طفل في الثالثة من عمره ينتحر

[Nina Hussien]

خبر عجيب قرأته في الجريدة اليوم ...

فاتفقت زوجة أب مع شقيقيها وشنقوا نجل زوجها «٣ سنوات» وتركاه داخل غرفته وأخبروا الأب بأنه انتحر،

فأبلغ الشرطة بانتحاره لعدم رغبته الذهاب إلي أمه، ثم تكرر الحادث نفسه مع الابنة «٩ سنوات»، وأبلغ الأب أيضا بانتحارها، وكاد وصف الحادث يكون علي أنه انتحار، لكن مباحث الشرقية نجحت في كشف الحقيقةبعد 10 شهور من الحادث !!!!!!!!!

الأب صدق أن ابنه اللي عنده 3 سنين انتحر و أبلغ الشرطة !!!

طيب ده راجل أهبل و مش مدي خوانة مش عارفة ازاي ...

لكن لو اللي بيتلكم مجنون المستمع عاقل

الشرطة تصدق ان طفل عنده 3 سنين ينتحر و تعدي الموضوع كده و يادار ما دخلك شر أهي دي بقى اللي جديدة !!!

طيب الضابط اللي قبل المحضر على أنه انتحار ما تأكدش هل كان الطفل بيتعاطى أي نوع من المخدرات أو واجهة أي مشكلة غرامية شديدة قبل الانتحار و لأ !!!

طيب ما سألش الأب ابنه طال سقف الغرفة و عقل فيها الحبل و شنق نفسه ازاي

و لا الشرطة مش فاضية اليومين دول ( الله يكون في عونهم ) الا لسحل الشعب على رأي اللواء المبجل محمد عبد الفتاح عمر الذي قال الشرطة ممكن تسحل الشعب علشان مصر

مش قاهرني الا ان الأب رجع بعد شهر و لقى بنته مشنوقة صدق برضه سبحان الله انها انتحرت و بلغ الشرطة اللي صدقوا الادعاء برضه ...

و بعد 10 شهور ... 10 شهور كاملة عملوا تحريات اكتشفوا فيها ان زوجة الأب هي اللي قتلت الأطفال دول

طبعا الجميع هايسألوا و فين الأم ؟ الأم كسبت قضية ضم لأولادها لكن الأب رفض تسليمهم لها عند فيها !!!!!!

آخر الكلام:-

زوجة الأب دي مفروض تعدم في ميدان عام رميا بالرصاص مع شقيقها مثلهما مثل أي حيوان مسعور

و حسبي الله و نعم الوكيل في شرطة مصر

تم تعديل 7 مايو 2008 بواسطة Nina Hussien