مشروع شعنونة - عمايل ايديا وحياة عينيا

[بنت شعنونة]

بصوا بقى

الموضوع بسيييييييييييييط جداااااااا :D

بس عاوزا رايكم بجد

اوووووووكي؟؟؟؟

صلوا ع النبي..

:lol:

شوفوا بقى.. بما ان الحالة المادية للبلد كلها "بما فيهم انا" بقت ضنننك والحمدلله :D

وبما ان مرتبي 145جنيه ونص دا لو قبضتهم طبعا :roll: :D :D

ف انا كنت قبل كدا برسم على الأزاز وابروزها وابيعها

صحيح هيا حاجات على قدي خاااااااااااالص ماااااااااالص :D :oops: :oops: :oops: :roll: :roll: :roll:

وانا مش فنانة ولا بتاع

بس اهو

نواااااااايا تسند الزير :roll: :oops: :oops:

فانا قلت في عقل بالي

يا بت يا شعنووووووونة

طب قبل ما تروحي تلفي بيها على محلات الهداياااااااا

واحرج نفسي مع نااااااااس اغراب

قلت اجرب فيكوووووووا الأول واخد الأحراج من ناس اعرفهم

:D

ف انا ها اصور البراويز اللي ناا عاملاها و احطهالكم هنا

وتقولولي رأيكم فيها بمنتهىىىىىىىىىىىىى الصرااااااااااحة

واخديييييييين بالكوووووووااااااااا

بمممممممنننننننتههههىىىىىىىى الصرااااااااااااحة :twisted: :twisted: :wink: :wink: :wink:

و اللي ها يقولي وحشة "يكتتتتتتتتتب وصيييييييته" :twisted:

:D :D

ف انا استلمت البراويز النهاردا اهو

وها اوريهالكم بكرا ان شاء الله

وبجد عاوزة رايكم بامانة

اااااااااااااااادي الموضوع كله

شفتوااااااا بقى

سوووووووووو سيمبل :wink: :wink: :lol: :lol: :lol: :lol: :oops: :oops: :oops: :roll: :roll:

[abofasad]

انا كنت متوقع ان الموضوع فيه مكسب وفلوس

وانا ما رحتش بعيد

انا قلت مصمط وكوارع

وأظن ان ده مايفرقش كتير عن القزاز والبراويز

والا انتم ليكم رأي تاني

[بنت شعنونة]

مصمط؟؟؟؟؟؟؟؟؟؟؟

للبرازويييييييييز؟؟؟؟؟؟ظ :shock: :shock:

حرام عليك يا ابو الفصاااااااد

دا انا راسما عليها ورورد وعصافير وبتاع

انت كدا ها تخليني اولع فيييييييييييهم :(

[nora]

بجد حاجة حلو يا شعنونة بجد انتي عرفة انها فكرة حلوه والله انا اشجعك عليه وعلشان تعرفي انا بعرف ارسم على الازاز واعمل ورد سراميك (بعجن عجينتها بنفسي ) و حرق الخشب :roll: :roll: :roll:

بس طبعا مفكرتش استثمر الكلام ده غير في بتنا رسمت على الشبابيك والبيبان يعني باب الشقة حطيتة مريات ورسمه علية ومبروزاه بقماش مخمل ( الي هو قطيفة) :roll: :roll:

بس اني اوريكم الشغل صعب مش هقدر اعمل اسكان لباب الشقة :) :) :) :)

انا بهرج انا ممكن اصورة بس المشكله ان الباب ده في مصر :shock: :shock:

على العموم لو حبيتي تعرفي مني عجينة السراميك هي سهله خاص وهقولك ازاي تشكليها ومش محتاجة غير مكنه واحد الي هي بتاعت المكرونه اللزانية :) :) :shock: هتقولي لية لية لما تعرفي العجينة من اية هتعرفي هي بيدخل في مكونتها الدقيق :) :) :)

ربنا معاكي وانا من اول الناس الي تشجعك :roll: :roll: :wink:

[se_ Elsyed]

انا بأعلن موقفي من هنا يا شعنونة وماتزعلش مني ان باحب الصراحة ... مش هاقدر أحكم على جودة أعمالك الفنية إلا مايجيني عينه ( مجانية ) وبعدها أقولها عالية مدوية .

كذلك أختنا نورا .. لو سمحتي أبعتيلي باب الشقة لمدة يومين فقط ( يداول على مايوصلني ال دي اتش ال ) وأشوف موهبتك الفنية وبرضوا بعدها هاقول رأيي.

مع تحيات الفنان س س س ( سي السيد السيريالي )

[maksoof]

طيب أنا حساهم بفكرة (و غالبا إنتى فكرتى فيها).

إيه رأيك يا أميرة لو تحاولى تبيعيهم على ال Ebay ؟ و يا حبذا لو تعملى جزء منهم فن إسلامى و جزء فرعونى؟ و بإذن الله لو العملية نجحت تزودى عليهم مجوهرات فرعونية؟

و مين عارف يمكن بعد شوية تاخدى توكيل الرولزروبس على النت :)

[abofasad]

الى العزيزة الغالية البنت الشعنونة

ما تزعليش مني .. انا كنت بخمن بس

على العموم مشروع رائع وجميل

وان شاء الله نشوف انتاجك على النت

واحسن طريقة انك تصوري بكاميرا ديجيتال وتوصليها مباشرة بالكومبيوتر وتورينا انتاجك اللي انا متأكد انه حيكون جميل زي أفكارك

[بنت شعنونة]

الصور اهيييييييي

قولولي رايكم بجد بقى لو سمحتم :roll: :roll:

[بنت شعنونة]

يا مسهل :lol: :cry:

[omtmam]

علي فكرة انا يمكن مش باكتب كتير بس متابعة اخبارك و كتاباتك باستمرار و كذلك كتابات الأخت كروسفيل والأخت سلوى و كذلك الأخوات لانسلوت والأستاذ الطفشان و كمان لما شفت الصور قلت لازم اقول حاجة بقى لذيذة فعلا يا شانا و خصوصا الصورة الثانية واستمرى اتمنى لك مشروع ناجح و تكونسبع صنايع والبخت رائع

[Salwa]

شوفى ياشانا...انا عندى هنا ..النقاد كلهم .

وكلهم اجمعوا على ان الرسومات جميلة جدا...ومشروع هايل.

تصدقى السنة اللى فاتت قلت لناس قرايبى فى مصر...على مشروع

الرسم على الزجاج ...بس انا كان قصدي زجاج الشبابيك والابواب...

طبعا كالعادة...قالولى لا لا لا ..الكلام ده مينفعش فى مصر...وحايبقى

حكر على طبقة معينه.

وصدقينى لو درستى اصول الحفر على الزجاج ممكن يبقى مشروع

هايل وفيه مكن مخصوص للحفر...ومع الرسم بيطلع شكل رائع لزجاج

باب مدخل الصالة...او شباك حجرة طفل.

والله ياشانا انا فرحانه قوى..ياريت كل الشباب تفكر تحسن من وضعها

المادى بالافكار الجديدة.

وتعرفى ..جربى رسومات لحجرة الطفل...كل ام مهما كان وضعها

الاقتصادى لازم تشترى حاجات من دى لأولادها....وضعى مكسب

قليل...نسبة بسيطة فى كمية مبيعات كثيرة...افضل من نسبة كبيرة

لنسبة قليلة من المبيعات...ابحثى عن الاستمرارية.

ربنا يوفقك انتى وكل شبابنا.

سلامى

[maksoof]

توكلي على الله. و ربنا يوفقك بإذن الله.

لو أنا سافرت مصر حاشتريهم. و ده كلام بجد مش بس كلام تشجيع

[بنت شعنونة]

:roll: :roll: :roll: :lol: :D :D :D :oops: :oops: :oops: :oops: :oops: :oops: :oops: :oops:

يا سلالالالالام

ربنا يخليكم يا رب

رفعتوووووووووا معنوياااااااتي جدااااااااااااا :oops: :oops: :oops: :oops:

اسمعوا بقى اخر نكتة

انا كنت بعملهم عشان ابيعهم في مزاد وهما ورزقهم بقى زي ما تيجي تيجي

يا طابت يا خابت

المهم

فجاة اتجرات وقلت

طب يا بنت يا شعنونة

ما تاخدي الوردة الحمرا دي وتلفي بيها ع المحلات؟

واجرب

المهم جربت في محل هدايا معفن كدا قريب مني قلت احرج نفسي معاه :oops:

المهم الراجل بالامانة شجعني جدا وقالي على اغلاطي وحاجات مهمة

وقالي خليها اعرضهالك لو اتباعت احاسبك عليها

قلتله طيب

وسيبتها وانا فرحانا جدا

المهم اتجرات اكتر ورحت لمول كبير ماليااااااااان محلات هدايا

وحقيقي كل ما اروح لمحل يشجعني بس كانوا كلهم موظفين وصاحب المحل مش موجود

بس كانوا بياكدوا عليا اني لازم اجي عشان صاحب المحل يشوفها

واخيرااااااا

وقعت في محل صاحبه موجود

فقلتله انا معايا براويز تشتري؟

قالي بكام؟؟

انا صدمت؟

طب يا عم شوفها الاول؟

قالي بكاااااااااام؟

قلتله شوف.. شافها

وعجبته

وبعد ما طلعت عيني

اشترى من 3 وردات :D :D

قعدت اقوله شكرا شكرا يجي ميت مرة وكنت فرحااااااااانا جداااا جداااا

حزروا بقى انا بعت الواحدا بكاااااااام؟ :lol: :lol:

الوردة..

عشان رسمة العصفورة ماكانتش متقنة قد كدا :roll: :oops: :oops:

[yasser6666]

بجد يا شعنونة تسلم ايديك والله حاجة في منتهي الجمال والروعة ومجهود يدوي وذهني ممتاز...المشروع يدل علي ان عندك موهبة فعلا ...قولي بقي بعتيها بكام ؟؟؟ اقول انا ؟؟؟ تلاتين جنية ؟؟؟؟ لان ان عارف اصحاب المحلات دول عايزين يكسبوا لوحدهم فأكيد مش حيعطيكي ما تستحقيه وهو فعلأ المفروض اكتر بكتير لان حأكون واقعي شوية واقولك تلاتين جنية

[بنت شعنونة]

:shock: :shock: :shock: :shock:

الوردة ب 30 جنيييييييييه؟؟؟؟؟؟؟؟؟

هيا تسوى لدرجادي؟؟؟؟؟؟؟؟؟ :cry: :cry: :cry:

انا بعتها ب 12 جنيه والراجل مش عاجبة :(

بيقولي غالية

واهلي بيقولوا لو كنتي قلتي 15 كان اشتروا برضه لآنها تجيب 15 جنيه

وانا مش مصدقة انها ممكن تجيب 15 جنيه

على فكرة انا لما بعتها كدا

مكسبي فيها جنيه واحد :( :? :? :roll: :roll: :roll:

[yasser6666]

والله شوية قوي ياشعنونة المجهود ده كله وفي الاخر مكسب جنية يتيم ...طب قوليلي اخدت منك شغل كام ساعة بالذمة ؟؟ وتروحي لبتاع البراويز وتيجي من عند بتاع البراويز ... ولكن برافو عليكي والله العظيم انك فعلأ مثابرة وانشاء الله تكون فاتحة خير عليك واهم حاجة انك تكسبي سوق زي مابيقولوا ومش مهم المكسب دلوقتي ...

طب والنبي كده غلاسة علي صاحب المحل ابعتي واحدة صاحبتك تعمل انها حتشتري الوردة دي من المحل اياه وخليها تعرف الراجل الحرامي ده عارضها بكام؟؟؟ مش ممكن بأقل من اربعين جنية ...اعرفي وبلغينا .ماشي؟؟

[بنت شعنونة]

انت بتقول فيها يا استاذ ياسر

انا ها اعلم كدا فعلالالالالا

المشكلة دلوقتي

انه مادام بعت لهم بالسعر دا

ما اقدرش اغلي عليهم

صح والا ايه :( :roll: :roll: :? :?

[maksoof]

انت بتقول فيها يا استاذ ياسر

انا ها اعلم كدا فعلالالالالا

المشكلة دلوقتي

انه مادام بعت لهم بالسعر دا

ما اقدرش اغلي عليهم

صح والا ايه :( :roll:  :roll:  :?  :?

طبعا تقدرى لو هو باعهم بسرعة. و في الحالة دى حيدفع أكتر لإنه عارف إنه حايكسب. و لو ما رضيش يبقى بالقليل إنتى تبقى عرفتى ثمنهم كام فى السوق و لما تروحى لمحل تانى يبقى عندك فكرة تطلبى كام.

أنا لسة رأيى لو تحطيهم على ال Ebay على إنهم مزاد و لو حتى تبتدى ب 2 أو 3 دولار (زائد مصاريف الشحن والتأمين طبعا) و شوفى حايجيبوا كام.

[بنت شعنونة]

ebay??

استاذ مكسوف

هوا ايه دا بالضبط

عشان انا مش فاهما حاجا :roll: :cry: :cry:

[الطفشان]

اولا

البرواز اللي عملتيه حلو قوي، و خصوصا الوردة

و 12 جنيه شوية قوي

هو بياخد منك كام خامات و كام وقت؟

الموقع هو صالة مزادات على الانترنت

http://www.ebay.com

تعرضي الحاجة و الناس تزايد عليها و بعدين اللي يرسي عليه المزاد تبعتيها له

بس يا اخ مكسوف انت ناسي انها في مصر

و لذلك الدفع حيكون ازاي، و الشحن و الجمارك؟

الامور دي معقدة جدا عندنا مش زي هنا سهلة و محددة و معروفة