يا ولاد اللاعيبه ...........

[houssin abo habaga]

يا ولاد اللاعيبه ...........

فعلا ولاد لعيبه وشربها الشعب

ملاعيين علاوة بالشمال وخدوها باليمين أبرة بنج أتلعبت بذكاء

فكرونى بالنصابين اللى باعوا علب السمن فى ميدان باب اللوق

لبسوا ملابس شرطه ووقفوا عربية نقل مليانه علب سمنه وكان

ساعتها علبة السمن ب 5 جنيهات خمسه كيلو وفتحوا علبتين أمام

الناس ليعرفوا أنها سمن حقيقى وأمروا ببيع العلبه ب 2 جنيه بس

يومها الأشرجى ساب الأشارة وأصحاب المطاعم جريوا يا خدوا

أكبر كميه وأمناء الشرطه نظموا البيع علشان يطولوا من الحب

جانب المهم أتباعت العربية خلال ساعه زمنيه ومشيت العربية

ومشيت عربية التموين اللى مسكت العربية وكل الناس لم تفكر

ولو لحظه واحده فى رقم السيارة وذهب الناس يفتحوا علب السمنه

وجدوها متعبية ميه نعم الناس أشتروا مية

هذا ما فعله الريس والحكومة فى رسم خطة جهنمية لآمتصاص

الأعتصام بزيادة الرواتب 30% قبل الأعتصام ويوم 5 مايو بعد

الأعتصام بيوم واحد أعلنوا زيادة المحروقات من 20% الى 45%

وبكده يبقوا باعوا الميه فى حارة السقايين لشعب طيب كاد أن يتضور

جوعا فتسابق على أول حسنه ولكنه وجد أن بطنه لن تجد ما

يسد الرمق

أيها الشعب المصرى العظيم

السلام عليكم ورحمة الله وبركاته

نحن معارضة كدابه أشربوا عصير الحكومه المسمم

لكم الله ولمصر الصبر على البلاء

************

كتابات / حسن أرابيسك

:lol: :D

[عماد سيف النصر]

عزيزي

عندك حق فى كل اللى قلته

ولكن ماهو رد الفعل ؟؟؟؟؟؟؟؟؟؟؟؟

لله الامر من قبل ومن بعد

[justtrying]

انا بصراحة مش عارف انتو بتفكروا ازاي

يا جدعان الكلام ده كله مدعوم من قبل الحكومة .. يعني سعر القمح عالمياً اصلا غلي وبالتالي العيش هيغلى طبيعي يعني أسعار البترول وصلت لأسعار خيالية 120 دولار للبرميل .. فطبيعي اسعار البنزين تغلى انتو بتكلمو في ايه ...

احنا يمكن من أرخص الدول في أفرقيا في سعر لتر البنزين ... لأن كل الكلام ده مدعوم من الدولة ..

[Handicraft]

طيب جميل جدا

وليه بنشترى القمح الإسترالى 4800 جنيه ومن الفلاح المصرى 2800 جنيه كدعم طبعاً لأخونا الفلاح الإسترالى

طيب ليه ما نزرعش اصلا قمح وانا شوفت الساحل الشمالى لغاية براني فى الصيف وهو مليان قمح اخضر

طيب ليه بنصدر الغاز لإسرائيل مدعوم ونغليه على ابن الوطن

طيب ليه نغلى السولار اللى بيأثر فى كل شئ فى البلد

طيب ليه ما نخدش ضرايب من الأغنياء

طيب ليه ما نخدش رسوم على اليخوت والشواطئ الخاصة

طيب ليه بنبيع البلد بتراب الفلوس للي يغليه على ابن البلد طظ فى الحكومة

طيب الحمد لله انك قلت من أفريقيا، يعنى احنا زينا زى الصومال جيبوتي وناميبيا وبتسوانا وعلشان الحق فيه دول فى أفريقيا سبقتا كتير قصدى احنا اتخلفنا عنهم كتير .... كده صح ده وضعنا الطبيعى بعد حكم الريس لمدة 27 سنة جوع وتخلف وفقر ومرض وجهل ومهانة واستعباد واحتكار ورشوة ومحسوبية وبلطجة وتزوير وقلة قيمة وفساد وعهر وعري ودعارة ومخدرات وخمر و اعتقالات واغتصاب رجاله وستات ووووو ......... وغيره وغيره

انت جبت من الآخر برافو عليك.

ده حالنا دلوقتي.

[galaxy]

دي منظومه شعارها ...اضرب ولاقي.........حقنه بنج وبعدها ضربه علي الراس.........ولان الناس بقي اقصي حلم ليهم اللقمه اتخدعوا وشربوها.......ودا اللي خلي الاضراب التاني مالوش معني لان الامل عند الناس المطحونه بس بقي في الرغيف مش في حياه افضل واحسن.........لعبوها صح.

[wotwot]

والله لعبوها صح الصح اصلهم بيكلو بيرزيدون الجبنه الفرنسيه والشعب المصري مش لاقي حتي ياعيني العيش

وبعدين انتم حتفتروا يعني الريس يزودكم 30% والاسعار يعني متغلاش شويه 120% ايه الافتري ده انتم فعلا شعب وحش وبيغلب حكومته ربنا يخدكم ويريح الحكومة منكم تغرقوا في عبارة تنحرقوا في قطار ولا تنهد عليكم عمارة ولا تقع بيكوا طيارة ولاتموتوا بالسرطان ولا ايه بس والله الحكومة مش عارف تعمل فيكوا اكتر من كده ايه

تم تعديل 10 مايو 2008 بواسطة wotwot