برضوا أسلوب الإعلام بتاع " الكلام ليكي يا جاره "

[se_ Elsyed]

ده أسلوب زبالة بتتبعه الصحف القومية التابعة للحكومة عشان تحسسك عند كل أزمة - وهي كثيرررررررررررررررررررررررررررررة - في عهد الرئيس القائد حفظه الله وأبقاه حتى يتخطى المائة قرن ... يحسسونا مش غحنا بس لوحدنا اللي بنعاني لا مؤخذه

فلو قريت عن حوادث القطارات - دي تخصص عصر مبارك ووسيلة فعالة لتنظيم الأسرة - وحوادث السيارات المفزعة

لازم الجرايد الحكومية تقب وتغتطس وتخلق مراسلين يجيبوا لنا حوادث مشابهة في نفس التوقيت م مختلف انحاء العالم ...

أهو ولسه مثل حاصل النهاردة

بالله عليكو ... هل حد فينا قرا قبل كه عن مشاكل غذائية في أي دولة عربية قبل كده ؟

لأ طبعاً لإن الجرايد مش فاضية للأخبار اللي زي دي وكفاية عليها تغطي نشاط الرئيس حفظه الله منا أول ما يقوم من النوم الصبح ويدخل الحمام الملكي ... إلىىىىىىىىىىىىىىىى أن يآوي إلى سرير ريش النعام في المساء ...

بصوا الخبر ده وأضحكوا معي بشدة

الاهرام

اختناقات في توزيع الخبز في سوريا

دمشق ـ من أيمن المهدي ـ بيروت ـ مقديشو ـ وكالات الأنباء‏:‏

شهدت عدة مدن عربية اختناقات بسبب أزمة الغذاء‏,‏ حيث برزت ظاهرة الطوابير أمام المخابز في جميع أنحاء المدن السورية خلال اليومين الماضيين‏,‏ برغم تأكيد الحكومة السورية بشكل متكرر أن الخبز خط أحمر‏,‏ ولن يرفع سعره نهائيا‏.‏ وأرجع المسئولون ظاهرة الطوابير إلي ارتفاع سعر لتر المازوت من سبع ليرات إلي‏25‏ ليرة‏.‏ وفي بيروت‏,‏ رفض غسان غصن رئيس الاتحاد العمالي العام أمس قرار الحكومة برفع الحد الأدني للأجور من‏450‏ ألف ليرة‏(300‏ دولار‏)‏ إلي‏500‏ ألف ليرة‏(330‏ دولارا‏),‏ وزيادة الرواتب الأخري بنسبة مماثلة‏,‏ واعتبر الاتحاد الزيادة غير كافية وشكلية‏.‏ وفي نيويورك‏,‏ دعا بان كي مون‏,‏ الأمين العام للأمم المتحدة‏,‏ قادة العالم إلي طرح أفكار جديدة لحل أزمة الغذاء العالمية خلال قمة الغذاء العالمية التي ستعقد في روما الشهر المقبل‏.‏

والله العظيم أول ما قريت إسم بان بوكيمون بتاع الأمم المتحده انا قلت هايقولوا : هذا وقد أفاد مراسلنا في نيو يورك أنه شاهد بان كيمون يحمل قفصاص من جريد النخل ويمشي بخطى وئيده في شاره مانهاتن متجهاً إلى مخبز الحاج عبدو وما غن وصل حتى وجد طوابيرٌ طوووووووووووووويله وأضطر في منتهى الادب بأن ياخذ دوره في الطابور ناسياً ومتناسياً مهامه كأمين عام للأمم المتحده ...

عاشت مصر حره مستقلة وليسخأ الخاسئون .... وأقعدوا بالعافية

[Sherief AbdelWahab]

وطبعاً لن يسكت إعلام المال السياسي وسيستضيف عدداً من وزراء التموين السابقين الذين سيولولون على إنجازات الوزارة في عهدهم وعلى عدم وجود طوابير خبز في عهودهم (اتأنثرت والدمعة حتزوغ من عيني) وعلى ..وعلى..وعلى... .

إعلام الحزبوطني والإعلام "إياه" بيتنافسوا على استغفالنا..

خلص الكلام

[Muhammad Zidan]

مساء الخير

معلش يا س س

باين عليك ما قريتش الجمهورية بتاع النهارده

الأخ محمد علي إبراهيم - رئيس التحرير ( حماه الله وطيب خطاه أيضاً ) كاتب مقال جميل تحت العنوان الجميل ده :

في بلد النيل .. المياه المعدنية أغلى من البنزين ولا يشتكون!

اقتدوا بسائقي الميكروباص الشرفاء

الذين اشتروا السيارات الفارهة عليهم تحمل تكلفتها

من يتعلم بخمسة آلاف جنيه سنوياً لا يضيره زيادة المصروفات

إيران توزع البنزين بالبطاقات ورفعت سعره 500%

28 مليون أمريكي بلا طعام .. والأردن ألغت دعم المنتجات البترولية تماماً

سوريا رفعت الأجور 25% .. وزادت الأسعار 150%

في البرتغال لتر البنزين بـ15 جنيهاً ... والسنغال تستورد الأرز بالكامل

ناهيك بقى عن اللي مكتوب في باقي المقال ومبررات الغلاء ورفع أسعار البنزين والسولار ومصاريف المدارس وضريبة السيارات .... ومش عارف إيه كمان

وعيشوا يا مصريين

[aimen]

طيب وهو احنا زى السنغال ا اعقتد السنغال حتى وان كان فيها فساد لكن فيها تداول للسلطة وبعدين ليه اقارن نفسى بالأسوأ طيب ليه ما نشوف الأحسن ؟ ويا سلام مصر احسن من امريكا بمناسبة ايه يا ام عبده ؟ اه صح احنا احسن بكتابنا العظام و اعضاء مجلس الشعب ولشورى والمحافظين اللى مقسمين البلد بينهم ويا سلام عليكى يا مصر

اللهم عليك بهم وارنا فيهم عجائب قدرتك يارب من ابو علاء الى اصغر موظف مرتشى وحرامى

[اسكندرية تانى]

العيب فينا احنا اللى مش عارفين نقف فى الطابور كويس!!!!!!!!!!!!!!