مدرسة الأخلاق الحميدة المشتركة بنين .!!!!

[مصري جدا]

سؤال بره الموضوع للأخت بدريه

انت جبتي الصوره دي منين

دي صوره لرسام كاريكاتير ليبي أسمه الزواوي ..أنا أنبهرت لما شفت اعماله ...زي مانتم شايفين الأشخاص المرسومه تحسي فيها بالحركه والكلام وله أعمال نقديه لكل مظاهر الحياه الليبيه من أفراح وفسح {زرده باللهجه الليبي} ..وكل شئ ليبي مصوره كاريكاتير

انت فعلا ...خطيره يابدريه ..ربنا يحفظك

مصري بليبيا

نتابع بعد الماتش وفوز اسبانيا ان شاء الله

تم تعديل 29 يونيو 2008 بواسطة مصري جدا

[nash]

ناش .......ميس هننزل ام البحر ولا مش هننزل فى اليوم دا .

:lol: :wub: mfb: md2:

ناش .....ماليش صالح انا جاية اتفسح مش اشيل عيال وهم حد هنا

:) :blink:

خير يا بدريه...أنتي عايشه معايا ولا حاجه؟؟

[galaxy]

طب دلوقتي بقي البحر دا نظيف والميه وكدهوت ولا ايه. ..........وبعدين الشمس المحركه دي مش حلوة للبشرة..........تعالوا بقي يا بنات نحط صن بلوك :) .........ولا تحبوا تعملوا تان............. :blink:

[nash]

خيبه خمسه

( اينو _ فالحه هانم _ ناش )

أماني..أيه ده فين زهرة الجبل

فالحه...مين؟ زهرة مين؟؟

ناش .. بملل وبتتاوب ..الجبل ياهانم الجبببببل....

أماني بذهول....فالحه أنتي سخنه؟؟ أنتي لحقتي تنسي صاحبتنا ...

ناش بنفس الملل...ام مروة مالقيش معاكي حته ايس كريم...

فالحه..بتبص حواليها.. وبتسأل أينو ..هي فين ام مروة دي....بتبص لاماني ...أماني ترد...ماتاخديش في بالك دي مناخوليا ولسه خارجه من المستشفي قريب...

ناش ...صوتت علي ميس فهلوة ....أي باللغه العربيه الفصحي.... ( نادت عليها ) وبشكل مفاجيء اثار الهلع في قلوب البنات...هاتي زهرة معانا وإلا مش هايحصلكم طيب...

ميس فهلوة مخضوضه...فيه ايه يا مجنونه..زهرة جايه وراكم ..ناس سوهاج بصحيح..

جوة الخيمه

ام مروة....يييه ...اينو اينو. مش عارفه دايما أغلط في اسمها اليومين دول ..مش هانسي تاني أوعدك يا أينو ...ياما نفسي أخد البحر في حضني...وانزل بعوامتي البطه الصفرا وأخد غطس...

ناش...أنتي بتسمي بالونة كاوتش الباص عوامه؟؟

فالحه وهي بتبص علي العوامه السودا اللي كلها لطع من الإنفجار....أة يا اماني وماله ..قال وتقولي ناش هي اللي تررلي..ده الظاهر الفرقه كلها وانا مش واخده بالي..( طبعا في عقلها الباطن )

فالحه..ماش ماش....هي مش اينو كانت بعقلها من شويه....

ناش...أة بس عادي بتحصلنا كتير وأحنا أخدنا علي بعضينا كده ... وشعارنا شله واحده وهدف واحد ....

فجاة تجري زهرة ناحيه خيبه 5 والفرح والبشر يعلوا محياها....

بناااااااااااات ياا عيااااااال هيييييييييييييه سرقتلكم فساتين البحر من خيمه ميس فهلوة...بسرعه نلبس وننزل البحر...

البنات في صوت واحد هيييييييييييييييييييييييييييييييييييييه

دخلن الفتيات إلي الخيمه وخرجن ..بفساتين ..مزركشه وكلوش.. كلوش.. كلوش.. وتحتها بنطلونات كستور مقلمه وأحذيه حمراء براقه تسر نظر الباصص عليها..وشرابات ببليه علي الجنب

وبدأن في التسابق لإحتضان البحر...وهما بيغنوا الشمس الجريئه للفنانه المحترفه حنان

ميس فهلوة ...بتدعك في عنيها وبتبسمل....ايه ده هما البنات دي رايحين ينزلوا البحر ولا رايحين فرح ابن العمده....

يتبع

تم تعديل 2 يوليو 2008 بواسطة nash