادي او موبيل في مصر .. يبقى بتتدخلي على موقع الشركة بتاعت الجهاز وبتشتري رصيد شحن من عندهم ولنقل 10 دولار مثلاً .. وتتصلي بأي تليفون في مصر بـ 17 سنت الدقيقة تتخصم من رصيدك .... وممكن برضوا ي تليفون في العالم ولو اوروبا أو أمريكا زي ما بأعمل مع سكاي بي يبقى يا مزاجو يا مزاجو ... العشر دقايق بأتكلمهم حضرتك بريال سعودي واحد فقط لا غير واللي ما يشتري يتفرج ...

طب حل ثالث : بالنسبة للساندوتش الكومبو قصدي الجهاز الكومبو بتاع تامر . حضرتك يكون عندك جهاز مش شرط كومبو .. ويكون عند الوالد جهاز كومبو - بروحين يعني فيه وصلة دي إس إل .. ووصلة لمدخل خط تليفون عادي ... - وإنتي دلوقت عايزة تتصلي على أختك ام أبراهيم القاطنة بدير النحاس .. في حين والدك ساكن في أمبابة مثلاً .. وقلنا إن الجهاز دلوقت موجود في امبابة ... فبتتصلي حضرتك على أمبابة عادي وبعدين تدخلي كلمة سر إنتي عاملاها بنفسك .. يروح محولك على خط التليفون العادي هايطلب منك تدخلي أي رقم مصري عايزه تتصلي به ... والفاتورة في النهاية هاتيجي على تليفون إمبابة كإنها إتصال من تليفون إمبابهة إلى موبيل عادي ... والوالد اللي هايدفع ... بس لازم يكون في التليفون ده خاصية الزيرو أو الإتصال المحلي زي ما بيسموه في مصر ..

وتسلمي وتعيشي ..

المهم مروان عامل إيه دلوقت ؟

[لونا]

طب لو سمحتم يا جماعة حد يقول لنا نجيبه منين فى الرياض؟ وشكرا مقدما

[se_ Elsyed]

طب لو سمحتم يا جماعة حد يقول لنا نجيبه منين فى الرياض؟ وشكرا مقدما

جاري البحث عن جودة كويسه وسعر معقول .. وسنوافيكم بالاخبار ..

هنا المنفوحه

حوووول

[Modest]

طب لو سمحتم يا جماعة حد يقول لنا نجيبه منين فى الرياض؟ وشكرا مقدما :blink:

جاري البحث عن جودة كويسه وسعر معقول .. وسنوافيكم بالاخبار ..

هنا المنفوحه

حوووول

موجود نوعين من الجهاز في جدة في مركز الباروم و لسه متصل من دقيقة بالمحل اللي بيبيعُه (مع إني مش هاشتري بس كله علشان خاطر مصر )

الجهاز "الكومبو" (اللي هو بيتصل عن طريق الـ DSL أو الـ Dial up و معاه بيبسي حجم كبير ) سعره 1100 ريال للجهازين.

الجهاز العادي (يتصل عن طريق الـ Dial up فقط ) سعره 900 ريال للجهازين.

سعر خاص لأخويا و حبيبي سي السيد .. الكومبو على 1500 و العادي على 1200

اسم المحل و رقم تليفونه موجودين معايا .. نذيع يا سين سين؟

هنا أم درمان

[se_ Elsyed]

ما تراعينا يا حج موديست عشان تربي زبون ...

أنا ممكن أخد منك حتتين دلوقت .. حته عادي وحته كومبو مع البيبس ...

بجد والله

طب ما تسألهم كده يا موديست هل لدى محلاتهم فروع أخرى بالرياض

وذيع يا عم إن شالله ما حدش حوش ...

وخليني برضوا أسأل أولادنا في فرع جده يمكن يكون البروم ده زبون لشركتنا ويدينا سعر حونين ..

بس إنت متاكد إن إسمه الباروم .. ولا هو البارون وإنت عندك برد فالميم قلبت نوم قصدي نون ؟

[سكر]

يا جماعة الخير الجهاز موجود فى الرياض وانا الحمد الله اشتريتة من الرياض الاسبوع دة وكان فى ناس اصحابى اشتروة من سنه تقريبا بس انا كنت مكبر دماغى عشان كنت بسافر كتير

والجهاز سعرة ارخص من كدة بكتير

الكمبو 450 ريال للواحد

والعادى 350 ريال للواحد

بس انا اسف مش قدر اقول على اسم المحل عشان فى لبش على الموضوع من شركة الاتصالات (حسب كلام البياع الله اعلم)

بس دور كويس فى حراج الكمبيوتر بالعليا

[Modest]

ما تراعينا يا حج موديست عشان تربي زبون ...

أنا ممكن أخد منك حتتين دلوقت .. حته عادي وحته كومبو مع البيبس ...

بجد والله

طب ما تسألهم كده يا موديست هل لدى محلاتهم فروع أخرى بالرياض

وذيع يا عم إن شالله ما حدش حوش ...

و لما أذيع هاعرف أقلّبك في قرشين و أنا بابيع لك البتاع ده إزاي :lol:

عموماً هاذيع و خيرها في غيرها .. المحل اسمه "وقتي الجديد للحاسب الآلي" اسم مش عاطفي خالص .. و رقم تليفونه 6524166

و هاسألهم لما يفتحوا الساعة 10 إذا كان لهم فرع في الرياض و لا لأ.

بس إنت متاكد إن إسمه الباروم .. ولا هو البارون وإنت عندك برد فالميم قلبت نوم قصدي نون ؟

تصدق كان إسمه الباروم لغاية من كام يوم و عليه يافطة كبيرة مكتوب عليها BAROOM ... إمبارح كنت ماشي قدَّمُه لقيتهم غيروا اليافطة و بقى إسمه P M E :sad:

لكن على مين .. هايفضل إسمه الباروم زي ما الناس اتعودت عليه.

زي سبس كده ..فاكرُه؟ .. أهم هدموا التمثال من 50 سنة و برضه الناس لسه مسمياه سبس smk:

[se_ Elsyed]

بتعمل على اخوك شغل يا موديست ؟

اهو الجهاز طلع بـ 450 في الرياض .. وكومبو مع بيبس وفرنش فرايز ..

ولا فرق العُملة بين جده وبين الرياض عمل كده ؟

وانا اللي عمال أقول ما خلفتش غير موديست .. ده الامانة موديست .. والنزاهه موديست .. والعفة موديس ...

إتصافى بقى مع اخوك تامر .. اهو أنتو تجار اجهزة تعويضية زي بعض .. واعرف لنا منه هل هو نفس النوع .. لا ده ساندوتش وكهوا ساندوتش تاني

أخوك سيد كباين ... سنترال النزهة

[se_ Elsyed]

وصلني منذ قليل من مصدر مصري موثوق فيه في مجال تقنية المعلومات والإتصالات بإن جهاز الكومبو بيكتشفوه في مصر بمنتهى السهولة .. وفيها قضية أموال عامة وامن دول ومرمطة

لإن ببساطة شركة الإتصالات المصرية بتحتكر رخصة الإتصالات الدولية .. حتى شركات المحمول لا تستطيع أن تمرر مكالماتها الدولية إلا عن طريقها

وبالتالي هم لديهم أجهزة لإكتشاف موضوع تمرير المكالمات ده ..

بشكل أبسط ومُلخص ... تشتغل من جهاز لجهاز متوصل على الدي إس إل ... ما فيش أي مشكلة ..

تقلب كومبو وتوصل الجهاز على خط التليفون العادي ومن هناك تتصل بأي خط بحيث يتحسب عليك كإنها من تليفون مصري لتليفون أخر سواء عادي أو به خاصية الزيرو ... كده تلاقيهم في أي وقت كابسين عالبيت وواخدينك وواخدين الكومبو وبقت قضية ..

موديست ... سُك عالكومبو .. وخلينا في العادي يابويا

أي نعم مش أنا اللي هاتمسك لكن اللي هايبقى عنده الجهاز ... لكن برضوا الواحد لازم يبص بعينه ويرحم بقلبة

[لونا]

اتصلنا بالمحل اللى قال عليه استاذ موديست فى جدة وقال انه ليس له فرع فى الرياض واخر كلام فى السعر 500 ريال للجهاز الكومبو ولكن بعد مداخلة استاذ س س مالوش لازمة الكومبو خلونا فى العادى .

ياريت بقه يا استاذataamer تبعت لى على الخاص اسم المحل ويبقى كتر خيرك :lol:

[vipwithyou]

يا جماعة الخير بس توضيح بسيط ان الكومبو دة مش الجهاز اللى انا اقصدة

الجهاز اللى انا اقصدة اسمة 11L

ودا سعرة فى الرياض 640 ريال

انما الكومبو دة شغله حاجة تانية خالص

وسعرة 440 ريال تقريبا

الكومبو دة ببساطة بيشتغل على الدى اس ال وعلى الدايل اب لكنه لا يتصل على اى خطوط ارضية

لكن فقط يتصل منه الى اى جهاز بست آى بى او اذا تم شحنه من خلال الشركة كدة نتكلم بفلوس على اى تليفون

لكن الجهاز 11L دا هو اللى بيشتغل على الدى اس ال وفى نفس الوقت لو موجود واحد منه فى مصر دا اللى ممكن من هنا تتصلوا عليه ويحولكوا على اى تليفون ارضى او موبايل حسب خاصية تليفونك هناك

بس حكاية المشكلة مع الاتصالات دى مش عارفها بصراحة

بس كدة يبقى 11L هو اللى فيه خطورة

لكن الكومبو المفروض انه برىء من الموضوع دة

ومفيهوش اى خطورة بل بالعكس له ميزة انك تشغلى اما على دى اس ال او على دايل اب

ودا بصراحة تحفه فعلا

ارجوا من الجميع التريث حتى نتأكد من الأفضل

شكرا

تامر السيد

[om marawan]

بنت ديرتنا ام مروان ... صبحك الله بالخير

بإختصار

1- لو عندك جهاز وعند والدك جهاز متوصل على دي إس إل ... يبقى تتكلموا ببلاش طول اليوم . ومش مهم توصيلة كمبيوتر ولا يحزنون ...

2- طب لو عندك جهاز وعايزه تتصلي على تليفون عادي او موبيل في مصر .. يبقى بتتدخلي على موقع الشركة بتاعت الجهاز وبتشتري رصيد شحن من عندهم ولنقل 10 دولار مثلاً .. وتتصلي بأي تليفون في مصر بـ 17 سنت الدقيقة تتخصم من رصيدك .... وممكن برضوا ي تليفون في العالم ولو اوروبا أو أمريكا زي ما بأعمل مع سكاي بي يبقى يا مزاجو يا مزاجو ... العشر دقايق بأتكلمهم حضرتك بريال سعودي واحد فقط لا غير واللي ما يشتري يتفرج ...

طب حل ثالث : بالنسبة للساندوتش الكومبو قصدي الجهاز الكومبو بتاع تامر . حضرتك يكون عندك جهاز مش شرط كومبو .. ويكون عند الوالد جهاز كومبو - بروحين يعني فيه وصلة دي إس إل .. ووصلة لمدخل خط تليفون عادي ... - وإنتي دلوقت عايزة تتصلي على أختك ام أبراهيم القاطنة بدير النحاس .. في حين والدك ساكن في أمبابة مثلاً .. وقلنا إن الجهاز دلوقت موجود في امبابة ... فبتتصلي حضرتك على أمبابة عادي وبعدين تدخلي كلمة سر إنتي عاملاها بنفسك .. يروح محولك على خط التليفون العادي هايطلب منك تدخلي أي رقم مصري عايزه تتصلي به ... والفاتورة في النهاية هاتيجي على تليفون إمبابة كإنها إتصال من تليفون إمبابهة إلى موبيل عادي ... والوالد اللي هايدفع ... بس لازم يكون في التليفون ده خاصية الزيرو أو الإتصال المحلي زي ما بيسموه في مصر ..

وتسلمي وتعيشي ..

المهم مروان عامل إيه دلوقت ؟

تسلم ايدك ياريس على التوضيحات المبسطة اللى للناس اللى على قد حالهم زى حالاتى كده

انا قريت كمان تحذير لا تشرب الدواء الدواء فيه سم قاتل بتاع الكومبو وكتر الف خيرك

هنودى الجمايل دى كلها فين

مروان بيسلم علي عمر ومستنيه يلعبوا سوا ميكانو :wub:

[Nile Bird]

يا ريت يا جماعة لو حد عنده معلومات ازاى نحصل الجهاز ده فى الكويت

[tawfeek]

ياجماعه فيه برامج أتصالات بتزلها من علي النت زي مثلا 12VOP ,وده برنامج رائع بأتصل علي مصر الدقيقه ب 70 ريال 145 دقيقه والصوت جميل جدا وتبع رسائل لجميع أنحاء العالم مجاننا وكمان بيكون فيه عروض مجانيه لبعض الدول تتكلم ليل ونهار ببلاش وده بدل الأجهزه ووجع الدماغ

[hishamelsayed]

السلام عليكم جميعا

الاخوة المهتمين بهذا النوع من الاجهزة متوفرة في السعودية عن طريق احد الاخوة المصريين ،،، وانا عرفت ان عنده اسعار اقل من اللي على النت ،،وكمان اسعار المكالمات يقدر يحولك على طول ،،،،

عموما انا ماعنديش تفاصيل اكتر عن اسعار الاجهزه او الرصيد او الطريق وان كان بيقولوا انه ارخص من اسعار الشركة نفسها ،،، مين وازاااي ،،، هنشووف

يتبع ،،،،،،،،،،،،،،،،،،

[hishamelsayed]

يا جماعة موضوع الاجهزة فيه جديد

ده رقم موبايل الشخص المسؤل عن الموضوع ده ،، وهو اخ مصري اسمه عبدالرحمن تقريبا

اسعار الاجهزة كالتالي

10L 500 Rial

10D 500 Rial

Combo 650 Rial

التوصيل مجانا داخل الرياض ،،، وعلى الاخوة المجاورين التنسيق مع الاخ عبدالرحمن

رقم الموبايل 0542053982

الدفع كاش عند الاستلام ويمتنع الوسطاء

ولا عزاء للسيدات

تحياتي

[Mohamed Khalaf]

يا جماعة حيرتونى معاكم - من الأخر هو الجهاز مسموح بية فى مصر ولا لاة - لأن علشان أدفع 600 ريال فى جهاز مينفعشى أعمل بية مكالمات محلية يبقى ملوشى لازمة لأن الكمبيوتر موجود والنت كتر خيرة وبالياهو ماسنجر وبخلص كل حاجة بيهم