ارجو المساعدة من ذوى الخبرة

[ايناس احمد]

:blink: hh

انا عضوة جديدة فى المنتدى واحب اشارك معاكو وقبل مابدا اقدم التهنئة للاخت مصرية ومغتربة وللاخ اللى عمل الكشف الطبى

احنا مقدميين هجرة لكيبيك ومنتظريين المقابلة الشخصية فى سبتمبر القادم ان شاء اللة اتمنى من اعضاء المنتدى اللى عملو المقابلة افادتنا الملف مقدم باسم زوجى وتقريبا العبئ الاكبر حيكون علية ياريت اللى عندة فكرة عن الاسئلة لى او لية يفدنا ولكم جزيل الشكر واتمنى انكم تقبلونى اخت ليكم ونتواصل وربنا يوفق الجميع ويامر لنا باللى فية الخير

[ELSHAMY]

الأخت ايناس....مرحب بك وسط اخوانك و اخواتك....عليكى بقراءة هذا الملف

http://www.egyptiantalks.org/invb/index.php?showtopic=55498

ان شاء الله فيه الفايدة

تحياتى

[ايناس احمد]

الأخت ايناس....مرحب بك وسط اخوانك و اخواتك....عليكى بقراءة هذا الملف

http://www.egyptiantalks.org/invb/index.php?showtopic=55498

ان شاء الله فيه الفايدة

تحياتى

شكرا جزيلا :lol:

[ايناس احمد]

:closedeyes: اخوانى الكرام لدى استفسار ممن يعملون فى القطاع الحكومى فى مصر اية نوعية الاجازة اللى بتاخدوهالما تيجو تسافرو ان شاء اللة ومعشلى شىء تانى احنا مقدميين الملف بتاريخ 8 \2005 واستلمنا رقم الملف 10\2005 فية حد مقدم فى نفس التوقيت وجالة ميعاد المقابلة الشخصية على فكرة احنا مقدميين كيبيك ياريت اخونى واخواتى يفيدونى فى ذلك ولكم جزيل الشكر

[ahmedib]

مدام ايناس ,,

انا مريت شويه ببعض الصعوبات والتالى ملخص سريع عن موقفى ,

انا قدمت بعدك بشهر هجره الى كيبيك , تاريخ : 6/9/2005 ,.

بس مشكلتى ان الجوابات كانت بتضيع فى البوسطه (البريد المصرى الهمام) . المهم انى عرفت رقم الملف عن طريق الايميل بعدها بحوالى سنه (اغسطس 2006 بالتحديد).

بعد كده بعتولى جواب المقابله بتاريخ 13/5/2007 عشان ابعت تحديث للملفات وعشان يبلغونى بميعاد المقابله خلال نوفمبر 2007 , وللاسف لم يصلنى الجواب وضاع فى البريد واكتشفت ذلك خلال فبراير 2008 .

خلال فبراير 2008 بعد اكتشاف ضياع الجواب واغلاق الملف بسب عدم الرد عليهم فى سوريا , اتصلت بيهم وبلغتهم بعدم استلامى اى مكاتبات , وايضا بلغتهم انى تزوجت ورزقنا الله بولد .

غيرت عنوان المراسلات ليكون على عنوان حمايا , وبعتولى الملفات الجديده وطلب بتحديث البيانات والحاله الاجتماعيه واوراق زوجتى والبيبى .

جهزت كل الملفات (حوالى 500 جرام اوراق) وارسلت ملفات مراتى وابنى وتحديث لملفاتى خلال الـ 3 سنين الماضيه, وبلغونى انهم اضافوا بياناتهم خلاص على الملف بتاعى . وفى انتظارابلاغى بميعاد المقابله باذن الله تعالى ادعولى تكون معاكوا فى سبتمبر القادم يا رب .

القصه كامله فى المواضيع الاتي على المنتدى الغالى :-

- مكتب المستشار وهيب يوسف.

- اضافة الزوجه والابن .

يعنى لو مافيش اى مراسلات وصلت حضرتك , لازم تكلميهم على التليفون وتبعتى فاكس (هما بيهتموا جدا بالفاكسات) لكن الايميل اقل اهميه بالنسبه لهم والتليفون احيانا لا يرضوا اعطاء اى معلومه .

وانا تحت امر حضراتكم فى اى استفسار .

[ahmedib]

مدام ايناس ,

انا اسف , مكنتش اعرف ان حضرتك اللى شاركتى معانا فى موضوع وهيب يوسف,

انا خدت بالى دلوقتى لما راجعت الموضوع .

انا اسف ان معلوماتى مش هتضيف كتير لموضوعك.

اسف , تحياتى

[ايناس احمد]

:closedeyes: :unsure:

شكرا جزيلا على اهتمام حضرتك وردك على الموضوع ومفيش اسف ولا حاجة احنا كلنا بنحاول نطمن بعض ونستفيد من خبرة بعض احنا اتصلنا بسوريا وبعتنا فاكس وقالو احتمال كبير نكون فى المقابلة اللىجاية بس انت حضرتك استعديت للفرنساوى كويس انت والمدام ولا اخباركو اية ربنا يستر ويوفقنا جميعا انا بصراحة مشكلتى الفرنساوى وقلقانة جدا :wub: :

[ahmedib]

ربنا يوفق الجميع ,

بالنسبه للغه الفرنسيه, انا كنت دارس 8 مستويات (فى معهد القوات المسلحه) خلال الفتره من مايو 2003 الى اغسطس 2005 , قبل التقديم للهجره.

ثم راجعت اللغه خلال شهرى يوليو واغسطس 2007 ,(اصل الجواز والدراسه والشغل نسونى كل حاجه) وقدمت تانى ودخلت المستوى السابع ثم الثامن فى المركز الثقافى الفرنسى.

بالنسبه للبرامج اللى كنت براجع فيها , انا كنت كاتب كل التفاصيل عنها فى مشاركه على المنتدى اسمها (كورسات انجليزى وفرنساوى هامه للمهاجرين) مش فاضل بس الا طريقه تنزيلهم من على الانترنت.

بالنسبه للفرنساوى ,, انا مش عايز حضرتك تقلقى, انا زوجتى نفس الوضع , وكمان عمرها ما درست فرنساوى ولا حتى فى الثانوى , ابتدى ذاكرى من الكورس اللى اسمه (learn to speak french deulex 9) لان الكورس ده بالذات بيبدا من الف باء اللغه وسهل شويه ممكن يفتح النفس بس المهم المداومه على المذاكره وبذل شوية مجهود.

بالنسبه للمقابله, فى مدرس سمعت عنه بيدرس فرنساوى عشان المقابله (اعرف ان الحصه بـ 70 جنيه مهما طالت, الله اعلم هيغلى مع البنزين والفول والرز والزيت وكل حاجه ولا لسه زى ما هو) وبيدى معلومات وتمرينات لاسئله المقابله , ناوى انا وزوجتى ندرس معاه شويه قبل المقابله لرفع درجه الاستعداد وتقويه اللغه عندها والتمرين على اسئلة المقابله , 2 صحابى لسه ناجحين الشهر اللى فات مع الراجل ده, انا حاليا بحاول اوصل لبيانات الاتصال بالراجل ده .

وفى النهايه انا فى خدمة الجميع ,

تحياتى ,

احمد ابراهيم

[ايناس احمد]

:bsmal: :bro: شكرا جزيلا على المعلومات الحلوة دى وشكلى كدا اذاكر انا والمدام لانى انا واخدة الثانوية من السعودية ومدرستش فرنساوى خالص عرفنى على المدام علشان نبقى اصحاب ونشجع بعض ههههههههه ولانواسى بعض انا مقيمة حاليا فى السعودية زوجى بيشتغل هنا ربنا يوفقنا جميعا وربنايسهل وتقدر حضرتك توصل للمدرس ولما نرجع فى الاجازة نقدر نروحلة شوية قبل ميعاد المقابلة وياريت لما حضرتك يجيلك جواب المقابلة تقولنا واحنا كمان ان شاء اللة لو حصل جديد حنبلغ حضرتك وهيب يوسف كان واعدنا انة حيقولنا على اسئلة المقابلةاللة اعلم بصدق هذا الكلام بس الواحد يعمل اللى يقدر علية احسن انا زوجى حيمتحن الدلف b1

21\ 5 ربنا يوفقنا جميعا سلامى للمدام

اختكم ايناس

[ahmedib]

اشكرك يا فندم , ربنا يوقفنا جميعا ,

زوجتى درست الثانويه العامه من ليبيا واللغه الاجنبيه كانت الانجليزى فقط .

هنقوم بمحاوله ارسال الـ email بتاعها على الخاص لحضرتك, هى بترحب بيكى جدا.

ان شاء الله اول ما جواب المقابله يوصل هبلغ حضرتك بالميعاد , يا رب يكون قريب .

جوزك عمل احسن تصرف انه يوصل للDALF B1 لان ده بيقوى مركزه , المهم حضرتك كمان تجتهدى شويه فى الفرنساوى لان المفروض هتتكلمى مع الضابط حوالى سؤالين بالفرنساوى اظنهم عن حياتك وعملك وخبرتك لو اشتغلتى قبل كده , , والا ممكن تقل درجات التوام والتكيف مع المجتمع (مش فاكر كام درجه) .

بس ليا اضافه صغيره , صاحبى اللى نجح فى المقابله الشهر الماضى , كان معايا فى المستوى الثامن , ولم يكمله للتجهيز للمقابله, بس هو اتدرب وجهز اوارق كتير عن الحياه فى كيبيك وكيفية البحث عن عمل وفرص العمل لتخصصه + التدريب على المحادثه مع المدرس . بالتالى , اظن مهم جدا معرفة معلومات كتير عن الحياه والبلد والسياسه والاقتصاد هناك .

يعنى الdalf وبس , محتاج يزيد عليه حاجات تانيه, اللى فهمته من كذا واحد اننا مش مطالببين بالوصول لمستوى ال dalf لكن الاهم نتكلم كويس فى المقابله و نسمع كويس ونتجنب التلعثم او طلب اعادة السؤال .

بالنسبه الى وهيب يوسف, هو كان بياكد انى لازم اخد ال dalf , لكنى اصبحت لا اثق فى هذا الانسان بتاتا , واى حاجه كان يقولها , لازم اتاكد منها. وارجو انكم برضوا ما تثقوش فيه او تعتمدوا عليه 100% , هو اخد فلوسه كلها خلاص وممكن ما يرضاش يعرفكوا اى حاجه, كفايه سوء المعامله , ارجوكوا ركزوا انك تتعلمى اكتر ما يمكن فرنساوى و وجوزك يركز على المحادثه وبعدها شوفوا الراجل ده ممكن يقدم لكم ايه , لكن تعتمدوا عليه , غلط غلط غلط. دا مساء الخير عنده لازم تدفعيلها فلوس , اعوذ بالله.

انت حاولتى تذاكرى من الكورس اللى كتبته فوق ؟؟ حاولى تتعبى شويه وابداى فيه لان اللغه مهمه جدا عندهم وهى اللى بتدى انطباع كويس عن المهاجر ومدى جديته (طبعا لان اللغه هى اساس التواصل فى اى مجتمع) حاولى تنزليه , ولو ما عرفتيش , ممكن ادلكم ازاى نوصله على الانترنت.

تحياتى

احمد ابراهيم

[ahmedib]

مدام ايناس

السلام عليكم,

انا حاولت كذا مره اراسلكم على البريد الخاص لكن بدون فايده.

ارجو لو حضرتك قريتى الموضوع ده تبعتيلى رساله على البريد الالكترونى بتاعى اللى متسجل فى موضوع (وهيب يوسف ) عشان اطمن على ميعاد المقابله بتاعكم وعشان ابلغكم ببيانتا المدرس بتاع المقالبه.

تحياتى

احمد ابراهيم