مشروع شعنونة - عمايل ايديا وحياة عينيا

[nora]

طيب في الوان بتبقى خاصة للاطباق دي علشان هي اردي عليها طبقة على ما اعتقد حولي تجيبي الوان زيت شفاف بس انا عندي وحده صحبتي مهندسة ديكور هسألهالك اسم الالوان دي اية لانها بتستعمل الحجات دي كتير في الرسم على الابجورات والابجورات بتكون مطلية زي الاطباق :wink: :roll:

هرد عليكي ثواني هكلمها :!: :!:

[nora]

:) :) :) :roll:

كلمتها وقالت لية اسمها الوان سيراميك بس يا سيتي اي خدمة تنية يلة علشان هروح اكمل شغلي

:twisted: وبرضوا مردتيش على طلبي للزانية انا عماله اقلص اقلص في عملتي لحد شكلي كده هزهق :mad: :mad:

واعتقد ان دي خطتك :twisted: :twisted: :twisted:

[crossfield]

شعنونة:

افتكرتلك فكرة كنت عملتها زمااااان مرة واحدة وممكن تنفعك.بتشوفى الأباجورات اللى بتيقى مليانة ورد دى؟ طريقتها سهلة قوى ممكن تعمليها و مش هتااخد منك وقت خالص.

بتشترى حوض سمك من المدورين دول على حسب حجم الأباجورة اللى هتعمليها و يفضل الحجم الوسط و بعدين تروحى تشتريلك شوية ورد بألوان مختلفة و تجففيه خالص و ممكن تشترى شوية مجففين جاهزين و تخلطيهم باللى انتى جففتيهم عشان تبقى الألوان مختلفة و كمان الورد المجفف الجاهز بتبقى ريحته أقوى لكن متجبيش غير كيس واحد بس .المهم تحطى الورد ده كله فى حوض السمك و تشترى شابوه جاهز و متستغليش المهم يبقى شكله لذيذ و تروحى مودية العدة كلها عند واحد كهربائى يعملك وصلة كويسة و بعدين تروحى لواحد بتاع أباجورات (بيبيع أباجورات) و هوه هيعملك الجزء المعدنى اللى تسدى بيه فتحة حوض السمك و يثبتلك الشابوه و اطلبى منه يعمللك ثقوب صغيرة فيه عشان ريحة الورد تطلع منها(ميخدش فى الشغلانة دى أكتر من 4 أو 5 جنية) .الموضوع كله هيكلفك حوالى 45جنية لكن انا بشوف الأباجورات دى بتتباع ب 80 و 90 جنية و انتى و زمتك بقى :D :D

[بنت شعنونة]

اخر اعمالي الفنية :(

ايه رايكم؟؟ :roll: :roll: :) :lol: :)

[Lancelot]

و بتقولي مش عارفه تعملي إيه ..... :? :?

و الله العظيم جميل جدا جدا يا شعنونة ... بسم الله ما شاء الله ...

بالتوفيق و إن شاء الله تعملي حاجات أجمل و أجمل ....

[DARWEEN]

يخرب عقلك ياشنشن

أهم دول يجننوا بجد .... لأ لأ أنتي فعلا موهوبه

أسمعي مني نصيحة .. خليكي في اللون ده أسلامي وفرعوني يمشي معاكي زي الفل ...

أسلامي مشيه خان الخليلي .. والفرعوني بازارات سواح وهرم

نصيحة مالية ...

1) حددي تكاليف خاماتك + نسبة للمجهود + نسبة ربح ....

2) ثبتي سعر نهائي من خلال المعادلة السابقة ولاتتنازلي عته تحت أي ظروف

3) أرفعي السعر بنسبة معينة عند التفاوض مع أي تاجر وأنزلي واحدة واحدة في الفصال ... ماتخبطيش لتحت قوي

4) لو وصلت للسعر اللي أنتي محدداه من البدايه أوعي تنزلي قرش عن كده .

نصيحة تسويقية ..

1) سوقي أول مجموعة عينات ... في حدود 5 أو 6 محلات

2) قومي بجس نبض حركة البيع ... شوفي حيتشالوا في حدود كام يوم .. السعر اللي باع بيه كام طبعا من غير مايعرف أنك بتسألي

3) من واقع سرعة معدل نفاذ العينات وسعر بيعهم حددي سعر نهائي

نصيحة خاصة .... أنا عاوز نسبتي محشي مشكل

[goold]

د. شنن يلا شدى حيلك اهى ديه الروعه بعينها

نوعى بقه اشترى فازات زجاج اشكال كدة حلوة فارغة وارسمى عليها

لان حاجات المنزل بتجذب عين النساء وهم اكثر شريحة للشراء

يخرب عقلك ياشنشن

أهم دول يجننوا بجد .... لأ لأ أنتي فعلا موهوبه

أسمعي مني نصيحة .. خليكي في اللون ده أسلامي وفرعوني يمشي معاكي زي الفل ...

أسلامي مشيه خان الخليلي .. والفرعوني بازارات سواح وهرم

نصيحة مالية ...

1) حددي تكاليف خاماتك + نسبة للمجهود + نسبة ربح ....

2) ثبتي سعر نهائي من خلال المعادلة السابقة ولاتتنازلي عته تحت أي ظروف

3) أرفعي السعر بنسبة معينة عند التفاوض مع أي تاجر وأنزلي واحدة واحدة في الفصال ... ماتخبطيش لتحت قوي

4) لو وصلت للسعر اللي أنتي محدداه من البدايه أوعي تنزلي قرش عن كده .

ايه ده كله اية الروعه دية انت كدة بتعطى دروس هى تمشى على كدة خطوه خطوه هتبقى استاذة اقتصاد ومالية بارك الله فيك

[se_ Elsyed]

برافو عليكي بجد بجد يا شنشن

عقلي الباطن بيقولي : خسارة المواهب المتعدده دى تروح بلاش ... 7 صنايع والبخت ضايع .. وشعنونة لحد دلوقت مش قادرة تختار صنعة واحدة تتخصص فيها وتركز كل مجهودها عليها.

إن شاء الله البلية هاتلعب وتتنغنغي بس أبقى أفتكريني بطبق من الحاجات المرزكشه دي ( يا سلام عليه وهو مليان محشي ..آآآآآآآآآآآآآآم )

شفتي نتيجة التعليق على جذوع الأشجار فجر المواهب جواكي إزاي .... إدعيلنا بأه ..... عقبال الباقيات اللى فى بالي :twisted:

[Facts researcher]

د. شنشن،

روعه ، روعه ، روعه ، مش ممكن ، فنانه بجد .

انتي عارفه يادكتوره انك لو عرضتي الحجات دي هنا عندي في أوروبا ، والله تكسبي دهب :idea:

في معارض للهواه في كذا مدينة ، بس انت ماشاء الله عليك محترفة.

في المعارض دي بينقوا احسن الأعمال ويتبنوا الموهوبين و يدفعوا فلوس للأعمال و كمان مرتب للعمل الفني في الدولة.

تصدقي ، انتي لازم تخشي مسابقة متحف اللوفر السنوية :shock:

بس سيبي وراك الشعننة و النكد :oops: :cry:

أخوك

فاكتس

[Sherief AbdelWahab]

نونة الشعنونة تثبت دائما أنها مثال لتعدد المواهب بشكل صارخ...أعمالك الأخيرة خطيييرة...

:oops:

خلص الكلام

[بنت شعنونة]

:roll: :oops: :cry: :oops:

ربنا يخليكوا

رفعتوا معنوياتي

بعد ما الناس رفضت تشتريها

قالولي فاضيية على الطبق اللي مكتوب عليه الله

وع التاني انه صعب يتقرا :? :? :?

[shakoosh]

الأخت شعنونة .. أنا سوف أرد فقط على أول ماكتبت فى الموضوع ..لقد أحزننى بالفعل أن ارى طبيبة و زميلة تقضى هذه الساعات الطويلة فى عمل خارج مهنة الطب لكسب بعض المال .. بعد هذه السنين الطويلة من الدراسة المرهقة .. لا يجد الانسان ما يكفيه !! بدلا من أن يستثمر هذا الوقت فى الدورات و المؤتمرات الطبية لرفع مستوى كفاءته كطبيب ..!! هذه بالفعل مأساة... لابأس أن يكون لكل شخص هواية..لكن بهذه الطريقة هذا تحطيم للذات ...و تدمير للثروة القومية لأن الذين يدرسون الطب من خيرة العقول فى مصر..و عندما تكون هذه هى النهاية .. يكون الوضع مؤسف للغاية..أننى أفكر فى القريب بأن أكتب موضوع عن وضع الأطباء و النظام الصحى فى مصر بمقارنة بما يحدث فى أوروبا..

[DARWEEN]

الأخ الفاضل الدكتور شاكوش ...

أنا على خلاف رأيك تماما ... أنا أرى أن الموهبة وقضاء وقت الفراغ لو تم الأستفادة بهم ماديا لكان شيء رائع بحق ... ياعزيزي بحسبة بسيطة جدا نلاقي البلد فيها كام فنان مقابل كل طبيب ؟؟؟

أنا أراهن أن قسم شعنونة وحده به من الأطباء أكثر مما به من الممرضات ..... أرجو عدم فهم كلامي بمحمل سيء ولكن للأسف هذه هي الحقيقه

[بنت شعنونة]

لقد أحزننى بالفعل أن ارى طبيبة و زميلة تقضى هذه الساعات الطويلة فى عمل خارج مهنة الطب لكسب بعض المال .. بعد هذه السنين الطويلة من الدراسة المرهقة .. لا يجد الانسان ما يكفيه !! بدلا من أن يستثمر هذا الوقت فى الدورات و المؤتمرات الطبية لرفع مستوى كفاءته كطبيب ..!!

رحم الله امرءا عرف قدر نفسه

استاذ شاكوش

انا لا افعل ذلك بحثا عن المال بقدر ما افعله بحثا عن ذاتي في اي مكان عمل شريف

ف انا لا اصلح طبيييييييبه

لاني طبيبة فاشلة بمنتهى الامانة

عندك شغلانة تانية ليا؟؟

بدل ما انا مجننا اهلي معايا ومجنناني

:? :?

[Falcon Egypt]

السلام عليكم

انا ايضا اوْيد الاستاذ داروين . بالرغم من ان كلام سعادتك وجيه

و معقول لكن لايجب ان نقارن بين ظروفنا و ظروف الغرب, فهناك فرق

كبير واذا اردت كتابة موضوع عن وضع الاطباء فى مصر بمقارنته بما

يحدث فى اوروبا فيمكنك ايضا الكتابه عن وضع المهندسين والصيادلة

والتجاريين والتربويين والعلميين و.....و...و...

شعنونة لم ترتكب جرما, وانا لم اشاهد هذا الموضوع الا من يومين فقط

واليوم وفى مكتبى احضرت اعمال شعنونة على شاشة الكومبيوتر ثم

عرضتها على زملائى ووجدتهم مسرورين جدا وزادت ابتسامتهم عندما

علموا ان المصممة طبيبة ولها موهبة فنيه تمارسها لزيادة الدخل اما المفاجاْة

فكانت عندما اخبرتهم ان الربح يعادل دولارا واحدا( وليس جنيها). توجد

منطقة فى مانهاتن نيويورك تسمى سوهو SOHO وهى منطقة الفنانين حيث

توجد بها مجموعه كبيره من الاستوديوهات والاتيلييهات والمعارض التى

تشهد الاعمال الفنية وعلى كافة الاشكال والاذواق ومعظم زائرى هذه المنطقة

من الطبقات المثقفة والتى نعتبر البعض منهم ذوى الربع الضارب من وجه

نظرنا. وجدت هناك لوحا فنية رائعة وفى منتهى الجمال واعمالا اخرى فى

منتهى الابداع الفكرى

ولكنى ايضا وجدت اعمالا لاتعبر عن اى شئْ او على الاقل من وجه نظرى

الشخصيه ولكن للناس روْى اخرى.

شاهدت لوحه عباره عن بقعة الوان فى المنتصف ومنها خطوط تسيل الى احرف

اللوحة بالوان مختلفة. لاشكل ولامعنى وربما يتفق معى اخونا الطريف

والظريف س.س.س. او سى السيد السريالى بانها وبالامانه عباره عن واحد

كب شويه بويه من الوان متعدده فى نصف اللوحه ثم اخذ يميل اللوحه مره

يمين ومره شمال وفوق وتحت حتى جاء بالنتيجة السابقه, اما المفاجاْه بقى

ان هذه اللوحه بالذات تم بيعها بمبلغ الف و ثمانمائه دولار وطبعا ضف

عليها ضريبه نيويورك ثمانيه وربع فى المائه يعنى اللوحه العظييييمه دى

ثمنها الفين دولار الا خمسين. اما المفاجاْه الثانيه فهى ان الفنان صاحب

هذه المعجزه الفنيه هى استاذة قانون فى جامعة كلومبيا - نيويورك.

اما شعنونه فبرافو عليها تاخد عشره على عشره وعليهم نجمه كمان.

[بنت شعنونة]

استاز فالكون

حمدالله ع السلالالالالامة اولا :D

اييه الغيبة الطويلة دي بس :D :D

وبجد بجد والله رفعت معنوياتي ولله

:roll: :roll: :roll: :lol: :lol: :D :D

ربنا يخليك يارب

ها ابقى مشهورة في امريكا خلاص :D :D :D

بجد والله انا سعيدة انهم عجبوا حضرتك

اصبروا عليا اسبوع كدا بس

ها وريكوا مفاجاة بجد

دي بقى ها تكون تصميمي وتنفيزي ان شاء لله

ويارب تعجبكم :roll: :roll: :D :D :D :D