مدرسة الأخلاق الحميدة المشتركة بنين .!!!!

[galaxy]

اكث كيوز مي.........

ممكن قبل ما الورق يتقبل بس اعرف اللغه التانيه هتبقي ايه ....ومين هيدرسها؟ :wub:

[nash]

معلش بأة....من اولها نعرف مين هايقعد جنب مين....

ومين هايقبض كام.....

عايزين شفافيه.....لو سمحتوا...وبعدين ممكن نخلي الراتب بالمقايضه....

العزيزة زهرة الجبل

متخافيش انت فى مدرسة تحكمها قوانين ووزارة عارفه يعنى ايه وزارة يعنى محدش يقدر يكلمك

لا يا زهرة خافي....اسمعي كلامي....قال وزارة قال....دي اول مطب هاتجري ومش هاتعرفك...

اينو حبيبتي..

ناش طالبانى اقعد جنبها علشان تغش الحساب متعرفش انى انا كمان فى الانجليزى سيبك منه متساليش ابدا ابدا عنه وهستفيد

من قعادى جنبها الونها هدوخنى لو طلبت منها قلم ولا استيكة ولا حتى حبه لب حكم هى يعنى مبزرة اوى وتحب تفرق اللى معاها

على الموجودين مش كدة يا ناش؟

مش عارفه .....أنا بقول خلينا لما نبدا الحصه....وبعدين اقرر

واشوف حد فيكم بينادي عليه اغششه ولا بيستلف حاجه مني....كل واحد يروح يجيب حاجته...أة مش توفروا علي حسابي....

وكمان ياريت زهرة الجبل اختنا تكون قريبة مننا علشان الادب والنصوص وكدة نبقى ضمنا الخمس مواد بتوع الثانويه فى جيبنا

يا سلام عليكي يا اينو.....عشرة علي عشرة....كده الكلام....زهرة هاتقعد في النص....

بصى يا بدرية اللى هتعمليه فينا وانت ابلتنا هيتردلك وانت زميلتنا خليكى عارفة من الاول كدة وانت عارفة مين بقى قاعد جنبى

ومستحلفلك على اى غلطة

خدي الكلام ده بجديه يا بدريه.....هانستناكي برة المدرسه...وهاننزل فيكي ضرب....احنا جامدين أوي

[nash]

اكث كيوز مي.........

ممكن قبل ما الورق يتقبل بس اعرف اللغه التانيه هتبقي ايه ....ومين هيدرسها؟

عسل يا شوكولاته وانتي ضايعه في الثين.... :wub:

ممكن نبدل علبة السجاير بـ 15 رغيف عيش يكفيكوا شر طوابير العيش

معقوله يا حازم من أولها ....توافق علي اي حاجه.....؟؟؟ لا يا حازم لازم تتفاوض معاهم جايز تطلعلك بعلبه بنزين مع العيش..

[badroora]

لا يا ستى امانى ..........ميس نجفة الضب غير

وبدرورة .........الطالبة غير ...........وعلى فكرة مش قرايب ........

وخالى بالك ..........لو فى شلالية فى الفصل ........مافيش اعمال سنه .........

خليكي يا بنتى فى حالك ولو كنتى ناوية تعمرى وتاكلى عيش فى المدرسة .............وبكرة تقولى ميس نجفة فهلوة قالت ..

اهلا وسهلا بك فى بيتك الثانى .......

ناش ..........انتى كطالبة مالكيش غير الهوم ورك والاكتيفيتى داخل الكلاس .......غير كدا انذار واحضار ولى الامر .

جلاكسي ............هاتى ولى امرك معاكي بكرة ........ :wub:

الى جميع الاخوة والاخوات التى اسمائهم مش موجودة .........

معذرة لو لم تحضرنى كل الاسماء .........واقرر كلامي الدعوة عامة

وهاكون سعيدة جدا ولو لاقيت ناس اشتركت وحددت عاوزة تبقي ايه

طلبة ولا هيئة تدريس

بليز لا تخدوا الموضوع بحساسية فاكيد عدم ذكر كل الاسماء غير مقصود ........ذاكرتى ضعيفة

يلا فى انتظار من يحب يشترك معانا لسه قدامكم فرصة لاخر العام

تحياتى للجميع

تم تعديل 8 مايو 2008 بواسطة Badria Mekkawy

[badroora]

بلقمتي

للأسف انا مبدخنش

ممكن نبدل علبة السجاير بـ 15 رغيف عيش يكفيكوا شر طوابير العيش

اوك ........هاعرض الامر على الناظر وهيئة التدريس والطلبة وبعدين لما ناخد قرار هنبلغك به

بليز لا تتصل بنا احنا هنتصل بك ..........اوك :wub:

[badroora]

الآخت بدريه

مش عارف أقولك أيه تلتلاف مبروك....أنت مش نجفه وبس..... أنت فعلاً دينامو المحاورات ..... أنا بقالي مده عندي شبه أحباط ومش قادر أكتب حاجه ....وشايف مواضيعك..... ماشاء الله..... في كل المواضيع..وقدرتي تخليني أرجع أكتب ...و.طبعا مادام قلت مفتش عام ولا مدرس ماث كله ماشي ..... مش حأرد لك كلمه ..... وأنا في أنتظار بداية الدراسه للبدء في العمل.....

دكتور مصري جدا ........حمدالله ع السلامة نورت المدرسة ....

والله انا اللى مش عرفه اشكر حضرتك ازاى على تلبية دعوتى المتواضعه .........بجد وجودك هنا اسعدنى

وبخصوص مفتش او مدرس حسيت ان دور المفتش هيبقي صغير كلميتن فى السنه قصدي زيارتين فى السنه ......قليل

لكن مدرس يعنى هتتواجد معانا 8 ايام فى الاسبوع .. ........وبكدا هنستفيد من خبراتك ..... :wub:

الف الف بعيد الشر عن حضرتك من الاحباط ........ ويلا بقي عاوزين نشوف شعارات المدرسة الجميلة اللى هتألفهلن

ا بما انك رجعت

استغلال بقي :lol:

مرحبا بحضرتك مرة اخرى .........

[galaxy]

بابا بيقولك يا مس انه كتير مشغول ...وباعت معايا شيك التبرع بتاع كل سنه :wub:

[badroora]

مدرسة الاخلاق الحميدة المشتركة بنين .!!!!!!!!!!!

الشعارات المكتوبة ع الحائط داخل المدرسة 2020

قف للطالب واعطيه التبجيلا كاد ابيه فى امن الدولة مسئولا. !!!

العلم فى الراس مش فى الكراس .

الناظر والمدرس والمدرسة فى خدمة الطالب واسرته .

المدرسة بيتك الثانى ........فخد راحتك فيها .

العقل السليم ....فى الجسم السمين .

الانتفاضة من اجل الحصول على رغيف الخبز ......

الجهاد من اجل الحصول على مقعد فى الاتوبيسات .

مدرستى.......كمحفظتى ..خالية ونظيفة

عظيمة يا مصر يا ارض اللواء

كل دى شعارات المدرسة ...

وهنا ياتى ابو جيداء ناظر المدرسة ويلتقي بالسادة اعضاء هيئة التدريس .

ابو جيداء ......كل واحد منكم يقولى على خطته للعام الدراسي وتكون مكتوبة

وتسلموها للنائب أ: محمود مصطفي وتكون على مكتبي على نهاية الاسبوع ماشي

اعضاء هيئة التدريس ........ماشي يا فندم .!!

ابو جيداء يلقي خطبة بالمدرسين .

كل عام وحضرتكم بخير الله يجعله عام سعيد علينا وعليكم وعلى كل الناس اجمع.

اما بعد

اتمنى كل مدرس ياخد باله من حصته ومادته ويعطيها بضمير .

والآن هيا بنا جميعا الى الفصول ......لتهنئة ابنائنا الطلبة بالعام الدراسي الجديد.

وبالمرة كل مدرس يعرف نفسه للطلبة .....ويتكلم عن متطلبات المادة اللى هيدرسها .

الجميع ...تصفيق حاد ...يعيش المدير ..الجميع يعيش يعش يعش

كوكومن مدرس الفن والموسيقي طبعا حابب يجامل المدير ويظهر قدراته

ابو جيداء يا مدرسة ....فن وخبرة كويسة ..الجميع تصفيق لكوكومن .

ويمشي الناظر وبجانبه النائب

ويتبعه اعضاء هيئة التدريس الى الفصول

الطلبة ........قاموا وقفوا احتراما لاعضاء هيئة التدريس ...

الناظر ...لا العفو اتفضلوا استريحوا احنا فى عام 2020 معقول الطالب يقف للمدرس

محمود مصطفى ..ابنائنا وبناتنا الطلبة والطالبات يسعدنا اليوم ان نلتقي بكم

لنهنيء انفسنا بانضمامكم الينا

حضرة الناظر .......ابو جيداء

وانا العبدلله نائب المدير

وعلى السادة المدرسين تقديم نفسهم للطلبة .

بسم الله الرحمن الرحيم .

أ..كوكومن ...مدرس فن وموسيقى ومطلوب من كل طالب طبلة ورق اثناء الحصة

أ .......الشامي ..مدرس العاب ...كل واحد يجيب 12 بلية الوان وترنك (تريننج)مقاسه

ميس نجفة ...مدرسة فهلوة وعلم نفس وتدبير منزلى ..الادوات مشتركة بين الفهلوة

والتدبير المنزلى مطوة وحلة صغيرة ومغرفه لزوم الطبيخ

ميس زيزيتا .......مدرسة انجليش ولغات حية

أ.مصري جدا ....مدرس ماث فضلي ذهنك بس قبل ما تيجي الحصة من الكركبة اللى فيه

أ.مصري اصيل ....مدرس وطنية ..كل واحد يجيب بوستر لصورة الرئيس ف الحصة

أ..زوهيري ....لغة عربية ...السيرة الذاتية لهيفاء وهبي وروبي

الحازم حسن .....مدرس كمبيوتر ..كل واحد يجيب معاه فلاشه 1 جيجا حد ادنى.

حسام يوسف .......علاقات انسانية

جوست .......لبيرالية وفلسفة

انشنتين ......مسئول الصحة المدرسية

النيل حبيبي.....طبيعة

حلوانى ..صناعة اغذية ...كل طالب يجيب كيلوا جزر كفاية

سهران ...اخصائي اجتماعى ..اى طالب عنده مشكلة عاطفية مزنوق فى قرشين يجيلِي

ابو عمر .....سياسية ونقد .كل واحد يجيب واسطته معاه او كارت منه اثناء الحصه .

ليدو..مدرس رسم ..كل طالب وطالبة يجيب معاه فُرشة ومسطرين وجردل بعوليقه

ولوحين خشب

وبعد انتهاء المدرسين من تقديم انفسهم للطلبة وشرح كل استاذ نبذة بسيطة عن مادته

صفق جميع هيئة التدريس للطلبة ومتمنين لهم عام دراسي سعيد ..

واستأذنوا بالانصراف

انتهت حلقة اليوم

بكرة ان شاء الله سوف يبدأ العالم الدراسي .

تحياتى

بدرية

[ابو جيداء]

تنبية إدارى

على السادة المدرسين والمدرسات تحفيظ الطلبة والطالبات أغنية أخترناة أخترناة وعشان كدة أحنا أخترناة

لترديدها فى طابور الصباح بدلا من نشيد بلادى بلادى ..

وسوف يتم العمل بتلك الأغنية لمدة 25 سنة قادمة وذلك حتى يعم الخير أرجاء مصر

طمام يا فنضم عولم وينفذ ...........

مستر كوكومن هو مسئول الموسيئى هو بقي يبقي يلحم الاغنية ويحفظفها للطلبة

عقلي الباطن بيقولي

ناظر المدرسة ده حيبدأ يدخل في شغلي .. ويفرض عليا أغاني وأناشيد مجهولة المصدر

ومش عارف مين اللي بيغنيها ... وبعدين كلمتها غير مفهمومة .. مين اللي إخترناه إخترناه :wub:

أيه التدبيس ده ولصالح مين النشيد ده ... يمكن يقصد مدير الإدارة التعليمية ... فعلا فعلا

استاذ 'kokomen

هوة فية حد يقدر يختار غيرة

د مدير العزبة والأجر على الله

طبعاً أنا أقصد مدير الإدارة التعليماتية :lol:

[badroora]

بابا بيقولك يا مس انه كتير مشغول ...وباعت معايا شيك التبرع بتاع كل سنه

والله يا حبيتى باباهاتكم بيتعبوا عشانكم خالص ..هاتى واشكرى بابا وقوليله كان الله فى العون

:wub:

[kokomen]

الاصتاظ المربى (بكسر الياء) الفاضل أبو جيداء

الأصتاظة بدرية

الأصتاظ كوكومان....

نرجو من صيادتكم مناقشة اقتراح تغيير أغنية العنب العنب....لموصيقار الأجيال صعد الصغير....الى أغنية أخرى لنفص الموصيقار أظنها تلائم طبيعة هذه المرحلة من فترات كفاح الحركة الطلابية و هى أغنية :

باحبك يا حمار

بناء على طلب الشامي باشا وشلة المدرسين والمدرسات

حنبدأ الطابور الصباحي بأغنية فريحي كده وهي أغنية بحبك يا حمار للمطرب العاطفي اللي

شغال في الإسطبل سعد باشا الصغنن وبنهدي الأغنية لكل العربجية علشان يخلوا بالهم من الحمير

ويطبقوا قانون حرية و حماية الحمير

[ابو جيداء]

السلام عليكم

ابو جيداء

بدرية

انا عايز امسك التأمين الصحى للمدرسة

وهجيبلكوا احسن الاسعار

وأحسن الادوية

والاطباء

ممكن؟

وعايز معايا الدكاترة

اينشتين (اهو منة دكتور ومنة يشرحلنا النسبية)

وجالاكسى(صيدلة الشيكولاتة ودة قسم مهم عشان طعم المدرسة يحلو)

دكتور حسام

واضح انك راجل محترم والنوع دة مايمشيش معانا

احنا عاوزين واحد يدينا كوميشن من توريد الأدوية

حتقولى أرخص الأسعار وأحسن الأدوية !!!

أمال حنقسم أزاى ؟؟ لالالا انت متنفعش عشان انت راجل نزية :wub:

[ابو جيداء]

الاصتاظ المربى (بكسر الياء) الفاضل أبو جيداء

الأصتاظة بدرية

الأصتاظ كوكومان....

نرجو من صيادتكم مناقشة اقتراح تغيير أغنية العنب العنب....لموصيقار الأجيال صعد الصغير....الى أغنية أخرى لنفص الموصيقار أظنها تلائم طبيعة هذه المرحلة من فترات كفاح الحركة الطلابية و هى أغنية :

باحبك يا حمار

أستاذ ELSHAMY

فعلا أقتراح جيد اغنية تعبر عن الرفق بالحيوان

*********

الأخ أبو الجيداء

لا داعي لإستخدام مثل هذه الألفاظ حتى ولو في النكات

سي السيد

الإدارة

تم تعديل 10 مايو 2008 بواسطة se_ Elsyed

[nash]

ناش ..........انتى كطالبة مالكيش غير الهوم ورك والاكتيفيتى داخل الكلاس .......غير كدا انذار واحضار ولى الامر .

أيه ده...... ايه المعامله دي...احنا هنا بفلوسنا...انتي ناسيه أننا اللي بندفع رواتبكم؟؟ ماهو لو من اولها نروح اي مدرسه حكومه وخلاص...

أما حاجه غريبه.....والله لاقول لبابي <<<<<يااااااة من زمان نفسي اعوج لساني واقول بابي ومامي

[badroora]

ناش ..........انتى كطالبة مالكيش غير الهوم ورك والاكتيفيتى داخل الكلاس .......غير كدا انذار واحضار ولى الامر .

أيه ده...... ايه المعامله دي...احنا هنا بفلوسنا...انتي ناسيه أننا اللي بندفع رواتبكم؟؟ ماهو لو من اولها نروح اي مدرسه حكومه وخلاص... :blush2: :blush2:

أما حاجه غريبه.....والله لاقول لبابي <<<<<يااااااة من زمان نفسي اعوج لساني واقول بابي ومامي

ناش قومى اوقفي ع السنبورة وارفعى ايدك لفوق .....لحد اخر السنه مشوفش وشك فى حصتى ماشي

انتى ناسية اننا بنقدم اعانة للطلبة واهليهم .......

ميس نجفة فهلوة

[nash]

انتى ناسية اننا بنقدم اعانة للطلبة واهليهم

ايون ايون.....أنا دلوقتي عرفت كل حاجه....هي الإعانات اللي كاسرة عينا....كله من الحكومه اللي نظفت جيوبنا

عارفه يا فهلوة؟؟؟ أخرتك وحشه .....وهاتشوفي إما وريتك يا نجفه؟؟

[مسالم]

اسجل اعتراضي بشده .. على عدم وجود اسمي في كشوف الناجحين .. قصدي هيئة التدريس ... إمال مين اللي هيعقد الطلبه والمدرسين .. شكلكم من الحزب اياه ..

[قائد المدفعيه الهولنديه]

يا جماعه مش عايزين بواب للمدرسه انا ممكن انصب صواريخى على البوابه و على السور للعيال اللى عايزه تكت و مش غاويه اخلاق حميده و كده يعنى يا ريت تردو على طلب التقديم

تم تعديل 9 مايو 2008 بواسطة قائد المدفعيه الهولنديه

[badroora]

اسجل اعتراضي بشده .. على عدم وجود اسمي في كشوف الناجحين .. قصدي هيئة التدريس ... إمال مين اللي هيعقد الطلبه والمدرسين .. شكلكم من الحزب اياه ..

لا والله غير مقصودة دا شرف لينا يا فندم والله انضمامك الى مدرستنا المتواضعة ........

.حضرتك هتبقي الموجه اللى بيجي يختبر مستوى الطلبة كل كام مدة كدا ماشي

موجه عام ....ينفع

مع تحياتى ميس نجفة فهلوة

[badroora]

يا جماعه مش عايزين بواب للمدرسه انا ممكن انصب صواريخى على البوابه و على السور للعيال اللى عايزه تكت و مش غاويه اخلاق حميده و كده يعنى يا ريت تردو على طلب التقديم

حضرتك ظابط امن المدرسة اوك .........

والله المدرسة نورت ويا الف اهلا وميت سهلا .........

اى حد عاوز ينضم تانى يا جماعة الباب مفتوح والدعوة عامة للجميع ......

مع تيحياتى ..ميس نجفة فهلوة