مبروك يا شباب مصر إضراب ناجح وننتظر القادم

[Handicraft]

مبروك يا شباب مصر على الإضراب السلمي

مبروك المكاسب التى تحققت اليوم والتى يمكن ذكرها كالتالي:

- الإفراج عن معتقلى 6 إبريل

- إنتزاع مكاسب للفقراء من فم الأسد عن طريق الزيادة فى الرواتب لم يخطر على بال الحكومة من أين تأتي بالأموال لها

- اكتساب أرض واعضاء جدد ووضع بذور مستقبل أفضل لشباب مصر ونشر فكرة الإضراب السلمي فى الشارع المصري

- ربط المغتربين بأرض الوطن وآلامه

- إرسال رسالة واضحة للحاكم انه ليس رمزاً مقدساً وإنما هو بشر ويجب أن يحاسب على ما يفعله بالوطن

- دروس مستفادة سوف تساعد على التخطيط المستقبلي لتلافي التضارب فى الأهداف

- كشف المنافقين والأفاقين ولاعقى الأحذية من مدعيي الوطنية

- بزوغ نجم الشباب كفاعل أساسي على مسرح العمل السياسي

- بنك من أفكار الإحتجاجات السلمية اللامحدودة والتى يبدو انها ذخائر مستقبلية

وقديما قالوا:

القليل المستمر خير من الكثير المنقطع

وقطرات الماء تثقب الحجر

فالصبر يا شباب مصر وليكن الله معكم واعلموا أن النهر يغير اتجاهه فى مئات السنين وأن الجنين يحمل 9 أشهر فما بالنا بأمة بدأت حملها للتو والله ناصركم.

[التونسى]

نجح الاضراب من قبل ان يبدا والحمد لله ان اليوم ده عدا على خير .. والرساله وصلت ... ومارد الشباب طلع بس رقبته من داخل القمقم وقال انا هنا .. انتو كاتمنى وحابسنى اكتر من نص قرن .. لكنى لسه عايش ومموتش .. واحذروا احذروا احذروا من اليوم اللى حطلع فيه بكامل كيانى .. لو بتحبوا مصر صحيح ايتها القياده السياسيه يبقى لازن تشوفلهم شئ يفرغوا فيه طاقتهم

وان شاء الله ربنا يحمى مصر .. مصر اللى بفضل رحمة ربنا موقعتش ابدا من قديم الازل رغم انها مرت بماسى كتير

ربنا يحرسك ويحميكى يا مصر كمان وكمان

والاضراب نجح .. ومكناش محتاجينه اصلا النهارده .. لانه من قوة تاثيره .. بمجرد الاعلان عنه فى 6 ابريل .. ابتدا يجنى ثمار نجاحه

ومتنسوش ابدا اياكوا تسفهوا من الاضراب ده مهما كانت ضالته .. مشوار الاف ميل بدا باضراب ..