كندا يوم بيوم

[yassir]

الحلقه الحاديه عشر فى رحله البحث عن رخصه مزاوله المهنه للساده المهندسون.

فى بلاد اللحم و البطاطس ناس عتره و عايزيين يساعدوا وهم أربع هيئات ممكن تقول لسعادتك شهادتك اللى أنت حتقدمها تسوى ايه من غير مؤاخده يعنى..... أو يعنى تعمل لسعادتك ACADEMIC CREDENTIAL ASSESSMENTS ...وهى

ONTARIO COMPARATIVE EDUCATION SERVICE

ACADEMIC CREDENTIAL EVALUATION SERVICE

INTERNATIONAL CREDENTIAL ASSESSMENT SERVICE OF CANADA

WORLD EDUCATION SERVICE –CANADA

الناس الحلوه دى تنفعك لو جى تشتغل فى شركه كنديه مش بتشترط الرخصه و فيه طبعا ناس مش بتشترط الرخصه ...بتتطلب منك الشركه أنك تبعت لأى من الأربعه علشان يعرفوا اللحاف الى أنت جى بيه ده و مكتوب عليه شهادة تخرج مضروب و لا ماشى حاله مع الوضع هنا ...

الPEO بيقول لسعادتك تاخد من أى واحد منهم شهاده او اقرار أن شهادتك فل الفل و تساوى شهادة مهندس متخرج من هنا مالناش دعوه .....و كمان متبعتهلناش ....و الله شركتك موافقه عليها هما أحرار السيد عبد الروتين فى ال PEO بيقولك معلهاش ختم ورقه الشجر ...(مافيش هنا نسر بقى معلش متأخريين شويه)....تقوله ياسيدى شغال بيها فى شركه أولاد الحاج سميث و لا معمل أختبار كسر و لاتخف لصاحبه عبده خرسانه وولده ...مالوش دعوه .

[yassir]

الحلقه الثانيه عشر فى رحله البحث عن رخصه مزاوله المهنه للساده المهندسون.

طيب ياعم عبد الروتين ...اناعضو فى ال AMERICAN SOCITY FOR QUALITY و عديت امتحانتهم المهنيه مش ده يدل على خبرتى المهنيه ...

هأو ....مع السلامه شوف مصلحتك ياسيد ...

طيب ياعم عبد الروتين ...اناعضو فى ال ٍsociety of manufacturing engineers و عديت امتحانتهم المهنيه مش ده يدل على خبرتى المهنيه ...

ألعب غيرها...

طيب ياعم عبد الروتين ...اناعضو فى ال ٍInstitute of Electrical and Electronic engineers و عديت امتحانتهم المهنيه مش ده يدل على خبرتى المهنيه ...

بقولك ايه عضويه أى منظمه غير مصرح لها بأصدار الرخصه زى الطابور اللى لطعناه فى الحلقه الخامسه مالهاش أى تأثير عندنا ....خد الباب فى ايدك ...

[yassir]

الحلقه الثالثه عشر فى رحله البحث عن رخصه مزاوله المهنه للساده المهندسون...

طبعا مش محتاجه تفسير لما بتبعت ال package بيبعت ال PEO جواب ليك أو ايميل فى خلال 4 أسابيع اننا استلمنا المعلوم و طبعا لو ناقصه ورق حتعطل دراسة الورق....لو سلمت الورق باليد بتاخد الأصول بتشوفها السكرتيره.............حاجه ....موز ...موز .....يلسيدى بتكلم على الPACKAGE انت مخك راح فين بس .....و تاخد الأصول تانى .

[Abo Marwan]

الأخوان تورنتو / عمر ... ياسر /أبو عمار ..

السلام عليكم ..

ياريت ياخوي بعدما تخلص من هذا الموضوع ...أنت والأخوة العرب الكنادوة وبالأخص أخي عمدة تورنتو / تورنتو /عمر الي رجع نور المنتدى من تاني ، ونفتح موضوع جديد / أمكانية عمل مشروع خاص صناعي أو تجاري للمهاجر العربي في كندا /

ماهي المدة الي يحتاجها للدراسة لعمل المشروع ؟

وماهي الأجراءات الرسمية المطلوبة ؟

وماهو دور البنك في المشاريع الخاصة ؟

وماهي المشروعات الي ممكن تتعمل؟

المال المطلوب؟

المدينة المناسبة ؟

بالرغم من علمي أنه هذا يحتاج الى دراسة ميدانية و لمدة ليست قصيرة لمعرفة متطلبات السوق..

بس يارت نحكي تجارب أخوتنا العرب في المشاريع الخاصة عندكم في كندا حسب معرفتكم .. وماهية هذه المشاريع ؟

مع خالص التحية والتقدير

أبو مروان

[yassir]

الحلقه الرابعه عشر فى رحله البحث عن رخصه مزاوله المهنه للساده المهندسون

الخاتم الصغير ياما بيغير....لا ياسيدى لسه نافوخى مضربش ...الخاتم ده خاتم المهندسين بيلبسوه فى الصباع الصغير قال ايه علشان تفضل فاكر القسم اللى أقسمته هنا فى خدمة المجتمع ...

طيب و ده ايه علاقته بالتقديم

مش لاحظت برضه فى ال APPLICATION انه مطلوب REFERENCE من ثلاثه يعرفوا خبرتك الهندسيه الجامده .ياوعدى لو التلاته معاهم الرخصه ....أوعى وشك ...تحط رجل على رجل ....و تضرب باب مكتب الPEO اللى فى شبرد برجلك و ترميلهو الورق على .....

شفتوا أهمية النتورك ...ثلاثه أشخاص مهندسين عرب ممكن يغيروا حياتك من واحد بياخد 8 دولار فىالساعه فى مصنع و لا كوفى شوب لواحد بياخد 35 دولار فى الساعه ....علشان كده مش حأبطل أكتب أنه لازم نقف مع بعض ....مين تفتكر حيعبرك ...الفلبينى ولا السيرلانكى و لايمكن الهندى...لا لا الصينى ياحلاوته ....محدش حيقف معاك غير ابن بلدك ....يمكن متصدقش دلوقتى بش أتمنى أنك يوم متصدق ميكونش يوم ما تندم....

هى قلبت غم كده ليه ....معلش شويه حكم لزوم القعده ...نكمل المسيره... الثلاثه اللى يعرفوا سعادتك لو مهندسين معاهم الرخصه و خلينا محترفين بقى اسمهم P.ENG واحد منهم لازم يكون رئيسك فى العمل و من حقك لو قلتله و رفض انك تكتب كده أنه رئيسك و رفض و معلهاش أى عقوبه أو ضرر ...

طبعا و انت لسه جى ده اللى بتدور عليه هو الخاتم ده ...اللى لابسه هو ال P.ENG ..طبعا بتحاول تتعرف عليهم و ابقى قابلى لو واحد من الجنسيات اللى قلتها وقف معاك ....

طبعا و انت جاى من بلادنا الحره العزيزه مش بيطالبك ال PEO بالشرط ده..... أنهم يكونوا P.ENG أنا كنت بقول يا سلام لو كانوا ....انما الريفرنس بتاعك بيكون الناس اللى أشتغلت معاها فى المشاريع بره كندا ...

[yassir]

الحلقه الخامسه عشر فى رحله البحث عن رخصه مزاوله المهنه للساده المهندسون

و الله ضارب الريفرنس و لامظبوط مش موضوعنا المهم لما تحطه فى الPACKAGE حاول تكتبه بالشكل ده ..

COMPANY ‘S LOGO

COMPANY ADDRESS

DATE:

To Whom It May Concern or directly to PEO

1-Period of common work with applicant , as professor, supervisor, colleague, mentor ,etc

2-Applicant ‘s engineering work competency.

3-Area of expertise, brief list of projects or achievements

4-If applicant has shown good character, discipline, ethical behavior and professionalism .

5-Referee’s recommendation for admission in PEO and intention to reply to further enquiries .

6- Referee’s name , title and or position signature and company seal

.

[yassir]

الحلقه السادسه عشر فى رحله البحث عن رخصه مزاوله المهنه للساده المهندسون

ربنا كرمك و قدمت ....ايه بقى اللى بيحصل فى المبنى الشيك و انت عامل مش واخد بالك و بتشرب قهوه فى اللوبى تحت يمكن ربنا يكرمك بواحد من اللى لابسين خاتم سيلمان الى حكينا عليه ...

طبعا مش حنتكلم على المتخرج من هنا ...مش فاضيله دلوقتى ...أحنا فى الغرقه اللى احنا فيها ...احنا بنتكلم على المتخرج من كليه خارج كندا يعنى البرنامج الدراسى الى درسه مش معادل للكندى ....ناخدها واحده...واحده .

ال ACADEMIC REQUIREMENT COMMITTEبصوا على الشهاده .......شهادتك أربع سنوات دراسه و من تقديراتك و المواد اللى درستها فى الكليه و الساعات و ملخص المواد اللى انت كاتبه جنب كل ماده ...وجدوا ايه ....

الأحتمال الأول ...لقوها معادله للبكالريوس الكندى (CEP ) .....و عندك 5 سنين خبره خش على ال confirmatory exams.....نجحت .... خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

الأحتمال التانى ...لقوها معادله للبكالريوس الكندى (CEP ) .....و عندك 5 سنين خبره بس مش عايز امتحانات .....من حقك مقابله مع الERC ....نجحت ...................خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

الأحتمال الثالث ...لقوها معادله للبكالريوس الكندى (CEP ) .....و عندك 5 سنين خبره بس مش عايز امتحانات .....من حقك مقابله مع الERC ....منجحتش ...................خش على confirmatory exams ......نجحت .......خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

الأحتمال الرابع ...لقوها ماستر أو Ph.D ممكن تعفى من ال confirmatory exams خد بالك من ممكن مافيش قاعده أو لائحه تجبر ال arc يعفوك... لكن 99 فى الميه ده اللى بيحصل.... خش على طول على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

[yassir]

الحلقه السابعة عشر فى رحله البحث عن رخصه مزاوله المهنه للساده المهندسون

الأحتمال الخامس ...لقوها مش معادله للبكالريوس الكندى....... علشان مده الدراسه أقل من أربع سنوات أو الدراسه مش متعمقه للدرجه المطلوبه .....هنا فى ثلاث احتمالات فرعيه

أولا البرنامج اللى انت متخرج منه سنتين...... بيرفض الطلب مهما كان عدد سنوات الخبره.

ثانيا متخرج من برنامج ثلاث سنوات و عندك خبره 10 سنوات يطلب منك عمل امتحانات محدده لأن مؤهلك بيقع بين الدبلومه و البكالريوس ومن حقك مقابلة ال ERC علشان تثبت خبرتك العمليه و تعفى من أكبر عدد ممكن من الأمتحانات دى....لو نجحت فى المقابله ..... خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

لو منجحتش فى المقابله يتحدد لك امتحانات تكملها فى مده اقصاها 8 سنوات علشان تخش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

ثالثا متخرج من برنامج ثلاث سنوات و معندكش خبره 10 سنوات يطلب منك عمل امتحانات اسمها BASIC EXAMS الأول ......نجحت فيها ....يتحدد لك نفس امتحانات الشخص الى عنده 10 سنوات خبره .......نجحت ........ خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

[yassir]

الحلقه الثامنة عشر فى رحله البحث عن رخصه مزاوله المهنه للساده المهندسون

الاحتمالات الأربعه الأولى هى الغالبه ...و من الأيميلز اللى جاتلى من الأخوه و الأخوات هنا على الخاص كلهم من أحد الأربع الاحتمالات الأولى ....معلهش...أعتذارى للأخوه أبو مروان و مصريه ومغتربه و البورينى و محمد أبو دقه و مزاميزو و كل الأخوه....... اصبروا معايا شويه اسئلتكم كلها انشاء الله تلاقوا ردها فى الموضوع علشان تكون فايده لنا كلنا بدل ما ابعت لكل واحد رساله لوحده على الخاص...

الحلقات الجايه انشاء الله ندرس الأحتمالات واحد واحد .........سلام مؤقت...

[yassir]

الحلقه التاسعه عشر فى رحله البحث عن رخصه مزاوله المهنه للساده المهندسون

الأحتمال الأول ...لقوها معادله للبكالريوس الكندى (CEP ) .....و عندك 5 سنين خبره خش على ال confirmatory exams.....نجحت .... خش على ال PRFESSIONAL PRACTICE EXAMINATION ......نجحت ....مبروك عليك ال PROVISIONAL LICENCE صالحه لمده سنه و قابله للتجديد فاضلك سنه 12 شهر تشتغلهم فى CANADA علشان بقى P.ENG .

أولا..... عرفوا منين أنها معادله ...سبق و قلت انهم بيقارنوا بين شهادتك و شهادات مهندسين متخرجين من نفس الكليه علشان يشوفوا الكورسات أتغيرت أو فيه كورس أتلغى و أتحط مكانه كورس تانى .....و كمان بيراجعوا من الداتابيز شهادات الناس اللى تم أختبارها قبل كده حتى لو منجحوش ....متقلقش عندهم معلومات 600000 مهندس .....حيلاقوا شهادتك يعنى حيلاقوها حتى لو واخد الشهاده من جزر القمر..

ثانيا ...ايه بقى ال CONFIRMATORY EXAMS ديه...... أولا عددهم أربعه و الجدول بتاع الأمتحانات مقسم حسب تخصص المهندس كل تخصص ثلاث مجموعات حسب الجدول اللى حنرفعه الحلقه الجايه ...

لو أخدت كورسات فى موضوعات الأمتحانات فى جامعه كنديه و أمتحنت فيها فى الكليه نتيجه الأمتحان اللى عملته فى الكليه لا تعفيك من الأمتحان فى الPEO ......هو كده عاجبك و لا لأ .....

طيب أفرض تقديراتك ضعيفه ....فى الحاله دى ممكن تشيل أمتحانات أضافيه مش بس أربعه ...(طبعا ديه حاله مالهاش قاعده و بتختلف من واحد لواحد) ...أو تمنع من أختيار الأمتحانات ...يعنى يفرض عليك مواضيع معينه للأمتحانات مش تختار من الجدول اللى أنت عايزه ....

بس رأيى ......و محدش يحاسبنى عليه ...ده رأى ....لو جايب مقبول فى كل المواد كل السنين ....مش حتشيل حاجه أكتر من واحد أو أتنين كمان .....بقول رأيى ....ايه بلاش أقول رأيى ...

جدول ايه ....

ما قلنا حنرفعه المره الجايه ...و فيه كل أمتحانات المعادله لجميع التخصصات ....

ثالثا ....ايه ال PRFESSIONAL PRACTICE EXAMINATION ده ياسيدى جزئين بس ها شىء شرحه يطول و أنا الليله مشغول ...............

[madzoro]

اخي العزيز ياسر / ابو عمار

الله يجزيك خير على مجهودك العظيم

بخصوص المعماريين .... اللي اعرفه انهم لا يتبعوا ال PEO

بس تقريبا بيموروا بخطوات زي اللي حضرتك ذكرتها و اللي فهمته من خلال تصفح المواقع الخاصة بمجال العمارة في كندا بجميع ولاياتها و مقاطعاتها انه لازما و لابد ان يكون معايا ماستر عشان اخد لقب Architect

و اقدر امارس المهنة كمهندس معماري او كمعماري عشان بعض الدول بتفصل ما بين الهندسة و العمارة

فا اللي كنت عايز اعرفه حد يكون مر بالخطوات دي في مجالي ده .... يعني حد معرفة سعادتك تسالهولنا

و اية ظروف المجال نفسه في سوق العمل .... و ايه اللي ممكن اني اعمله خلال الفترة التي تسبق الوصول لكندا

و ايه الوظايف اللي ممكن اشتغل فيها خلال فترة المعادلة و الدراسة و تكون قريبة من المجال و هل هي مجزية و لا الواحد ممكن يتفرغ للدراسة احسن و نحش قرشين اقبل من نوصل كندا نبعزئهم على الدراسة اللي ممكن لا تقل عن 3 سنوات

اسف اني طولت في الاسئلة

اخوك بيحاول يدرس الموضوع كويس من جميع النواحي

مديح

[yassir]

اخي العزيز ياسر / ابو عمار

الله يجزيك خير على مجهودك العظيم

بخصوص المعماريين .... اللي اعرفه انهم لا يتبعوا ال PEO

بس تقريبا بيموروا بخطوات زي اللي حضرتك ذكرتها و اللي فهمته من خلال تصفح المواقع الخاصة بمجال العمارة في كندا بجميع ولاياتها و مقاطعاتها انه لازما و لابد ان يكون معايا ماستر عشان اخد لقب Architect

و اقدر امارس المهنة كمهندس معماري او كمعماري عشان بعض الدول بتفصل ما بين الهندسة و العمارة

فا اللي كنت عايز اعرفه حد يكون مر بالخطوات دي في مجالي ده .... يعني حد معرفة سعادتك تسالهولنا

و اية ظروف المجال نفسه في سوق العمل .... و ايه اللي ممكن اني اعمله خلال الفترة التي تسبق الوصول لكندا

و ايه الوظايف اللي ممكن اشتغل فيها خلال فترة المعادلة و الدراسة و تكون قريبة من المجال و هل هي مجزية و لا الواحد ممكن يتفرغ للدراسة احسن و نحش قرشين اقبل من نوصل كندا نبعزئهم على الدراسة اللي ممكن لا تقل عن 3 سنوات

اسف اني طولت في الاسئلة

اخوك بيحاول يدرس الموضوع كويس من جميع النواحي

مديح

الأخ العزيز مديح ......و الله لك وحشه يا راجل ...تسلم على أضافتك ...الواحد ساعات بيحس أنه محدش مستفيد حاجه من اللى بيكتبه من قلة الردود ...بس ربنا يجعله فى ميزان الحسنات ...يمكن حد يعرف السكه من اللى الواحد بيقوله ....

بخصوص موضوع المعماريين ...كلامك صحيح ميه فى الميه ...مش تبع ال peo و انا قلت ده فى الحلقه الثالثه ...شفت ياعم ....ولا متابع و لاحاجه.....

بس المعماريين اللى أعرفهم هنا ....تجربتهم مختلفه عنك...لأنهم خدوها من قصيرها و أشتغلوا المتاح ....يعنى فيه واحده مصريه بتشغل أوتوكاد يعنى draft man بس اللى مطلوب أكتر طبعا هو الأليكتروميكانيكال ...,و مهندس زميل من العراق و ده عرفته فى أحد الكورسات الخاصه بالتكاليف الهندسيه ....و رغم انه معمارى قديم دفعه قديمه أوى الا انه أشتغل estimator مع builder هنا و بياخد كورسات فى الestimation علشان يحصل على رخصه من أتحاد حاصرى الكميات و ال estiamtors ...لكن معرفش حد مشى فى موضوع المعادله ....لأن ده بيتوقف على مقدرتك الماليه مش ناس كتير عندها استعداد تصرف 3 سنيين علشان بعد كده يبدأ يدور على شغل .....

فيه ناس بتحاول توفق زى ما انت ذكرت و تشتغل فى خلال فتره المعادله و الدراسه زى موضوع الdraftman و الestimator و ال construction administrator و غيره بس العائد بيكون مش مجزى ....علشان كده فى ناس بتفضل تتفرغ تماما للمعادله و تعيش على student loan و ساعات بتراكم عليك الدين ده لسنوات طويله لكن نتيجه التقسيط الطويل فى السداد ...بيفضل ناس كتير الحل ده...

و أعرف صديق عراقى اخر عمل كده فى دراسته للحصول على الدكتوراه هنا ...بس هو مدنى و القرض اللى عايش منه وصل حوالى 80000 دولار لكن يتسدد انشاء الله لما يبدأ يدرس فى الجامعه .... لكن أنا مش معاك فى حكايه الصرف على الدراسه من جيبك ...بس ده رأيى الشخصى ....زى ما قلت أنا لابقول كندا وحشه و لاحلوه أنا بقول التجارب اللى مريت بيها هنا يمكن حد يستفاد أو يمكن حد يكتب حاجه زى مشاركتك الطيبه و الواحد يستفاد منها......

بس الحقيقه ...زى ما أنت دورت و عرفت فعدد المعماريين و المدنيين فى كندا وصل لأرقام لما تقارنها بالنسبه لعدد السكان و حجم المشاريع الكبيره الى تستوعب الأعداد ديه تلاقى أنك محتاج شىء من الكفاح المسلح للوصول لهدفك ....و ربنا يكرمك و تبقى عميد معمارى كندا و تبقى سند لينا فى المجتمع ده....

[yassir]

أخي ياسر / أبو عمار ..

السلام عليك ...

تسلم ياأخي وبارك الله فيك ، وجعل الله لك في كلمة تكتبها هنا لأخوانك وأخواتك في هذا المنتدى.. نور في طريقك ...وحسنات في آخرتك .. :rolleyes:

ياأخي أول حاجة أنا مستني الولد والبنت يخلصوا أمتحانات الثانوية العامة ، وثاني حاجة أنا عامل الفحص الطبي من نهاية أكتوبر /2007 ولسة السفارة ماطلبتش جوازات السفر ، وفي كل الأحوال حتى لو طلبوها وجت التأشيرة حنستى لحد ما الأولاد يخلصوا الأمتحان في أول يوليو ... بس هذا ما يسقط حقي في نيل شرف عزومة الحوواشي عندك ..

ياأخي أحنا العرب مشكلتنا في نظرة المجتمع الطبقية والي هي أترسخت كمفاهيم وصارت ثقافة تتوارثها الأجيال .. بس هذا مايمنعش أنه كثيرين علشان لقمة العيش وتحسين ظروفهم المعيشية أشتغلوا عمال في أي عمل .. بالرغم من أنهم مهندسين أو حاصلين على بكالوريوس في أختصاصات ممتازة .. وأنا كان يجيني ناس يشتغلوا أعمال بسيطة، وبعد فترة أكتشف لديهم مؤهلات علمية ..

بس يجب أن نعلم انه العمل شرف وأذا الواحد منا أذا ما حصلش الفرصة المناسبة للعمل ، يجب ان يكافح لصنع الفرصة .. حياتنا في الشرق كلها كفاح وتعب من الولادة الى الممات في ظل أوضاع القهر الي بنعيشها... المهم الأرادة والأصرار .. يعني طالما أنه عنكم في كندا مثلما تفضلت بالأشارة اليه في موضوعكم هذا .. في أمكانية معادلة الشهادة وبدها شوية مذاكرة ليش ما الواحد يذاكر من جديد حتى يأخذ مكانه وطريقه في العمل .. ماهو ياخوي التقاعس والكسل أحياناً بخلي الواحد يختار الطريق الأسهل حتى لو كان عمل بسيط وننظر له نظرة دونية .. وكما سمعت منك ومن الأخوة هنا في المنتدى ومن أقاربي عندكم في كندا ..في كثيرين خطوا خطوات ناجحة وحققوا أنجازات كبيرة في فترات قصيرة .. وفي ناس خسرت كل فلوسها ولعنت اليوم الي فكروا يروحو الى كندا .. وفي نفس الوقت في ناس أولادهم حققوا انجازات رائعة في مجال التعليم والعمل ... وفي المقابل ناس ضيعت أولادها وبناتها وصاروا في مستويات ضحلة بالتعليم والسلوك المنحرف ..

ياأخي بعد هذا كله لانقول الا التوفيق من الله ..ورضا الله ورضا الوالدين ، و مساعدة أو دور أولاد الحلال أمثالكم الي يجيوا في طريقنا .. بس لازم الواحد يكافح ويتعب مش يجلس في البيت ويغلق الأبواب عليه ويقول .. هو هذا نصيبنا .. عسى أن تتحقق الفرصة ويجيني الشغل ..سبحانه تعالى طلب منا السعي في مناكبها وهو سبحانه وتعالى وعدنا ووعده حق أنه سيكون في عون عباده ..

ياأخي بس حبيت أذكرك عن / معادلة شهادة المنهدس الكيماوي أخبارها أيه / هي نفس هذا الطريق الي ذكرته ولا في طريق ثاني ، وكذلك معلش ياخويا لو نعرف / ماذا عن معادلة بكالوريوس الكمبيوتر / وكم يأخذ وقت وكورسات دراسة ...

لك مني ألف تحية .. ودعائي لك وللأسرة الكريمة بالتوفيق والنجاح.. fty::

أبو مروان

الأخ العزيز أبو مروان , هو ده كلام الناس اللى عايزه تنجح ....لازم نتلم كلنا و نقف جنب بعض علشان نجاحك هو نجاحى ...حنعيش و نموت عرب , معانا 30 جنسيه برضه عرب ....و المجتمع برضه حيفضل يبصلك على الوضع ده , الله يرحم الشيخ امام لما كان بيقول ...أناديكم .....أناديكم ....أشد على أياديكم ...فمأساتى التى أحيا نصيبى من مأسيكم ....

بالنسبه لموضوع المهندس الكيماوى.... اللى قالوه فى الpeo فى تعريفهم بالمعادله و ازاى تعملها كان بينطبق على جميع التخصصات طبعا عدا المعماريين علشان هنا مش اسمه مهندس معمارى ...اسمه معمارى و حتى حتلاقى الأمتحانات المطلوبه فى نفس الجدول اللى فيه مهندسين زراعه و مدنى و غيره....بكره الصبح انشاء الله حأضع الجدول هنا ....على ملف pdf ....لكن باقى الأجراءات أنا شرحتها فى الحلقات الى فاتت و انشاؤ الله أكمل شرح باقى الأحتمالات الخمسه ....

دعواتك لينا دايما أن ربنا سبحانه و تعالى يستخدمنا بس ....و يابخته اللى ربنا يستخدمه فى خير أخوانه المسلمين ...أحلى تحيه ليك و للأسره..

[madzoro]

ربنا يبارك فيك يا ابو عمار

شكرا على الرد

لعلمك انا متابع و الله بس في الويك اند تلاقيني مابعقدش على الكمبيوتر عشان الاسرة بقى :rolleyes:

اخوك / مديح

[Toronto]

ربنا يبارك فيك يا ابو عمار

شكرا على الرد

لعلمك انا متابع و الله بس في الويك اند تلاقيني مابعقدش على الكمبيوتر عشان الاسرة بقى :wub:

اخوك / مديح

العمل شرف ..و اليد العليا خير من اليد السفلي ..والأيد البطالة مش نضيفة :closedeyes:

[البوب]

بالطبع فإن كل ما الإنسان تعب كل ما هياخد على أد تعبة

لكن هذا ما نرجوة جميعاً

لأننا رايحين علشان لما نتعب في شغل نلاقي نتيجة تعبنا

لأننا هنا مهما تعبنا مش ممكفيين أي حاجة

[البوريني]

الاخ ياسر تحياتي لكم

انا كمان ياسر اسمي

الاخ العزيز اريد ان تشرح لي عن حملة الماجستير في الهدسة المعمارية ما هي فرصهم في كندا هل هم محتاجون الى معادلة ام ممكن الحصول على الرخصة مباشرة

وان قررو الدراسة مباشر دكتوراة ها هذا ممكن

وهل سوف تكون تخصصات العماري والمدني حسب اعتقادك من بين لاتخصصات التي سوف تطرج في الاحتياجات حسب القانون الجديد

اخوكم م. ياسر من فلسطين

[yassir]

الأخوان تورنتو / عمر ... ياسر /أبو عمار ..

السلام عليكم ..

ياريت ياخوي بعدما تخلص من هذا الموضوع ...أنت والأخوة العرب الكنادوة وبالأخص أخي عمدة تورنتو / تورنتو /عمر الي رجع نور المنتدى من تاني ، ونفتح موضوع جديد / أمكانية عمل مشروع خاص صناعي أو تجاري للمهاجر العربي في كندا /

ماهي المدة الي يحتاجها للدراسة لعمل المشروع ؟

وماهي الأجراءات الرسمية المطلوبة ؟

وماهو دور البنك في المشاريع الخاصة ؟

وماهي المشروعات الي ممكن تتعمل؟

المال المطلوب؟

المدينة المناسبة ؟

بالرغم من علمي أنه هذا يحتاج الى دراسة ميدانية و لمدة ليست قصيرة لمعرفة متطلبات السوق..

بس يارت نحكي تجارب أخوتنا العرب في المشاريع الخاصة عندكم في كندا حسب معرفتكم .. وماهية هذه المشاريع ؟

الأخ العزيز و صاحب الأفكار النيره دائما أبو مروان ....تحيه من تورنتو لحد غزه فك الله أسرها ليك و للأسره ..

موضوع جامد جدا جدا موضوع الشغل ده ....بس زى ما انت شايف الردود فى المواضيع مش مبشره أبدا ...يعنى لو بدأت الموضوع و لاحد حيهتم بأضافة نقطه مضيئه ,حتسمع الفشل و الأحباط و حاجات تفرق متجمعش ...

لكن ليا نصيحه بسيطه من أخوك المغترب ...... أنا لما أتسألت فى موضوع المعادله أخدت كورس فى أزاى تقدم عليها, لما حبيت أفهم الضرايب أخدت كورس ازاى تعمل الضرائب, لما حبيت أفهم ازاى ابتدى مشروع صغير أخدت كورس فى ده.....مش كورسات بالمعنى المفهوم ....يعنى هنا بيسموها WORKSHOP بتكون 4 أو 5 ساعات و رخيصه علشان مدعومه و بيحكيلك الحكايه من طق طق لسلام عليكم ....أنا شخصيا كنت مهتم بنوعيه معينه من المشاريع و هى الخاصه بالتدريس وو احد صديق فعلا عمله و هو بالصدفه فلسطينى و شغال و الحمد لله و من أن لاخر الراجل بيدعونى لو فيه شى ليا بارت تيم ......الموضوع زى ما بقولك كبير و محتاج مساعده و مش شايف حد يسندنى غير أخويا عمر تورنتو ....عموما حاحاول الWORK SHOP الى حاحضرها فى أول يونيو أرفعها هنا يمكن تفيد و أحط كام تجربه قابلتها هنا لناس ناجحه فى مجال البيزنس لكن موضوع منفصل عايز الأخوه الكنادوه يقوموا من على الكنبه و البحث يشتغل و الثواب للجميع يكتر ....بس دعواتك ....

مع خالص التحية والتقدير

أبو مروان

[yassir]

ياأخوان محدش يعرف الحد الأقصى لتحميل الملفات كام ....ملف أمتحانات المعادله pdf ملف 14 ميجا ,فيه مشكله ....نغيره ل word و لا فيه حل تانى ....

[Abo Marwan]

الأخ العزيز و صاحب الأفكار النيره دائما أبو مروان ....تحيه من تورنتو لحد غزه فك الله أسرها ليك و للأسره ..

موضوع جامد جدا جدا موضوع الشغل ده ....بس زى ما انت شايف الردود فى المواضيع مش مبشره أبدا ...يعنى لو بدأت الموضوع و لاحد حيهتم بأضافة نقطه مضيئه ,حتسمع الفشل و الأحباط و حاجات تفرق متجمعش ...

لكن ليا نصيحه بسيطه من أخوك المغترب ...... أنا لما أتسألت فى موضوع المعادله أخدت كورس فى أزاى تقدم عليها, لما حبيت أفهم الضرايب أخدت كورس ازاى تعمل الضرائب, لما حبيت أفهم ازاى ابتدى مشروع صغير أخدت كورس فى ده.....مش كورسات بالمعنى المفهوم ....يعنى هنا بيسموها WORKSHOP بتكون 4 أو 5 ساعات و رخيصه علشان مدعومه و بيحكيلك الحكايه من طق طق لسلام عليكم ....أنا شخصيا كنت مهتم بنوعيه معينه من المشاريع و هى الخاصه بالتدريس وو احد صديق فعلا عمله و هو بالصدفه فلسطينى و شغال و الحمد لله و من أن لاخر الراجل بيدعونى لو فيه شى ليا بارت تيم ......الموضوع زى ما بقولك كبير و محتاج مساعده و مش شايف حد يسندنى غير أخويا عمر تورنتو ....عموما حاحاول الWORK SHOP الى حاحضرها فى أول يونيو أرفعها هنا يمكن تفيد و أحط كام تجربه قابلتها هنا لناس ناجحه فى مجال البيزنس لكن موضوع منفصل عايز الأخوه الكنادوه يقوموا من على الكنبه و البحث يشتغل و الثواب للجميع يكتر ....بس دعواتك ....

أخي ياسر / أبو عمار ...

السلام عليك

أخي الكريم شكراً على السلام والتحية ...وبارك الله فيك .. و يمكن حصل خلط مع أحد الأخوة في الرد في سلامك وتحياتك الى غزة الي نسال الله أن يفك أسرها وأسر كل جزء من بلاد العرب مغتصب ...

أخي بارك الله فيك هو هذا الكلام ألي كنت أنا متوقعه منك ... هو هذه روح الأمل والتفاؤل والتعاون والتراحم الي تخلت عنها أمة الرسول المصطفى ( ص) ... والله أحنا مافي مثلنا ومافي مثل دينا الحنيف لو طبقنا عشرة في المية منه وتركنا عقد التخلف والضياع الي خيم على حياتنا ، ونغير شوية في أنفسنا وننظم حياتنا بالدراسة والعلم لأصبحنا سادة الأمم ....

أنت أخي وصلتنا الى أهم نقطة في الموضوع أنه كل شئ يجب ان يكون بالدراسة والعلم ... والأهم من هذا كله أنه هناك في كورس لأي حاجة على بساطتها ، لكن ينور طريق الناس ويفهمهم في أي شئ يحبوا يعرفوا عنه معلومات ... أقول لك على حاجة أنا بعد أكثر من 15 سنة من تخرجي من كلية الهندسة ، درست كمبيوتر أربع سنوات دراسة مسائية منتظمة وحصلت على بكالوريوس في الكمبيوتر من جامعة محترمة ...وهذا الي ناوي أعمله في كندا أن شاء الله بجوار العمل مهما كان بسيط ..الأنسان كل يوم بيتعلم شئ جديد ..

أخي أنا جمعت يمكن كثير من المعلومات عن الدراسة والعمل في كندا مثل ماهو منشور على الويب وفي هذا المنتدى ، وماسمعته من أصدقاء وأقارب عندكم في كندا ، بس انا لما بسأل في هذا الموضوع لتوثيق المعلومات الي عندي والتأكد من مصداقيتها ، وبعدين لفائدة الأخوة الآخرين المتابعين للمنتدى ، وبعدين تجارب الناس لما تتنقل كما هي بحلوها ومرها ..هو هذا الأكثر فائدة لتجنب بعض العثرات ، وأحتمال موضوع معين يكون مفتاح طريق نجاح لمهاجر جديد ....ومعلش نسمع تجارب الفشل والنجاح كل واحد من منظوره الخاص ورؤيته للأمور و بحسب خبراته ...

أخي شكراً مرة اخرى على هذا المجهود الرائع الي يعكس شخصيتك الطيبة المحترمة ، الي نسأل الله التوفيق والنجاح لك وللأسرة الكريمة..

أبو مروان