ايه المهن المسعوده .. وايه المهن الي تقبل استقدام الأقارب ..

[kingsabry]

بسم الله الرحمن الرحيم

ايه المهن المسعوده .. وايه المهن الي تقبل استقدام الأقارب ..

وايه الشروط المطلوبه لتغيير المهنه في السعوديه ..

ياريت ألاقي جواب من أهل الخبره هنا

شكرا

[se_ Elsyed]

جميع المهن العُليا والتي يحمل أصحابها شهادات جامعية

يعني أي حاجه غير العامل والسائق والفني والحاجات دي

عشان تغير المهنة لازم يكون معاك شهادة جامعية موثقة من مصر وكمان وزارة العمل مؤخراً منعت تغيير المهنة وأقتصر ذلك مع نقل الكفالة فقط ... غير ككده ما تقدرش تغير ... إلا بواسطة وفلوس تحت الترابيزة

المشكلة هنا إن إدارة الإستقدام حتى لو غيرت مهنتك .. فبيفضل سجلك الأسود الاول لديهم

يعني لو جايز على تأشيرة ميكانيكي ... وغيرتها حسب شهاداتك لمهندس ميكانيكي ... وتيجي تقدم على إستقدام ... يضربوا إسمك على لاسيستم في إدارة الإستقدام .. تلاقي المهنة لسه ميكانيكي مع إنك مغيرها رسمي حلمي نظمي فهمي .. لكن هما بيقولوا إحنا لنا سيستم منفصل .

[kingsabry]

ألف ألف شكر يا باشا على رد حضرتك السريع ..

بس كان ليا استفسار ..

جميع المهن العُليا والتي يحمل أصحابها شهادات جامعية

يعني أي حاجه غير العامل والسائق والفني والحاجات دي

عشان تغير المهنة لازم يكون معاك شهادة جامعية موثقة من مصر وكمان وزارة العمل مؤخراً منعت تغيير المهنة وأقتصر ذلك مع نقل الكفالة فقط ... غير ككده ما تقدرش تغير ... إلا بواسطة وفلوس تحت الترابيزة

أنا أعرف واحد كان معاه مهنة ( بائع ) وعمل استقدام لزوجته .. من غير ما معاه مؤهل عالي أو شئ ..

ثانيا :: ايه حكاية توثيق الشهاده من وزاره العمل دي ..

يعني أنا معايا بكالوريوس تجاره وموثقها من الخارجيه .. لسه هحتاج أعمل حاجه تانيه ولا ايه ؟؟

المشكلة هنا إن إدارة الإستقدام حتى لو غيرت مهنتك .. فبيفضل سجلك الأسود الاول لديهم

وايه المشكله في كده .. اعذرني في السؤال ؟؟ دي أول مره أسافر ومعرفش حاجه هناك ؟؟

وشكرا على سعة قلبك للجميع ..