مدرسة الأخلاق الحميدة المشتركة بنين .!!!!

[badroora]

حصة تدبير منزلى ........ميس نجفة فهلوة ...

نجفة فهلوة ..........صباح الخير عليكم يا ولاد ..يلا البسوا مرايل الطبخ وقدامى ع المطبخ.

البنات ........حاضر يا ميس

الولاد ........واحنا هنعمل ايه لحد ما تطبخوا ..

نجفة فهلوة ..........نعم !! هتطبخوا معانا طبعا ......

رمضان .......نعم انا اطبخ...دا فى احلامك يا ميز

عمرو حورس .........طيب يعنى لما البنات هتطبخ احنا هنعمل ايه .

الطيار المصري ......هنخرط لهم البصل هاهاها

نجفة فهلوة ....... :rolleyes: انا قولت يلا يعنى يلا مش هاقرر كلامي مرتين ,مفهوم .

امانى .......اعصابك يا ميس احنا محتاجينك .

جلاكسي ........اعصابك ايه يا شيخة ربنا ياخدها ويريحنا .

ناش .......بس انا ماليش فى الطبيخ .

نجفة فهلوة ........انا مش هتكلم كتير .اتفضلوا قدامى

هبة .......هنطبخ ايه النهاردة يا ميس .

رمضان .......عاوز اكل كشري بالدقة والتوم .

احمد فرحات ....يسلام لو معاهم بصلتين متحمرين ع الوش .

النجم الثاقب .......لا متقوليش . :hi:

نجفة فهلوة.......يلا يا بنى منك له البسوا المرايل .

البنات ع اليمين ......الولاد ع الشمال .

نجفة فهلوة .........اليوم هنعمل الكشري على طريقة 2020 يعنى انسوا الطريقة القديمة .

المقادير .....تمن بصلة ويتم حفظ الباقي فى التلاجة للحصة القادمة .

معلقة زيت سبق غلية 900 مرة

ربع علبة صلصة م الصغيرة

5 جرام ارز بسماتى...4 جرام مكرونه ..6 جرام عدس اى لون ..حلة متوسطة .

شوفوا يا بنات يا ولاد .......احنا فى سنه 2020 يعنى عسر السرعه والانورنت ...انا من منادي عدم

طبخ الاكل فى ساعة واكلة فى 10 دقايق ...ماشي

البنات .......طيب نعمل ايه ..

الولاد ...متخلصينا بقي يا ميز :wub:

نجفة فهلوة ......ماشي

افتحوا البوتجاز .......ناش فتحناه .

امانى .......حطى الحلة ع النار واجرى بسرعه .

جلاكسى ......انزلى بمعلقة الزيت ..واجرى .

جويرية ...خوديلك ساتر وارمي البصلة .

هبة .....حطى الصلصة ..ومتجريش خليكي بتاع ساعة كدا قدام النار :ninja:

سمسماه ...احطى شوية ماية واجرى

رمضان ...انزل بالمكرونه واجرى

الطيارى ....الارز واجرى بسرعه

احمد فرحات ..ارمى البصلة واجرى .

رمضان ...جرى ايه يا ميس احنا شكلنا بنحضر قنبلة مش كشري .

نجفة .......يا بنى دى طريقة 2020

ام مروان .....وبعدين ...ايه اللى هيحصل .

المصرية البائسة .....ايه الخطو الجاية

نجفة .....افتحوا جوجل واكتبوا كشري نجفة فهلوة ..هتلاقوا الطبخة جهزت

ودا يا ولاد التطور فى ظل سنه 2020

واذ فجاءة والمطبخ ينفجر .......بوم بووووووووووووووم

وكل هيئة التدريس والمطافى بيجروا ع المطبخ ........عشان يلحقوا ميس نجفة والطلبة ........

وبالهنا والشفا .........ميس نجفة الضب :blink:

الى اللقاء فى الحصة القادمة

نجفة الضب

تم تعديل 11 مايو 2008 بواسطة Badria Mekkawy

[مصري جدا]

حمد لله ع السلامة يا مس فهلوة ....خلي بالك الفهلوة ما تنفعش في المطبخ .....وبعدين تعالي هنا ....هي حصة جري ولاطبخ ....نازله في الولاد والبنات جري ....هو أحنا فين واقفين في محطة مصر ...أخبط وأجري .....دانا كنت فاضي حصه ىوجاي أساعد بوصفة جديدة لقيتني واقف في التراك وكله عمال يجري ....الحمد لله انهم جريوا قبل الآنفجار الكوني اللي حصل وقسم المطبخ نصفين بينهم بحر الصلصه بتاعة الكشري ....المهم حمد لله ع سلامة الجميع ويا فرحة الطلبه فينا.....حياخدوا أجازة لغاية لما نصلح المطبخ........ماتكونيش يا فهلوة عاملة الحركه دي علشان تريحيلك شويه ....شغل فهلوه بأه .....يلا ...خدي المرهم ده وحطيه عالجرح يسخن ...وبعدين غطيه لغاية لما يغلي وطفي عليه .......وكده تخلص وصفة اليوم

[مصري جدا]

:rolleyes:

تم تعديل 11 مايو 2008 بواسطة مصري جدا

[galaxy]

ــ بيعلموهم شرب السجاير يابو جالاكسي .. عشان يبقوا يبيعوهالهم في الكانتين!

بابا................................................. :rolleyes:

[nash]

المفروض من ضمن الطلبات ترننج سوت.. ده ....أنا شكيت أننا في حصه ألعاب... :rolleyes:

يا جماعه شوفوا حل في جلاكسي واماني...فلوسي كلها أتقلبت...والشندويتشات زهرة أكلتها كلها....

[سهران]

استاذ سهران لو سمحت ممكن اسال كام سؤال ؟

الشومة اللى حضرتك طالبها مننا دى لمين بالظبط لزملائ وزميلاتى فى الفصل ولا لحد تانى :rolleyes: ممكن نخوفه بيها فى الفصل؟

الشومة دي أفضل و سيلة تتفاهموا بيها مع بعض بس ما لكوش دعوة بالمدرسين .... هما مش حملكوا ...

بخصوص اللحمة نلمها ونوديها الادارة تتقاسموا فيها مع بدريه واحنا بقى نتفرج عليكم ونتحسر اننا متصورناش حتى جنبها

أيون ... هو انتوا جايين تتعلموا و لا تقاسمونا في أرزاقنا ؟؟؟؟

بخصوص الكنتين الحمد لله انا من المحليات يعنى الساندويتش بسعر 5 جنيه ممكن اطمع فى عطف سيادتكم مفيش فئة اقل من المحليات تحطنى فيها يكون الساندويتش فيها بسع 1 جنيه علشان اقدر اكل براحتى بدال واحد ب5 جنيه اكل 5 سندوتشات واهو كله بثوابه

أيه الجشع ده ... عاوزة تاكلي خمس ( شندوتشات ) في طقة واحدة .. ما سمعتيش عن أخوانك اللي واقفين في طابور العيش بقالهم يومين عشان الرغيف ... لعلمك أحنا هانوزن التلاميذ كل أسبوع و اللي مش هايخس أتنين كيلوا هانرفع عليه المصاريف

متشكرة لسعة صدر حضرتك جعلك الله زخرا للتعليم والمدرسة

جعلنا الله زخرا لكم أن شاء الله ... أطمأني يا أخت أماني .. أنتم في أيد أمينة ...

امانى بنت ام امانى التخته الاول فى الوسط فى فصل المشاغبين

[سهران]

الكانتين هيقدم ( شندوتشات ) مدعمة لبناتنا المتريشين بتوع الخليج زي بدرية وناش و زهرة و جلاكسي بسعر 16 جنيه ( للشاندوتش ) و بسعر مخفض لبناتنا المحليين بسعر 5 جنيه بشرط أبراز بطاقة التموين عند الشراء .

ايه الظلم ده....انتوا بتضحكوا علينا وبتاخدوا مصروفنا؟؟

لا بأة ماليش دعوة....فين المساواة فين العدل والشفافيه المطلقه في إدارة الأمور؟لا هابلغ عنكم الإدارة العامه للتموين وهي تشوف شغلها معاكم..أة احنا لا يمكن نستسلم أبدا....احنا رجاله وطول عمر ولادك ...أة...

ولعلمك يا مستر سهران انا عارفه انت بتحاول توقع بيني وبين زميلاتي علشان تستولي علي مصروفنا..صح؟؟ قول أعترف؟؟...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[ومستر سهران شال الدعم وبيضحك علي بتوع الخليج علشان ياخد فلوسنا..... :sad: fty::

أنا حاسه هاخرج من عندكم علي التنميه الفكريه علي طول....ربنا يستر :rolleyes:

كل اللي عملناه ده للصالح العام .... بنحقق عدالة أجتماعية في مدرستنا الميمونة .... مش عاوزين طبقات في المدرسة .. هما طبقة أو طبقتين بالكتير ... و لعلمك المدرسة دي مفتوحة مخصوص عشان الكانتين ... يعني هو كانتين أصلا أتعمله مدرسة .....

[nash]

أيه الجشع ده ... عاوزة تاكلي خمس ( شندوتشات ) في طقة واحدة .. ما سمعتيش عن أخوانك اللي واقفين في طابور العيش بقالهم يومين عشان الرغيف ... لعلمك أحنا هانوزن التلاميذ كل أسبوع و اللي مش هايخس أتنين كيلوا هانرفع عليه المصاريف

ايون هو ده الكلام.....وأوزن حضرتك وانت هاتشوف فلوسي بتروح فين :rolleyes:

[galaxy]

المفروض من ضمن الطلبات ترننج سوت.. ده ....أنا شكيت أننا في حصه ألعاب...

يا جماعه شوفوا حل في جلاكسي واماني...فلوسي كلها أتقلبت...والشندويتشات زهرة أكلتها كلها....

والنبي ايه........................

قولي كلام غير دا...............بقي فلوسك اتقلبت. :sad: ........والسندوتشات اتاكلت. :rolleyes: ...........مين اللي بيتكلم............ناش بسجلها الاجرامي الحافل

صحيح..............ضربني وبكي وسبقني واشتكي fty::

[حلواني]

السلام عليكم

انا انتظرت كتيير قوي

وفكررررررررررررت كتيييييييييييييرجدا

واتخذت قراري الهام وباشهد جميع المعلمون والاداريييين والتلاميذ والعمال

اني اقدم استفالتي من العمل في هذع المدرسه وهاقدم شكوي في مجلس الاكل

لان المس حطاني مدرس تغذيه وانا مش عارف اشتغل منها طول اليوم في المطبخ بتعمل اختراعتها ومنعاني من ممارسه مهام وظيفتي

ثانيا الماده دي مفهاش دروس خصوصيه يعني ناكل طوب احنا

ولا هي فاكره ان المرتب بيكفيني كرواسوه

دا لان مفيش عيش

كما ارجو عدم قبول استقالتي

[badroora]

حمد لله ع السلامة يا مس فهلوة ....خلي بالك الفهلوة ما تنفعش في المطبخ .....وبعدين تعالي هنا ....هي حصة جري ولاطبخ ....نازله في الولاد والبنات جري ....هو أحنا فين واقفين في محطة مصر ...أخبط وأجري .....دانا كنت فاضي حصه ىوجاي أساعد بوصفة جديدة لقيتني واقف في التراك وكله عمال يجري ....الحمد لله انهم جريوا قبل الآنفجار الكوني اللي حصل وقسم المطبخ نصفين بينهم بحر الصلصه بتاعة الكشري ....المهم حمد لله ع سلامة الجميع ويا فرحة الطلبه فينا.....حياخدوا أجازة لغاية لما نصلح المطبخ........ماتكونيش يا فهلوة عاملة الحركه دي علشان تريحيلك شويه ....شغل فهلوه بأه .....يلا ...خدي المرهم ده وحطيه عالجرح يسخن ...وبعدين غطيه لغاية لما يغلي وطفي عليه .......وكده تخلص وصفة اليوم

ايه دا ايه الكروته دي ....مش هتحولنى عند طبيب المدرسة انشنتين ..انتم بتوصفولى واصفات ببلاش ....لا دا انا اكسر الدنيا

انا مس نجفة فهوة ........يلا لو سمحت عاوزة سنه ونص اجازة مرضي وحولنى كومسيون طبي يمكن اطلع معاش مبكر

دى اصابة عمل يا ناس :closedeyes:

[badroora]

السلام عليكم

انا انتظرت كتيير قوي

وفكررررررررررررت كتيييييييييييييرجدا

واتخذت قراري الهام وباشهد جميع المعلمون والاداريييين والتلاميذ والعمال

اني اقدم استفالتي من العمل في هذع المدرسه وهاقدم شكوي في مجلس الاكل

لان المس حطاني مدرس تغذيه وانا مش عارف اشتغل منها طول اليوم في المطبخ بتعمل اختراعتها ومنعاني من ممارسه مهام وظيفتي

ثانيا الماده دي مفهاش دروس خصوصيه يعني ناكل طوب احنا

ولا هي فاكره ان المرتب بيكفيني كرواسوه

دا لان مفيش عيش

كما ارجو عدم قبول استقالتي

اصطاظ حلوانى ...حضرتك اللى متكاسل يا فنضم ..كل طالب من الطلبة جاب ربع كيلو جزر ومستنين حضرتك

لجل عمل مربة جزر وحضرتك اللى مطنش ........يلا بلاش حجج

ادخل المعمل عشان تحضر المربي .....وبخصوص الدورس الخصوصية هتتعوض بطريقة تانية

هنعمل مشروع وهنورد اكل لكنتين المدرسة وهتواسطلك فى محل حلوانى عندنا فى الحارة تشتغل معاهم

بس بالنص ماشي

يلا ادخل على مربة الجزر عشان بعد الحرق محتاجة حاجة تقوتنى من ريحة المدرسة :closedeyes:

[حسام يوسف]

السلام عليكم

انا بموت فى حاجة اسمها مربة الجزر

ممكن 5 كيلو؟

وممكن سؤال كمان؟

هل فية فى الخطة مربة (كوسة)؟ :closedeyes:

[badroora]

حصة بلاغة وادب ........مستر زوهيري

صباح الخير يا ولااااااااد ............الطلبة ..........صباح النور يا مستر .

زوهيري ......النهاردة يا ولاد درسنا درس محبب جدا للجميع وانا يشرفنى وبكل فخر انى بادرس هذه المادة ...

الطلبة ..........طبعا .........حضرتك معروف باسلوبك المميز فى الشرح بضمير .

ناش ........هو الدرس عن ايه .

احمد فرحات ......حاسس بعد المقدمة دى اننا هنتكلم عن شخصية عريقة وليها دور عظيم فى شأن المجتمع .

زوهيري .......طول عمرك طالب نجيب يا احمد وبتفهمها وهى طايرة ....

بدرورة ........متخلصونا بقي نص الحصة طار ع المقدمة ...

زوهيري..........بت امشي اقعدى فى الاخر متقعديش قدامى كدا وخصوصا فى درس النهاردة .

بدرورة ........احسن بردوا :closedeyes:

امانى .........هى عملة ايه بس ماتخليها قدام دى مش بتشوف لما بترجع ورا عشان كدا عاملين لها دكة مخصوص قدام السبورة مباشرة

زوهيري .........احسن خليها ترجع ورى بردوا

بدرورة.........متحاوليش يا امانى انا هاروح ورى انام .

زوهيري .......شوفوا يا ولاد شخصية اليوم شخصية عريقة ذو دور فعال فى رفع المعناه عن المرضي وتشجيع الجنود

اثناء الحرب .......سنه 2008

ناش .........لو سمحت الحروب انتهت فى مصر فى سنه 73 ومكنش فى حرب 2008.

جلاكسي ..........فعلا الحرب كانت ضد العدو من اجل الاستقلال سنه 73 .

رمضان ........وانتم ايش فهمكم اكيد المستر مدكن على معلومات وهو لوحده اللى عرفها .

زوهيري .......يا ولاد حرب 2008 كانت فى 6 ابريل و4 مايو ولسه محتليين لهذا اليوم .

احمد فرحات ........اسالونى انا كنت جندي من جنود المعركة اليومية فى طابور العيش

زوهيري........الشخصية اللى هنتكلم عنها دي بلكوا كانت تروح المستشفي من دول وتبوس الواوا صوتها بس كان بيطلع

البلهاريسيا من البدن .....ولما كانوا الشباب فى العدوان الجماهيري على الحكومة وكانت شعارتهم رجب حوش الريس عنى

رجب حسنى مجننى .......رجب قوله سيب حكمه ......رجب اه يانا يا غلبي .

ياه كان سيطها بيوصل للمحلة ومن كتر الحماس الردالة كانوا بيكسروا اللى بيقابلوا .

شخصيتنا اليوم ......هى ست فاضلة ....ليها دور سياسي دبلوماسي فى المنطقة العربية هى السيدة التى وحدت الامة العربية

هى سيدة ليس لها وطن محدد وطنها فى قلوب كل الجماهير قصدي الشعب......ها يا ولاد مين هيقولنا تبقي مين دي .؟

عمرو حورس .....السيدة ام كلثوم ......

تامر السيد ........لاء عائشة المارطة

دياب .......لاء ام كلثوم ايه ام كلثوم مكنش ليها اى دور 2008

الطلبة ..........امال مين يا استاذ

زوهيري ...........بقي يا عمى البصر والبصيرة حد يتوه عن سيدة العرب الاولى ......؟

هى هيفاء بنت وهبي اللبنانية الجنسية ..4 الاف عملية ...ولها العديد من الاغانى والكريبات .

البنات ..........هيفا :wub: :happy:

الولاد .........هيفاء ونعم فعلا :wub: :wub:

بدرورة .........لاء حضرتك انا امى كانت مش بتشكر فيها وياما هى وابويا اختلفوا بسببها امى بتكرها وابويا بيدافع عنها.

زوهيري .........صدقى ابوكي .......ابوكي يفهم اكتر منك انتى وامك .

الولاد ..........طبعا احنا نشهدلها بكدا ........ :wub:

زوهيري .........يلا يا ولاد قصيدتنا اليوم قصيدة مسموعه wst::

نجفة فهلوة .......داخلت مقاطعة استاذ زوهيري ...وضربة شعرها فى الخلاط ووشها محروق من اثار اخر طبخة

نجفة ...........صباح الخير مستر زوهيري.......صباح الخير يا ولاد .

زوهيري..........وهيجي منين الخير طالما هليتى علينا .

رمضان .......معقولة الحصة تختم بوش مس نجفة فهلوة

زوهيري ..........اؤمرى يا ست الكل ...

نجفة ........ميؤمرش عليك عدو ووشها يحمر :wub:

زوهيري .........ماهو أمر خلاص نهايته .

نجفة ........عمله طبخة صغيرة بمناسبة قومانى بالسلامة من الحريقة فياريت بعد حضرتك ماتخلص تجى حجرة المدرسين

زوهيري ........ماشي يا سيتى حمدالله على سلامتك.

نجفة ........انت النهاردة بتدرس ايه

زوهيري ........لا دى شخصية لا تنتمى لفصيلتك خالص ولا يربطها بكي اى صلة .

نجفة .........تبعا تبعا هو فى زى :blink:

رمضان .........يا ساتر سبحان مقلب الاحوال من السيدة العظيمة هيفاء لمس نجفة فهلوة :unsure:

زوهيري........يلا يا ولاد هاسمعكم القصيدة .......انا هيفا انا ............الخ

الولاد .......بيسقفوا مع القصيدة وفرحانين ويتراقصون مع الاغنية ........

الى اللقاء فى الحصة القادمة

بدرية

تم تعديل 12 مايو 2008 بواسطة Badria Mekkawy

[badroora]

السلام عليكم

انا بموت فى حاجة اسمها مربة الجزر

ممكن 5 كيلو؟

وممكن سؤال كمان؟

هل فية فى الخطة مربة (كوسة)؟ :unsure:

عمرى ما دوقتها لكن عندي امل استاذ حلوانى يدوقهلنا ....... :closedeyes:

هى الكوسة بتتعمل مربي .....انا استغر بالناس اللى تعمل كوسة بالبشاميل ومعرفش ايه انا عن نفسي مش بحبها

لكن معنديش مانع لو معموله محشي .......اخد واحدايا .........غير كدا نوووووووووووووو واى

يلا سا استاذ حلوانى بقي ادخل ع المربي بقلب جامد لاقيتلك زباين حجزين اهو ...........ارزاق :wub:

[badroora]

سهران ........ اخصائي اجتماعى

أيه ده .... أروح المدينة ثلاث أيام أرجع ألاقيكي وظفتيني يا بدرية .... عموما الوقت ( كبس ) علينا و لازم كله يبتدي يمارس مهام و ظيفته و بمنتهى الحماس ......... على كل طالب و طالبة يجيب شومة معاه علشان يحل مشاكلة بنفسة مع زملاته .... أنا مش عاوز وجع دماغ ........... عندكم رحلة أول يوم دراسة .... هانزور السيدة و الحسيبن و هانلم سندوتشات فول نابت ...لو صادفت ولاقيتوا حد أتجنن و بيوزع لحمة تجيبوها للأدارة علطول عشان نتقاسم فيها احنا المدرسين مع الأخت بدرية صاحبة المحل ... قصدي صاحبة المدرسة ... الكانتين هيقدم ( شندوتشات ) مدعمة لبناتنا المتريشين بتوع الخليج زي بدرية وناش و زهرة و جلاكسي بسعر 16 جنيه ( للشاندوتش ) و بسعر مخفض لبناتنا المحليين بسعر 5 جنيه بشرط أبراز بطاقة التموين عند الشراء .

باقي البرامج سيعلن عنها في حينه .................. تحياتي

ونعم فعلا شومة وحل مشاكلك مع اصحابك ........ :closedeyes: هو اينعم الكلام مخالف للوائح المدرسة

لكن لو فيها لحمة يبقي ماشي موفقين ..........وانا موافقة ع الساندويشت ب16 جنية .......اصلي انا لى حصة فى الكنتين

وحصتى فى الاسهم مش مشكلة لما اكل من اربحها :wub: ........ومعنديش بطاقة ينفع كارت ميناتل :unsure:

[مسالم]

اسجل اعتراضي بشده .. على عدم وجود اسمي في كشوف الناجحين .. قصدي هيئة التدريس ... إمال مين اللي هيعقد الطلبه والمدرسين .. شكلكم من الحزب اياه .. :unsure:

لا والله غير مقصودة دا شرف لينا يا فندم والله انضمامك الى مدرستنا المتواضعة ........

.حضرتك هتبقي الموجه اللى بيجي يختبر مستوى الطلبة كل كام مدة كدا ماشي

موجه عام ....ينفع :wub:

مع تحياتى ميس نجفة فهلوة

موجه عام .. اممم .. ينفع .. ليه لأ .. كل اللي افتكره عن الموجه اللي كان بيجلنا ان المدرسين كانوا بيرتعشوا منه ..

اه الشغلانه دي كويسه جداً .. ياريت تدوني جدول الزيارات او المواعيد اللي المفروض حزوركم فيها .. بس أنا شايف حوش المدرسه مش مكنوس كويس .. فيه بقايا قشر سوري من ابو 3 جنيه الكيلو ... :closedeyes:

[حسام يوسف]

السلام عليكم

السيد ناظر المدرسة

اقترح

واتمنى

ونفسى

ومنى عينى

اضافة مادة

التربية الديموقراطية

مادة نتعلم فيها الديموقراطية

والليبرالية

عشان مانطالبش بحاجات

احنا نفسنا لا بتعملها

ولا بنؤمن بيها

ممكن؟

:unsure:

[Handasah]

اضافة مادة

التربية الديموقراطية

مادة نتعلم فيها الديموقراطية

والليبرالية

عشان مانطالبش بحاجات

احنا نفسنا لا بتعملها

ولا بنؤمن بيها

ممكن؟

:unsure:

سيدى الناظر :unsure: :blush2:

ياريت المادة دى بالذات متجيش فى اليوم الى فية مادة السياسة والنقد لان المواد دى ضد مخربة للفكر ولا تتفق مع السياسة ابدا ابدا لو فى ديمقراطية يبقى السياسة عليها السلام ودة الواقع :lol: :lol:

[ELSHAMY]

اضافة مادة

التربية الديموقراطية

مادة نتعلم فيها الديموقراطية

والليبرالية

عشان مانطالبش بحاجات

احنا نفسنا لا بتعملها

ولا بنؤمن بيها

ممكن؟

:unsure:

سيدى الناظر :unsure: :blush2:

ياريت المادة دى بالذات متجيش فى اليوم الى فية مادة السياسة والنقد لان المواد دى ضد مخربة للفكر ولا تتفق مع السياسة ابدا ابدا لو فى ديمقراطية يبقى السياسة عليها السلام ودة الواقع :lol: :lol:

عزيزى حسام.....اذا كان قصدك على تعلم أصول اللعبة الديموقراطية.......لا تقلق دى موجودة فى منهج حصص الألعاب بالمدرسة..

الأستاذ الشامى

مدرس الألعاب