الجمعية التأمينية للمغتربين المصريين

[medoworld]

اخواتى فى المنتدى

انا بحلم حلم ونفسى يتحقق

اولا هى فكره شوفتها كتير بين مغتربين بس غير مصريين

يعنى مثلا ليا اصدقاء سودانين بيعملو رابطه لكل قابيله او منطقه وبيمسكهم ناس معروفين وبيجمعو كل شهر 100 ريال من كل واحد

وبالفلوس دية بيعملو التالى بيأجرو بيت كبير لعذاب من الجمعيه دية وكل واحد يجى جديد من القبيله او المنطقه دية ينزل على البيت ده ويتحملوه اكل وشرب ويساعدوه لحد ما يلاقى شغل وبعدها يدفع زى اى حد 100 ريال كل شهر

بجد شوفت فيها حاجات كويسه جدا كان فيهم وحد توفاه الله بجد خلصو اوراقه كلها وسافروه ومعاه واحد من فلوس الجمعيه واعطو له ما يعادل عشرين الف ريال من الجمعية ديه وصله لزوجه واولاده

وصديق ليه نزل يتجوز اعطو له من الجمعية دية 5000 ريال

غير اللى جمعوه من بعض كل واحد على مقدرته زى النقوط كده عندنا هو ملزم يسدهم فيما بعد لم اكتر من خمسة عشر الف ريال

سألت مره صديقى ده لو انت مش اشتركت ولا دفعت بيقولى عادى بس تحس انهم كلهم بيتنفرو عنك ومش بتلاقى حد يساعدك فى اى حاجه اكتر شىء اهلا ومرحب

يعنى زى شىء عرفى ما بينهم

وبردو السوريين نفس الموضع فى صديق من سوريا قالى اهل المحافظه بيجمعو بعض بيعملو جمعيه زى كده بس عن طريق السفاره ولها قواعد وقوانين وبشرف عليها ناس معروفه ولحد حصل له حادث ولا شىء لقدر الله بيسدها عنه وديت على مستوى المملكه بس كل محافظه لوحده بتجمع ناسها

ده سألته عليها قالى لها قواعد لو حد منهم اتوفى بيعطو لاولاده مية الف ريال غير سفره على حسابهم بس دولا بيدفعو 200 ريال فى الشهر وطبعا منظمه وموثقه من السفاره هى اللى بتشرف عليها وهى قديمه علشان كده فيها مقدره ماليه

د غير كده ان لهم اجتماعات دوريه بيعملوه ويتعرفو على بعض فيها

بحلم نكون زيهم نجمع بعض ونعمل حاجه زى كده ازاى مش عارف ممكن نعملها عن طريق السفاره عن طريق ناس معروفه و اهل خبره واهل ثقه

بس نفسى الاقى حاجه زى كده نخس بأمان نحس ان فى اخوتنا ياريت تقولو ليه ايه رأيكم وياريت الاقى خطوات جده لكده

هو حلم بس مش مستحيل

[مصري جدا]

أخي العزيزأنا حلمت زيك من مده بس للأسف صحيت من الحلم لقيت نفسي بكلم نفسي ياريت دعوتك دي تلاقي تجاوب أحسن من دعوتي ....ياريت تدخل علي الموضوع اللي كنت كاتبه من حوالي شهرين وتشوف أن حتي مفيش حد رد علي غير في الأخر

ده رابط الموضوع أضغط هنا سؤال هام للمغتربين

تم تعديل 6 مايو 2008 بواسطة مصري جدا

[medoworld]

اخى مصرى

انا شوفت موضوعك بجد قلبى وجعنى من بعض الردود فيها ووجعنى اكتر انا اتنست

بس انا بتمنى من ادارة المنتدى انها تتبنى حامله لكده ومش تقطع الموضوع ده انا بنادى اللى قايمين على المنتدى ده تكون الانطلاقه الاولى من عندهم

ويكون فى خطوات جاده من ادارة المنتدى

وكل عضو هنا يقدر يحط فكره يحط خطوه يقول رأى يفدنا

اكيد فى ناس هنا تحب تعمل حاجه كويسه بس عايزه اللى يشجعها وياخد بأيدها

انا عن نفسى فكرتى انا تكون عامه بين كل مغتربى مصر يتعمل رقم حساب يشرف عليه مجموعه تختار بأسلوب معين ويشرف عليهم جهه حكوميه سفاره او خلافه انا مش عارف ازاى بالظبط بس اكيد فى ناس عندهم افكار مرتبه ومنسقه ياريتهم يحطوها ياريت كل واحد يقول حاجه ياريت كل واحد يقدم خطوه

وطريق الالف ميل ببدء بخطوه

مين اللى هيخطو الخطوه الاولى ...................

[aimen]

http://www.egyptiantalks.org/invb/index.ph...mode=linearplus

دى حاجه موجودة فعليا ولها اشتراكات وخصومات على المستوصفات وتقريبا تحقق ما تريد

تلاقيها فى المنفوحة بجوار الحديقة ( صندوق رعاية المصريين ) يمكنك الإتصال على رقم

2902736

أو جوال 0560372024 ( للسؤال عن كيفية الإشتراك )

تم تعديل 6 مايو 2008 بواسطة aimen