مدرسة الأخلاق الحميدة المشتركة بنين .!!!!

[ELSHAMY]

اضافة مادة

التربية الديموقراطية

مادة نتعلم فيها الديموقراطية

والليبرالية

عشان مانطالبش بحاجات

احنا نفسنا لا بتعملها

ولا بنؤمن بيها

ممكن؟

:unsure:

سيدى الناظر :unsure: :blush2:

ياريت المادة دى بالذات متجيش فى اليوم الى فية مادة السياسة والنقد لان المواد دى ضد مخربة للفكر ولا تتفق مع السياسة ابدا ابدا لو فى ديمقراطية يبقى السياسة عليها السلام ودة الواقع :lol: :lol:

عزيزى حسام.....اذا كان قصدك على تعلم أصول اللعبة الديموقراطية.......لا تقلق دى موجودة فى منهج حصص الألعاب بالمدرسة..

الأستاذ الشامى

مدرس الألعاب

[badroora]

قرار ........رقم 9999

السادة اعداء هيئة التضريس تم مناقشة الوضع مع السيد اللواء الطيبيب المهندز الفاضل رئيس دولتنا اطال الله عمره ........

وقاللى ابشركم بانه يعدكم بعد انتهاء مدة العقد بتاعة سنه 2030 سوف يجعل الديمقراطية تضرس فى المضارس ........

.تحت اشراف السيد اللواء حامى الحمى ولى العهد رامى تامر وليد جمال مبارك

وان شاء الله مصر تصتبح من اوائل الدول التى تطبق الديمقراطية اسم على مسمي .........ولكن السيد اللواء ليه طلب ووصانى لكى ابلغكم اياه.

كونه فاتح باب الهجرة للجميع والسفر للخارج لكل الهاربين من الجيش والتكليف والضرايب فهذا مش لشيء الا الشيء لزوم الشيء .

وفى النهاية اود ابلغكم بانه ممنوع منعا باتا الباته التحدث عن اى كلمة تخص الديمقراطية حيث انها كلمة حديثة العهد ولسه فى محل التفكير وستنفذ سنه

2030 وليس من المفترض

ان نتقع اعيون ابنائنا الطلبة عليها.........

الرجاء من الجميع الالتزام بالمناهج فقط ........وليكم علاوة 12 جنيه ونص كل شهر.

ميس نجفة فهلوة

يا عيش السيد الرئيس

الجميع يعش يعش يعش يعش يعش

يا ريس يا هندزة .. :unsure: ......صحة وعافية كويسة

والى هنا انتهى القرار

كانت معكم ميس نجفة فهلوة :blush2:

من امام مكتب الناظر

الى اللقاء

تم تعديل 12 مايو 2008 بواسطة Badria Mekkawy

[om marawan]

يانهااااااااااار بقا المدرسة فاتحة من 4 تيام وانا غايبة :unsure:

ااااااااااه ياشماتة ابلة ظاظا فيا

معلش والله ياميس نجفة اصل انا كنت باودى الواد المدرسة وبعدين اتكعبلت وسندويشتاتى ضاعت والاتوبيس جرى منى والكمسارى كان معاه المغرفة بتاع حصة حضرتك وبعدين وقعت على زلطة والزطلة ماتت :blush2: والله مالىيا ذنب

سماح المرادى يارب يخليكى يارب يخليكى يارب يخليكى اخر مرة اخر مرة

شكرا ياميس انا هاقعد مكانى من غير ولا صوت ومعايا كراستى والقلم الرصاص

بسسسسسسسسست بسسسسسسسسست ناش خدى جبتلك شوية لب تتسلى وانتى واقفة على السبورة

هى قرنفلة فين من زمان مابشوفهاش هى راحت تجيب ايس كريم ولا ايه

خدى يا امانى الدوماية دى من الراجل ابو عربية وجبت لجالاكسى وزهرة وهبة وجويرية قرطاس حرنكش على قرطاسين ترمس اتسلوا ياولاااه

مساء الاخلاق الفل ان شاء الله ونهارنا ابيض :unsure:

[om marawan]

ــ منا عارف انه اول يوم دراسة

أنا باسأل هناخد الأجازة امتى

لييييييدووووووووو انت قعدت مع ابنى مروان

طب تصدق بالله كل يوم يسألنى السؤال ده بعدة طرق طووووووووول اليوم

smsmah معلش نسيت اديكى كباية حمص الشام بتاعتك انما معتبرة أنا مش عارفة هتعجبك ولا ايه بس لو ماعجبتكيش هاتيها وخدى شندوشت الطعمية بالتنجان ده

[badroora]

الطالبة ام مروان ..........احضار ولى الامر فى الصباح الباكر ...........ولو سمحتى الجواب دا لولى امرك ..

السيد الفاضل ولى امر الطالبة ........بعد التحية الطيبة

نود ان نحيط سيادتكم علما بان ابنتكم قد تغيبت عن المدرسة 4 ايام ..........مش دا المهم .

وحين اتت الى المدرسة ........اتت دون الالتفات للدروس التى فاتتها دون حضورها ........ولا دا المهم .

ابنة سيادتكم ........قلبت المدرسة لى جونينه اكل وشرب وتسلية ........مش مهم

احضرتم معها الى الفصل .......دوم ولب وحرنكش وحمص ........مش دا المهم

اثناء الحصة ..........كانت توزع الطلبات علها زميلاتها وغير مركزة فى الحصة .........ولا دا المهم

كل هذا ممكن يكون مقبول ولا يستدعى ولى امر ولكن الجُرم الذي ارتكبته ابنتكم هو

الاكل اثناء الحصة .........وعزمت على كل زميلاتها .......وانا واقفه قدامها هفتانه وطالع عينى فى الشرح ومكلفتش نفسها حتى بكوز درة ابل بيه ريئ :unsure:

امضاء

ميس نجفة فهلوة

تم تعديل 12 مايو 2008 بواسطة Badria Mekkawy

[om marawan]

ودى معقولة يا ست الريسة ده انا بس باسكت الولاد عشان مايشموش ريحة سندوتشات الكبدة الاسكندرانى المتينة اللى جايبهاهم لحضرتك مع فص ليمون عشان تسندى قلبك

السندوتشات سبقوا حضرتك على قوضة المدرسات على اساس ان حضرتك المدسة الوحيدة يعنى فى المدرسة فماحدش هياخد باله

صباحك فل

الف سلامة عليكى يا ميس من الهفتان وبكرة الحلو كيزاااااااان العسسسسسسسسسل

[badroora]

تلميذتى النجيبة ام مراون .........كل ماشوفك وانتى مركزة فى دروسك وبتحضري فى ميعادك .......باتمنى انى اخلف بنت مثلك .

لو سمحتى الجواب دا لولي امرك ماشي ..........

ولى امر الطالبة المثالية ..........ام مروان

احيط سيادتكم علما بان ابنتكم الفاضلة من احسن الطالبات واشطارهم

بارك الله لكم فيها ........واود ان ابلغكم بان بنتكم النجيبة

حصلت فى اعمال السنه فى هذا الاسبوع .......12\10

من الاخر يا زين ماخلفتم

امضاء

ميس نجفة فهلوة :unsure:

تم تعديل 12 مايو 2008 بواسطة Badria Mekkawy

[om marawan]

لووووووووووو لوووووولى

ميس نجفة اجدع ناس

هو ده التدريس والا بلاش

اول مرة اجيب الدرجات دى :unsure:

و حلاوة النجاح بكرة ها جيب فطير مشلتت بالسمن البلدى وعسل ومش بدوده

[حلواني]

السلا عليكم

محدش بيرد

طبعا الكل مشغول في الاكل اللي جابته ام مروان مش مهم

يلا ياولاد الدرس اليوم مربه جزر

الاستاذ محدثا نفسه عمري ماسمعت عن حد بيحب مربه الجزر غير الاستاذ/حسام يوسف

يالا يااولاد اللي جايب جزر يجي يمين واللي مجبش ييجي شمال اللي قاعدين في الوسط دول مين آآآآآآآآآآآآآآآآآآآآآآآآآآآه دول اعضاء المستقبل للمجلس الموقر

اللي مجبش الجزر واللي مش فاهمين السؤال يلا بره استنوني عند المدير

اللي باقي في الفصل خمس ست بنات بس

يالا جمعولنا الجزر هنا أأأأأأأأأأأأأأأأأأأأأأأأأأأأأأأأأأيه دا انتي جايبه الجزر دا منين دا مش باين من بين صوابعك انت لماهم من السوق بعد ماشطب

وانت وريني الله ابه دا انتي جايبه موز هاتيه علي جنب احسن المودام بتتوحم عليه من زمان وانا كنت مستني اول الشهر اهئ اهئ اهئ

تتتتتتتتتتتتتتتتترررررررررررررررررررررررررررررن

نكمل الحصه الجايه

سيبو الجزر وامشو علي فصلكو

[nash]

أيه المدرسه دي؟؟؟

لا باة مش لاعبه....

شكلنا هانكمل الحصص في ليمان طرة.....انا معرفكوش..ولو بابا مبارك اللي يكرمه سالني عنكم هابعتهولكم بنفسه...

ام مروان....لو سمحتي قولي لاماني وجلاكسي يشيلوا ايدهم من جيبي.....من الصبح حطينها ويقولولي الجو برد وعايزين ندفا ...وخلي زهرة تجيب الشندويتش بتاعي....يا إما اوزنوها وهاتلاقوها زادت بتاع خمستاشر كيلو....وكله من شندويتشاتي :blush2:

إلا مالاقيش معاكي شويه أم الخلول؟؟ :unsure:

[nash]

خير يا استاذ حلواني...من كتر ما قولت كلمه جزر...حسيت اني بقيت ارنب..... :unsure:

الاستاذ محدثا نفسه عمري ماسمعت عن حد بيحب مربه الجزر غير الاستاذ/حسام يوسف

وانا كمان :blush2:

طيب وباقي الفصل اللي مش بيحب مربي الجزر...هاتعملوا فيه ايه؟؟ ممكن تطردونا في الحوش؟؟ ويبأة فكيتوا عن دماغنا..لحسن شكلنا هانفجر فيكم انبوبه البوتجاز ..ده انتم طلعتم روحنا.... :unsure:

[حسام يوسف]

السلام عليكم

بلاش الديموقراطية

طيب

الرحلات؟

ممكن؟

[زهرة الجبل]

ناش

أنا ساكتالك من الصبح عماله تقولي زهره خطفت السندوشتات .. زهره خطفت السندوشتات

سندوشتات إيه دي؟ إللي عمر الواحد ما شاف معاكي لقمه توحد ربنا

ده إنتي كل يوم واخده ساندويتشات واحده فينا و مستحملينك وساكتين

ده إحنا بقينا نوزعك على بعض ... كل يوم نشوف دور مين

إنتي يا بنتي فاكرانا مش واخدين بالنا منك؟ تايهين إحنا؟ لا يا نوشه ... إحنا فاقسينك بس مش عاوزين نحرجك

عارفين إنك بتاخدي من واحده تاكلي و تاخدي من التانيه تلفي الساندويتشات بتاعتها و تاخديها معاكي البيت

هي شحاته و ألاطه و لا إيه حكايتك؟

و بعدين إنتي مش لسه واخده الحرنكش اللي أم مروان جايباهولنا كله؟

و إمبارح و إحنا مروحين عم إسماعيل بتاع عربية الدوم نده علينا وقال إنك أخدتي منه دوم كتير وقلتيله بدروره هتدفع

و حسابك التقيل اللي في الكانتين عالنوته و بنلم من بعض و نسدده ده ناسياه؟

عرفتي بقى إننا فاقسينك؟

و لعلمك بقى من هنا و رايح خلاوييييص ....أي شكك مش هندفعه عنك .. بس يلا بقى هه

و خلااااص إعتبري مفيش بيننا إتفاقات نوهاااائي

لا هبلغك بإمتحان الوطنيه .... و لا هغششك البلاغه و النصوص و الأدب و لا عايزه اغش منك الإنجليزي

هستعوض ربنا في صحتي و أذاكر اللغه ... إرتحتي كده

يلا .... مخامصاكي

تم تعديل 12 مايو 2008 بواسطة زهرة الجبل

[!! Lidooooo !!]

ـــ يعني ايه معملتيش الواجب يا ناش ... انا عملت الواجب ونص

قدمتلك قهوة وحاجة ساقعة كمان !!

[سهران]

...وخلي زهرة تجيب الشندويتش بتاعي....يا إما اوزنوها وهاتلاقوها زادت بتاع خمستاشر كيلو....وكله من شندويتشاتي :sad:

كده ما فيش حل لموضوع ( الشندوشتات ) اللي بتختفي دي غير الوزن ............ بكرة الصبح هاعلق الميزان في سقف المكتب بصفتي الأخصائي الأجتماعي المسئول عن الشغلانة دي ........... و هانشوف مين بياكل في مين ........ ناش .... جالاكسي .... زهرة .......... يكونوا بكرة في سقف المكتب ....... الميزان هو اللي هايتكلم و هايقول مين بياكل شندوشتات أخواته ............ طبعا الست بدرية هي اللي هاتقف عالميزان بصفتها صاحبة المحل ........ قصدي صاحبة المدرسة .........

[سهران]

الأستاذ الرائع ليدووووووووووو ........... أيه يا أستاذنا ده ........ انت ساكت على الموهبة الرائعة اللي عندك دي ليه ؟؟؟؟؟؟؟؟؟ مش مجاملة و الله بس رسمك أكتر من رائع .......... تحياتي .

[galaxy]

استاذ سهران........هي بقت كدا خلاص :sad: ..........لو كدا بقي .............يبقي ناش اول واحده تتعلق ..........قصدي تتفتش ............يوووة................تتوزن...تتوزن..............ودا طبعا لزوم الشفافيه ومنعا للقيل والقال.................. :sad:

....وبابا بيقول لحضرتك ان شيك الانشاءات الجديده هيبعته بكره. :closedeyes:

[MZohairy]

حصة بلاغة وادب ........مستر زوهيري

صباح الخير يا ولااااااااد ............الطلبة ..........صباح النور يا مستر .

زوهيري ......النهاردة يا ولاد درسنا درس محبب جدا للجميع وانا يشرفنى وبكل فخر انى بادرس هذه المادة ...

الطلبة ..........طبعا .........حضرتك معروف باسلوبك المميز فى الشرح بضمير .

ناش ........هو الدرس عن ايه .

احمد فرحات ......حاسس بعد المقدمة دى اننا هنتكلم عن شخصية عريقة وليها دور عظيم فى شأن المجتمع .

زوهيري .......طول عمرك طالب نجيب يا احمد وبتفهمها وهى طايرة ....

بدرورة ........متخلصونا بقي نص الحصة طار ع المقدمة ...

زوهيري..........بت امشي اقعدى فى الاخر متقعديش قدامى كدا وخصوصا فى درس النهاردة .

بدرورة ........احسن بردوا

امانى .........هى عملة ايه بس ماتخليها قدام دى مش بتشوف لما بترجع ورا عشان كدا عاملين لها دكة مخصوص قدام السبورة مباشرة

زوهيري .........احسن خليها ترجع ورى بردوا

بدرورة.........متحاوليش يا امانى انا هاروح ورى انام .

زوهيري .......شوفوا يا ولاد شخصية اليوم شخصية عريقة ذو دور فعال فى رفع المعناه عن المرضي وتشجيع الجنود

اثناء الحرب .......سنه 2008

ناش .........لو سمحت الحروب انتهت فى مصر فى سنه 73 ومكنش فى حرب 2008.

جلاكسي ..........فعلا الحرب كانت ضد العدو من اجل الاستقلال سنه 73 .

رمضان ........وانتم ايش فهمكم اكيد المستر مدكن على معلومات وهو لوحده اللى عرفها .

زوهيري .......يا ولاد حرب 2008 كانت فى 6 ابريل و4 مايو ولسه محتليين لهذا اليوم .

احمد فرحات ........اسالونى انا كنت جندي من جنود المعركة اليومية فى طابور العيش

زوهيري........الشخصية اللى هنتكلم عنها دي بلكوا كانت تروح المستشفي من دول وتبوس الواوا صوتها بس كان بيطلع

البلهاريسيا من البدن .....ولما كانوا الشباب فى العدوان الجماهيري على الحكومة وكانت شعارتهم رجب حوش الريس عنى

رجب حسنى مجننى .......رجب قوله سيب حكمه ......رجب اه يانا يا غلبي .

ياه كان سيطها بيوصل للمحلة ومن كتر الحماس الردالة كانوا بيكسروا اللى بيقابلوا .

شخصيتنا اليوم ......هى ست فاضلة ....ليها دور سياسي دبلوماسي فى المنطقة العربية هى السيدة التى وحدت الامة العربية

هى سيدة ليس لها وطن محدد وطنها فى قلوب كل الجماهير قصدي الشعب......ها يا ولاد مين هيقولنا تبقي مين دي .؟

عمرو حورس .....السيدة ام كلثوم ......

تامر السيد ........لاء عائشة المارطة

دياب .......لاء ام كلثوم ايه ام كلثوم مكنش ليها اى دور 2008

الطلبة ..........امال مين يا استاذ

زوهيري ...........بقي يا عمى البصر والبصيرة حد يتوه عن سيدة العرب الاولى ......؟

هى هيفاء بنت وهبي اللبنانية الجنسية ..4 الاف عملية ...ولها العديد من الاغانى والكريبات .

البنات ..........هيفا

الولاد .........هيفاء ونعم فعلا

بدرورة .........لاء حضرتك انا امى كانت مش بتشكر فيها وياما هى وابويا اختلفوا بسببها امى بتكرها وابويا بيدافع عنها.

زوهيري .........صدقى ابوكي .......ابوكي يفهم اكتر منك انتى وامك .

الولاد ..........طبعا احنا نشهدلها بكدا ........

زوهيري .........يلا يا ولاد قصيدتنا اليوم قصيدة مسموعه

نجفة فهلوة .......داخلت مقاطعة استاذ زوهيري ...وضربة شعرها فى الخلاط ووشها محروق من اثار اخر طبخة

نجفة ...........صباح الخير مستر زوهيري.......صباح الخير يا ولاد .

زوهيري..........وهيجي منين الخير طالما هليتى علينا .

رمضان .......معقولة الحصة تختم بوش مس نجفة فهلوة

زوهيري ..........اؤمرى يا ست الكل ...

نجفة ........ميؤمرش عليك عدو ووشها يحمر

زوهيري .........ماهو أمر خلاص نهايته .

نجفة ........عمله طبخة صغيرة بمناسبة قومانى بالسلامة من الحريقة فياريت بعد حضرتك ماتخلص تجى حجرة المدرسين

زوهيري ........ماشي يا سيتى حمدالله على سلامتك.

نجفة ........انت النهاردة بتدرس ايه

زوهيري ........لا دى شخصية لا تنتمى لفصيلتك خالص ولا يربطها بكي اى صلة .

نجفة .........تبعا تبعا هو فى زى

رمضان .........يا ساتر سبحان مقلب الاحوال من السيدة العظيمة هيفاء لمس نجفة فهلوة

زوهيري........يلا يا ولاد هاسمعكم القصيدة .......انا هيفا انا ............الخ

الولاد .......بيسقفوا مع القصيدة وفرحانين ويتراقصون مع الاغنية ........

الى اللقاء فى الحصة القادمة

بدرية

:happy:

تصدقي بالله يا نجفه؟

انا لو كنت مدرس عربي كنت حدرس اللي قولتي عليه ده بالضبط

لأن فعلا الفنانه العظيمه هايفه من الناس اللي تم ظلمها عن طريق الإعلام :sad:

و طبعا حضيف عليهم حصص مخصوص لسيدة الشاشه العربيه نجله (بتاعة الحصان) (على فكره : الحصان توفى مؤخرا :closedeyes: )

و سيدة المسرح العربي الأخت نانسي باشا عجرم

و أم المصريين الأخت روبي زغلول :sad:

اكملي خطاك يا بدريه

انا لمنتصرون

[ELSHAMY]

المكان: حوش المدرسة

الزمان: الصبح بدرى....(مش بدرية)

الجو: ساقع

...يقف الأستاذ الشامى مدرس أول و أخر الألعاب فى بلكونة الحوش عشان يبدأ الطابور الصباحى...

يتقدم الطالب عبد الصمد لقراءة القرأن... wst::

الطالبة ناش تمسك ميكروفون أذاعة المدرسة لتقول بعض أخبار الصباح:

صباح الخير:

الخبر الأول: الناظر عمل علاوة 30% لكل المدرسين.....

المدرسين فى نفس واحد...هييييييييييييييييه... :sad: :happy: smk:

الله يخليك يا حضرة الناظر

الخبر التانى: ضريبة 50% على رواتب كل المدرسين .... بالاضافة لأولياء الأمور..

المدرسين فى نفس واحد......الله يخ.....يا حضرة الناظر

الخبر التالت: منحة من ميس بدرية لكل طالب و طالبة كيس فشار مجانى :sad: عند دفع أخر قسط من المصاريف...

التلاميذ..هيييييييييييه تعيش ميس بدرية....تعيش ميس بدرية.. :closedeyes:

الخبر الرابع: 20% زيادة على أسعار كانتين المدرسة...خصوصا السندوتشات و الدوم..

التلاميذ يبدأون بالهجوم على البلكونة.....

يفر السادة أعضاء هيئة التدريس الى الصفوف الخلفية

يتبع....

[nash]

و لا هغششك البلاغه و النصوص و الأدب

هان عليكي تقوليها كده؟؟ :happy:

كل اللي قولتيه كوم والجمله اللي فاتت دي كوم.....كل ده علشان قولت الحقيقه؟؟ الله يسامحك.... :sad:

هي شحاته و ألاطه و لا إيه حكايتك؟

الأتنين حضرتك :sad:

خلاوييييص

والله فكرتيني بايام ماكنا بنلعب أستغمايه في الشارع وأحنا صغيرين..والواحد من العيال يحط وشه في الحيطه ويقعد يعد لغايه 100 وكل شويه يقول خلاويص..وأحنا نقول ( لسه) أيييييه ايام

يلا .... مخامصاكي

:closedeyes:

smk:

خلاص بأة مافيش بين الخيرين حساب...وهاديكي شندوييتشاتي كلها ....عنيه ليكي يا قمر