كندا يوم بيوم

[دعاء]

:blink: yassir

شكرا جزيلا علىردك وسعة صدرك وكان الله فى عونك دائما على قدر ما تعين اخوانك فى المنتدى واكثر ،

واكثر الله من امثالك

wagdi

اولا احب ارحب بيك تانى بعد الغياب والف مليون مبروك على المولود الجديد والف حمد لله على سلامة المدام

الحقيقة مش عارفة اشكرك ازاى على اهتمامك بموضوعى لان الموضوع ده كان قلقنى جدا جدا

لاننا ممكن ناخد الفيزا قبل ميعاد الولادة باسبوعين مثلا فكنت خايفة جدا من انى لو استنيت اولد فى مصر ده ممكن ياخر لنا السفر مدة طويلة ممكن توصل لسنة

علشان كده كنا عاوزين نلحق نسافر بسرعة قبل الولادة منعا للتاخير وكفاية التاخير اللى حصل معانا فى انتظار الكشف الطبى وما زال

لكن لما حضرتك بتقول انكم مريتوا بنفس التجربة وحضرتك متاكد ان التاخير ممكن لا يزيد عن ثلاثة اشهر فدى بسيطة ممكن نستحملها

على العموم ولو ماكانش فيها ازعاج اذا حضرتك اتاكدت لى من موضوع مصاريف الولادة فى الثلاث شهور الاولى قبل التامين الصحى اكون ممنونة جدا

واشكرك جزيل الشكر على النصيحة الغالية

mil:

[Einstein]

اخي الكريم yassir

موضوع جميل جدا و اسلوب متميز

هيفيد الكتير من الاعضاء ان شاء الله

بمناسبة الولادة ،

هل لما الام تولد في كندا والابن ياخد الجنسية مباشرة ، يحق لها انها تقدم علي الجنسية لانها حاضنة الطفل الكندي ؟

مع تحياتي وتمنياتي لك وللجميع بالتوفيق

[دعاء]

اخي الكريم yassir

موضوع جميل جدا و اسلوب متميز

هيفيد الكتير من الاعضاء ان شاء الله

بمناسبة الولادة ،

هل لما الام تولد في كندا والابن ياخد الجنسية مباشرة ، يحق لها انها تقدم علي الجنسية لانها حاضنة الطفل الكندي ؟

مع تحياتي وتمنياتي لك وللجميع بالتوفيق

:blink:

Einstein

اسمحلى ارد على استفسارك

الاجابة هى ( لأ ) الطفل المولود فى كندا ياخذ الجنسية مباشرة ولكن هذا لا يفيد والديه فى شئ وسيقدم طلب الجنسية بعد ثلاث سنوات برضه

mil:

[احمد عبده]

والله يا استاذ ياسر انت دمك خفيف وزي العسل :lol:

شكرا اخويا الكبير ياسر علي الرد واسف لتاخر ردي

بالنسبة لل 100 دولار اللي انت عايزهم باقي ال3 اللاف

فدول يتخصموا من ال 513 دولار اتعاب تفكيرك اني اولد البيبي

يبقي ليه 413 قول 700 دولار ( عملة قديمة وصغيرة مش مترقمة ومن فئة 7.5)

وبعدين انا لما فكرت وسرحت في الولادة وتخيلت الممرضة وهيا بتقولي الحق يلي لسة ما بقتش دكتور ( لسة في سنة خامسة) بنت ياسر عمدة المصريين فكرت الحبل السري صوبع سجق طويل وكلته وشوف صرفة لانها حالفة ما تنزل الا بعد منجيب 16 رغيف حواووشي و شفشق عصير قصب في الوريد و انا ضارب لخمة جامدة تقولش لخمة راس بتاعة جاموسة عبيطة كانت بتمشي حافية

ولادة زي دي تكلفك مش اقل من 19 - 14 الف

لا مؤاخذة انا راجل استغلالي و الحياة فرص

وبعدين انا بعمل شغل نضيف و بجيب عيال كبيرة اصلا تدخلهم المدرسة علطول

ومبروك البنوتة

ومستنين الحلقة الجاية

[wagdi]

الأخت دعاء....

أنا كلمت إنهاردة الRAMQ... سعادتك الحمل والولادة متغطيين في التلات شهور الأوائل... أول ما بتوصلي بتقدمي على كارت التأمين الصحي وهما بيدوكي جواب بتقدميه في الكشوفات وللمستشفى وده بيغني عن الكارت في الفترة دي...

كدة تبقى إتحلت من ناحية المصاريف...

نيجي بقى على المهم...

طبعاً موضوع إنك تيجي قبلها بشهر أو حتى شهرين ده مانصحكيش بيه ابداً... لأن زي ماقلتلك التدوير على دكتور كويس بياخد وقت... هيا الولادة لو طبيعية ومافيهاش مشاكل الدكتور مش بيفرق كتير... لكن لو قيصرية مثلاً فهنا طبعاً لازم تبقى واثقة في الدكتور و المستشفى لازم تكون كويسة علشان حتقعدي فيها أربع أيام على الأقل...

بالمناسبة ده موقع لطيف أوي بيديكي rating للدكاترة بتوع كندا كلهم وكمان المستشفيات إلى شغالين معاها، عناوينهم وأرقام تليفوناتهم...

http://ratemds.com/social/?q=node%2F28882&sid=60

موضوع إنك تولدي في مصر وبعدين تعملي للطفل ورق هجرة ده انا أفضله....

في حالتي زي ما قلتلك سافرنا وكانت بنتي عندها 4 شهور... يعني الإجراءات كلها تمت في حوالي 3 شهور... بس خلي بالك..على ايامي ورق الهجرة كله خد سنة ونص... دلوقتي أنا سامع إن الموضوع بياخد اربع سنين...فهل بقى بالتبعية إضافة مولود ممكن يكون بقى بياخد وقت أطول ده أنا مش متأكد منه.... وعلشان تبقى مطمنة إتصلي بالسفارة واسأليهم....

أنا كدة جبتلك المواضيع على بلاطة وإنتي دلوقتي عليكي تقرري وتشوفي إيه إلى يناسب ظروفك... وبالتوفيق إن شاء الله وتقومي بالسلامة وتيجوا بالسلامة... أو تيجوا بالسلامة وتقومي بالسلامة... وفي جميع الأحوال لو فيه اي حاجة ممكن نعملها من هنا قوليلي ولا تترددي...(حلوة لا تترددي دي؟)

أستأذنك ما ترديش عليا في هذا الموضوع وممكن ننقل الحوار في موضوع كل ما تريد معرفته... علشان الموضوع هنا مايتحولش لسؤال وإجابة ونسيب الأخ ياسر يكمل بأسلوبه الجميل موضوعه...

إلا صحيح يا أخ ياسر... ماينفعش تبعت شندوستين سجق بالبيوروليتور لأخوك وجدي...

وزود الطحاين وحياتك...

جوعتني يا شيخ...

وفتحت نفسي على الهجرة لكندا... :lol:

[yassir]

موضوع اكتر من ممتاز ومواقع جديدة وجميلة .

حضرتك اتكلمت عن السكن للقادم الجديد ياتري لو عندك مواقع خاصة بالايجار المؤقت ولو اي حاجة تفيد بيها اي ناس هتنزل تورنتو لاول مرة علي حسب خبرتك الشخصية.

الاخت مصريه و مغتربه , مبروك مره تانيه الحصول على الفيزا و ربنا يوفقكك انتى و الأسره هنا انشاء الله,

ليا سؤال بسيط , يعنى ايه مؤقت؟ لأن أنا مثلا ليا أقارب و أصدقاء بيجوا من الخليج و السعوديه علشان اللاندج بس , يعنى مؤقت بالنسنه لهم حوالى 10 أيام ...أسبوعين ....يعنى يادوب ال sin و ال ohip و يرجعوا لأشغالهم فى الخليج فالموتيل أسهل شىء ليهم خصوصا لو اسره صغيره زى 3 مثلا ....http://www.hihostels.ca/en/home.aspx

لكن اذا كانت المده الغرض منها مثلا استكشاف المكان و الذهاب لمقاطعه تانيه فايجار شقه مملوكه لفرد بيكون أفضل لأنه بيوافق على مده قصيره أقل من سنه مادام بياخد تأمين أو الفلوس كلها مقدم لكن لو أجرتى من management زى المواقع دى http://www.rentmaps.ca/rentersmx/

http://www.torontorentals.com/

http://www.247apartments.com/ لو دورتى على تورنتو http://www.247apartments.com/asp/Public/Se..._results_CA.asp

مش بيوافقوا أقل من سنه و مش حتعرفى تخلصى منهم بسهوله قبل مده العقد مايخلص لو عايزه تنقلى ....

الشقق و البيوت المملوكه لأفراد معظمها بيعلن عنها فى الجرايد اليوميه زى كده و ده جرنان النهارده

http://www.classifiedextra.ca/cgi-bin/search/index.cgi

http://insidetoronto.yourclassifieds.ca/ads/cat/6/vid/2

http://thestar.livedeal.ca/search?zip=M1B%...es&browse=1

و كمان بتكون على معلن عنها فى محطات الأوتوبيس و طبعا الوسطاء لكن لسهولة الموضوع مالوش لازمه الوسيط لأنه غالبا بياخد ربع أيجار أول شهر علشان يدلك على شقه أو بيت مع انه الأعلانات فى كل حته ....

[yassir]

الأخت دعاء....

أنا كلمت إنهاردة الRAMQ... سعادتك الحمل والولادة متغطيين في التلات شهور الأوائل... أول ما بتوصلي بتقدمي على كارت التأمين الصحي وهما بيدوكي جواب بتقدميه في الكشوفات وللمستشفى وده بيغني عن الكارت في الفترة دي...

كدة تبقى إتحلت من ناحية المصاريف...

نيجي بقى على المهم...

طبعاً موضوع إنك تيجي قبلها بشهر أو حتى شهرين ده مانصحكيش بيه ابداً... لأن زي ماقلتلك التدوير على دكتور كويس بياخد وقت... هيا الولادة لو طبيعية ومافيهاش مشاكل الدكتور مش بيفرق كتير... لكن لو قيصرية مثلاً فهنا طبعاً لازم تبقى واثقة في الدكتور و المستشفى لازم تكون كويسة علشان حتقعدي فيها أربع أيام على الأقل...

بالمناسبة ده موقع لطيف أوي بيديكي rating للدكاترة بتوع كندا كلهم وكمان المستشفيات إلى شغالين معاها، عناوينهم وأرقام تليفوناتهم...

http://ratemds.com/social/?q=node%2F28882&sid=60

موضوع إنك تولدي في مصر وبعدين تعملي للطفل ورق هجرة ده انا أفضله....

في حالتي زي ما قلتلك سافرنا وكانت بنتي عندها 4 شهور... يعني الإجراءات كلها تمت في حوالي 3 شهور... بس خلي بالك..على ايامي ورق الهجرة كله خد سنة ونص... دلوقتي أنا سامع إن الموضوع بياخد اربع سنين...فهل بقى بالتبعية إضافة مولود ممكن يكون بقى بياخد وقت أطول ده أنا مش متأكد منه.... وعلشان تبقى مطمنة إتصلي بالسفارة واسأليهم....

أنا كدة جبتلك المواضيع على بلاطة وإنتي دلوقتي عليكي تقرري وتشوفي إيه إلى يناسب ظروفك... وبالتوفيق إن شاء الله وتقومي بالسلامة وتيجوا بالسلامة... أو تيجوا بالسلامة وتقومي بالسلامة... وفي جميع الأحوال لو فيه اي حاجة ممكن نعملها من هنا قوليلي ولا تترددي...(حلوة لا تترددي دي؟)

أستأذنك ما ترديش عليا في هذا الموضوع وممكن ننقل الحوار في موضوع كل ما تريد معرفته... علشان الموضوع هنا مايتحولش لسؤال وإجابة ونسيب الأخ ياسر يكمل بأسلوبه الجميل موضوعه...

إلا صحيح يا أخ ياسر... ماينفعش تبعت شندوستين سجق بالبيوروليتور لأخوك وجدي...

وزود الطحاين وحياتك...

جوعتني يا شيخ...

وفتحت نفسي على الهجرة لكندا... :lol:

عنينا ياباشا أحلى 12 متر مقانق باللون الأحمر الرائق ... ماركه أوعى وشك للباربيكيو يطشك و لو انها ماده قابله لانفجار من الخلطه السحريه المدعمه باللحم المفرى الحلال البلال مع قطع الفلفل الأخضر و المارنيت العجيب و هوى على الفحم هوى .....

[yassir]

الأستاذ همام المحبط : أخيرا خلصت من لسانك يا أبو عمار وقبضوا عليك بتهمه أقامه موضوع عن كندا بدون تصريح من مجلس مدينه تورنتو و ال OPP و ال NDCF و RCMP و .....

أبو عمار : و الحكومه الفيدراليه و مجلس أباء عزبه سكاربو مركز البرامبتون شرق ....ياساتر ياأخى اللى يسمع المسميات دى يفتكركم بلد بصحيح ....ايه الهيصه دى ....

همام : ايه اللى جايبك هنا السنتر بتاع ال 911

هو اللى بيجى هنا مقبوض عليه .... بالله عليك مش و انت بتقدم على الهجره خصموا منك نقط بسب انعدام الوعى الأجتماعى و التواء فى قصبه الفهم.... ياسيدى ده ورك شوب علشان الخدمه الجديده فى 911.

همام: خدمه ايه دى .....

علشان سعاتك و كتير من المسلمين هنا بيفضلوا انه زوجاتهم لما تضطرتها الحاجه الصحيه و تحتاج رعايه صحيه بتفضل رؤيه طبيبه أو ممرضه ....فال 911 حاليا بيطبقوا نظام انه لو واحده اتصلت بالطوارئى 911 تقول انها محتاجه ممرضه ....و هما بيحاولوا يبعتوا ممرضه مع الممرض .....

همام المحبط .....هأو...هأو ....الحكومه الكنديه شاغله نفسها تبعت ممرضه لواحده مسلمه ...

حد جاب سيرة الحكومه دلوقتى بنقول ال 911 فى مدينه تورنتو بناءا على طلبات اتقدمت من ال ISLAMIC FOUNDATION INSTITUATION .

همام....أبقى قابلى ياريس ...لو نسبه 1 فى الألف حصل الكلام ده حاشترك فى المنتدى الى واجع دماغنا بيه ...

لحد دلوقتى النسبه أكتر من 70 فى الميه من المكالمات تم ارسال ممرضات و متشكرين مش عايزينك تشترك ...مش ناقصه أحباط....

OPP-ONTARIO PROVINCIAL POLICE

NDCF-NATIONAL DEFENSE AND CANADIAN FORCE

RCMP-ROYAL CANADIAN MOUNTED POLICE

[yassir]

يوم الجمعه الى فات لازم يدون فى المذكرات يا أبو عمار ...كنا حنروح بلاش يارجاله ..........حريقه ...حريقه ....ألحق ياجدع عين البوتاجاز طقت شراره و مسكت فى الزيت و الشفاط ولع....و كابنيت المطبخ ولعت ... و ثوانى و الدخان ملا الصاله فى بيت أقاربنا الأعزاء..دايما بنتفرج على الحوادث من بعيد و احنا متهيأ لنا انها مش ممكن تحصل لنا ...زى مايكون حياة الأخريين فيلم و احنا المشاهدين مش حنتعور زى البطل ولا حتحصل لنا حادثه زى البطله .

و هنا ظهرت المشكله الى مكنتش فى الحسبان .

همام المحبط ...ايه الميه مقطوعه ...

كمان ...هما ساكنين فى ساقيه مكى دى منطقه جديده فى برامتون و بينها و بين المطافى 3 دقايق ....المشكله فى التليفون ...النظام بتاع الvoice over internet أو VOIP لما بتتصل ب 911 منه ....لازم يتأكدوا من العنوان منك و الست بتتصل ب 911 كانت طبعا مرعوبه و صوتها رايح من الدخان ...حتى مش مركزه فى العنوان ...انما لو تليفونك عادى من روجرز و لابل و لا أى شركه بتظهر عنوانك و كمان بيقدروا يوصلولك من العنوان الى بيبعتولك عليه الفاتوره و ليهم ACCESS على المعلومات فى شركات التليفونات ...

همام ...دى زى حكايه الست اللى ماتت فى كالجرى - البرتا الأسبوع الفات لما اتصلت بالتليفون علشان عندها أزمه قلبيه و بعتوا النجده على عنوانها القديم فى تورنتو علشان المعلومات مش عاملالها UPDATE و الست ماتت علشان مش عارفين يوصللوها...

أول امبارح صدر تحذير بخصوص التليفونات ديه و بتأثيرها فى الحوادث والله لو ماشفت بنفسى ما كنت صدقت ...بس الحمد لله المطافى وصلت فى أقل من 4 دقايق و لو انك يتهيألك انهم أربع سنين و انت بتبص على الحاجه بتتحرق.

يا سيدى ما التأمين حيغطى الخسائر ..

أيوه ياعم الواعى ...الحمد لله أنها عدت على خير ...

همام المحبط: الحكايه ديه بتفكرنى بالخمستاشر اللى اتحرقوا فى ....

أبو عمار ..خلاص ياسيدى ...مصدقت تشيل الناس الطين ..حكايه و حكتها علشان الناس تاخد بالها مش حنقلبها مشرحه زينهم ....قصدى مستر زينهم ليطلع معاه الجنسيه ولاحاجه ......

[مصرية و مغتربة]

شكرا ليك اخ ياسر علي معلوماتك القيمة انا اقصد بالمؤقت مؤقت لمدة شهر لغاية ما نرتب امورنا وناخد سكن دائم.

[yassir]

منحوس الموكوس ...أضحك براحتك يا أبو عمار ...فرحان فيا علشان أخدت مخالفه ...

أبو عمار ...يابنى حد ياخد مخالفه أول مره يأجر عربيه فى تورنتو و كمان فى شارع زحمه زى كينيدى ...دا أنت فعلا يعضك الكلب فى المولد...

أعمل ايه ...نزلت أسأل على عنوان و رجعت نسيت أربط الحزام ...مفيش ثوانى لقتلك ...وى ..وى .

قوم تنط من العربيه زى بتوع حرس الرئاسه و جرى على عربيه الشرطه تقول الراجل فيه ايه هو انا عملت حاجه.

ياسيدى الغريب اعمى... و انا أعرف منين انه هو اللى حيجيلى و أنا قاعد فى العربيه و يقولى على المخالفه دا أنا متربى على قانون الطوارىء...دأنا أولت ما نزلت من العربيه الظابط و شه أحمر و أصفر تقولش شاف قائد الجناح العسكرى لحركه عمر ...

طبعا يابنى ...و الخلاصه طبعا مخالفه.

مش مهم حادفعها أونلين و خلاص .

و ليه ما تروح المحكمه ....أنا أخدت مخالفه زيها أول ما جيت... برضه حزام , و قلت مش دافع أنا ايه اللى يخسرنى نقط تأثر على الـتأمين , أنا رايح المحكمه , بينى و بينك أول مره أدخل محكمه فى تورنتو , لقيت أسماء الناس الى ليهم قضايا متعلقه على باب القاعات فضلت أدور لما لقيت أسمى ...ياسلام منور فى أخر الكشف ...حلو خلينا نشوف الناس ديه بتترافع ازاى بقى و المحلفين و ايه..... الواحد نسى المخالفه و قعد يتفرج ..

المهم الحكم ألحقنى بالحكم ...

بعينك.... فى اخر الموضوع .... المهم لا لقيت محلفين و لا يحزنون لقيت طابور كده ييجى 5 ,6 حنب السيد ممثل الأدعاء و بيسألهم حتقول ايه للقاضى مذنب و لاغير مذنب و كل واحد يحكيله و فى الأخر يقولك غير مذنب و يروح يقعد يستنى دوره , قلت ياواد و بعدين حتقول الحقيقه و لا حتكذب..

يابنى حقيقه أيه ...انفد بجلدك

مش بقولك أنت يعضك الكلب فى المولد الحمد لله مكنش معايا , قلتله مذنب و خليتها على الله ...و رحت قعدت فى القاعه , يدوب دقايق يجى الساعه 6 مساءا القاضى دخل ..

هى الجلسه سواريه ولا ايه مناظر ...

أه ياسيدى فيه محكمه بعد الضهر , المهم القاضى دخل و الست الحاجبه تعلن دخوله تقولش فخر الدين أقطاى ...راجل فلبينى مكلبظ شبه الديك الرومى لما تحشيه رز مع اللوز الأبيض و شويه بصل أحمر محمر على الفحم و حته فراوله من فوق ...ايه ده ايه الى جابنا هنا ...

الحكم الحكم أبوس منقارك ...

المهم قبل منى واد صينى معاه محامى واقف قدام القاضى وحياخد حكم يعنى حياخد حكم لقيت القاضى بيقوله أنا ححكم عليك بغرامه و القانون بيدينى سلطه توقيع العقوبه بناءا على حالتك الماديه ..عندك أى ظروف تستعدى تخفيض المبلغ...

طبعا قاله أمى عيانه و عندها سارس و أبويا مات من النودلز و شحت فيها ...

أبدا قاله عندى بنت فى الكليه ....بس و راح القاضى طاسه 150 دولار غرامه و طبعا ده مبلغ تافه بالنسبه لمصايب المرور ...

قدامك سطرين لو مقلتش الحكم حأبعت للمشرفين يحذفوا مشاركتك...

طيب متزقتش ...الواحد ميعرفش يتفك بكلمتين فى المنتدى ده ... دخلك أبو عمار على القاضى و نسى كل الكلام الى كان حيقوله ...مش فاكر أى حاجه ...قلت ياواد السكوت من لازنيا و عليها صلصه الفريدو ....القاضى يقرا الورق و يبصلى ...يانهار أسود ايه الكتابه دى كلها هو كاتب اننا كنت سايق دبابه أم 60 فى الداون تاون و لا لاقانى فى لبس الضفادع البشريه...المهم القاضى بصلى و قالى .........................أتفضل أسقطنا التهم الموجهه اليك ...أنا قلت ياواد أستنى تكون مفهمتش كويس ..طلعت كتاب البراكتس أند بروجرس بتاع الثانويه العامه لقيت الراجل كلامه مظبوط ....بصيت للواد ممثل الأدعاء ..لقيته بيقولى أتفضل خلاص....

ياسلا م ...من غير أى شرح لحالتك و لاحاجه

والله ولا فتحت بقى ...الراجل قالك دا واد لسه جديد فى البلد و أول مره مخالفه ....الموضوع مش أتاوه مفروضه على الناس ...و كل فطير و طير ...لأ القاضى له نظره فى الشحص اللى عمل مخالفة القانون ...مش مقصله فوق رقبة الناس ......أنت رايح فين يامنحوس

رايح أأقدم طلب و أروح المحكمه..

يابنى استنى لما يقفلوا جوانتناموا ....حاتشحططنا وراك .....

[madzoro]

العلم نور ..... واسال مجرب ولا تسال ..............

فعلا الواحد ممكن ماياخدش باله من حاجات كتير زي دي

شكرا ليك اخي ياسر على المجهود الرائع

و يا رب يبارك فيك و في اسرتك

[yassir]

وبعدين ضحكنا كتير حنقضى الحكايه كلها ضحك و لا ايه

الموضوع المره ديه جد بس مش ينفع نكتب فيه مره واحده ...و لازم حد يسندنا فيه , عايزين نحكى حكاية الشغل فى تورنتو .

أيوه بس ديه حكايه بسيطه يعنى شويه مواقع زى الى تحت و شويه أعلانات مبوبه من الجرائد و جهز السى فى و أبعت و أدعى ....

لكن معظم اللى تتكلم معاهم سواء بيشتغلوا أو بيدوروا على شغل فى تورنتو حتلاقيهم متفقين ان نسبه 90 فى الميه من الأشغال مش بيعلن عنها فى الجرائد و لاعلى النت انما بتكون عن طريق النتورك بتاعتك و دى أكبر مشكله بتواجه اللى جى جديد تورنتو ازاى يكون نت ورك.

خصوصا ان الفتره اللى جايه فتره كساد , يعنى النهارده مثلا فى تورنتو ستار فى القسم بتاع الأخبار الأقتصاديه خبر بيقول أن الكندين قل أستثمارهم فى الأسهم بنسبه 15 فى الميه من أول يناير 2008 و بيفضلوا يخلوا الفلوس كاش وده أدى لخسائر أكتر من 15 بليون فى الربع الأول من السنه يعنى الناس خايفه تستثمر.و بالتالى نسبه من الناس حتفقد و ظايفها و حتكون فرصه الحصول على وظيفه صعبه.

طيب مانعمل نتورك من الناس الى شغاله فى تورنتو أو حتى فى كندا عموما , انشا الله تكون زى أعلانات مبوبه على المنتدى الى شغال فى شركه أو حتى صاحب شغل خاص و شاف أعلان لشغلانه أو فى شركته عايزين وظيفه معينه ملكش دعوه هيا أيه و لاحتى تخصص ايه يعلن عنها هنا فى المنتدى .

من ناحيه اللى جى جديد يعرف ايه الشغل المطلوب , و يعدل ال cv بتاعته و من ناحيه تانيه اللى هنا و عايزها اهو تبقى أنت الريفرنس بتاعه .

صحيح فى وسائل تانيه لكن حتى الناس اللى شغلتهم مساعدة اللى جى جديد زى مركز الجاليه العربيه بينصحوا بكده لازم نعمل نت ورك .الأقليات زى الأحمديه و الأسماعليه و البهائيين و الشيعه بيعملوا كده و بيساعدوا بعض يمكن علشان عندهم فكر الأقليه و معتادين على ده حتى قبل ما ييجوا كندا .

المهم أهى محاوله مين عارف ممكن الفكره تكبر و أى حد جى نقدر نساعده و يشتغل فى أسرع و قت ...ياريت. ولكن للحديث شرح يطول و أنا الليلة مشغول...

http://www.appleone.ca/

http://www.betterlabour.com/

http://www.manpower.ca/

http://www.dynamicemployment.com/

http://www.marberg.com/about.asp

http://www.diamondpersonnel.com/

http://www.requestpersonnel.com/

http://www.spherion.ca/index.htm

http://www.us.randstad.com/

http://www.dgstaff.com/

http://www.thejob-line.com/Toronto/

http://www.staffingadvantage.ca/

http://www.excelemployment.net/

http://www.allstarjobs.ca/Ontario/Toronto_...fieds/index.htm

http://www.bayt.com

http://www.jobhunting.com/

http://www.bestjobsca.com/

http://www.brassring.ca/en

[pink floyd]

apple one + manpower مكاتب توظيف زبالة بيعملوا الناس بطريقة ززبالة ومعندهمش وظائف اصلا

[Abo Marwan]

طيب مانعمل نتورك من الناس الى شغاله فى تورنتو أو حتى فى كندا عموما , انشا الله تكون زى أعلانات مبوبه على المنتدى الى شغال فى شركه أو حتى صاحب شغل خاص و شاف أعلان لشغلانه أو فى شركته عايزين وظيفه معينه ملكش دعوه هيا أيه و لاحتى تخصص ايه يعلن عنها هنا فى المنتدى .

من ناحيه اللى جى جديد يعرف ايه الشغل المطلوب , و يعدل ال cv بتاعته و من ناحيه تانيه اللى هنا و عايزها اهو تبقى أنت الريفرنس بتاعه .

صحيح فى وسائل تانيه لكن حتى الناس اللى شغلتهم مساعدة اللى جى جديد زى مركز الجاليه العربيه بينصحوا بكده لازم نعمل نت ورك .

المهم أهى محاوله مين عارف ممكن الفكره تكبر و أى حد جى نقدر نساعده و يشتغل فى أسرع و قت ...ياريت. ولكن للحديث شرح يطول و أنا الليلة مشغول...

أخي العزيز ياسر ...

السلام عليكم

بارك الله فيك ياأخي على هذه المشاركات الجميلة والغزيرة بالمعلومات القيمة ...

فعلا ً ياأخي أنت بن بلد أصيل ...

وهذا رأي ومقترح سديد سيستفاد الكثيرين منه ..وياريت الأخوة العرب الكنادوة يشدوا حيلهم ويساهموا معاك بهذا الموضوع وكل يساهم بأمكانياته وبمعرفته وحسب وقته ...

الأقليات دائما ً بيساعدوا بعضهم لأنهم بيشعروا بحجم المظلومية الواقعة عليهم ويعتبروا مساعدة بعض واجب مقدس يسمو على كل المقدسات ويعتبرونه جزء من خطوط الدفاع عن الذات والحفاظ على هويتهم المسلوبة الحقوق ..

أمنياتي لك بالتوفيق .. والى مزيد من حلقاتك الجميلة ...

أبو مروان

[yassir]

apple one + manpower مكاتب توظيف زبالة بيعملوا الناس بطريقة ززبالة ومعندهمش وظائف اصلا

أحلى تحيه يا أخ بنكفلويد...

ياسيدى مين عارف يعنى هو يعنى مكتب واحد ولا موظف واحد... مين عارف ....دل الناس بس على السكه وهما و نصيبهم .......مش يمكن ربنا يسهل لحد عن طريقهم ....بس ايه السلامات و التحيات اللى فى المشاركه بتاعتك ديه ...حاجه مليئه بالدفء و التفاؤل و الحمد لله ....شكرا لأضافتك و أحلى تحيه

[اسكندرية تانى]

اخى الفاضل ابو ياسر

كمل انت بس و توكل على الله

[yassir]

اخى الفاضل ابو ياسر

كمل انت بس و توكل على الله

انشاء الله يا أبو حميد بس بالمناسبه نسيت شويه المواقع ديه , يارب ميكونوش مكررين و يفيدو حد هنا

http://www.jobsetc.ca/home.jsp?lang=e

http://www.workinfonet.ca/

http://www.canjobs.com/index.cfm

http://careerclick.com

http://apps5.oingo.com/

http://www.careerowl.ca/

http://www.charityvillage.com/cv/main.asp

http://landing.trafficz.com/index.php?domain=earnbyhour.com

http://www.find-a-job-canada.com/

http://www.headhunter.net/

http://canada.indeed.com/

http://jb-ge.hrdc-drhc.gc.ca/

[yassir]

طيب مانعمل نتورك من الناس الى شغاله فى تورنتو أو حتى فى كندا عموما , انشا الله تكون زى أعلانات مبوبه على المنتدى الى شغال فى شركه أو حتى صاحب شغل خاص و شاف أعلان لشغلانه أو فى شركته عايزين وظيفه معينه ملكش دعوه هيا أيه و لاحتى تخصص ايه يعلن عنها هنا فى المنتدى .

من ناحيه اللى جى جديد يعرف ايه الشغل المطلوب , و يعدل ال cv بتاعته و من ناحيه تانيه اللى هنا و عايزها اهو تبقى أنت الريفرنس بتاعه .

صحيح فى وسائل تانيه لكن حتى الناس اللى شغلتهم مساعدة اللى جى جديد زى مركز الجاليه العربيه بينصحوا بكده لازم نعمل نت ورك .

المهم أهى محاوله مين عارف ممكن الفكره تكبر و أى حد جى نقدر نساعده و يشتغل فى أسرع و قت ...ياريت. ولكن للحديث شرح يطول و أنا الليلة مشغول...

أخي العزيز ياسر ...

السلام عليكم

بارك الله فيك ياأخي على هذه المشاركات الجميلة والغزيرة بالمعلومات القيمة ...

فعلا ً ياأخي أنت بن بلد أصيل :rolleyes: :waf: ...

وهذا رأي ومقترح سديد سيستفاد الكثيرين منه ..وياريت الأخوة العرب الكنادوة يشدوا حيلهم ويساهموا معاك بهذا الموضوع وكل يساهم بأمكانياته وبمعرفته وحسب وقته ...

الأقليات دائما ً بيساعدوا بعضهم لأنهم بيشعروا بحجم المظلومية الواقعة عليهم ويعتبروا مساعدة بعض واجب مقدس يسمو على كل المقدسات ويعتبرونه جزء من خطوط الدفاع عن الذات والحفاظ على هويتهم المسلوبة الحقوق ..

أمنياتي لك بالتوفيق .. والى مزيد من حلقاتك الجميلة ...

أبو مروان

تسلم يا أبو مروان , انشاء الله حد يساهم ...معلهش فيه ظروف بتخلى ناس هنا مش عايزيين يتكلموا فى موضوع الشغل علشان احنا جايين من مجتمع بيصنف الوظايف تصنيف طبقى , يعنى فيه وظايف قمه ووظايف قاع , لما بييجى هنا و يشتغل عامل أو سباك أو ميكانيكى ....أو...أو ....بيبعد عن الناس و يتكسف يروح مناسبه اجتماعيه ليسألوه عن الشغل لكن فى الحقيقه أن الرسول أشتغل بالتجاره و أبو حنيفه باع أحذيه ....لكن احنا ورثنا عقد و أشياء سيئه عن أبائنا الأقربين و نسينا " رحم الله امرء بات كالا من عمل يده....

تحياتى ليك و للأسره و خد بالك كده الحواوشى حيبرد... :lol:

[Toronto]

apple one + manpower مكاتب توظيف زبالة بيعملوا الناس بطريقة ززبالة ومعندهمش وظائف اصلا

كل ايلي بيقوله ياسر مظبوط و بلاش تخبط معاه علشان مش حلو علشانك.. الراجل ده كفاءة و ماتقوليش كفاءةمات في خناقة علشان لسة عايش و اسمه ياسر..وماتكترش في الكلام علشان انا عارفك و عارف العمارة ايلي انت ساكن فيها. :rolleyes: