مدرسة الأخلاق الحميدة المشتركة بنين .!!!!

[Ahmad Farahat]

أولا أنا عايز اتخانق مع بدرية ومحدش يحوشني

لما انا ابقى طالب وزهيري يبقى مدرس البلاغة أروح انا أحرق الشعر اللي عمال اكتب فيه من سبع سنين وانما في بيتنا

ثانيا لما زهيري باشا يبقى مدرس بلاغة مين اللي هيدرس موسيقى

ثالثا لما زهيري باشا يعمملنا نص أدبي يتكلم فيه عن هيفا وانا ابقى فرحان مع البهوات زمايلي في الفصل يبقى لازم تترفع عليا قضية فساد ذوق عام ولابد أن أحاكم على هذا

برجاء تعييني مدرس لغة عربية في المدرسة وتتحويل الأستاذ محمد زهيري للتربية الموسيقية

وإلا

هاكتب قصيدة هجاء في الأخت نجفة فهلوة

وفي مدرستها

يلا

وادي قعدة اما اشوف أخرتها معاكو

مدرس اللغة العربية الجديد

أحمد فرحات

[badroora]

قــــــــــــــــرار

قررنا نحن ادارة مدرسة الاخلاق الحميدة المشتركة بينين

بتعين السيد أحمد فرحات مدرس للغة العربية

والسيد زوهيرى .......مدرس الموسيقي ........دوا را مى فاصوليا

ابتداء من تاريخة

ممثلة الادارة

نجفة فهلوة :closedeyes:

[مصري جدا]

مصري جدا: نفسنا أنقطع من الزق ...منك لله يانجفه...علشان توفر جايبالنا أتوبيس متكنسل من 50 سنه

موزهيري :ربنا علي المفتري ...أدينا وصلنا

حلواني: وتلاقيها قاعده دلوقتي مع الطلبه تحت الشجره اللي ع الطريق وواخده منهم السندويتشات والعصير وأ حنا هنا مش لاقيين الميه

أحمد فرحات: هانت ياجماعه الأتوبيس قرب يخلص ونرجع لهم

الشامي: ما هي رحله باينه من أولها

سهران : الحمد لله جت بسيطه ...وأن شاء الله الرحلة حتبقي فل

حسام: يلا يا جماعه الأتوبيس خلص ..علشان نرجع للطلبه ونكمل الرحله .. لما نوصل البحر حننسي كل شئ

الطلبه شافوا الأتوبيس من بعيد قعدوا يتنططوا ويغنوا

سالمه ياسلامه ...الأتوبيس رجع بالسلامه

مس نجفه ماسكه سندويتشين في أيد ولتر عصير في الأيد التانيه : يلا يابنات أطلعوا أنتم الأول

هبه سموا قبل ماتطلعوا

... ناش {عايشه دور المرستان}:وسع وسع بيب بيب

اماني :ياجماعه أصحاب الوزن التقيل خليهم في نص الباص بلاش والنبي فوق العجل

تامر: يلا يابنات خفوا شويه عاوزين نلحق البحر بدري

جالاكسي بتتكلم في الموبايل مع باباها:حاضر حاضر.. لما نوصل أكلمكم باي .......خودوني جنبكم يا بنات ..وسعي شويه يابدوره

بدوره: يعني مفيش غير هنا ما الباص واسع

جالاكسي : أصل بابا قالي خليكي قدام وجنب الشباك

مصري جدا : ها كله تمام : فيه حد ناقص ....أسف قصدي ماجاش

:كله تمام يامستر

الشامي :علي بركة الله يلا يا أسطي

وبدأت الرحله من جديد

يتبع

[فالحة هانم]

وأنا كمان وأنا كمان خدوني معاكم الرحلة أنا بحب البحر أوي :blink:

وعايزة اسجل معاكم في المدرسة سمعت ان اليومين دول عاميلن تخفيضات :trumpet: ممكن تقبلوني

ومش مشكلة اجيلكم الحتة الي مشيتوها بالباص واقابلكم في نص الطريق لو تحبو . . . هو أنا حالاقي احلى من دي مدرسة

ولو تحبوا اعمل حسابكم في سندويتشات الرحلة والحاجة الساقعة مش مشكلة أنا تحت امركم . . السندويتش ب 5 ريال بس :sad: والبطاطس الشيبس offer من عندي ع السندويتش

[مصري جدا]

:sad: مصري جدا : شوفوا ياولاد مين اللي جاي هناك بيجري.....

دي يظهر عليها فالحه هانم هدي ياسطي ووقف علي جنب دي يظهر جايه معانا

هبه: أهلا يافالحه ياختي تعالي هنا جنبي

مس نجفه : انت حتنضمي معانا للمدرسه ولا الرحله بس

:فالحه هانم

عايزة اسجل معاكم في المدرسة سمعت ان اليومين دول عاميلن تخفيضات :trumpet: ممكن تقبلوني

مس نجفه : فيه تخفيض بس الدفع مقدم

فالحه هانم: ماشي ماشي وانا جايبالكم معايا جرايد ومجلات علشان تتسلوا في الرحله وعاملهحسابكم في سندويتشات الرحلة والحاجة الساقعة مش مشكلة أنا تحت امركم . . السندويتش ب 5 ريال بس :blink: والبطاطس الشيبس من عندي ع السندويتش

الشامي : أيه ده يابنتي هو أنت من أولها كده داخله علي طمع

رمضان : دي باين عليها فالحة قوي ولا هانم ولا حاجه

مصري جدا: يلا كل واحد مكانه علشان نمشي ...أتوكل علي الله ياسطي

يتبع

تم تعديل 27 يونيو 2008 بواسطة مصري جدا

[galaxy]

فالحه هانم :trumpet:

معاكي اي سانويتشات ....... بس مغلفه :blink: ........ وكمان كانز بليز .......... الجو حر موت......... :sad:

لو كدا ........ هاتي بقي للاتوبيس كله علي حسابي....وكاش المرة دي من غير شيك......خلينا ننسي العذاب اللي احنا فيه دا......كفايه الاتوبيس اللي من مخلفات الحرب دا.

امال لو مش بيخدوا مننا شيكات اول بأول..............غير المصاريف......كانوا ركبونا ايه...... :hearts:

[سهران]

يعنى اية هتجيب منين؟

واحنا هنشتغل صدقة

دة احنا لاقبضنا

ولا عارفين ندى دروس خصوصية

ومصري جدا قبضها وجاب كسوة الصيف للعيال

وانا قبضتها ومن قركم على جبت عربية وتكنسلت وضاعت الفلوس

باقي دلوقتى فلوس سهران وانشنتين والباقيين :blink:

الله يباركلك يا أستاذة بدرية ألحقيني بالفلوس اللي عليكوا أول ما نوصل البلاج علطول :sad: .......... أنا قلت هاتشحنيلي عربية المدرسة بتاعة الكانتين النص نقل متحملة بامبرز علشان البنت سما أول ما خلفناها لاقيتك كروتيني بكرت تهنأة و دمتم :trumpet: .............. طيب طالما بقت كدة أدفعي اللي عليكي و أنا هاشتري بامبرز بمعرفتي .

[فالحة هانم]

الأخت Galaxy :trumpet:

كل طلباتك معايا . . . مغلف وغير مغلف - كانز وعادي وعبوات عائلية - بالشاليموه ومن غير - وجرايد ومجلات مستعملة وبتاعة اليوم كمان :hearts:

مس نجفه : فيه تخفيض بس الدفع مقدم

يالا خلونا بأة نسترزق ونجيب القسط الأول بتاع المدرسة

لو كدا ........ هاتي بقي للاتوبيس كله علي حسابي....وكاش المرة دي من غير شيك......خلينا ننسي العذاب اللي احنا فيه دا......كفايه الاتوبيس اللي من مخلفات الحرب دا.

خدي بالك ده حيكلفك كتير يا أخت Galaxy ده احنا معانا بسم الله ما شاء الله ناس ياكلوا الزلط . . أنا رأيي انك تقوليلهم من أولها انك جبت سندويتش لكل واحد فيهم مع حاجة ساقعة ... :blink:

دي الرحلة حتحلو وننبسط ونسترزق وحتبقى الأشية معدن :sad:

بأقولكو . . . أنا عاملة حسابي في لب وسوداني وترمس لزوم البحر . . ومتقلقوش البطيخ جاي في السكة. . . ودي حركة جدعنة . . متتخضوش . . يعني مجااااانااا . . . :blush2:

[galaxy]

مفيش مشكله يا فالحه :sad: ................معايا فلوس بزياده.......مش عارفه بتقبلي كريديت كمان ولا ايه........ :blink:

[النيل حبيبي]

مدرسة مصرية لتعليم الاخلاق

هدفها إحياء الاخلاق لدى الناس مع اظهار المهارات وتغذية العقول

هي اجازة اخر السنة لسه مبدأتش ولا اييييييه

[ELSHAMY]

السادة ادارة المدرسة

نقترح على سيادتكم الحاق الطالبة " فالحة " الى فصل "الفالحين " قصدى المتفوقين بالمدرسة.... قبل أن تتأثر بالطالبات المشاغبات galaxy و أمانى و nash.... و أعوانهم اللى مش حيفلحوا ...

بنتنا الفالحة....بالنسبة للأكل و الحاجات دى لازم تمر أولا على مكتب الأستاذ الشامى للمعاينة و التذوق "حسب قوانين المدرسة " لأحسن يكون فيها حاجة وحشة تضر بناتنا الطالبات....

و بالله التوفيق..

الأستاذ الشامى

[فالحة هانم]

مش عارفه بتقبلي كريديت كمان ولا ايه........ :wub:

والله انتي بنت حلال يا Galaxy :blink: كويس انك فكرتيني اجيب الـ Machine معايا . . علشان محدش يكون عنده حجة wst::

الأخ الفاضل / النيل حبيبي

مدرسة مصرية لتعليم الاخلاق

هدفها إحياء الاخلاق لدى الناس مع اظهار المهارات وتغذية العقول

تغذية العقول والبطون . . . وكل حاجة انت عايزها . . . انا عرفت ان المدرسة في الخدمة على طول الخط :bro:

[فالحة هانم]

نقترح على سيادتكم الحاق الطالبة " فالحة " الى فصل "الفالحين " قصدى المتفوقين بالمدرسة

يا حلاوة يا حلاوة حأروح فصل الفالحين :wub: ربنا يخليك لنا يا استاذ الشامي . . .

استاذ شامي يا شجاع من غيرك حقنا ضاع :blink:

انت تؤمر يا استاذنا . . . عينة من كافة السندويتشات والحاجات الساقعة والسخنة والجرايد الطازة والبايتة كله عند سيادتك . . . وانا مقدرش اخالف قوانين المدرسة . . wst::

[nash]

ايه دا ده؟؟ i*:

هو انا أغيب شويه اجي ألاقي كل ده حصل؟ :P

طيب ماشي ماشي....علي العموم أنا مستنيه حرارتي تطلع للأربعين تاني وهاوريكم الجنان علي أصله....

ماااااااااشي يا ميستر مصري جدا....بأة أنا اللي باشتغل زومارة الباص وبقول بيب بيييب...

إما وريتكم... ;)

[امانى]

نقترح على سيادتكم الحاق الطالبة " فالحة " الى فصل "الفالحين " قصدى المتفوقين بالمدرسة.... قبل أن تتأثر بالطالبات المشاغبات galaxy و أمانى و nash.... و أعوانهم اللى مش حيفلحوا

بقى كدة يا مستر شامى تخوف مننا فالحة يخونك المحشى والحمام اللى جبته زهرة وورق العنب ..... ماشى يا استاذ شامى

احنا مشاغبين ده احنا حنى نسمة وكفاية بابا جلاكسى اللى مغرق المدرسة تبرعات وشيكاتها اللى هتصرفها كلها على السندويتشات

قى الرحلة ولا ناش اللى يا عينى عمالة تزمر لكم بدال زمارة اتوبيسكم الخربان لما انقطع نفسها وانا اللى كنت ناوية اعمل

صينية سمك اسكندرانى كدة وابعتهالك تدوقها الاول وبرضه علشان تتاكد انها سليمة خوفا على حياة اخواتنا الطلبة والطالبات يلا

بقى مفيش نصيب اعملها :P

عقلى الباطن ( ماشى يا استاذ شامى بس حرارة ناش تعلى وبكرة تشوف ثلاثة اضواء الفصل جلاكسى وامانى وناش هيعملوا ايه )

حلاوة يا حلاوة حأروح فصل الفالحين ربنا يخليك لنا يا استاذ الشامي . . .

ماشى يا فالحة من اولها كدة بتخسرينا وتبيعينا . لعلمك بقى لو مجتيش معانا الفصل انت الخسرانة لاننا ببساطة كدة ملكيش غيش معانا بعدها يعنى لا سندوتشات ولا عصاير ولا بطيخ ولا اى حاجة هتقدرى تبيعيها فى المدرسة وابقى شوفى اى حد يقدر يشترى منك بدون تصريح من الكبيرة اختنا ناش

بس اما تخلص الرحلة ونرجع بالسلامة لنا كلام تانى معاكم ;)

[مصري جدا]

وصل الباص للمعسكر المفروض الأقامه فيه.....طبع علشان التوفير هو عباره عن مخيم بقرب البحر محاط بسور من البوص .....وعند رؤيه الطلبه للمعسكر حدثت شبه ثوره بينهم وبين المشرفين علي الرحله

مصري جدا: يلا يا شباب حمد لله علي السلامه وصلنا يلا أنزلوا من الباص

تامر وسامح: في نفس واحد...أيه ده ....ننزل فين ياميستر....أحنا هنا في الطراوه

جالاكسي : طب يلا بسرعه بسرعه أنزلوا أحسن هنا حر أوي...يلا نروح في الطراوه

ناش: أستني شويه بأه يا ختي ...انت مش فاهمه حاجه ....وتعالي علي جنب لما نشوف الحكايه أيه

هبه : وحدوا الله ياجماعه يمكن المكان كويس

مس نجفه: بلاش دوشه أنت وهي ويلا أنزلوا وبلاش رغي

الشامي : هاتي شنطة الأكل اللي عندك دي يافالحه هانم

اماني: الله البحر حلو قوي نفسي أخده بالحضن

احمد فرحات : نسمة هوا ورمله وميه.... احلم وعيش عيشه هنيه

رمضان : ايه ده هو أحنا حنبات هنا

تامر السيد : يلا ياجماعه المهم الصحبه مش المكان

سهران : يلا كل واحد ياخد شنطه وأتجمعوا علشان نوزع أماكن البيات

جالاكسي : مستر بابا كان دافع لمس نجفه غرفه لوحدي

ناش : البنت دي نايمه ولا أيه ....غرف أيه ياختي أنت شايفه حاجة حوالينا غير الخيم دي

جالاكسي : قصدك أننا ...........حنام ...................هنا ...لالالالا

فالحه هانم : أيون حنام وناكل ونعيش هونا ....في الخيمه

بدوره : ده أيه الخيبه دي

مس نجفه : يلا يابنات تعالوا معايا أعرف كل واحده مكانها ....يلا يا اماني تعالي هنا وبعدها اشبعي من البحر زي مانت عاوزه

موزهيري : ياشباب ورايا كل واحد يعرف مكانه

مس نجفه تهمس في أذن جالاكسي : خليكي معايا علشان باباكي موصيني عليكي وعلشان البنات دول ماياخدوش اكلك ...هو أنت جبت معاكي شندويتشات أيه؟

يتبع

[nash]

عارفين محدش قاهرني في الرحله دي غير عشرة بس.... i*:

الميسترز والميسيز وجلاكسي

حد يشيلهم من قدامي لحسن هاخد فيهم تأبيده وديني

يا إما هاغرقهم في الرياح ( بالشده ) علي الواو :P

عقلى الباطن ( ماشى يا استاذ شامى بس حرارة ناش تعلى وبكرة تشوف ثلاثة اضواء الفصل جلاكسى وامانى وناش هيعملوا ايه )

اصيله يا غاليه....أصيله يا أم مروة <<<<مين مروة دي؟ ;)

[فالحة هانم]

ماشى يا فالحة من اولها كدة بتخسرينا وتبيعينا . لعلمك بقى لو مجتيش معانا الفصل انت الخسرانة لاننا ببساطة كدة ملكيش غيش معانا بعدها يعنى لا سندوتشات ولا عصاير ولا بطيخ ولا اى حاجة هتقدرى تبيعيها فى المدرسة وابقى شوفى اى حد يقدر يشترى منك بدون تصريح من الكبيرة اختنا ناش

إيه ده . . إيه ده . . إيه ده . . ده أنا شكلي مسكت سلك الكهرباء عريـان ورجلي حافية . . . متأخذنيش يا أخت أماني :P . . انت فهمتيني غلط . . i*:

أنا قلت استاذنا الشامي مسافر في أجازة من المدرسة . . قلت مخليهوش يسافر زعلان من المدرسة وأدوقه السندويتشات ... علشان يرجع للمدرسة تاني

إنما أنتم . . وأنا ليا بركة إلا انتو . . أمال انا عاملة السندويتشات لمين وحأشيل على قلبي الحاجات الساقعة والبطيخ كمان لمين . . دي كفاية الـ machine لوحدها

خلاص خدي البيتين دول . . مع خالص تحياتي . . .

مع أماني وهبة وناش * * * * * * شلة تانية متنفعناش

جنب جالاكسي بتاعة الكاش * * * * * * ومس نجفة يا إما بلاش ;)

[مصري جدا]

تم توزيع الخيام ..كل 3 بنات في خيمه وكل 4 ولاد في خيمه

خيمه5{ناش -اماني-فالحه هانم...} ....1

ناش : شوفوا بأه .... محدش قاهرني في الرحله دي غير ....

الميسترز والميسيز وجلاكسي.....بس

اماني ليه يانوشه.....عملوا ايه

ناش: هي البهدله اللي احنا فيها دي مش منهم برضه ....ومستر الشامي حطنا هنا وفرقع علي اسكندريه لوحده....ومس نجفه لمت الأشتراكات وخدت جالاكسي معها علشان شيكاتها ....ودي كمان قهراني .....شفتوها لما بتقول مستر يامستر بابا دفعي غرفه لوحدي ...كنت حاتفرس

فالحه هانم : ولايهمك يا نوشه ياختي لو عاوزانا نخليها رحله العذاب والضنا عليهم ممكن ...بس انا بأقول نعديها ويلا نمتع نفسنا بالبحر والجو الحلو اللي بره ده

اماني : اه والله البحر شكله يجنن يلا يانوشه نروح نغسل هدومنا ..قصدي همومنا في البحر وبعدها نشوف لو عملوا حاجة تانيه يبقي هما اللي دلقوا الزيت علي نفسهم

ناش : ماشي يلا يا بنات لما نشوف اخرتها

خيمه 7 { تامر -رمضان -احمد فرحات - مستر مصري جدا} 2

مصري جدا : ايه يا رمضان شكلك مش مبسوط

رمضان : انت مش شايف يامستر البهدله دي

تامر : ولا بهدله ولا حاجه ..أنت مارحتش كشافه قبل كده

مصري جدا: قول له ياتامر ...يابني المهم المكان حلو والبحر كويس ومعاك اصحابك بص للحاجه الحلوه في الصوره علشان تتبسط

احمد فرحات : صح والله كلامك يامصري ...خليك يارمضان ايجابي ونظرتك تكون ايجابيه

رمضان : يعني طلعتوني غلطان ..ماشي... يعني لما نشوف الحاجات الحلوة الحاجه الوحشه حتتغير

مصري : لا بس مش حتأثر فينا ..وحناخد التأثير الحلو بس ....

تامر : يلا بقي بلاش نضيع وقتنا عاوزين نلعب لنا ماتش كوره علي البحر وننزل الميه ونفرفش

احمد فرحات : ماشي ياسيدي يلا بينا

خيمه 4{مس نجفه فهلوه وجالاكسي-بدوره } 3

مس نجفه : مالك يا جالاكسي

جالاكسي تنظر بغيظ : لا مفيش حاجه ..هي دي الرحله فايف ستارز اللي قلتي لبابا عليها

مس نجفه : أستني لما تشوفي جمال المنطقه هنا ... مانتي طول عمرك قاعده في الكونديشن والجو الصناعي جربي جمال الطبيعه وانا متاكده في اخر الرحله حتكوني مبسوطه قوي ومش عاوزه تروحي

وانت مش معاكي كارت الفيزا ..لوأحتاجتي اي حاجه قوللي عليها فيه أوتيل كبير قريب أروح اجيبلك اللي انت عاوزاه

بدوره : صح يا مس وانا اجي معاكم

مس نجفه : طيب يلا غيروا وبينا نطلع ع البحر شويه .. جالاكسي....شوفي لي حاجه عندك اشربها أحسن العيال اللي بره دول نشفوا ريقي

يتبع

[badroora]

بعد توزيع الخيم .....أتت اسر المدرسين المتزوجون فى الرحلة .

مصري جدا ........نجفة معاكى فلوس ضرورى نجيب خيم تانية .

نجفة .......خير ان شاء الله ايه اللى جد

مصري جدا ......كل مدرس مننا جاءت اسرته ومش معقول هنقعد مع الولاد باسرنا

نجفة.....يعنى كل واحد منكم هياخد خيمة خاصة ليه ول عياله

مصري جدا ......ايوة

نجفة........طيب بلغ حسام والشامي وسهران عشان محدش يجي ياحسبنى بعد كدا.

مصري جدا ....ماشي يا ستى يعنى هو كان فى حد بيحاسبك على حاجة .

بدرورة......مالك يا مس منفسنه ليه كدا .

نجفة .......كنا ناقصين المدرسين وعيالهم اهى الرحلة اتقلت بركتها اهو .

ناش .......ميس هننزل ام البحر ولا مش هننزل فى اليوم دا .

امانى ......هدى اخلاقك يا ناش مش كدا عيب دى المس

نجفة ........سوهاج .!! بقي دا اسلوب تكلمى به ابلتك .

جلاكسي ........حصل خير يلا بينا بقي

.

فالحة هانم .......دا عيال المدرسين دول هيكلونا مش هيكلوا السندويشتات بس

هبة .......يمي يمي يمي ..ِشايفة المنظر

طبعا وهما ماشين شافوا منظر المدرسين واسرهم وعيالهم .......ورمضان وباقي الطلبة

اترككم مع الصورة

نجفة ......يا نهار ابيض مالوش ملامح ....معقول دا مصيف دا .

امانى ...احنا هننزل البحر ازاى قدامهم .

ناش .....ماليش صالح انا جاية اتفسح مش اشيل عيال وهم حد هنا

جلاكسي ........باكية ... انا كان قلبي حاسس .

نجفة .......والله الواحد فى نص هدومة من المناظر دى

عموما ملناش دعوة ......يلا بينا ع البحر

يُبع

دكتور مصري جدا .......المايك معاك كمل

تم تعديل 29 يونيو 2008 بواسطة Badria Mekkawy