عباس العرسة + النفــاق 010-011-012

[التونسى]

عزيزى استاذ تونسى

لا حرام ....بجد مش قادر اقرى المقال

قريت اول 3 او 4 سطور وبعدي مش قدرت ..حسيت انى ممكن يغمى عليا .....حرام عليكم الواحد مرراتة مفقوعة خلقة من غير حاجة

وبعدين انا مع سين سين ..المفروض كنت تقول ان المقال دة ممنوع لمرضى الضغط والسكر وال....... والله هاعيط خلاص ..

وعلى ذكر عادل امام ...التوسعية من التوسع والامبريالية ...من الامبـرة ......

حسبي الله ونعم الوكيل

عذرا اخى العزيز .. سامحنى :lol: .. لقد تموعت نفسى انا ايضا gra:- .. ومليش حتى مزاج اخرج رغم انى بستنى الويك ايند على احر من الجمر .. منه لله (عبس ) مطرح ماهو قاعد

دنا مفروس حتة فرسه :sad: .. م الواد عباس العرسه :wub:

[ahmedarab]

ملحوظة صغيرة نفسى اقولها لحسن يحصلى حاجة ....

ان لم تستحـــــــــــــــــــــي فأفعل ما شئـــــــــــــــت

والسلام عليكم

[التونسى]

يبدو ان النزاااااااااااع على انتزاااااااااااااع لقب ((عِرسة )) مصر الاول ....أصبح نزاع طاحن.. وسباق محموم ... وحامى الوطيس .. فها هو اسامه سرايا يتحفنا بمقالته التى تتصدر صفحة الاهرام يوم 4 مايو .. بس بصراحه ما زال عباس العرسه الشهير بممتاز القط فى (((الصداااااااااااااااااره)) ومقالته بتاعه امبارح فى(( المقددددددددددددددمه))... ((مع الاعتذار للاعلان )) f((:

ودى مقالة سرايا

يوم ان ولدت مصر من جديد

ربنا يستر ومنلقيش واحد تانى مقالته حول عيد ميلاد الرئيس تكون بعنوان ((ولد الهدى)) !!!!!!!!!!!!!!!!!!!!

اللهم استغفرك واتوب اليك

[Alshiekh]

في عيد ميلادك ياريس ندعو الله لك بالعمر المديد، لكي تحقق لنا المزيد والمزيد.. فنحن سيدي الرئيس قدرك، وانت قدرنا. لمن غيرك نشكو؟! من مين غيرك نطلب!!

هل هناك نفاق أكثر من هذا ، هل نسميه كفر ، شرك بالله؟

هل وصل الحال بممتاز القط والذى هو ليس بممتاز ولا قط ، ان يصل نفاقه هذه الدرجة من الوقاحة فى تأليه الحاكم

أترككم مع ماقاله هذا البنى آدم والذى لا أجد له وصفا أصفه به ، ولاحول ولا قوة الا بالله ، وانا لله وانا اليه راجعون

جريدة أخبار اليوم 64 السنة - 3313 ه - العدد 1429 ربيع الآخر من 27 - م 2008 مايو من 3 السبت

التى تلوثت برئاسة ممتاز القط لتحريرها

'ياريس كل سنة وانت طيب وربنا يخليك لينا'..

كل سنة ومصر تعيش معك أغلي وأعز أيامها.. سنوات مرت وكأنها حلم جميل داعبنا، وجعلنا نبتسم لكل أيامنا.

في عيد ميلادك ياريس ندعو الله لك بالعمر المديد، لكي تحقق لنا المزيد والمزيد.. فنحن سيدي الرئيس قدرك، وانت قدرنا. لمن غيرك نشكو؟! من مين غيرك نطلب!! لمن غيرك نروي احلامنا وآمالنا في مستقبل نملك فيه القدرة علي ان نحقق طموحاتنا، ونترك لاولادنا وأحفادنا وطنا عزيزا وقادرا علي ان يحقق لنا كل ما نتمناه.

بصراحة.. إحنا بنحبك لأنك إنسان أصيل.. بتعرف تحافظ علي كرامة وكبرياء بلدك وشعبك.. بتعرف تقرأ المستقبل صح ياريس.. وفي كل حاجة.. بره وجوه.

بنحبك.. لأنك مابتعملش حاجة إلا بعد ماتحسبها صح.. ويكون قرارك في الصميم.. بنحبك لان تاريخك كله نظيف.

تاريخ بطل.. كان يكفيه من كل الدنيا وسام الانتصار في حرب أكتوبر. الوسام الذي وضعه شعب مصر كله علي صدرك داخل مجلس الشعب تقديرا لبطولاتك ودورك الذي فتح أبواب أعظم انتصاراتنا.

دايما ياريس، القرار الغلط في أي مجال يكون له تأثيرات سلبية، بتختلف من مكان لمكان.. ولكن في الطيران القرار الغلط يعني الموت.. من هنا دايما بيكون فيه تقدير وحسابات كاملة قبل أي قرار.

طول ما إحنا معاك ياريس حسينا بالحكاية دي.. مفيش انفعال ولاغضب.. أي حاجة دايما تسبقها دراسة كاملة.. كتير قوي ياريس مواقف مرت علينا وعلي بلدنا.. تحديات كتيرة لا لها أول ولا لها آخر.. لكنك ياريس عدتها كلها بسلام.. بحنكة ومهارة وتفكير.. كانت دايما ياريس مصر معاك.. في قلبك وعقلك والعدو والحبيب دايما بيحسب لبلدنا معاك ألف حساب.

بنحبك ياريس.. لأن سمعة مصر معاك أصبحت زي البرلنت.. وبيحسدونا عليك.. لأنك مننا.. دايما ياريس كنت معانا.

ساعات كتيرة كنا بنكلم نفسنا.. بنقول ياتري الريس حاسس بينا.. ياتري الريس حاسس بمشاكلنا وهمومنا.. وفي كل مرة ياريس نكتشف الحقيقة إنك معانا.. أنت جزء مننا وإحنا جزء منك.. بتتكلم زينا.. وحاسس بالظروف الصعبة اللي إحنا عشناها.

وبصراحة ياريس.. إحنا نسينا أيام زمان.. إحنا ادلعنا ياريس في عهدك.. ونسينا كل حاجة وحشة.. نسينا زمن الاشتراكية اللي ضحكوا بيها علينا لاننا اكتشفنا إننا بنعيش في وهم جميل صحينا منه يوم 5 يونيه.

نسينا زمن تليفون العمدة وبقينا دلوقتي محتارين.. نركب 012 ولا 010 ولا 011 ولا أرضي.

نسينا القطارات ماركة اللي يحب النبي يزق!! نسينا زمن كل حاجة بالبطاقة من قطن العرايس لحد قماش التيل والبفتة والدبلان.. نسينا زمن المجاري اللي طافحة وطلمبات الميه البحاري ووضع النواية جوه الزير.. نسينا ياريس زمن زوار الفجر وزوار الصبح والظهر والعشا.. نسينا اللهو الخفي ونسينا نشوف النجوم في عز الظهر.

دلوقتي كله بيتكلم.. مفيش حد خايف.. شلت الخوف من قلوبنا يا ريس ودي نعمة إحنا مكناش حاسين بيها.. دلوقتي ممكن أي واحد ينتقد رئيس الجمهورية والحكومة وكل حاجة!! ساعات بنزودها حبتين!! لكن جوانا شعور إننا مش خايفين.. عارفين إن فيه كبير في البلد.. بيحبنا وبنحبه.. عايش في قلوبنا وقريب دايما مننا.

بنحبك ياريس لأنك مننا.. انت الرئيس الذي لا يتحدث بلغتين.. اللي بتقوله في الغرف المغلقة هو اللي بتقوله في العلن.. ودايما آراءك وأفكارك سباقة والعالم كله يا ريس آد أيه بيحترمك ويقدرك.. طولة بالك وسعة صدرك ياريس وحبك لينا.. خلانا نطمع أكتر واكتر ياريس.

في عيد ميلادك الناس.. اهلك... وشعبك... كل اللي بيحبوك المفروض يقدموا لك ورود الدنيا كلها.. لكنك ياريس كنت سباق بالخير.. طول عمرك سباق بالخير.. العلاوة ياريس كانت مفاجأة.. كانت عبور بالموظفين الغلابة من الدوامة اللي عايشينها ليل نهار.. الناس كلها دعت لك ياريس بالصحة والسعادة.. حسوا ساعتها انك جزء منهم وانت بتطالب الحكومة إنها تدبر الموارد عشان العلاوة لأن الناس مش ناقصه.!!

الناس ياريس كلها بتقولك في عيد ميلادك كتر خيرك.. وربنا يديك الصحة.. والسنة الجاية برضه هنقولك عايزين علاوة ياريس.. 'علاوة ريس'.. له في قلب كل مصري حب ما يتقدرش بأموال الدنيا كلها.

كل سنة ومصر معاك بخير ياريس ونفضل دايما نقولك عايزين وعايزين.. والسنة الجاية مش مهم العلاوة تبقي 30 % خليها 25 % بس!! إحنا مش طماعين!!

كل سنة وأنت بكل خير ياريس.

[فــيــروز]

أجده طبيعيا أن يصدر مثل هذا الكلام فى جريده قوميه حكوميه !! و إن كنت حين أحاول التذكّر أجد أن نبرة النفاق تعلو كل عام !! أذكر زمان أن عيد ميلاد الريّس كان يشار إليه باختصار فى الصفحه الأولى فى جريدة الأهرام من غير تطبيل و تهليل .. كانت تهنئه محتمله يعنى .. لكن الوضع يختلف كل عام و نبرة النفاق تعلو !!

ما صدمنى فعلا هو إعلان قناة "دريم" عن إنتاج فيلم وثائقى عن "مبارك" بعنوان "القائد" و جملة "رجل فى شعب و شعب فى رجل" على طريقة إتنين فى واحد !! ولا أدرى لماذا يمنح البعض نفسه الحق فى الحديث باسمنا جميعا و لماذا تنحو قناة "دريم" هذا النحو الشديد السخافه !! حاجه تقرف ..

[aimen]

ولا تحرق فى دمك اسمع نوارة نجم بتقول ايه ؟ الراجل ده بقى ملطشة ولا حد معبرة

بقلم/ نوارة نجم

علي زير زير يو يو، علي زير زير ريسنا، علي زير زير يو يو

كل سنة وانت طيب يا ريس، عقبال ميت سنة، عقبال مية وخمسين سنة، ويديك الصحة وطولة العمر يا رب وما يحرمناش منك ابدا ،آه وربنا ،وربنا كمان مرة ،على فكرة انا مش باكرهك، اه وربنا، مش ح اضحك عليك واقول لك بحبك، انا لا باحبك ولا باكرهك انا ما اعرفكش اصلا يعني، انت صحيح عشرة عمري ورئيسي من ايام ما كنت في اولى ابتدائي، بس مافيش معرفة قريبة قوي بينا، وقال على رأي المثل تعرف فلان ايوة عاشرته لا يبقى ما تعرفوش

للمزيد من الفضايح

http://harakamasria.org/node/10149

[رمضان]

والله الراجل من حقه يقول كده وزيادة وثم دي الحرية ولازم نحترم الرأي الاخر ودي ثقافة العبد والسيد الموجودة اللي اصبحت امر واقع ولازم الكل يحترمها برده

هديك مثال على ان الراجل ده موجود في كل مكان

لو انت شغال في شركة ومدير الشركة عامل ليك كل اللي انت محتاجه مكافات وترقيات وفلوس ومش مخليك محتاج حاجة ، هل ستصل بك المثالية الى ان تقول له ان هناك فئة ملظومة في الشركة وانت ظالم ام أنك ستفعل مثلما فعل كاتب المقال او على الاقل ستسكت وتترك الاخرين يواجهون مصيرهم

خلينا واقعيين شوية

تم تعديل 4 مايو 2008 بواسطة رمضان

[nash]

في عيد ميلادك ياريس ندعو الله لك بالعمر المديد، لكي تحقق لنا المزيد والمزيد.. فنحن سيدي الرئيس قدرك، وانت قدرنا. لمن غيرك نشكو؟! من مين غيرك نطلب!!

يبدوا أنه نسي أن هناك رب للناس نشكو إليه ونطلب منه....

حينما تعلو نبرة النفاق ....نشعر وكأنها تحولت إلي نبرة سخريه....لا أجد تفسير أخر فالكل يعلم سوء الحال الذي وصلنا إليه...

فالشق أكبر من الرقعه..ولن يستطيعوا إخفاء الشمس بغربال...مهما حاولوا ومهما أرتفعت نبرة النفاق...

بالعكس سيزداد سخط الشعب أكثر وأكثر....

لكن ....أين أعز وأغلي الايام التي تعيش فيها مصر الأن؟

ممكن حد يشاور بس ؟؟

[مهيب]

كده برضه يا محمد .. دانا شفت هذا المقال فى أخبار اليوم و قلت انى هافتح موضوع فظيع مريع عنه .. ألاقيك سبقتنى .. ماشى يا عم .. تبقى فى مخك و تقسم لغيرك

المهم .. ما أثار دهشتى فى هذا المقال أن أكثرنا بلاغة و قدرة على التعبير لو أراد أن يصوغ مقالا ساخرا عن حكم مبارك لن تتفتق قريحته عن كلام مثل هذا .. و انى اتساءل حقا .. هل ممتاز القط هذا من الممكن أن يكون معارضا متخفيا فى صورة منافق .. ان آخر ما يحتاجه حسنى مبارك الآن هو كلام كهذا يقرأه الناس .. وهو دليل على جميع مساوىء عهد مبارك .. هل منكم من يعتقد أن هذا مقال ساخر و يائس بشكل خبيث .. انظروا معى الى هذه التعبيرات :

لمن غيرك نشكو؟! من مين غيرك نطلب!! لمن غيرك نروي احلامنا وآمالنا في مستقبل نملك فيه القدرة علي ان نحقق طموحاتنا، ونترك لاولادنا وأحفادنا وطنا عزيزا وقادرا علي ان يحقق لنا كل ما نتمناه

.

نحبك ياريس.. لأن سمعة مصر معاك أصبحت زي البرلنت.. وبيحسدونا عليك.. لأنك مننا.. دايما ياريس كنت معانا

.

نسينا زمن تليفون العمدة وبقينا دلوقتي محتارين.. نركب 012 ولا 010 ولا 011 ولا أرضي.

نسينا القطارات ماركة اللي يحب النبي يزق!! نسينا زمن كل حاجة بالبطاقة من قطن العرايس لحد قماش التيل والبفتة والدبلان.. نسينا زمن المجاري اللي طافحة وطلمبات الميه البحاري ووضع النواية جوه الزير.. نسينا ياريس زمن زوار الفجر وزوار الصبح والظهر والعشا.. نسينا اللهو الخفي ونسينا نشوف النجوم في عز الظهر.

والسنة الجاية مش مهم العلاوة تبقي 30 % خليها 25 % بس!! إحنا مش طماعين!!

فى عصر السادات و فى احد احتفالات عيد العلم اعتاد السادات تكريم بعض الناس البسطاء الذين صادفوه فى مشوار حياته كسائق العربة الذى رفض أن يتقاضى منه مالا أيام كان السادات يعمل شيالا .. السادات كان مغرما بنظرية الخليفة .. "هل تذكر ذلك الرجل الذى أطعمته و آويته .. بقد كان الخليفة متنكرا .. و اليوم لك أن تتمنى ما تريد" .. المهم أنه كان يكرم مدرس اللغة العربية فى الابتدائى .. اقترب الرجل الذى أكلت الشيخوخة شرايينه من المايكروفون ثم قال ما استاء به السادات جدا دو نأن يقصد .. قال بالحرف : "الله يقول إن في خلق السماوات و الارض و اختلاف الليل و النهار .. الى آخر الآية .. و أنا أقول ان فى خلق السادات و الارض لآية ... "

انه النفاق الاعمى الذى يضر صاحب المركز و السلطان .. و الذى لا يطمح المعارضون بأكثر من هذا .. هذا بالضبط هو نوعية المقالات التى يريدها معارضو النظام الحاكم .. لا أكثر و لا أقل.

هذا ليس نفاقا و انما هذا مستوى أعلى من النفاق

مهيب

[هشام عباس]

حسبنا الله ونعم الوكيل

[حلواني]

ايه الغريب والعجيب في دا مااحنا طول عمرنا كدا

طول عمر صحف الحكومه كدا يعني هو اسامه سرايا سكت ماهو قال شويه عسل يجبولك حاجه من اثنين هحك هستيري او جلطه في الخ لا وشوف العنوان

يوم أن ولدت مصر‏..‏ من جديد

صراحته ترياق أفقنا به من وهــم طـــويل‏..‏

وواقعيته صمام أمان لحلول الأزمات

بقلم: أسامة ســرايا

مبارك رمز لوجودنا وجهودنا لسنوات مضت وضميرنا الوطنى وراية نهتدى بها لتحقيق احلامنا بالعبور الى الامان والاستقرار لاجيالنا المقبلة

من حق المصريين الشرفاء الغيورين علي وطنيتهم أن يعلو اليوم صوتهم فوق أصوات صدعت رؤوسنا نضالا وكفاحا‏,‏ ادعاء وبهتانا عبر الفضائيات وفي المنتديات‏,‏ وجرت بأوهامهم أقلامهم علي صفحات الصحف التي أصدروها من أجل أغراضهم‏.‏

فاليوم هو يوم عرس للشرفاء الوطنيين من أبناء مصر‏,‏ يسترجعون بكل العرفان والتقدير والامتنان والاحترام مسيرة رجل خرج من بين صفوفهم‏,‏ نذرته الأقدار لمرحلة حاسمة في تاريخ مصر‏,‏ ودفعته المقادير لخوض معارك الحرب والسلام‏.‏

اليوم هو الرابع من مايو‏,‏ يوم ميلاد الرئيس محمد حسني مبارك‏.‏

ولد يوم كانت مصر ضيعة بريطانية تكافح من أجل الاستقلال وإنهاء احتلال طال مداه‏.‏عايش في سني حياته ظروف المد والجزر في الحياة السياسية المصرية وسنوات الصعود والهبوط والنصر والانكسار‏.‏

خبرات طويلة تراكمت وسنوات طويلة مضت قبل أن يحمل عنا مسئولية قيادة أمة كانت في خطر‏.‏

وفي السادس من أكتوبر عام‏1981.‏ وبينما مصر كلها تحتفل بعرس انتصارها المجيد سقط الرئيس السادات غدرا بيد الإرهاب الأسود‏.‏ كانت مصر في تلك اللحظات تترنح تحت ضربات تلك الشرذمة من الإرهابيين الذين اغتالوا رئيسها ونشروا الرعب في أرجائها‏,‏ وهددوا أمنها ومستقبلها‏,‏ وكادوا يطفئوا وهج العطاء الحضاري لمصر والمصريين‏.‏

دفعت الأقدار بالرئيس مبارك إلي مقدمة الصفوف ليقيل أمة من عثرتها‏,‏ ويمنع سقوطها بين يدي قوي الظلام المتربصة بكل عقل سوي‏,‏ وبكل وجدان ومزاج مصري‏.‏ وليقود أمته في طريق شاق وطويل من تحرير ما تبقي من أرض مصر‏,‏ ونجح في تحرير كامل التراب المصري‏,‏ وأعاد لمصر سيادتها كاملة‏,‏ إلي مواجهة حاسمة لمشكلات كانت قد تراكمت فتشابكت وتعقدت‏.‏

في ذلك اليوم ولدت مصر من جديد‏.‏

ولدت حين اندحرت قوي الإرهاب بالدولة التي أقامها مبارك قوية قادرة بالإرادة والقانون علي أن تستأصل ذلك الوباء الأسود‏.‏

ولدت حين عادت أرض مصر كاملة لأبنائها حرة ومصونة‏.‏

ولدت حين بدأنا عصرا من النهضة والعمران والبناء‏,‏ وعصرا من الحرية والتطور الديمقراطي‏.‏

ولدت يوم عرفنا طريقنا إلي ما نحن فيه اليوم‏.‏

لايحتاج منا الرئيس مبارك أن ندافع عما وعد فأنجز‏,‏ وعمل فأعطي‏.‏ ولكننا نحتفي اليوم بما حققناه تحت قيادته‏.‏

نحتفي بسجل طويل ومشرف من الإنجازات به ومعه‏.‏ فالرجل الذي ولي الحكم ورؤوس تيارات الفكر والسياسة في مصر يرزحون في أغلال الحبس والاعتقال فأطلق سراحهم وحفز أقلامهم وتجاوز كثيرا عن مساوئهم ليس بحاجة إلي من يدافع عنه‏.‏

والرجل الذي ولي حكم مصر وليس فيها مرفق واحد لايعاني وهنا أوضعفا‏,‏ له فيما نحن فيه اليوم شاهد علي روعة الأداء وعظمة الإنجاز‏.‏الدولة التي وليها حسني مبارك كانت شبه عاجزة عن تدبير فاتورة الغذاء لشعبها‏(7‏ مليارات جنيه‏),‏ وكان إنتاجها المحلي لايزيد علي‏35‏ مليار جنيه‏,‏ هي اليوم بعد سنوات حكمه تقترب بناتجها المحلي من تريليون جنيه‏(1000‏ مليار جنيه‏)‏ وقادرة بجدارة علي سداد فاتورة غذاء بقيمة‏175‏ مليار جنيه سنويا‏.‏

كانت مصر يوم وليها الرئيس مبارك‏42‏ مليون نسمة أحاطت بهم الأزمات من كل جانب‏,‏ واليوم يسكنها‏75‏ مليون مصري‏.‏ كان متوسط عمر المصريين نحو‏59‏ سنة واليوم يزيد علي‏73‏ سنة بالتغذية والوعي والرعاية الصحية‏..‏ قائمة طويلة من الإنجازات يصعب حصرها أو حتي الإشارة إليها جميعا في هذا المقال‏.‏

عرفه المصريون منذ بداية عهده واقعيا وصريحا‏,‏ وهما صفتان كانتا من الفرائض الغائبة عن الخطاب السياسي المصري زمنا طويلا‏.‏ كانت صراحته ترياقا أفقنا به من وهم طويل علي حجم ما لدينا من مشكلات‏.‏

وكانت واقعيته صمام أمان لحلول لتلك الأزمات‏.‏

لم يغامر بمصير أمته يوما ولم يقايض علي مصالحها‏.‏

سوف يظل الرئيس مبارك جزءا عزيزا من تاريخنا المعاصر في حربه وسلامه‏.‏ فهو جزء من التاريخ المعاصر للعسكرية المصرية في سنوات الانكسار والبناء والانتصار فوق الرمال في الصحراء وتحت أشعة الشمس الحارقة‏.‏ وسوف يظل رمزا لوجودنا وجهودنا علي مدي سنوات مضت‏.‏ وجزءا من ضميرنا الوطني في مواجهة الأزمات‏.‏ وراية نهتدي بها في مساعينا وتحقيق أحلامنا بالعبور إلي الأمان والاستقرار لأجيالنا القادمة‏.‏

سيادة الرئيس كل عام وأنت بخير فمادمت بخير فإن مصر وشعبها بك ومعك بخير دائما‏.‏

[التونسى]

عباس العرسه بقت فضيحته بجلاجل

عمرو اديب مسكه بستفه على الهواء مباشرة .. ولولا احمد موسى كان عمرو صرح بنفاق ممتاز اللى زكم الانوف وريحته وصلت لعنان السماء .. وعلى فكره الاعلاميين بيبقى بينهم اتفاق غير مكتوب انهم ميعضوش فى بعض ... لكن مقالة ممتاز بصراحه تستفز الرئيس ذات نفسه

اترككم مع جزء من برنامج القاهره اليوم لقناة اوربت وتعليق عمرو اديب على ((نفاقية )) ممتاز القط

محلوظه : سبدا الكلام حول ممتاز بعد اربع دقائق ونصف من الفيديو

إضغط هنا لمشاهدة تعليق عمرو اديب على موقع اراب تيوب

[om marawan]

أنا سمعت ان فيه من ضمن التغييرات المتوقعة تغيير خاص برؤساء تحرير الجرائد القومية

وأعتقد ان ممتاز القط اصابه الهلع من الفكرة

[Sherief AbdelWahab]

العلاج النفسي هو حل هؤلاء.. هذه الكمية من النفاق لا تنم عن شخصيات سوية..

الزميل العزيز رمضان:

مع اتفاقي معك من حيث المبدأ.. لكن هناك من يحصلون على أشياء قليلة فيطبلون كثيراً جداً جداً بشكل مبالغ فيه.. السلوك الهستيري من الصعب أن يفسر على أنه ظاهرة صحية.. ما شنفت عيوني برؤيته في الصحف الحزبوطنية على مدى الأيام القليلة الماضية مضافاً إليه النفاقيات التي تعج بها اللافتات التي تلطخ شوارع مصر هو نموذج لهيستيريا النفاق ولا أعتقد أن أي محترم حتى ممن يؤيدون سياسات الرئيس سيقبله..

خلص الكلام

[om marawan]

عنوان مقال بلال فضل والذى ورد باحدى الصحف الكويتية نقلا عن الدستور

" خطاب افتراضى من مواطن كلبش حب الوطن فى قلبه وكلابشات الوطنى فى ايده .......... سيدى الرئيس أريد ان اهرش !! "

[اسكندرية تانى]

ممتاز القط و اسامة سرايا و غيرهم من المنافقين

شخصيات تصيبنى بحالة من الغثيان و القىء