شقه في الامارات

[Ahmed el- ghamraway]

السلام عليكم

كنت عايز اعرف من اهل المنتدي

لو انا في مصر و عايز اشتري شقه في الامارات بغرض الاستثمار "يعني ااجرها "

اولا:الكلام ده ينفع

ثانيا متوسط اسعار الشقق في دبي و ابوظبي و ....

ثالثا متوسط اسعار الايجارات

شكراااااااااااااااا مقدماااااااااااااا

[AboAsem]

السلام عليكم

شوف يا عزيزى

حالياً مفتوح التملك الحر للعقارات لكافه الجنسيات فى معظم إمارات الدوله و تحصل على إقامه دائمه بالإمارات ، طبعاً الأسعار عاليه جداً و لذا الغالبيه تشترى بالتقسيط ، و هنا أنا غير متأكد إذا كان ممكن تشترى عقار بالتقسيط و أنت لا تعمل أساسا فى الإمارات أم لا ؟ لأن البنوك طبعاً عايزة تتأكد إن عندك وظيفه تسد القسط

فى أبوظبى

جزيرة الريم هى منطقه جديده تحت الإنشاء و بها تملك حر ، شوف الموقع ده بتاع شركه عقارات http://www.almotamaiz.com/news.php إختار Seling و شوف العروض

الإيجارات : غرفه و صاله لن تقل عن 65 ألف درهم فى السنه

دبى

قريه الجميرا ، سعر القدم يبدأ من 1200 درهم ، التسليم 2010

مرسى دبى ، سعر القدم يبدأ من 1890 درهم

الإيجارات : غرفه و صاله لن تقل عن 90ألف درهم فى السنه

عجمان

الأسعر أقل من أبوظبى و دبى ، و حاليا ناس كتير تتجه للسكن هناك بعد غلاء دبى و الشارقه ، سعر القدم يبدأ من 1100 درهم

الإيجارات : غرفه و صاله لن تقل عن 35 ألف درهم فى السنه

الأسعار المذكورة منقوله من جريده عقارات حديثه

بالتوفيق

[Ahmed el- ghamraway]

شكررررررررررررررا جزيلا

AboAsem

[ziad]

http://www.ewaseet.com/

ده موقع جريدة الوسيط ,أختار الأمارات وبعدين دور على العقارات اسعار مكتوبه فى بعض الأحيان,أنصح بالشراء فى دبى لأن الأجارات مجزيه جدا + إقامه دائمه بيها,فى هناك بنوك إسلاميه قويه وتقدر تشترى عن طريقهم بالمرابحه ,ربنا معاك

[Ahmed el- ghamraway]

معلش يا جماعه لو بطلنا نحلم نموت

طب لو انا معايا كذا واحد و راس مال مش بطال بتاع 2-3 مليون مصري نقدر ناخذ حتت ارض هناك و نبنيها الموضوع ده ينفع و ايه خطواته

[ziad]

ليه لأ,الأمارات بلد واعده بيشجعو الأستثمار بقوه,أظن لو فيه مبلغ متوفر تقدر تشترى أرض وتأخد تمويل للبناء وتبيع وهكذا,بس ديه محتاجه منك تحديد هدف,هل أنت هتبنى عشان متوسطى وقليلى الأجور ولا هتبنى حاجه 4 نجوم ونص,هل تتحرك حوالين الشارقه والعين مثلا ولا تروح الجميره وجبل على,لازم تدرس ظروف السوق وتعرف إيه هى شريحتك المستهدفه

[فيصل رافت]

السلام عليكم اخى العزيز احمد

اولا يمكن التملك فى الامارات مقابل ذلك تاخذ اقامه حره مدى الحياه او طول ما انت مالك للشقه

ثانيا متوسط اسعار الشقق فى دبى او الامارات بشكل عام يبدا من 500 الف درهم عباره عن غرفه وصاله بتسمى استوديو

ثالثا يتراوح متوسط الايجار بين كل اماره والتانيه واليك متوسط الايجارات فى كل اماره

دبى متوسط 60الف درهم سنويا

ابوظبى متوسط 55 الف درهم سنويا

الشارقه متوسط 40 الف درهم سنويا

عجمان متوسط 35 الف درهم سنويا

راس الخيمة 35 الف درهم سنويا

ام القيوين متوسط 30 الف درهم سنويا

الفجيرة متوسط 30 الف درهم سنويا

والله الموفق

[فيصل رافت]

اخى العزيز احمد

بخصوص البناء على حسب الاماره بمعنى ال 2 -3 مليون دول مايكلوش تماما فى دبى او ابو ظبى عاوز عليهم على الاقل خمس مرات

اما فى عجمان او الشارقه او راس الخيمه عاوز قدهم مره كمان لان البناء هنا غالى اوى المتر المربع بيكلف 2000 درهم واقل ارض تجارى سكنى تعملها حوالى 1000 متر 100*100 احسب بقى الاساسات بس تكلفك كام يدوبك المبلغ اللى معاك يرمى الاساسات بس صراحه العقارات هنا نار واحلى استثمار واى استفسار موجودين ياسيدى