لماذا اسعار العقارات منخفضة بزهراء مدينة نصر؟؟

[EMY AH]

ابحث عن شقة فى حدود70000 فى اى مكان بالقاهرةولااجد هذه الاسعار الا فى منطقة زهراءمدينة نصر وجدت شقة 90 متر سوبر لوكس 75000 كاش او 25000 مقدم و1000 فى الشهر لمدة 60 شهر ..

واتسائل لماذا الاسعار منخفضة فى هذه المنطقة .هل يوجد سبب ولا اتوكل على الله واشترى

واريد ايضا الاستفسار عن منطقة اخر مصطفى النحاس الحى الثامن ايضا اسعارها منخفضة ولا اعرف السبب

ارجو افادتى برأيكم ومشورتكم..........ومن كل قلبى هادعى للى يساعدنى

[EMY AH]

وما رايكم بمدينة بدر الجديدة

[se_ Elsyed]

بس إنتي كتبتي الموضوع مرتين في بابين مختلفين ليه ؟ !!!!!!!!

-------------- ركزي بقى في الباب د عشان تلاقي ناس ترُد عليكي

أما فيما يخص إنخفاض أسعار مساكن زهراء مدينة نصر .. ذلك لإنها كلها تخص ضباط القوات المُسلحة اللي واخدينها من الدولة بتراب الفلوس .. وحيث غن المنطقة بقت تميل إلى أن تكون شعبية .. فبالتالي تلاقي الظابط من دول يصل لرتبة عاليه فبيحب إنه ينتقل إلى منطقة أخرى أرقى فلما يبيعها بسعر زي ده فهو الكسبان 100 % .

أما مدينة بدر فهي من المناطق الجديد ة الواعدة ولو إنها من سنتين كانت شبه مهجورة ومافيهاش صريخ إبن يومين ... وذلك لإنها أبعد منطقة جديدة ومش محبذة عند ناس كتير .. لكن لو هاتتأقلمي فيها وهاتظبطي شغلك ومدارس اولادك وهكذا .. يبقى على خيرة الله .

أنا أتعلمت درس في العقارات ده مش هانساها ... وهو عدم التردد .. واللي بتلحقه النهاردة .... لو فاتك بكره هاتندم عليه وهاتعض في الأرض

وبركه لما يغلو أسعار المواد الخام المستخدمة في صناعة الأسمنت والحديد كمان يوصل 7 آلاف جنيه .. ما حدش هايلاقي خرم إبره يشكن فيه وهايبقى كساد عقاري غير مسبوق في مصر ...

[EMY AH]

انا متشكرة جدا لسرعة استجابتك ....... الشقة اللى بقولك عليها فى الزهراء ديه فى عمارة لسه طالعة جديد ....سمعت ان وزير الطيران احمد شفيق هيشيل الادوار العليا للمبانى المحيطة بالمطار اللى استغربته برضه ان اتعرض عليا شقة فى الحى التامن 100 متر ب 49000 على الطوب الاحمر وده هو اللى دفعنى اكتب الموضوع ده واسئل عن الاسعار العجيبة ديه

هلو

وعايزة اخد رايك فى الموضوع ده كمان....لو عايز اشترى حاجة ب60 الى 70 الف فى القاهرة اقدر اشترى فى الزهراء ولا عندك مكان تانى تفضله.

وشكرا مرة اخرى لسرعة الاستجابة وادعوا لك بان تجد دوما ما يساعدك لاخذك للطريق الصحيح كما تساعدنى.

[EMY AH]

انا عايزة شقة استثمرها اجرها مش مهم ااجرها بكام بس احط الفلوس اللى قيمتها بتنقص يوم بعد يوم

[se_ Elsyed]

انا متشكرة جدا لسرعة استجابتك ....... الشقة اللى بقولك عليها فى الزهراء ديه فى عمارة لسه طالعة جديد ....سمعت ان وزير الطيران احمد شفيق هيشيل الادوار العليا للمبانى المحيطة بالمطار اللى استغربته برضه ان اتعرض عليا شقة فى الحى التامن 100 متر ب 49000 على الطوب الاحمر وده هو اللى دفعنى اكتب الموضوع ده واسئل عن الاسعار العجيبة ديه

هلو

وعايزة اخد رايك فى الموضوع ده كمان....لو عايز اشترى حاجة ب60 الى 70 الف فى القاهرة اقدر اشترى فى الزهراء ولا عندك مكان تانى تفضله.

وشكرا مرة اخرى لسرعة الاستجابة وادعوا لك بان تجد دوما ما يساعدك لاخذك للطريق الصحيح كما تساعدنى.

100 م و بـ 49000 في الحي الثامن

مستحيل ومن رابع المستحيلات

ولو حقيقي يبقى تاخدي معاكي محامي وتدفع لي لصاحب العمارة 59000 ... زوديه 10 ألاف وهادفع لك الفرق أنا وروحي سجلي الشقة في الشهر العقاري في لحظتها .

بالمناسبة المناطق المحيطة بالمطار يٌصد بها النزهة ومساكن الشيراتون

لكن زهراء مدينة نصر بعيده جداً ومالهاش دخل في الحدوته دي

[Tamsite]

ابحث عن شقة فى حدود70000 فى اى مكان بالقاهرةولااجد هذه الاسعار الا فى منطقة زهراءمدينة نصر وجدت شقة 90 متر سوبر لوكس 75000 كاش او 25000 مقدم و1000 فى الشهر لمدة 60 شهر ..

واتسائل لماذا الاسعار منخفضة فى هذه المنطقة .هل يوجد سبب ولا اتوكل على الله واشترى

واريد ايضا الاستفسار عن منطقة اخر مصطفى النحاس الحى الثامن ايضا اسعارها منخفضة ولا اعرف السبب

ارجو افادتى برأيكم ومشورتكم..........ومن كل قلبى هادعى للى يساعدنى

أعتقد اني رحت سالت على الشقة المقصودة في مداخلتك دي والكلام ده من شهر و نص وملاحظ ان الاعلان عنها أسبوعيا بيتم نشره في صفحة العقارات بأهرام الجمعة

الشقة دي في عمارة بدون ترخيص ، و في منطقة اسمها التبة و دي بين زهراء مدينة نصر وعزبة الهجانة ( وما ادراك ما عزبة الهجانة ) ، وتطل على شارع ضيق جدا ( حوالي 6 متر ،و كل الشوارع هناك ضيقة وأضيق من كده كمان

ووجهة نظري المتواضعة بتقول ان المنطقة دي اللي كل العمارات طالعة فيها بالشكل ده هتواجه مشكلة كبيرة في المرافق بعد ما تسكن العمارات دي بكامل طاقتها ، وده لأن مخطط المرافق في المنطقة دي ما عملش حسابه ان العمارات دي هتطلع بالعشوائية دي و بالارتفاعات دي ( حوالي 12 دور ) وده هيسبب ضعف المية و تكدس شبكات الصرف والله أعلم بقى هيعملوا ايه في مسألة احمال الكهرباء .

قررت في الأخر أصرف نظر عنها

تحياتي و تقديري

[EMY AH]

انا متشكرة ليكوا جدا فعلا استفدت من مشورتكم وهابعد عن منطقة الزهراء لكن هل فيه مكان اخر لاستغلال هذا المبلغ ال60000 فى اى عقار علما بانى بحثت كثير جدا ولم اجد فى المدن الجديدة تى شئ بهذا السعر ولو وجدته الاقى الاقساط 700 جنيه والف حنيه.

[EMY AH]

اخى تام سايت هل تقصد فى حديثك عن العمارة اللى روحتها الشقة اللى ب49 الف ولا 75 الف؟؟؟؟

[Tamsite]

انا بأشرح لك ظروف الشقة اللي ب 75 ألف في المداخلة اللي فاتت

اما عن الشقق اللي ب 49 ألف و في مدينة نصر ، فأنا اعتقد ان ده مستحيل تقريبا ورأيي من رأي الاستاذ س س

ويا ريتني أقدر أفيدك في موضوع الاستفادة من المبلغ اللي معاكي في سبيل الاستثمار في شقة ، و لو اني أشك ان تلاقي حاجة قسطها مريح زي مانتي عاوزة

السائد دلوقتي ان النص مقدم و النص على سنتين أو سنة و نص ، واضح ان الجماعة اللي بيستثمروا عن طريق البناء و البيع عاوزين يلموا الحصيلة فورا

يا رب تكون معلوماتي مفيدة ليكي ، و هأحاول أفيدك أكتر لو لقيت معلومات تانية

تحياتي و تقديري

تم تعديل 6 مايو 2008 بواسطة Tamsite

[قديم]

اعتقد ممكن هذا المــوقع يفيـــدك

هنـــا

[EMY AH]

متشكرة ليكوا جدا ولمساعدتكم...........

[EMY AH]

ho rاخ قديم السايد فعلا جميل............بس هو ليه ما بيحطش تواريخ عشان ماروحش اسئل على شقة اعلانها قديم

[EMY AH]

بالنسبة لمدينة بدر .........هل المدينة بعيدة قوى ياعنى سمعت انها جنب الشروق وامام مدينتى والتنين دول نار دلوقتى ليه المتر فى بدر ارخص شوية من الشروق؟

وعايزة اسأل عن مدى نجاح الاستثمار بهذه المدينة؟ يعنى اشترى فيها ولا اشوف مكان تانى.

[قديم]

ho rاخ قديم السايد فعلا جميل............بس هو ليه ما بيحطش تواريخ عشان ماروحش اسئل على شقة اعلانها قديم

اولا انا معلوماتي عن الموقع عامه . وما لي علاقه بيهم . وحاولت اعمل له رابط هنا عشا يقدر يوفر عليك جزء من البحث او علي الاقل يعطيك انطباع اولي وعام عن الاسعار

ثانيا اعتقد فيه نمره تلفون صاحب العقار او مالكه او وسيطه . وبكذا اعتقد سهل الاتصال وتقدري تتصلي بيهم وتتاكدي من بعض البيانات مثل اخر سعر وصل له العقار واي اسئله اخـري

ثالثا مهما قدمو من معلومات تفصيليــه . فلا تغني عن زيارتك للموقع والوقوف عليــه .

وشكرا

[EMY AH]

الاستاذ سى السيد افادنى بانها ابعد مدينة ولكنى علمت انها ملاصقة للشروق وهليوبلس وبعدها بمسافة على طريق الاسماعيلية مدينة العاشر

[sami ragab]

الأخت الفاضلة مدينة بدر من المدن الواعدة وفي المستقبل القريب ستكون أمام أهم مناطق مدينتي وهي المنطقة الترفيهية والأراضي فيها أسعارها الآن معقولة وحتى الشقق وأعتقد أنها ستكون من أجمل المدن الجديدة في المستقبل القريب

[عصام أبوالفتح]

100 م و بـ 49000 في الحي الثامن

مستحيل ومن رابع المستحيلات

ولو حقيقي يبقى تاخدي معاكي محامي وتدفع لي لصاحب العمارة 59000 ... زوديه 10 ألاف وهادفع لك الفرق أنا وروحي سجلي الشقة في الشهر العقاري في لحظتها

.

س س باشا وحشتنا ياكبير ..المساكن المقصودة ..فى عزبة الهجانة ويشار لها فى الاعلانات بمساكن شرق النادى الاهلى او اخر مترو مصطفى النحاس ودى اسوء حاجة فى مدينة نصر لانها عشوائيات بمعنى الكلمة .. اللى بعدها واحسن شوية واغلى هى مساكن الزهراء قرب مخازن السلاب .. وكلها بدون رخص حسب علمى

اما الجيش والشرطة فالشقق كانت ب14 الف جنيه منها 10 الاف على 20 سنة و4 اتدفعوا فى الاول

ده سعر متوسط لكن اللى محدش يعرفه ان الارض تبفى ملك للجيش او للشرطة وكانه قانون قديم بالضبط

فاللى بيشترى دلوقتى ب100 و115 زى مافى الاعلانات يبقى ساذج جدا .. خصوصا لو اشترى بتوكيل وماشفش عقد التخصيص الاصلى

[romancygeddan]

انا عندى شقة فى اخر مصطفة النحاس ودى طبعا مش مترخصة وفيها مشاكل وبدورلها على بيعة دلوقتى

بالنسبة للزهراء ف انا ساكن هناك عند السلاب بس الناحية التانية من المصنع فى عمارات الجيش الشقق 86 متر ب 150 او 170 الف

ناحية السلاب بقى شقق 140 متر ب 100 او 120 واسمع برده ان فيها مشاكل

[romancygeddan]

حد عنده معلومات مؤكدة عن الموضوع ده