من أين يبدأ التغيير في مصر ... ؟؟#*#

[om marawan]

وذلك أيضا يعطينا الحق ان نعلق كل المشاكل التي تعاني منها مصر إلى القرار السياسي المتمثل

في شخص الرئيس ...

فهو الذي يحدد نوع التعليم الذي نتلقاه وطبيعة الطعام الذي نأكله والمسكن الذي نسكنه

والطرق التي نعبرها والبنى التحتية التي تخدمنا والجرائد التي نقرؤها

والإذاعة التي نسمعها والتلفزيون الذي نشاهده وكمية الجنيهات في محافظنا ....الخ

فكيف نبسط من أمر هذا القرار الذي يعنينا بشكل مباشر ..؟؟

:

:

نحن لا نبسط من امر صاحب القرار ولكن حضرتك ذكرت انه من يحدد لنا كل شىء

وبفرض ان هذا صحيح - على الرغم من تحفظى على صحته- فهل مانفعله للتغير هو تغيير صاحب القرار ثم نسير جميعا وراءه كالقطيع

وهل هذا هو ماسيغير من سلوك امة ومن طبائع شعب للاسف تغيرت فى سنوات طوال

ياسيدى الفاضل معظم الناس يستعجل الحلول والتغييرات ويظن انها ستاتى فى يوم وليلة دون ان نتذكر جيدا انه حتى تغير من صفة واحدة فى سلوك شعب فانت تحتاج الى مجهود سنوات طوال

لذا علينا ان نتذكر ان التغيير كما ذكر أحد الزملاء الفاضل ( yasser )سيستغرق وقتا وجهدا

فمصر لم تصل الى هذا المستوى من السلوك بين أفرداها فى وقت قصير ولم تصل له فقط بسبب فساد السلطة

كما اننى أوضح اننى لم أقصد ان البدء بالنفس وماحولنا من عشيرتنا الاقربين هو الحل الوحيد بل ذكرت انه أحد الخطوات واحد الحلول التى لا ندعو اليها الا قليلا

واخيرا وليس باخر خالص الشكر لك على فتح الباب للنقاش فى هذا الموضوع والذى اعتقد انه اهم مايمكن ان نتحاور فيه

وكما تفضل الاستاذ عادل ابو زيد فى مداخلته حين ذكر ان المحاورات ربمايكون هدفها الاساسى هو التحاور فى هذه الموضوعات والوصول لحلول وأؤكد انه ليس فقط للاتفاق على التغيير السياسى وحده

تقبل تحياتى وتقديرى

[Doofy]

==========================================================================

مرة اخرى أعاود شكري لكل من يحاول صياغة رؤيته عن التغيير

نحن لا نبسط من امر صاحب القرار ولكن حضرتك ذكرت انه من يحدد لنا كل شىء

وبفرض ان هذا صحيح - على الرغم من تحفظى على صحته- فهل مانفعله للتغير هو تغيير صاحب القرار ثم نسير جميعا وراءه كالقطيع

أتفق معك تماما وانا لا أدعو لثورة يوليو جديدة على أي حال ولم يرد هذا المفهوم قط في مقالي...بل العكس تماما

فخروج الأغلبية من قبة الصمت لقبة البرلمان هو الطريق الوحيد ليسير صاحب القرار مهما كان .. وراء رغبات وطموحات القطيع..

أما بالنسبه لتحفظك فأثبتي أن سكوت صاحب القرار السياسي الوحيد على الفساد و مستوى السياسات والخدمات في مصر أو طناشه بمعنى أصح ليس علامة الرضى ...

وتحياتي لك

:

:

==========================================================================

أتفق أن التغيير الشامل و الحقيقي كمصطلح يبدأ من القمة

أتفق ان الإعداد للتغيير المطلوب والصحيح يكون بفرض النظام الديمقراطي في الحكم وهو يبدأ من القاعدة

هناك معادلة في ذهني أرغب شخصيا أن أبدأ بها وتقول

كيف تجمع مجموعة من الناس في جيتو إقتصادي إجتماعي يستطيعون فيه أن يصنعوا نجاحه ويدافعوا عنه بحياتهم وقت اللزوم ...؟؟

جيتو له نظامه وقوانينه التي تطبق على الجميع,

جيتو يحمل التغيير فكره والعمل أداة والوحدة طريق وبلوغ القمة هدف

أعتقد أن تلك الكيانات ستكون اللبنة الأساسية لمرحلة الإعداد للتغيير ..

تم تعديل 14 يونيو 2008 بواسطة Doofy

[somebody]

الحل:

1- زراعةالصحرا

2- اقامة المشاريع المختلفة

3- عدم تركيز السكان على جانبي النيل وتوسيع مساحة كل محافظة تدريجيا سواء بالزراعة أو بناء المساكن

4- محاولة ايجاد حلول للانفجار السكاني

_________________________________________

ما هيا الخطوات الذي لو أتخذها المواطن المصري سوف تؤدي الي المساعده في الحلول التي ذكرتها؟

منا قلت الاجابة في ال4 خطوات السابقين وأهم الخطوات الزراعة ثم التعمير

(هل الجامعات المصرية تناسب هذه الخطوات وتناسب سوق العمل كماً وكيفاً هذا هو السؤال)

نرجع للموضوع الأساسي

التغيير مش هيجي من الناس بس ولا من الحكومة بس لازم الاتنين يتعاونوا وينسقوا فيما بينهم

وإن كان في فساد ف البلد من أي من الجانبين فلازم نوقف الفساد ده بقدر الاستطاعة بأن نكشف عنه ونعالجه

وبكده أغلب مشاكل مصر هتتحل إن شاء الله

[somebody]

إذن من كل ما سبق فإن التعليم نقطة البداية بداية الحل (بالنسبة للوضع ال عايشينه ف مصر)

وخصوصاً الجامعات المرتبطة بسوق العمل

[Automatic]

الحل:

1- زراعةالصحرا

2- اقامة المشاريع المختلفة

3- عدم تركيز السكان على جانبي النيل وتوسيع مساحة كل محافظة تدريجيا سواء بالزراعة أو بناء المساكن

4- محاولة ايجاد حلول للانفجار السكاني

_________________________________________

ما هيا الخطوات الذي لو أتخذها المواطن المصري سوف تؤدي الي المساعده في الحلول التي ذكرتها؟

منا قلت الاجابة في ال4 خطوات السابقين وأهم الخطوات الزراعة ثم التعمير

(هل الجامعات المصرية تناسب هذه الخطوات وتناسب سوق العمل كماً وكيفاً هذا هو السؤال)

نرجع للموضوع الأساسي

التغيير مش هيجي من الناس بس ولا من الحكومة بس لازم الاتنين يتعاونوا وينسقوا فيما بينهم

وإن كان في فساد ف البلد من أي من الجانبين فلازم نوقف الفساد ده بقدر الاستطاعة بأن نكشف عنه ونعالجه

وبكده أغلب مشاكل مصر هتتحل إن شاء الله

واخد بالي من ال4 خطوات.

حقول أيه لعم عبده البقال؟ هوا لا بيزره ولا ليه في مشاريع لا يفهم في أنفجار السكان.

عم عبده قرفان من حاله البلد و أنتشار الفساد و غلو الأسعار و عايز يعمل حاجه تساعد في تغيير الأحوال في مصر...........أقوله أيه؟

أنا زي الأسطوانه :lol: بأسأل نفس الأسأله و يا أما محدش بيرد أو أنا مش فاهم الرد.

طيب أنا حرد علي نفسي:

تغيير الحكومه لازم لتحسين أحوال البلد و محاربه الفساد.

تغيير الحكومه علي يد مواطنين مصريين منظمين و واعيين.

تغيير الحكومه سيتم بالانتزاع و العنف.

معظم المواطنين يعانو من السلبيه و الخوف.

قليل من المواطني قادرين علي التنظيم و التضحيه و سيأتي اليوم و نتعرف عليهم.

المبدأ نفسه يخوف لاكن هوا الحقيقه.............الحقيقه أن قليل مننا بيقرروا مصير الأغلبيه.

الخوف أن نفس المبدأ الذي يتبعه الثوريين يتبعه الأرهابيين.

المجموعتين مقتنعين بأنهم الواحدين الي يعرفوا مصلحتنا و الفرق بينهم أن الثوريين بيضحوا بأنفسهم في سبيلنا و الأرهابيين بيضحوا بينا في سبيل مبدأهم.

وعلينا الأختيار:

1- أنتظار صعود قياده ثوريه.

2-البحث عن القياده الثوريه و الأنضمام لها ( ندعوا من الله أن يعطينا القدره علي التفريق بين المجموعتين و صح الأختيار)

3-تكوين قياده ثوريه.

تم تعديل 1 يوليو 2008 بواسطة Automatic

[أحمد سيف]

الإخوة الأعزاء ... دعوني أدلي برأي قد يعتبر ثوريا بعض الشيئ

النظام الفاشل في مصر مصيره في النهاية الانهيار لسبب بسيط جدا وهو أن تراكم الفساد وانعدام الكفاءة والجهل سوف يكون سببا في عجز النظام عن إدارة شئونه الداخلية وإحكام سيطرته على البلد، ولإضرب مثالا على ذلك دعونا نتصور أنه باستمرار وصول ضباط الشرطة الى مناصبهم بالواسطة والرشوة فإنه بعد جيلين أو ثلاثة سوف يكون معظم الضباط من الأغبياء والجهلة والضعفاء وحينها فإنهم سوف يفشلون حتى في حماية مصالحهم وامتيازاتهم الضيقة.وقس على ذلك كافة المواقع الأخرى في الدولة.

السؤال الآن هو: ما دمنا عاجزين عن إسقاط هذا النظام المتهالك في الوقت الحالي فإن أفضل ما يمكننا أن نفعله هو أن نساعده على السقوط ذاتيا بأن نمنع عنه مقومات الاستمرار، وأنا هنا أقترح التالي:

1- إذا استطعت الخروج من البلد سواء عن طريق الحصول على عقد عمل في الخليج أو الهجرة الى الغرب فافل ذلك فورا، فذلك سوف يؤدي الى حرمان النظام من استغلال كفاءتك ومعرفتك من أجل إطالة عمره.

2- لا تقم بتحويل أي نقود الى مصر أو إدخارها فيها بل ضعها في مكان أمين خارجها، وبذلك تحرم الحكومة من استغلال ثمرة جهدك في تمويل فسادها.

3- إذا كنت داخل مصر وليس لك سبيل الى الهجرة حاول بقدر الإمكان أن تقلل إنتاجياتك وتزيد من إهدار موارد النظام وتعطيل سير العمل في المصالح الحكومية لكي تتراكم المشكلات ويحس الناس بعجز النظام الفاشل عن حلها.

4- لا تدفع رشاوي أبدا لأي موظف حكومي أو ضابط شرطة أو قاضي حتى تجف موارد الفساد وتعجز العصابة عن دفع مستحقات أفرادها.

5- تهرب بقدر الإمكان من دفع الضرائب والرسوم الحكومية حتى لا تسهم في دفع رواتب حيوانات الأمن المركزي.

6- لا تشارك أبدا في أية انتخابات حتى لو كانت انتخابات جمعية تعاونية حتى لا تعطي شرعية للنظام.

7- حاول استغلال موقعك بكل ما تملك من طاقة في كشف فساد النظام بالداخل والخارج والضعط على حكومات وشعوب الدول المحترمة من أجل وقف التعامل معه وعدم تزويده بالمساعدات والاستثمارات.

8- جهز نفسك وأولادك للحظة الانفجار بالتعليم والادخار.

طبعا واحد هايقولي إن الإجراءات دي هاتضر الشعب أيضا، نعم سوف تضر الشعب في المدى القصير لأن الحكومة ستعجز عن إطالة أمد النظام القائم على زيادة اتكالية الشعب عليها ورمي الفتات لهم مقابل قهرهم واستعبادهم ولكنها ستفيدهم في المدى الطويل عندما يتخلصون من هذا الكابوس الجاثم فوق أنفاسهم. وانظروا الى تاريخ الثورات الفرنسية والروسية والتركية والإيرانية والرومانية، كلها حدثت فقط عندما أحس الناس أن وجودهم في خطر بسبب فقر مدقع أو هزيمة مذلة. وفكروا في النظام الحاكم على أنه مثل السرطان داخل جسد مصر، أفضل وسيلة للتعامل معه هي إما الاستئصال (ونحن للأسف أضعف وأجبن من أن نستأصله) أو بقطع الغذاء والأكسجين عنه الى أن يموت.

أنا أرى ملامح الانهيار والفوضى قادمة يا إخوان، فلا تطيلوا أمد معاناة الشعب وتوقفوا عن محاولة إصلاح البلد في ظل وجود هذا النظام!

[مصطفى هانى]

السلام عليكم

ياجماعة انا عارف ان الى هقوله دة مش هيعجب ناس كتير يمكن ميعجبش حد

بس انتوا مش عارفين دمى اتحرق قد ايه واتعصبت وانا لسة بقرأ فى الصفحة التانية حبيت ارد ساعتها بس الحمد لله ان منفعش ادخل يمكن ربنا سترها على بال ما أهدى شوية وأفكر بعقل وروية

بس تغير أيه الى بتتكلموا عليه؟؟

وايه الحلول الى محسسانى انكوا مش عايشين فى مصر يا جدعان فى مصر مفيش حاجة المواطن العادى يقدر يعملها سواء كانت حاجة حلوة أو وحشة

ياجدعان الجوامع بتقفل انتوا هتشتغلونى

الواحد حب يبقى مواطن صالح ويطبق الاسلوب العلمى الى درسهولى فى الجامعة "تنظيم مجتمع ،خدمة جماعات ،ادارة عامة ،تنظيم ريفى وحضرى كمان وحاجة فللى خالص"

قلت اول حاجة تتعمل جمعية اهلية

اتزليت وطلع ايمان الى جابنى وبرضه متعملتش (حكومة بقى نقول ايه)

حبيت اعرف ربنا واتوب كدة لله والاصلاح بيبدأ من أصغر وحدة والكلام دة كله (لقيت الجوامع بتقفل بأمر من الحكومة)

قلت ياواد فكك خالص وعادى متحطش فى بالك انت انزل اشتغل فردانى كدة فى الى تفهم فيه قلت انا ايه معايا ارشين بدل ما انا قاعد مع اهلى انا كبرت خلاص اشتريلى حتة ارض ابنى شقة ومكتب فى اى عشوائيات كدة ولا تقسيم حكومة لقيت المتر بكام؟؟؟! !!! من اربع لخمس الاف جنيه

قلت يا ابنى انت هتطمع قال ارض قال فكك من الدجل دة خالص انت روح سجل نفسك فى مشروع ابنى بيتك واهى فرصة ومش هتيجى تانى

اول يوم حاولت أتصل بوزارة الاسكان عندنا هنا فى اسكندرية لقيت مفيش وزارة اسكان

تانى يوم قلت خلاص اروح الحى اسال قالولى دة مش تبعنا روح حى برج العرب

تالت يوم روحت حى برج العرب قالولى لا روح ادارة الاسكان ومش عارف ايه المبنى القديم وادونى التليفون قلت خير اخيرا معايا تليفون

رابع يوم اتصلت بالرقم اسال على المشروع قالولى لا دة مش تبعنا احنا فعلا تبع وزارة الاسكان بس مش تبعنا المشروع دة ومشكورين الناس ادونى رقم تليفون هيئة تانية تابعة لوزارة الاسكان

ياجدعان انا اتبهدلت ومش عايز افتكر انا طلع ايمانى بمعنى الكلمة

فى الاخر خالص الحكومة كانت عايزة تشتغلنى فى ارض ب 125 الف جنيه بالتقسيط على 3 سنين ودة طبعا مش ابنى بيتك ولا الى سمعنا عنه ولا الى عارفين ان الناس بتاخد فيه بس المشاريع دى مبتخرجش من الحكومة اساسا

تمام يا جماعة

وطبعا زى العادة على المتضرر الجوء للقضاء

عشان فى الاخر نتاخد فى امن الدولة وبرضه عشان دقن خفيفة يطلع ايمان الى جابنى والى جاب اهلى وعادى جداً احمد ربنا على الى انت فيه

فمن الاخر كدة

عشان منتعبش كتير ونلف وندور على بعضنا

عارفين قوم لوط فاكرين ايه الى حصل فيهم اهه احنا مش هنتغير غير لما يتجاب عاليها واطيها وتتهد علينا بالى فيها ويجى ناس غيرنا يسكنها ويعمروها

كفاية الى بنعمله فى نفسينا والى بنعمله فى اهالينا

الموظف الى انتوا مش عايزينوا ياخد رشوة هيأكل عياله منين

يا جدعان عشان منتكلمش فى تفاصيل صغيرة كتير

مش هيتصلح حالها غير لما يكون فى انتاج وادخار

وقصدى بانتاج اننا نبيع لناس تانية مش نبيع لنفسينا زى اتنين كل واحد معاه جنيه عمالين يشتروا وبيبيعوا من بعض فى نفس الجنيه

زراعة زفت وبنشحت ومش لاقين ناكل

صناعة (مش محتاج اتكلم)

نسيت اقولكوا صحيح ان كان فى واحد ليبى اعرفه اقنعته بمشروع

بما انى مؤمن بالعمل التطوعى المجانى ايام ما كنت مؤمن بحاجة حبيت انى اعمل سوق للناس بتوع برمجيات الكمبيوتر فى مصر مجانا للى عندهم خبرة هيفيدهم السوق ان هيبقى تجمع كبير فى هيبقى فى منتجات برمجية كبيرة لو حد صاحب شركة مصنع حب يطور مصنعه ويشغله حاسب الى وبالعكس كمان نروح نعرض عليه ونعمل معارض وكلام الاحلام دة كله

ربنا يخليهالنا برج العرب مش هقول اكتر من كدة واكيد حسيتوا البقية

ياجدعان مفيش فايدة متحاولوش

لان مفيش عدل ومفيش قضاء ومفيش ومفيش ومفيش ومفيش ومفيش وووو و و و و و و و

امبارح سمعت خبر غريب قوى من العدل برضه اخواننا الاقباط المجمع الملى كان بيعدل فى اللايحة بتاعته فى وسط الاخبار كدة قريت ان الى مسافر ومفيش حس ولا خبر ميحسبش ميت وحاجة غريبة كمان ان الى عنده شك انه مراته زنت ممكن يطلقها وملهاش حاجة عنده

والاغرب من كدة الى فيه عيب ما مينفعش يتجوز حتى لو وافق الطرف التانى

بذمتكوا دة عدل بذمتكوا دى ناس عايزة تصلح بذمتكوا دى حكومة بتحاول حتى

ياجدعان الناس ضعيفة وفيها الى مكفيها خلاص مبقتش مستحملة الحكاية اهالينا علمونا زمان امشى جنب الحيط لحد ما الحمير ركبونا ومبقاش فينا حيل نشيل حد ولو وقفنا يجلدونا ولو تعبنا يقتلونا (قال ايه قتل رحيم بهايم بقى)

خدوها كلمة من شاب يائس

بإذن الله هتتحل لما تخرب ملطى

لان محدش هيعمل ثورة لان محدش هيعرف ولو عرف هيعمل زى الى قبله ومينفعش الاصلاح من تحت لازم الاصلاح من فوق

بيظهر فى الاسرة لو الوالد مش قد كدة اغلب العيال بتطلع مش قد كدة

هما علمونا كدة

والوالد بتاع بلدنا ربنا يطول فى عمره (فى جهنم يارب بحق دعوة كل واحد اتظلم فى البلد دى ومخدش حقه)

نسيت اقول برضه ان حتى الى بيقولوا انهم بيصلحوا ولا عايزين يصلحوا هما اساسا نايمين فى العسل قوى ولا هاممهم حاجة يمكن اغلب الجمعيات الى عرفتها أو الحركات الى حاولت انى افهم بيقولوا ايه فى كتير فيهم بيكتفى انه ياخد اى فلوس تجيله تبرعات وعلى جيبه بإذن الله

يمكن فى ناس نايمة زى موقع مواطنون ضد الغلاء (حركة حلوة قوى يمكن فى القاهرة بس) ويمكن عاملين موقعهم برواز اساسا

بعتلهم ياما ان صحابى فى كلية هندسة متتخصين قسم كمبيوتر عايزين يعيدوا تصميم الموقع ويضيفوا فيه مجتمعات وحاجات من دى بس لا حياه لمن تنادى وطبعا دة كان عمل تطوعى لانى كنت بحب قوى العمل التطوعى

بس البلد دى لا ينفع فيها تطوعى ولا غيره

يا سعادة الباشا الجنيه غلب الكارنيه

وشوف جنيهك فين

هو دة الى هيحرك الناس ناحية اى حاجة حتى لو كان كلام فى الهوا

نسيتوا التلاتين فى المية

كفاية انا كل مادا بتخنق اكتر وصوابعى مش عايزة تبطل كتابة ومش عارف

انا يائس