مدرسة الأخلاق الحميدة المشتركة بنين .!!!!

[مصري جدا]

يلا ياشباب الصيف دخل علينا وعاوزين نمثمث{يعني نشتغل ماث بمزاج} يلا ياجالاكسي شيلي الفوطه اللي علي راسك دي ونازله علي عيونك.......شكلك عاوزه تعيطي ...معلهش أتأخرنا عليكي شويه ...... نادي زميلاتك بدريه وأماني وناش و هبه وجويريه وشموع والباقي كلهم ....أيه مفيش حد من الطلبه شايفه ليه فين تامر ...لسه بيدور علي شغل ..ربنا يوفقه بس لازم يحضر علشان ربنا بفتحها عليه ...وعمرو ورمضان وسامح ...أنا سمعت أحمد فرحات وصل بس ليه مش شايفه

المهم يلا جمعوا بعض كلكم وأنسوااللي فات من مشاكل ونبدا نمثمث مع بعض

مس نجفه يا مس

أيوه يا مستر مصري جدا

يلا ورينا الفهلوة المشهوره بيها وجمعي الأساتذه من علي المصايف علشان نبدأ ونشوف أكل عيشنا بأه وكفايه عطله ....عاوزين نعمل قرشين قبل الأجازه علشان نعرف نفسح العيال ونروح نصيفلنا يومين

ماشي يا مستر بس خلي بالك كله بتمنه الفهلوة بتكلف برضه

وأنا حأقدر أقولك حاجه ده أنت نجفه فهلوه اللي أبتدعت الفهلوه ...أنت بس جمعي وبعدين مش حنختلف ....

[JAY]

بسم الله الرحمن الرحيم .......

تُعلين مدرسة الاخلاق الحميدة المشتركة بنين عن بدء عامها الدراسي لعام 2020... ويسرنا نبلغ ابنائنا الطلبة

بأن باب التقديم مفتوح ......

رؤية المدرسة

يعنى الدعوة عامه للجميع للمشاركة .

يسعدنى ان اعلن عن اعضاء المدرسة

مجلس ادارة المدرسة وهيئة التدريس .

السيد الفاضل ناظر المدرسة ....... ابو جيداء

أنا شايف ما فيش مدرس دين ؟؟ أنفع أنا؟؟؟ بعجبك أوي يا بدرية خصوصاً إن المناهج بتاعت سنة 2020

وأنا عندي كل المؤهلات المطلوبة

[galaxy]

} يلا ياجالاكسي شيلي الفوطه اللي علي راسك دي ونازله علي عيونك.......شكلك عاوزه تعيطي ...معلهش أتأخرنا عليكي شويه ......

من غيرها ما اشوفش يا مستر....... :sad: .........دي سر الالمعيه....... :blink:

أنا شايف ما فيش مدرس دين ؟؟ أنفع أنا؟؟؟ بعجبك أوي يا بدرية خصوصاً إن المناهج بتاعت سنة 2020

مبدأنا في المدرسه....... الدين لله والوطن للجميع.........

الاحسن بقي تدريس الرسم.........عشان بنك الصور اللي عندك................... :wub:

تم تعديل 26 يونيو 2008 بواسطة galaxy

[حسام يوسف]

السلام عليكم

انامجيتش عشان اشتغلنا كتير

ومقبضناش يا بدرية

هتقبضونا امتى؟

[nash]

ياسلاااااااااااااااام ...فاضيين لكم احنا يعني....

شويه نيجي وشويه نروح ....بنلعب هنا ولا حاجه؟؟

اولا باة مش هانستأنف الدراسه ومش هاننزل الحوش ولا هاندرس غير لما تحققوا طلباتنا الاول..

واول طلب عايزين اجازة

ناش خريجه مستشفي المجانين

منها لله نجفه هي اللي بلغت علي :wub:

[nash]

يلا ياجالاكسي شيلي الفوطه اللي علي راسك دي ونازله علي عيونك.......شكلك عاوزه تعيطي ...معلهش أتأخرنا عليكي شويه

لا هو الحقيقه انا حبيت أوضح حاجه صغيرة...اصل جلاكس كل شويه تلعب في شعرها وتشده وينزل علي عنيها ..ومنظرها باة صعب... حتت فيها شعر وحتت فاضيه..فاميس فهلوة جابت البتاع ده وربطت بيه راس جلاكسي منها تداري المشكله ومنها تبطل تشد في شعرها ومنها القوصه ماتنزلش علي عينها وتجيبلها حول..

وبرضه ليه فايده تانيه ..... لو مادفعتش الشيك اللي طلعت بيه روحنا كل شويه أهو نخنقها بيه ونخلص...

هااااااا هاتبتدوا امتي؟؟ يعني نيجي ولا نخلينا برة السور؟؟

معرفش ليه بقيت احب التشفير اليومين دول :wub:

[nash]

السلام عليكم

انامجيتش عشان اشتغلنا كتير

ومقبضناش يا بدرية

ياسلام هو جر شكل وخلاص؟؟

وهي الست الغلبانه دي تجيبلكم منين هه؟؟ مش كفايه اللي دفعته من دم قلبها علي الكورولا واللي لغايه دلوقتي ماتعرفش لونها الحقيقي إذا كانت دهبي ولا فراني ولا ايه بالضبط ؟ :sad:

لا يا ميستر ...إلا صحيح...أنت كنت ميستر ولا بيوبل؟؟ انا نسيت مين كان ايه.. :wub: .....لا يا ميستر مكانش العشم...وتتكلم كمان في الماديات في الظروف دي..

هتقبضونا امتى؟

إن شاء الله علي طلعه المحمل للحجاز :blink:

[مصري جدا]

ياناش يا ست العاقلين

دولت شويه ماث علي ما أسم قبل الأجازه ....علشان أحنا كمان نعرف ناخد أجازه ...أمال حنصرف منين يعني .......خليكي شاطره كده ولمي لنا أصحابك وتعالوا وهما شويه مثمثه ويعدوا وكله يرزق وتروحوا تصيفوا ......بس أنت هاتيهم وتعالي... وخلي الفوطه بتاعة جالاكسي .....بس ماتقوليش لحد .....ربنا أمر بالستر .......وأول ماتتجمعوا نبدأ الشرح ...بس عاوز تركيز ...وتبطلوا أكل وخناقات مع بعض ......

[nash]

وانا بكتب الرد شايفه اينو واقفه علي بوابه المدرسه تحت وبتقرا لوحه الإعلانات المتعلقه علي الحيطه وهي بتترعش وبتقول يادي النكد ماكنت مستريحه منهم .. ومن قرفهم

لا يا اينو ماكانش العشم....ومهما حاولتي مصيرك معانا يا امي سوي سوي....فتعالي وادخلي برجلك الشمين واقعدي جنب جلاكسي وطلعي فلوس الشندويتشات اللي رجعتي تسرقيها انتي والعيال واهو شوفي بؤ جلاكسي وهو بيمضغ شندويتش الجمبري بتاعي :wub: :sad: ..

تعالي يا أينو اقعدي جنبي وانا هاغششك الماث..انا كنت ادبي وشاطرة موت وحريفه سيجا وبلي .... بس أنتي عارفه النظام بيزنس أيز بيزنس اوك؟؟

[امانى]

انا كنت قلت خلاص مفيش مدرسة السنة دى ونديها بقى نوم ولعب لحد السنة الجاية :wub:

بعدين اقوم من النوم الاقى ابلة بدرية مدورة ميكرفونات وبتنده علينا ........... طيب ليه

يا ابلة بدرية دنا رجلى حفت من كل يوم اروح لحد الباب يقولولى مفيش مدرسة ... ...

احلوت دلوقت يعنى طيب بقى انا نسيت اللى خدناه ومش فاكرة غير محشى زهرة

اللى اكلوه الاساتذة والناظر وكان سبب فى دخول رفيقة الفصل والتختة نوشة مستشفى

ا

لمجانين ودروس الاستاذ الشامى اللى زودتنا على وزننا عشرين كيلو. كمان انا اتصرفت

فى لبس المدرسة وبعته لبنت فى مدرسة تانية اعمل ايه بقى يعنى دلوقت واتصرف ازاى

ناش---------- انت عاجبك اللى جرالنا ده يعنى ولا ايه هنعديها كدة ؟

[galaxy]

...اصل جلاكس كل شويه تلعب في شعرها وتشده وينزل علي عنيها ..ومنظرها باة صعب... حتت فيها شعر وحتت فاضيه..فاميس فهلوة جابت البتاع ده وربطت بيه راس جلاكسي منها تداري المشكله ومنها تبطل تشد في شعرها ومنها القوصه ماتنزلش علي عينها وتجيبلها حول..

وبرضه ليه فايده تانيه ..... لو مادفعتش الشيك اللي طلعت بيه روحنا كل شويه أهو نخنقها بيه ونخلص...

سامعه ناس...قصدي ناش بتتكلم :closedeyes: .....خير اللهم اجعله خير.....عموما انا مقدرة انك لسه طالعه من الاستباليا جديد :tease: واكيد هتاخدي وقت علي ماترجعيلنا ناش بتاعتنا تاني :closedeyes: .....ربنا يكملك بعقلك يا نيشو :sad:

تم تعديل 26 يونيو 2008 بواسطة galaxy

[حسام يوسف]

يعنى اية هتجيب منين؟

واحنا هنشتغل صدقة

دة احنا لاقبضنا

ولا عارفين ندى دروس خصوصية

الا بالحق

هوة اناكنت تلميذ ولا مدرس

الواحد نسى م الركنة

اه

مدرس علاقات انسانية

الابالحق

يعنى اية علاقات( انسا نية)؟

يعنى (انسا نية )القبض

هوة الكورولات بتبوظ من شوية؟

تم تعديل 27 يونيو 2008 بواسطة حسام يوسف

[nash]

ياناش يا ست العاقلين

لا يا ميستر ماحصلش... :closedeyes: أنا مجنونه..

أمال حنصرف منين يعني .......خليكي شاطره كده ولمي لنا أصحابك وتعالوا وهما شويه مثمثه ويعدوا وكله يرزق وتروحوا تصيفوا ....

وعمولتي كام؟؟ ولا أنا هالمهم كده ببلاش يعني؟؟ فاضيه انا بأة !!!

وتبطلوا أكل وخناقات مع بعض

ونعيش إزاي؟؟؟ ده أنا أكل عيشي من الخناقات والشندويتشات :closedeyes: :tease:

[مصري جدا]

اهلا يا أماني

تعالي ...مش مهم لبس المدرسه الدنيا صيف ....بس ياريت لما تيجي هاتي معاكي حتتين محشي وشوية بروتين...لزوم المزمزه قبل المثمثه..............وبلاش تعملي دوشه مع حد ..وابعدي عن ناش ..خليكي في أخر الفصل جنب جالاكسي

[مصري جدا]

ايه ياناش مالك ....هو يعني علشان دخلتي السرابا الصفرا يومين حتشيلي لنا كارت أرهاب ......عايزه نسبه نبقي نشوفلك سبوبه تتحصليلك منها علي قرشين وهي تبقي أحسن من سرقة السندويتشات والخناقات ........بس لمي أ صحابك وتعالي ....وأبقي خدي نسبتك من ميس نجفه فهلوه...............

أبقي قابليني

[galaxy]

..خليكي في أخر الفصل جنب جالاكسي

بابا بيقول لحضرتك يا مستر تقعدوني في اول ديسك ........جنب الشباك :closedeyes:

العيال دول اطول مني ...وانا نظري ضعيف :closedeyes: .......... دا غير الشعر الي بينزل علي عنيا علي رأي نيشو :tease:

[badroora]

أنا شايف ما فيش مدرس دين ؟؟ أنفع أنا؟؟؟ بعجبك أوي يا بدرية خصوصاً إن المناهج بتاعت سنة 2020

وأنا عندي كل المؤهلات المطلوبة

العزيز موحد ......مافيش مدرس دين فى المدرسة عشان دا موضوع هزار وحشي لله اننا نهزر فى الدين

عشان كدا انا شايفة انك لو تكون مدرس فغنساوى هنستفيد منك اكتر قولت ايه ؟

يلا تقدر تبدي تدرس فغنساوى من دلوقتى او حتى هندى المهم ابعد عن مادة الدين

مش عاوزين المدرسة تتقفل !!! :closedeyes:

منك لله موتنى من الضحك على صورة الشيخ دى معرفش انت بتجيب الصور دى منين

يلا يا ابو الواحديد ادخل علينا بالفغنساوى :closedeyes:

[badroora]

يعنى اية هتجيب منين؟

واحنا هنشتغل صدقة

دة احنا لاقبضنا

ولا عارفين ندى دروس خصوصية

الا بالحق

هوة اناكنت تلميذ ولا مدرس

الواحد نسى م الركنة

اه

مدرس علاقات انسانية

الابالحق

يعنى اية علاقات( انسا نية)؟

يعنى (انسا نية )القبض

هوة الكورولات بتبوظ من شوية؟

جرى ايه يا مستر حسام احنا مش متفقين من اول السنة ان المرتبات هيتعمل بها جمعية وانت قبضت اول اسمين وجبت

بيهم عربيتين طوب وطلعت بالدور التالت فى البيت

والشامى قبضها وغير فرش العربية

ومصري جدا قبضها وجاب كسوة الصيف للعيال

وانا قبضتها ومن قركم على جبت عربية وتكنسلت وضاعت الفلوس

باقي دلوقتى فلوس سهران وانشنتين والباقيين :closedeyes:

[badroora]

تُعلن مدرسة الاخلاق الحميدة عن رحلتها الى الغردقة (راس البر ).

يُسعدنى ان اخبركم بعمل رحلة ترفيهية بمناسبة قدوم الصيف وقبل البداية فى الترم الجديد

الدعوة عامة لجميع الطلبة واهاليهم

والمدرسين واسرهم

نتمنى لكم رحلة سعيدة

مع تحيات ادارة المدرسة

عنهم ميس نجفة فهلوة :closedeyes:

يلا بينا يلا بينا ......رحلة سعيدة ...مع بعضينا

ميس نجفة يا هندزة ....خفة ورقة كويسة :tease:

الشامى ..هما العيال دول بيغنوا لنجفة ليه ايكنوش فاكرين انها هى اللى صارفه ع الرحلة

مصري جدا ......يا عم سيبك انت عارف ميس نجفة بتحب المنظرة والفشخرة وتلم الناس حواليها

حسام ......بس يعنى ميصحش تبقي مصة دمنا ويبان انها اللى صارفه ع الرحلة

سهران ....دى غلبانة ووحدانية سيبها تفرح شوية مع العيال مش كفاية الحوادث اللى هى فيها

وفجأة الاتوبيش وقف ...!!!

الاربع عجلات فرقعوا فى وقت واحد

ومافيش عجل استبن

الى اللقاء فى الحلقة القادمة .......نشوف هيتصرفوا ازاى :closedeyes:

تم تعديل 27 يونيو 2008 بواسطة Badria Mekkawy

[badroora]

الطربق الزراعى بين القاهر ودمياط

عجلات الاتوبيس فرقعت وبعدين الاتوبيس وقف :closedeyes:

نجفة فهلوة .......مخاطبة أحد المدرسين هى الليلة الكوبية دى كنت حسه بيها من بدري.

حسام .......ولما كنتى حسة بها متكلمتيش ليه يا فهلوة

الشامى ..... يا جماعة صلوا ع النبي الطلبة قلقانين حد يروح يطمنهم وكل شيء هيكون تمام

مصري جدا........ ماهى نجفة من ساعة ما الاتوبيس طلع وهى مش رحمه نفسها غونا وتنطيط لما الاتوبيس مستحملش .

نجفة ..... انتم عاوزين ايه منى بالظبط فهمونى !! :closedeyes:

سهران ........لمى تعبابينك يا نجفة واطلعى عند الطلبة الاتوبيس و احنا هنتفاهم وانتى بس ابعتلنا الولاد

نجفة .....والله لولاش انك غالى عندى ماكنت سمعت كلامك .

زوهيري.......غورى تاك وابور يكلك

نجفة ........ قوم يا طالب منك له له له انزلوا تحت يلا

رمضان .....فى ايه يا ميز

احمد فرحات ......قوم يا رمضان شكلها مدخنه واحنا مش ناقصين

تامر ........خير يا ميس فهلوة الاتوبيس واقف ليه

نجفة .....استاذ مصري وحسام والشامى فرقعوا العجل عشان الرحلة متمش

الولاد ....معقولة طب يلا بينا نشوف فيه ايه

ناش ........وانتم ليه جايبين اتوبيس قديم

جلاكسي ... والله بابا كان قلقان من موضوع الاتوبيس دا

هبة .... وما يصيبنا الا ما كتب الله لنا

امانى ... والله انا قولت اخرة الضحك والرقص مش هتعدى على خير

نجفة ......انتى يا بت انتى وهيى بتبرطمى تقولى ايه

بدرورة ........انتى مالك يا ست انتى ارفانه مننا لسه

نجفة .......بس يا شحرورة انتى , انتى بالذاب مش نزلالى من زور

رمضان .....هى الميز مالها شايطة ليه يا استاذ

الشامي .....انت يعنى تايه عن مستك نجفة وتهولها للامور

حسام ..... يا باي عليها ست

سهران .......حرام عليكم دى ظروفها صعبة

تامر .......تلاقى جوزها مطلع عنيها وهى ست لا تطاق اصلا

مصري .....ميس نجفة مش متجوزة

احمد فرحات .......اتاريها مش طيقها نفسها ولا طيقانا

سهران .......يا جماعة ملناش دعوة بالناس

موحد .....طب عنمل ايه دلوقتى فى المشكلة دي

زوهيري......انا مش هابهدل نفسي فى تصليح الاتوبيس

حلوانى ......احنا لازم نحرك الاتوبيس

النيل حبيبي ....يلا بينا نزق الاتوبيس لاقرب مكان ممكن نصلحه فيه

الى اللقاء فى الحلقة القادمة نشوف هيحصل ايه

تم تعديل 27 يونيو 2008 بواسطة Badria Mekkawy