مدرسة الأخلاق الحميدة المشتركة بنين .!!!!

[smsmah]

أبله نجفه :rolleyes:

انا طالبتك النجيبه سمسماه بس بابا شبطان فيه عايز ييجى معايا المدرسه بكره

هو بيقولك ممكن يلتحق معانا كطالب فى المدرسه؟؟؟؟ بس يا ريت مش فى نفس فصلى يا أبله

لاحسن بياكل منى السندوتشات..وهو بيقولكك مفيش ديسك كاوند على طلبات المدرسين .

وياريت تقوليلى مقاس الحله بس اللى محتاجاها كام؟؟؟وماما بتسألك أمتى حصة المفتأه عشان

عايزه تحضر معايا وهى بتقولك هتصحى بدرى اليوم ده وهتلحق طابور العيش وهتجيب العيش معاها.

تم تعديل 9 مايو 2008 بواسطة smsmah

[!! Lidooooo !!]

ـــ بيقولوا في المدرسة عايزين كشكول و مسطرة وبرجل و علبه ألوان

وتلميذ تانى أهله يكونوا غناى!

[زهرة الجبل]

متخافيش انت فى مدرسة تحكمها قوانين ووزارة عارفه يعنى ايه وزارة يعنى محدش يقدر يكلمك

ميرسي خالص...روحي يا شيخه ... ربنا يطمن قلبك

دى مدرسة يا بنتى مش خرمنط ....... يعنى ايه خرمنط

ألا هو صحيح يعني ايه البتاع اللي فوق ده ؟

ما علينا

وكمان ياريت زهرة الجبل اختنا تكون قريبة مننا علشان الادب والنصوص وكدة نبقى ضمنا الخمس مواد بتوع الثانويه فى جيبنا

عينيا ليكي يا أماني و الله :lol: ... و كله بتمنه ... أنا معنديش كله بثوابه .. يعني تفتكريني في الماث أفتكرك في الأدب و النصوص و الذي منه

تنسيني ... أقول لك لا الغش حرام.. أيوااااه .. المبادئ شايفه عندي مش بتتجزء إزاي؟

وكمان التربيه القومية هتغششهلنا بكلمتين شعر من اللى هما

لا ماتشيليش هم الوطنيه خالص :ok: .. أنا مش هغششهالك ... أصلي مش هذاكرها من أصله ... wst::

أنا هتصرف و أجيب الإمتحانات بتاعتها من الأستاذ

و أبقى أديهالك قبل اللجنه بيوم phn: بس زي ما إتفقنا ... قدمي الرياضيات تلاقي الوطنيه hg)::

يا سلام عليكي يا اينو.....عشرة علي عشرة....كده الكلام....زهرة هاتقعد في النص....

كده يحلا الكلام ... ضمننا الإنجليزي كمان و عينيا ليكم :rolleyes:

مش عارفه ليه حاسه كده إن الصف اللي هنقعد عليه احنا التلاته يا بنات هيبقى فيه شبه كبير من لقطه في مسرحية مدرسة المشاغبين

دي هتبقى أيام عسل إن شاء الله

بقول لكم إيه؟

ليكم في نظام المألسه على المدرسين؟ ngh:

بسم الله نبدء

لا يا ستى امانى ..........ميس نجفة الضب غير

وبدرورة .........الطالبة غير ...........وعلى فكرة مش قرايب ........

لا حول و لا قوة إلا بالله العلي العظيم

دي حالة شيزوفرينيا واضحه mfb: ... إنشكاح في الشخصيه يعني

مش ناقص غير تقول إن كمااااان أبله بداره بتاعة التدبير المنزلي متعرفش ميس نجفه و متعرفش بدروره الطالبه .... يلا عشان تبقى كملت بقى

خلو بالكم يا بنات أحسن شويه شويه ... هنلاقي ميس نجفه بتمشي و هي نايمه :waf:

ألحق أجري على فصلي أستخبى وسط البنات بسرعه أنا بقى ؟

[حسام يوسف]

السلام عليكم

السيد ناظر المدرسة

السيد ناظر المدرسة

السيد ----------

هتيجى اهى

(مع الاعتذار لعبدالله فرغلى فى مدرسة المشاغبين)

ومش هتزنق عشان ماحدش يفهم غلط :waf:

نفسى فى حاجة واحدة فى حياتنا تبقى بالانتخاب

انشاءالله تكون حاجة للابتسام زى بدريةما اخترعتها

ممكن؟

ممكن مرة واحدة نختار الناس اللى عايزينهم

مرة واحدة قبل ما اموت

اختاروا الناس

شوفوا اللى هينضم

قسموا المناصب

خدوا الترشيحات

شوفوا الاصوات فى صناديق زجاج شفاف مش فيمية

ويسمح للرعية بنقد المسؤولين

ممكن قبل ما اموت؟

:rolleyes:

[النيل حبيبي]

إنتظرت يوم يومين تلاته وبلدياتى إنجنير هبه مظهرتش

لعل المانع خير ومتكونش زعلانه وواخده على خاطرها

ماتخافيش مش حنرجعك المدرسه من الأول لأنها 2020

إن شاء الله تدخليها أحفادك

[nash]

ممكن مرة واحدة نختار الناس اللى عايزينهم

مرة واحدة قبل ما اموت

اختاروا الناس

شوفوا اللى هينضم

قسموا المناصب

خدوا الترشيحات

شوفوا الاصوات فى صناديق زجاج شفاف مش فيمية

ويسمح للرعية بنقد المسؤولين

ممكن قبل ما اموت؟

إن شاء الله في الجنه بعد عمر طويل...

زهرة

ليكم في نظام المألسه على المدرسين؟

يووووووووة صولات وجولات ... :rolleyes:

[badroora]

إنتظرت يوم يومين تلاته وبلدياتى إنجنير هبه مظهرتش

لعل المانع خير ومتكونش زعلانه وواخده على خاطرها

ماتخافيش مش حنرجعك المدرسه من الأول لأنها 2020

إن شاء الله تدخليها أحفادك

لا لا هبة بخير وبتسلم عليك احنا بس بعتناها بعثه فى اليابان انت عارف بقي هبة مهندزة كمبيوتر .......وان شاء الله ترجع من الصين بكرة .

احنا من غير هبة ولا حاجة

وان شاء الله ترجع وتطمنك بنفسها

[جويرية]

ايه ده هوه المدرسة دي سنة 2020 لسة يعني

خلاص خلوها للورثة بتوعي

يدخلوا فيها ولاد أخواتي إن شاء الله

[galaxy]

احنا مش هنبدأ الدراسه بقي ولا ايه :closedeyes: .............لعبنا وهذرنا كتير. ........هناخد السنه كلها لعب ولا ايه؟؟؟؟؟؟؟؟؟؟؟؟

[النيل حبيبي]

شكراً العزيزة بدريه

طمنتيني نص ونص علي بلدياتي

لكن وجهت نداء بالمحاورات

زيادة تأكيد قبل ماتسافر الواق واق

[سهران]

سهران ........ اخصائي اجتماعى

أيه ده .... أروح المدينة ثلاث أيام أرجع ألاقيكي وظفتيني يا بدرية .... عموما الوقت ( كبس ) علينا و لازم كله يبتدي يمارس مهام و ظيفته و بمنتهى الحماس ......... على كل طالب و طالبة يجيب شومة معاه علشان يحل مشاكلة بنفسة مع زملاته .... أنا مش عاوز وجع دماغ ........... عندكم رحلة أول يوم دراسة .... هانزور السيدة و الحسيبن و هانلم سندوتشات فول نابت ...لو صادفت ولاقيتوا حد أتجنن و بيوزع لحمة تجيبوها للأدارة علطول عشان نتقاسم فيها احنا المدرسين مع الأخت بدرية صاحبة المحل ... قصدي صاحبة المدرسة ... الكانتين هيقدم ( شندوتشات ) مدعمة لبناتنا المتريشين بتوع الخليج زي بدرية وناش و زهرة و جلاكسي بسعر 16 جنيه ( للشاندوتش ) و بسعر مخفض لبناتنا المحليين بسعر 5 جنيه بشرط أبراز بطاقة التموين عند الشراء .

باقي البرامج سيعلن عنها في حينه .................. تحياتي

تم تعديل 10 مايو 2008 بواسطة سهران

[مصري جدا]

صباح الخير

النهارده حنبدأ بعون الله دروسنا ....الأول نتعارف

أنا عارفكم من زمان وعندي صوره عن كل واحد وواحده فيكم...والحمد لله الصور كلها حلوة ومشجعه وتنبئ عن نتيجة كويسه أخر السنه

أنا شايف أن فيه ناس مش موجوده ...مش حأقول أسماء .......المهم .. اتمني تواجدهم الحصص الجايه

أنا ....مصري جدا....مدرس الماث....

والماث يعني الحساب زي مانتم عارفين بس الحساب عندي يختلف شويه ... حنتعلم في الأول... نحسب و نحاسب ....... نحاسب علي بعض لأن لو كل واحد فينا حاسب علي زميله يبقي بكده بيحاسب علي نفسه ...وده اللي نفسي أشوفه هنا في المدرسه ..وبحلم أشوفه في مصر ....أصلي شفت صوره مش عجباني خالص في مصر..شايفنا واقفين في طابور.....مش قدام مخبز.......وكل واحد حاطت أيده في جيب اللي قدامه.......وياريت فيه حد جيبه مليان ...كله فاضي ..

واللي معاهم كل شئ قاعدين بعيد يتفرجوا علينا ولما يتململوا يعملوا لنا حاجه علشان نخبط في بعض ويتسلوا بينا وعلينا.....علشان كده لازم نتعلم نحاسب علي بعض ....ده أول شئ.......

تاني شئ عاوز اٌقوللكم عليه وأحنا لسه في الأول.... النظام اللي حنمشي عليه ....مفيش عندي لا مساواه ولا حرية في الفصل وأتمني كمان في المدرسة ....{{.وتقوم ثورة في الحصة}}....أستنوا بس ........

.دقيقه ياناش ....حأفهمكم ....

.لحظه يازهره......أستنوا علي أشرح لكم

أديني فرصه يا في أي بي ...........

.أماني ..أنت بلدياتي سكندريه ودمك حامي .

..بس أدوني فرصه أوضح كلامي.......

لا المساواه تنفع معانا لأنها بتساوي بين العمل والكسل ولا الحريه لأنها بتعين القوي علي الضعيف .....أنا حر دي كلمة القوي والضعيف ضاع فيها يا ولداه.......علشان كده لا دي ولا دي يمشوا معانا.....

اللي أنا عاوزه يكون أساس معاملتنا هو العداله ...هي اللي حتحكم المساواة والحريه واي شئ أخر .....فالمساواه العادلة مش حتساوي بين العمل والكسل .....وكذلك الحريه العادله مش حتضيع الضعيف أمام القوي

أنا عارف زمانكم بتقولوا حصة ماث دي ولا فلسفة ..... بس دي أساسيات علشان نبدأ ......

فيه أي سؤال قبل ما ندخل في حاجه جديدة......

أتفضلوا...........

تررررررررررررررررررررررررررررررررررررنننن

معلهش الجرس ضرب بس لو فيه أي سؤال أنا قاعد في حجرة المدرسين ...ونتقابل الحصه اللي جايه,,,,,,,,, ,,,وكل واحد يحاسب علي زميله ...ويشيل أيده من جيبه......

تم تعديل 10 مايو 2008 بواسطة مصري جدا

[امانى]

لازم كله يبتدي يمارس مهام و ظيفته و بمنتهى الحماس ......... على كل طالب و طالبة يجيب شومة معاه علشان يحل مشاكلة

بنفسة مع زملاته .... أنا مش عاوز وجع دماغ ........... عندكم رحلة أول يوم دراسة .... هانزور السيدة و الحسيبن و هانلم سندوتشات فول نابت ...لو صادفت ولاقيتوا حد أتجنن و بيوزع لحمة تجيبوها للأدارة علطول عشان نتقاسم فيها احنا المدرسين مع الأخت بدرية صاحبة المحل ... قصدي صاحبة المدرسة ... الكانتين هيقدم ( شندوتشات ) مدعمة لبناتنا المتريشين بتوع الخليج زي بدرية وناش و زهرة و جلاكسي بسعر 16 جنيه ( للشاندوتش ) و بسعر مخفض لبناتنا المحليين بسعر 5 جنيه بشرط أبراز بطاقة التموين عند الشراء .

باقي البرامج سيعلن عنها في حينه .................. تحياتي

استاذ سهران لو سمحت ممكن اسال كام سؤال ؟

الشومة اللى حضرتك طالبها مننا دى لمين بالظبط لزملائ وزميلاتى فى الفصل ولا لحد تانى :closedeyes: ممكن نخوفه بيها فى الفصل؟

بخصوص اللحمة نلمها ونوديها الادارة تتقاسموا فيها مع بدريه واحنا بقى نتفرج عليكم ونتحسر اننا متصورناش حتى جنبها :trumpet:

بخصوص الكنتين الحمد لله انا من المحليات يعنى الساندويتش بسعر 5 جنيه ممكن اطمع فى عطف سيادتكم مفيش فئة

اقل من المحليات تحطنى فيها يكون الساندويتش فيها بسع 1 جنيه علشان اقدر اكل براحتى بدال واحد ب5 جنيه اكل 5

سندوتشات واهو كله بثوابه

متشكرة لسعة صدر حضرتك جعلك الله زخرا للتعليم والمدرسة

امانى بنت ام امانى التخته الاول فى الوسط فى فصل المشاغبين

تم تعديل 10 مايو 2008 بواسطة امانى

[امانى]

صباح الخير

النهارده حنبدأ بعون الله دروسنا ....الأول نتعارف

أنا عارفكم من زمان وعندي صوره عن كل واحد وواحده فيكم...والحمد لله الصور كلها حلوة ومشجعه وتنبئ عن نتيجة كويسه أخر السنه

أنا شايف أن فيه ناس مش موجوده ...مش حأقول أسماء .......المهم .. اتمني تواجدهم الحصص الجايه

تاني شئ عاوز اٌقوللكم عليه وأحنا لسه في الأول.... النظام اللي حنمشي عليه ....مفيش عندي لا مساواه ولا حرية في الفصل وأتمني كمان في المدرسة ....{{.وتقوم ثورة في الحصة}}....أستنوا بس ........

.دقيقه ياناش ....حأفهمكم ....

.لحظه يازهره......أستنوا علي أشرح لكم

أديني فرصه يا في أي بي ...........

.أماني ..أنت بلدياتي سكندريه ودمك حامي .

..بس أدوني فرصه أوضح كلامي.......

لا المساواه تنفع معانا لأنها بتساوي بين العمل والكسل ولا الحريه لأنها بتعين القوي علي الضعيف .....أنا حر دي كلمة القوي والضعيف ضاع فيها يا ولداه.......علشان كده لا دي ولا دي يمشوا معانا.....

اللي أنا عاوزه يكون أساس معاملتنا هو العداله ...هي اللي حتحكم المساواة والحريه واي شئ أخر .....فالمساواه العادلة مش حتساوي بين العمل والكسل .....وكذلك الحريه العادله مش حتضيع الضعيف أمام القوي

أنا عارف زمانكم بتقولوا حصة ماث دي ولا فلسفة ..... بس دي أساسيات علشان نبدأ ......

فيه أي سؤال قبل ما ندخل في حاجه جديدة......

أتفضلوا...........

تررررررررررررررررررررررررررررررررررررنننن

معلهش الجرس ضرب بس لو فيه أي سؤال أنا قاعد في حجرة المدرسين ...ونتقابل الحصه اللي جايه,,,,,,,,, ,,,وكل واحد يحاسب علي زميله ...ويشيل أيده من جيبه......

-------------

امانى فى حجرة المدرسين ومعاها ناش وزهرة وجلاكسى

امانى -- احنا اسفين يا استاذ مصرى على الثورة اللى عملناها فى الفصل اصل مكناش فاهمين قصدك

ناش -- هو احنا كنا بنشم على ضهر ايدنا يعنى انك تقصد العدالة كنت هات من الاخر بدال ما توجع دماغنا وتخلينا نثور خلاص احنا اسفين

زهرة --- معلش يا استاذ كان المفروض نسمعك للاخر وبعدين نقرر بس احنا بقى بنحب اللى يجيب من الاخر ميتوهناش ولا ايه ياجماعة

جلاكسى -- انا اسفة يا استاذ بالنيابة عنهم مش معقولة يا جماعة كدة من اول حصة نعمل مشاكل كدة خلوها قدام شوية احنا

عايزين نخلص ونتخرج بقى

الاستاذ مصرى --- خلاص يا اولاد محصلش حاجة انتم اولاد مصر يعنى حته منى ويصعب عليا اشوفكم كدة مش فاهمين حاجة

عايزكم تفوقو ا وتصحوا وتعرفوا حقيقة ما يحدث لامنا العزيزة مصر

الجميع -- خلاص يا استاذ ان شاء الله هنكون عند حسن ظنك بينا وياريت الستاذ سهران ميعرفش باللى حصل فى الفصا احسن يلغى لنا الرحلة

ماشى يا اولاد خلاص

امانى

تم تعديل 10 مايو 2008 بواسطة امانى

[nash]

الكانتين هيقدم ( شندوتشات ) مدعمة لبناتنا المتريشين بتوع الخليج زي بدرية وناش و زهرة و جلاكسي بسعر 16 جنيه ( للشاندوتش ) و بسعر مخفض لبناتنا المحليين بسعر 5 جنيه بشرط أبراز بطاقة التموين عند الشراء .

:trumpet: :blush2:

ايه الظلم ده....انتوا بتضحكوا علينا وبتاخدوا مصروفنا؟؟

لا بأة ماليش دعوة....فين المساواة فين العدل والشفافيه المطلقه في إدارة الأمور؟لا هابلغ عنكم الإدارة العامه للتموين وهي تشوف شغلها معاكم..أة احنا لا

يمكن نستسلم أبدا....احنا رجاله وطول عمر ولادك ...أة...

ولعلمك يا مستر سهران انا عارفه انت بتحاول توقع بيني وبين زميلاتي علشان تستولي علي مصروفنا..صح؟؟ قول أعترف؟؟... :blink:

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

,,,,,,,

أنا ....مصري جدا....مدرس الماث....

مستر ....يااااااااا مستر.....انا حضرتك أدبي..وبكرة الرياضيات...

وعندي امل ارجع أحبها واكون مبدعه فيها...بس حضرتك صدمتني من الكلام الكبير اللي بتقوله....هو حضرتك...العداله دي...تبع قانون فيثاغورث؟؟

ولا دي حاجات هانشوفها في الجنه مع مستر حسام؟؟ brth)

وبعدين حضرتك اللي اسمها اماني وجلاكسي قلبوا جيوبي واخدوا المصروف بتاعي....وزهرة سرقت شندويتشاتي ...

ومستر سهران شال الدعم وبيضحك علي بتوع الخليج علشان ياخد فلوسنا..... :wub: jmb-)

أنا حاسه هاخرج من عندكم علي التنميه الفكريه علي طول....ربنا يستر :closedeyes:

تم تعديل 10 مايو 2008 بواسطة nash

[امانى]

وبعدين حضرتك اللي اسمها اماني وجلاكسي قلبوا جيوبي واخدوا المصروف بتاعي....وزهرة سرقت شندويتشاتي ...

ومستر سهران شال الدعم وبيضحك علي بتوع الخليج علشان ياخد فلوسنا..... :blush2: :trumpet:

أنا حاسه هاخرج من عندكم علي التنميه الفكريه علي طول....ربنا يستر :closedeyes:

--------------

شوف يا مستر متصدقهاش احنا معقولة نسرق ناش دى هى الزعيمة فى الفصل وبعدين هى اصلا عندها حساسية ضد الفلوس

والشنط يعنى لا يمكن يكون معاها فلوس حد ياخدها انما ممكن تاخد هى زى ماهى عايزة اسالنى انا قاعدة جنبى وعرفاها من

زمان . اما بخصوص السندوتشات فهو سندويتش واحد بيعاه لزهرة ب5 جنيه وقالت لها انا احسن من الكنتين موفرالك 11 جنيه

وواخدة الفلوس من زهرة ادامى حرام يا ناش كدة تتبلى على زمايل فصلك كدة هو يعنى علشان خلناكى الزعيمة تقومى تفترى

نداء الى ابله بدرية ( الحقينا بسرعة ناش بتتهمنا بالسرقة )

امانى فصل المشاغبين

[galaxy]

ايون حصل وقدامي :closedeyes: ........دي كل يوم يا مستر تاكل ساندوتشاتي وتروحني البيت جعانه ...............وكمان تحكم عليا اجيبلها ساندوتشات من الكانتين بكل مصروفي.......وتبيعها هي بسعر التكلفه وتحطهم في جيبها واللي يعترض بتضربه:blush2: .........بابا كتير زعلان وبيقول ممكن مايبعتش شيك الانشاءات اللي حضرتك كلمتيه بخصوصه............... :trumpet:

[مصري جدا]

مستر ....يااااااااا مستر.....انا حضرتك أدبي..وبكرة الرياضيات...

وعندي امل ارجع أحبها واكون مبدعه فيها...بس حضرتك صدمتني من الكلام الكبير اللي بتقوله....هو حضرتك...العداله دي...تبع قانون فيثاغورث؟؟

ولا دي حاجات هانشوفها في الجنه مع مستر حسام؟؟ :waf:

شوفي ياناش يابنتي.......أنا عارف أنك ادبي وعلشان كده قلبت الماث علي فلسفه علشان تكوني معانا اما العدالة دي ملهاش دعوة لا

بفيثاغورث ولا بالعادلي اللي ميعرفش عنها حاجة .....وزي ماقلتي حنلاقيها في الجنة ....وبنحلم برضه أننا نلاقيها في الأرض

وبعدين حضرتك اللي اسمها اماني وجلاكسي قلبوا جيوبي واخدوا المصروف بتاعي....وزهرة سرقت شندويتشاتي

لا لا لا ماتقوليش كده أماني وجالاكسي وزهرة مش ممكن يعملوا كده ...أكيد بيهزروا معاكي

....شوفوا يابنات عاوزكم تكونوا مع بعض وبلاش الشقاوة دي أنتم مالكوش غير بعض واللي يعوز حاجه من الكانتين يجي لي ويطلبها مني وانا لي حساب مع مس بدريه ....ها ماشي يلا كل واحده فيكم ع الكانتين وتاخد اللي في نفسها وتكتبه علي حسابي

ومستر سهران شال الدع

م وبيضحك علي بتوع الخليج علشان ياخد فلوسنا..... :blink: :aslam:

مستر سهران بيطبق المساواه اللي هو شايفها

وأنا حبقي أتناقش معاه في الموضوع ده

يلا بأه قبل البريك مايخلص ...روحوا علي الكانتين

[!! Lidooooo !!]

ــ بيعلموهم شرب السجاير يابو جالاكسي .. عشان يبقوا يبيعوهالهم في الكانتين!

[badroora]

ــ بيعلموهم شرب السجاير يابو جالاكسي .. عشان يبقوا يبيعوهالهم في الكانتين!

انت جاى تهدى النفوس ولا تخربلى المدرسة .........ليدووو افندى ....متحول شئون قانونية ...... :aslam: