مدرسة الأخلاق الحميدة المشتركة بنين .!!!!

[زهرة الجبل]

الزمان : تاني يوم الصبح بعد العهد اللي قطعته على نفسي للبنات بيوم واحد

المكان: قدام بوابة المدرسه من داخل العربيه

الحدث : زهرة بتتصل على ناش من الموبايل

أنا : الو ... أيوه يا نوشه إنتي في المدرسه و لا لسه في الطريق؟

نوشه:لا أنا وصلت خلاص و منتظره الطابور في الحوش

أنا:طيب و أماني و جالاكسي عندك ولا لسه ؟

نوشه:هنا كلنا ... إنتي فين إتأخرتي و البوابه هتتقفل

أنا: أنا بره عالبوابه تعاليلي شيلي معايا إنتي و البنات بسرعه

نوشه:نشيل إيه ؟

أنا:إنتي لسه هتسألي ؟ هاتيهم وتعالي و إنتي ساكته

نوشه:اوك اوك يلا حالاً باي

[nash]

زهورة ماتنسيش تمارين الصباح اللي بقطعوا بيه نفسنا...فاكرة لما ميس فهلوة...

وميستر الشامي..وميستر سهران التلاته واقفين في الطابور وكل واحد يقول...تووووووووووت ...صفااااااااااااا ...إييييييييييييييييينتباااااااااااة...

وتحيه العلم....لما طلعوا روحنا.....

والإذاعه الرخمه اللي كلها عن إنجازات السيد مدير المدرسه...؟؟

ولا عبقريه وذكاء السيد وكيل المدرسه؟؟

ولا سمعونا أنشوده مرحبا بالزوار لما يعدي علينا الموجه العام...ميستر مسالم؟؟

كملي كملي خلينا نشوف فيهم يوم smk:

[زهرة الجبل]

زهورة ماتنسيش تمارين الصباح اللي بقطعوا بيه نفسنا...فاكرة لما ميس فهلوة...

وميستر الشامي..وميستر سهران التلاته واقفين في الطابور وكل واحد يقول...تووووووووووت ...صفااااااااااااا ...إييييييييييييييييينتباااااااااااة...

وتحيه العلم....لما طلعوا روحنا.....

والإذاعه الرخمه اللي كلها عن إنجازات السيد مدير المدرسه...؟؟

ولا عبقريه وذكاء السيد وكيل المدرسه؟؟

ولا سمعونا أنشوده مرحبا بالزوار لما يعدي علينا الموجه العام...ميستر مسالم؟؟

كملي كملي خلينا نشوف فيهم يوم

عقلي الباطن :

شوف إزاااااااااي !!!!

مش دي نوشه إللي تاهماني زور في ساندويتشات عمرها ماجابتها المدرسه أصلاً ؟

كده بقينا حبايب الوقتي ؟

والنبي أنا قلبي طيب وبينضحك عليا

بس يلا ... إعمل الخير و إرميه البحر

قصدي ... إعمل المحشي و إرميه في أعضاء هيئة التدريس المرتشيه smk:

ولا يهمك يا نوشه

من إنهرضه خلاص الكلام ده كله مايمشيش علينا

هنقف فوق عند الفصول نتفرج على بقيت الطلبه في الطابور ونضحك

و إحنا بشوات كده لا طابور ولا دياولوا ولا حدش فيهم هيقول لنا كلمه

بس قولي يا رب اللي معايا يكفي الهالومه دي كلها

ميس فهلوه ... وميس نجفه ... و المدير .. و الوكيل و الموجه ... ياااااااه ...دول ياما

بس ولا يهمك ... أنا عامله حسابي

تعالي إنتي أوام بس إنتي و البنات شيلوا مني

يلا منتظراكم

[زهرة الجبل]

إيه يا بنات ... كل ده تأخير؟

تعالوا شيلوا مني يلا

نوشه: إيه ده كله إيه ده كله ؟

أنا : شيلي و إنتي ساكته و أوام على غرفة ميس نجفه ... إوعي تمدي إيدك على ورق العنب أنا عداهم صوباع صوباع

أماني: واااااو الريحه تجنن .. طيب ندوق؟

أنا : إوعي ... كده تبوظي شكل رصة المحشي الكرنب

جالاكسي : حمام محشي؟ يااااي بموت فيه ... طيب واحده ونقسمها على بعض

أنا : بعينك... مش كفايه أنا إللي عامله ده كله لوحدي؟

وبعدين بس إنتو قولوا يقضي الشله اللي جوه دي كلهم

أنا تاني : إسمعوا يا عيال... إحنا هنقول لميس نجفه إن إحنا كلنا كنا سهرانين عندي إمبارح وعاملين لها العزومه دي مع بعض

بمناسبة العام الجديد علشان تشوفنا في أعمال السنه

طبعا أنا كان ممكن معرفكمش و أشوف نفسي و انا ومن بعدي الطوفان وحاجات كده

بس أنا ماهانش عليا العشره قلت أشوف إخواتي برضه وعلى الله يتمر فيكم

و هنقول لها إن العزومه عامه و هتبقى لمه و هيبقى لينا في الحوش ونيس ... قصدي يعني هيبقالنا في المدرسه ضهر

أوك؟

إتفقنا؟

الكل : إلا إتفقنا ... ده إحنا إتفقنا ونص وتلت إربع كمان

أنا : طبعاً ما إنتو ماصدقتوا ؟ هو إنتو تعبانين في حاجه؟

جالاكسي : يلا ... تبقى أم مروان تورينا بقى هتعمل إيه بالكبده بتاعتها smk:

أماني: آه والله يا بنات ... دي راحت عليها خالص

أنا : يلا شيلوا كل واحده حله و على غرفة ميس نجفه عدل

بالراحه على برام الحمام

بشويش على ورق العنب

يا بنتي خلي بالك

يلا إسبقوني.... أنا هجيب البسبوسه و الحلو و جايه وراكم

[زهرة الجبل]

المكان : غرفة ميس نجفه

الزمان : بعد طابور الصباح مباشرة

الحال :أنا و البنات مرصوصين حوالين مكتب ميس نجفه

بعد ما حطينا الحلل و الصواني و البرامات و صواني البسبوسه و أطباق المهلبيه و الحلويات

و غرفنا في أطباق و وضبنا المسائل

الحديث الدائر:

هبه : مش ملاحظين يا بنات إننا كنا شايلين الحاجات و داخلين كده على غرفة ميس نجفه و الطابور شغال ومحدش قال لنا رايحين فين؟

أنا : طبعاً يا بنتي ... ده الكل عينهم كانت هتتطلع عالحلل و الصواني

لازم يغضوا الطرف علشان ينوبهم من الحب جانب

نوشه : الله عليكي يا زهوره ... بركات المحشي بانت من قبل ما يتتاكل

جالاكسي : لا والريحه بتقول إنه بعد ما هيتتاكل هيدونا شهادات التخرج و مراتب الشرف من دلوقتي ومنغير إمتحانات

أماني : مراتب إيه يا بنتي ؟ إنتي هتنامي مننا خلاص؟ بس بيني وبينك ... الريحه بجد تبشر بكل خير الصراحه

أنا : بس بس اسكتوا ... ميس نجفه جايه من أول الطرقه بتجري أهيه ... زمانها هتموت وتعرف فيه إيه ... يا خبر وقعت !!

الكل : هيستيريا ضحك

أنا : إسكتوا هتغضبوها والموال يجي على مفيش

الكل : سكتم بكتم

يتبع

تم تعديل 15 مايو 2008 بواسطة زهرة الجبل

[زهرة الجبل]

(( ميس نجفه وصلت ))

- صباح الخير يا بنات ... إيه ده كله إيه ده كله ؟

_ إحنا : إتفضلي حضرتك إتطلعي على الموضوع

ميس نجفه :

الله ... محشي كرنب ... بموت فيه

و إيه ده كمان؟ محشي ورق عنب؟

لا كده كتير يا بنات إيه الشطاره دي كلها؟

و ايه البرام اللي هناك ده ؟

أنا : ده حمام محشي يا ميس ... لزوم تحابيش المحشي يعني

لا ... ماتقوليليش... حمام محشي بجد؟

لا بجد إنتن مثال الطالبات النجيبات المحترمات الفضليات الــ....

أنا :طيب بس حضرتك شوفي الأول الحلويات و قولي لنا إيه رأيك

ميس نجفه : هي لسه فيها حلويات كمان ؟

هبه : أوومااال يا ميس ؟ ده إحنا طول الليل بنعمل لحضرتك الحلويات

أنا: بنظره حقوده ... آه أمال إيه ؟

ميس نجفه : وروني الحلويات يا بنات وروني

أنا : إتفضلي حضرتك هنا ....

ميس نجفه : الله بسبوسه ؟

برااااوه عليكم يا بنات

نوشه : وفي كمان مهلبيه يا ميس دس لازم تقوليلي رأيك فيها

أصلها عمايل إيديا وحياة عينيا

عقلي الباطن :

شوف إزاااااي ؟ !!! دي صدقت روحها ... طيب يا ناش صبرك عليا

ميس نجفه : فين يا نوشه

نوشه : أهيه يا ميس .. مهلبيه بالفستق و اللوز

تسلم إيدك يا نوشه .. بس يا بنات تعبتوا نفسكم كده ليه ؟ وبعدين دلوقت باقي المدرسين هيزعلوا و هيبقى فيها حزازيات

كلنا : بصينا لبعض بإستغراب و جه في بالنا إنها عاوزه تكتم عالموضوع لوحدها

أنا : يا ميس الحاجات دي كلها هديه متواضعه مننا لحضرتك ولهيئة التدريس المحترمه و المدير و الوكيل و اللي تشوفيه حضرتك برضه

عقل ميس نجفه الباطن :

و أنا إللي كنت فاكره ده كله ليا لوحدي !!! يلا ميضرش .. الخير كتير و الحمد لله

أوك يا بنات ... إنتم كده أثبتتم انكم بنات تلميذات نجيبات

و إن شاء الله أي واحده فيكم تحتاج أي حاجه طول السنه أنا موجوده

هبه في ودني : خليها تنادي للمدرسين أدامنا أحسن تكتم عالموضوع

جالاكسي في الودن التانيه : إوعي تمشي قبل ما الموضوع يتعمم

أنا في ودانهم هم الإتنين... و أنا عبيطه برضه ؟

أنا :

طيب يا ميس نجفه أنا هروح أنادي للمدرسين بقى علشان نبدء العزومه

ميس نجفه : و هو حد هياكل الكلام ده عالصبح كده برضه ؟ خليها في الفسحه

عقلي الباطن :

طب وبعدين ؟

wst::

أماني العفريته :

طب شوفي بقى يا ميس نجفه بعد إذنك يعني

ميس نجفه :إتفضلي يا حبيبتي

أماني: إحنا أصلنا هلكانين من ليلة امبارح من الشغل والمحشي والتقليه و الحلويات والمكسرات و انتي عارفه يعني

فبعد إذن حضرتك هناخد المده اللي جايه من دلوقتي لحد الفسحه راحه هنا في غرفة الإقتصاد المنزلي

منه نرتاح و منه نحرس الأكل

ميس نجفه : نعم ؟ تحرسوه؟ ليه ؟ هيتخطف؟

أنا ؟ لا لا يا ميس هي مونه ماتقصدش يعني إنتي عارفاها دي بركه ... هي تقصد يعني نرتاح من التعب بس

ميس نجفه : آه إن كان كده معلش ... وماله يا بنات ... خدوا راحتكم من هنا لحد العزومه و أنا هروح ابلغ أعضاء هيئة التدريس

سلام

إحنا بقى بعد خروج ميس نجفه :

gra:-

هبه:الله عليكي يا أماني أما حتة فكره!!! يلا يا بنات براحتنا بقى

نوشه : أموت و أشوف وش أم مروان لما تعرف

أنا : هنشوفه هو يعني هيروح فين

أنا المهم عندي دلوقت إننا ضمننا الدرجات النوهائيه في كل المواد

أصلي الصراحه مكنتش ضامنه غير الوطنيه :wub:

بس الحمد لله ... شوفتوا بقى المخ لما بيشتغل... مش تقولولي مذاكره و كلام فاضي

جلاكسي: صيحي يا ولاااا ... صدق من سماها مدرسة الأخلاق الحميده

هبه: حميده؟ حميده مين ؟ وتكمل نوم :lol:

نوشه .. إحنا بقى طلبة مدرسة الأخلاق الحميده فرع مدرسة المشاغبين

هبه تاني: شعبان؟ شعبان مين ؟ وتكمل نوم برضه :wub:

كلنا : .... smk:

bv:-

......

...................

يتبع.... بس بقلم بداره بقى

تحياتي

تم تعديل 15 مايو 2008 بواسطة زهرة الجبل

[om marawan]

مادامت أم مروان بتلعب من ورانا كده .... سيبوهالي أنا بقى

هروقكم يا بنات ... بس على الله يتمر

أصل أم مروان مش واخده بالها إنها كده جايه تلاعبني في منطقتي .... دي لعبتي أنا

سيبوهالي كده بقى و هتشوفوا أنا هتصرف إزاي

بقا كده يازهرة محشى وحمام وكمان مهلبية بالفزدق :wub:

ويهون عليكى الحرنكش والترمس ... هان عليكى الدوم اللى بتحبيه يا امانى

نوشة ..؟ ده انتى اول واحدة اديتها اللب عشان تتسلى وانتى متذنبة

(وش متشحتف ع الاااااااخر )....... ماكانش العشم يابنات .... ده انا ماكنتش عاوزة اقول ان المحشى جاى نى وان زهرة نسيت تولع البوتاجاز

[حسام يوسف]

السلام عليكم

يا أخوتى

ممكن بلاش الصور

المحرمة دوليا دى

حرام عليكم

محاشى

وحمام برضةمحاشى

وحلويات

حراااااااااااااااااااااااااااااااااااااااااااااااااااااااااااااااااااااااااااااا

اااام :wub:

[badroora]

الله الله اغيب يومين عن المدرسة تقلبوها مطعم ....... :closedeyes:

زهرة ناش امانى ام مروان نونا ابتسامة رضا جلاكسي ....احضار ولى الامر باكر ......ويتم تحويل الاكل الى الحجر

الصحي للفحض عند الدكتور انشنتين لعلم كمسيون طبي للاكل ويتم الافراج عنه بعد التأكد من عدم خلوه من

الكوليسترول ......

الطالبة هبة .........نورتى مدرستك يا بنتى ويا ريت تبعدي عن الطلبات دول لانهم مش بتوع علام دول اخرتهم ستات بيوت

وانتى باين الدموع قصدي الطموع يوه الطموح فى عنيكي

نورتى مدرستك .........

نجفة فهلوة

تم تعديل 16 مايو 2008 بواسطة Badria Mekkawy

[nash]

ما أحنا كنا مستريحين من ميس نجفه فهلوة...يا فرحه ماتمت

اللي فات كان عقلي الباطن المصدوم :closedeyes:

......................................................

الساعه 7 إلا ربع....باقي ربع ساعه علي ضرب الجرس...

ناش داخله المدرسه وشعرها منكوش ووشها أحر ودخان اسود طالع من نافوخها...ومش طايقه دبانه تلف حوالين وشها...

البنات شافوا الدخان جابوا طفايه الحريقه وجريوا عليها.....

بدريه...هي مالها عامله كده ليه...؟

أماني...يا حرام ناش شكلها مضايق....ناش تبص لأماني عايزة تهجم عليها تاكلها...قال مضايق قال...

زهرة....مالك يا ناش ..أنتي داس عليكي قطر الصبح؟؟

نونا ....حبيبتي يا ناش ممكن أقعد جنبك وتغششيني الماث النهارده في الإمتحان؟؟

جلاكسي بتفتح مصاصه وبتقول ...روقي يا ننوشه...محدش واخد منها حاجه...

أبتسامه رضا.....حبيبتي يا ناش أتبسمي علشان تاخدي صدقه.....

ناش بتبص علي أرض الحوش بتدور علي زلط تحدف بيه نونا وجلاكسي وإبتسامه رضا...

بعد ما الحصه الأول خلصت أتلموا البنات بفضولهم المميت...هه يا ناش كنتي مجنونه ليه الصبح....

ناش يا جماعه ماينفعش كده...انا طفشت من البيضه وكوبايه اللبن ...هو انا لسه في الحضانه...كل يوم لازم ودلوقتي بواب العمارة طفش من كتر ما بديهمله...ومش لاقيه حد يحوش عني عمايل مامتي...

والمصيبه أنها بقاله سنه كل خميس أرجع من المدرسه ألاقيها طابخالي قلقاس....الحياة كده بقت سودا في عنيه....

أماني يا سلام....وماله بأة القلقاس إن شاء الله؟؟ طب بذمتك جربتيه بالفراخ المتحمرة....

جلاكسي بتلكم نونا...تصدقي ناش مابتفهمش في البيولوجي...وانا اللي كنت فاكراها شاطرة في علم النفس...

بدريه...ياختي هو حد طايل....ما أديكي شايفه أهو انا وحدانيه ومحدش بيعملي حتي شندويتش جبنه...

هبه.....ناش انا لسه راجعه من السفر ومش عايزة أخد فيكي تأبيده.....مش احسن من اللي بيطلعوا الفجريه يقفوا في طابور العيش...ده انتي مابيطمرش فيكي ..

زهرة....لا يا ناش إلا حنان الأم....الأم دي هي ماما وبابا وعمو....

إبتسامه رضا.....البت دي نقاطعها ومنعبرهاش تاني....دي قلبت حتي علي مامتها يا ساتر من عقوق الوالدين

ناش في اللحظه دي..لقت رجل تخته مكسورة وجريت وراهم ...والعيال يصوتوا.....

أم مروان تجري في الحوش وتقول ألحقوا ناش الحقوا ناش .......

يتبع

يتبع

[Einstein]

الله الله اغيب يومين عن المدرسة تقلبوها مطعم ....... :closedeyes:

زهرة ناش امانى ام مروان نونا ابتسامة رضا جلاكسي ....احضار ولى الامر باكر ......ويتم تحويل الاكل الى الحجر

الصحي للفحض عند الدكتور انشنتين لعلم كمسيون طبي للاكل ويتم الافراج عنه بعد التأكد من عدم خلوه من

الكوليسترول ......

الطالبة هبة .........نورتى مدرستك يا بنتى ويا ريت تبعدي عن الطلبات دول لانهم مش بتوع علام دول اخرتهم ستات بيوت

وانتى باين الدموع قصدي الطموع يوه الطموح فى عنيكي

نورتى مدرستك .........

نجفة فهلوة

ممكن بلاش الصور

المحرمة دوليا دى

حرام عليكم

محاشى

وحمام برضةمحاشى

وحلويات

حراااااااااااااااااااااااااااااااااااااااااااااااااااااااااااااااااااااااااااااا

اااام

يا جماعة ارجوكو في ناس عندها حساسية من انوع المحمر و المشمر دي

وفعلا انا لاقيت ان الاكل ده اللي يتاكل اكل من الشاشة علطووول مشكلته هي الدسم و الكوليسترول

بس تقديرا لمجهود اختنا زهرة الجبل و زميلاتها ناش و هبة و جلاكسي اللي اكيد تعبوا في العزومة الجميلة دي هندعيها المرة دي

ولان جو المكتب عندي معقم و صحي هنخلي العزومة هنا و العزومة مفتوحة للجميع

انا بس لاحظت ان الحمام المحشي يمكن يكون نسبة الكوليستورل فيه خطر شوية

علشان كده انا ممكن اتحمل الخطر ده عنكم واكله انا و حبيبي حسام وامرنا لله :sad:

كلنا فدا المدرسة و الوطن :lol:

[nash]

ناش بعد مابطحت أم مروان....وجويريه ....

صعبوا عليها......وجريت بدريه تجيب شنطه الإسعافات الاوليه من عند ميس نجفه....

ميس نجفه...فيه ايه...بتنهجي كده ليه ؟؟

بدريه ابدا يا ميس ناش بطحت أم مروان وجويريه...؟؟

ميس نجفه....يعني الإصابات خطيرة؟؟

بدريه....لأ يا ميس....شكلها غرزتين تلاته في دماغ كل واحده وخلاص...

ميس نجفه...ربنا يوريني فيكم يوم وتخلصوا كلكم علي بعض....

بدريه......رافعه ايدها في السما.....إن شالله أنتي...

.................................................................

بدريه ...ماسكه راس أم مروان...وتقولها هو انتي انضربتي إزاي بالعصايه؟؟

أم مروان....ولا أعرف أنا بجري وبقول ألحقوا ناش...لقيت ديييييييييب علي نافوخي..وعصافير ونجوم بتطير....

بدريه...والنبي انتي طيبه وبنت حلال..لو كانت الخبطه جت شمال شويه ..كان زمانا بنقرأ الفاتحه...

ام مروان....منها لله المفتريه.....ده أنا ناويه أخلص القديم والجديد ....قال وانا اللي كنت بجيبلها لب علشان بتصعب عليه وهي متذنبه علي السبورة ووشها في الحيطه...

بدريه بكل حنان خلصت تربيط راس ام مروان وجريت علي جويريه....وهي بتملا جيوب المريله من اللب والدوم وأم الخلول...

..................................................................

بدريه...مالك يابنتي ايه اللي حصل...ده انتي من الصبح واقفه في حالك ولا سمعنالك نفس....إزاي الخبطه دي جت في دماغك...

جويريه....منها لله ناش..رايحه بحوش عن ام مروان قامت نازله الخبطه علي دماغي....

بدريه...هو أنتي دايما كده طيبه...ماتسيبيهم...يولعوا في بعض...

جويريه...لا يابدريه...احنا مسلمين وماينفعش كده....لازم أحوش عن أم مروان....مش شايفه التوحش اللي ناش فيه...

بدريه...خليكي كده ياختي...هانشوف أخر الطيبه اللي أنتي فيها هاتوديكي فين....

...................................................................

العيال بيقربوا بحذر يتفرجوا علي الدم وعلي بدريه....

زهرة فيه ايه ياجويريه..يانهاري..ايه اللي دماغك ده أنتي وام مروان....

بدريه...ناش المفتريه...

اماني...يا حرام..لأ لأ ...مش ممكن هانسيب ناش طايحه كده...دي من الصبح واقفه ورا السور واللي يقرب منها تحدفه بالطوب...

هبه.....والله لاجيب زلط أنا كمان واضربها...

أم مروان بصوت طالع بالعافيه....محدش يقرب منها دي مجنونه يا عيني..

جويريه...أة دي مفتريه..

ناش...بتقرب من جويريه وام مروان...وتقرب رجل وتبعد التانيه....

أيه ده ...مين عمل فيكم كده...

أم مروان وجويريه بصولها كدهوت

ناش مش فاهمه هو فيه ايه......وهما ليه بيبوصولها كدهوت :closedeyes:

بدريه...أنت هاتستهبلي؟؟

اماني....لأ يا نوشه مش للدرجه دي؟؟

جلاكسي...ياسلام مش عارفه أنتي عملتي ايه؟؟

ابتسامه رضا....ناش انتي بتنكري المصيبه اللي عملتيها....

هبه....ماقولتلك ياناش ..أنا علي أستعداد أخد فيكي تأبيده..ما أنا أتعودت خلاص....

زهرة....شوف بتنكر إزاي ولا كأنها عملت حاجه...

جويريه...ماشي يا ناش...بس اقوم بالسلامه إما طلعته عليكي...

ام مروان....أة دي مفتريه...وانا اللي فاكراها طيبه....الله يسامحك يا شيخه

نونا...ناش سيبك منهم دول بيكرهوكي...تيجي تقعدي جنبي وتغششيني انتي الماث؟؟

الغريبه..لازالت ناش مندهشه من الطريقه الغريبه للمعامله القاسيه التي لم تتوقعها من صديقات المدرسه....وزميلات الفصل...

البنات حسوا أن ناش فعلا مش بتستهبل ومش فاهمه ايه اللي حصل ولا مين ضرب مين ولا مين أتبطح ولا فاهمه ايه سر رجل التخته اللي في أيديها والدم اللي عليها....من الأخر ناش جالها حاله فقدان ذاكرة مؤقت....

البنات صعبوا عليهم ناش....وأخدوها بهدوء وفهموها اللي حصل وهي عملت أيه في جويريه وام مروان....

جريت ناش تبوس راس الأتنين....وهي في قمه الخجل والاسف....

وبصت لباقي الشله بعينين مغروقه في الدموع( مغروقه) مش متأكده منها علي فكرة.....هي صح ولا غلط

وقالتلوهم ...شوفتوا باة أخر الحياة اللي أنا عايشاها....كل يوم خس وجزر...لما أتجننت...لازم نشوف حل لموضوع البيضه واللبن..والقلقاس....

البنات في صوت واحد ...طبعا هو أحنا بايعين عمرنا؟؟

يتبع

[badroora]

نيشو بلا مجاملة لا تقوليلي بدرية ولا الشامي ولا حشيش ولا نجيب محفوظ ولا اى لالالالالا :lol:

ايه العظمة دي والله فعلا المحاورات دي بتطلع مواهب ........كنتى مخبية عننا الموهبة الجبارة دي فين والله من غير مجاملة

اسلوبك جميل جدا وانا بقرا بااتخيل الموقف كأنه قدامى .......ناش يا بنتى انا فى منتهى السعادة ان مدرستى فجرت موهبتك

انتى بقي لازم وحتما تخديلك ركن فى باب الشعر والادب جنب العظماء اختك زهرة واختك امانى والفقيرة الى الله انا

وتبدئي تكتبي قصص لغتك جميلة وحسك الحوارى مرتفع وبتكتبي كويس ......مبروك يا نوشة اليوم مولد اديبة فى عالم العامية.

............................................................

نرجع بقي للقصة

ميس نجفة فهلوة ..........يا بنات معلش اختكم ناش عندها حالة انفطام (انفصام ) فى الشخصية وبتجيلها نوبات هياج

عصبي زى اللى شفتوها دى نتيجة نملة قرصتها منذ الطفولة وخبت على مامتها ومخدتش مصل ضد النمل .......

عموما دلوقتى انا كلمت مستشفي الامراض العصبية وهيخدوها واحتمال تكمل باقي السنه فى مدرسة التربية الفكرية

ام مراون وجويرية ........الدموع جفت من عينهم من كثرة البكاء .........ناش ناش هتوحشينا هتوحشينا ....

واتت عربة الاسعاف واخذت ناش عشان تتعالج من انفطام الشخصية

ادعولها بالشفاء

يلا يا نيشو المايك معاكي وانا هتفرج مش هاقطع استرسالك عوزاكى بقي تكملى باقي الحورات

ميستك نجفة فهلوة :sad:

متخفيش يا نيشو دى صورتك موش عفريت :closedeyes:

تم تعديل 16 مايو 2008 بواسطة Badria Mekkawy

[~Heba~]

هبه....ماقولتلك ياناش ..أنا علي أستعداد أخد فيكي تأبيده..ما أنا أتعودت خلاص....

يا بنتى انا قلتلك انى متحولة على المدرسة من بلاد برة ستان مش من ابوزعبل ستان :blink:

[nash]

نداء إلي زهرة الجبل........

الله يكرمك حوليلي المحشي والحمام علي المستشفي.... أنا نشفت من العدس..... :lol:

منك لله يا ميس نجفه فهلوة...يا مفتريه.....

....................................................................

ناش.....واقفه في شباك المستشفي..والأمطار تنهمر من عيناها الزرقاوتان نتيجه اللوكاميات اللي أكلتها من مجانين المستشفي...ومستنيه الفرج من عند ربنا.... ;)

البنات هايتجننوا علي ناش اللي أتخطفت من وسطهم فجأة ...أة استريحوا من وشها ...بس برضه العشرة ...دي لو كانت قطه معاشراهم كانوا زعلوا عليها...

البنات راحوا لابو الجيداء....وسط تصفيق وتصفير من فريق البنين...وتشجيع حار...وتهليل ليس له مثيل...وشماته أعلنت عن نفسها بالهتافات المعاديه للجنس اللطيف....وإزاي أن أخرهم مستشفي المجانين... :lol:

ابو جيداء بغضب...عايزة أيه يا انسه أنتي وهي وهي وهي....وهي وهي وهي... :lol:

هبه....خير يا أستاذ...هو حد قربلك ..أحنا جايين عايزين نعرف صاحبتنا وديتوها فين..وإلا هانولع في المدرسه...أة أحنا مش عبيد هنا....النهارده ناش علي مستشفي المجانين ..بكرة أحنا تودونا تنميه فكريه..ولا مستشفي الامل...

أبو جيداء..بص لهبه وهو مخضوض...خير يابنتي هو أنا فتحت بؤي؟؟ ده أنا بسألكم سؤال أبوي..... :blink:

هبه بتبصلة هي كمان ...وبتهمهم...أة اصلي كنت بحسب بتقول حاجه كده ولا كده :lol:

أبو الجيداء يا سااااااااااتر...هوة انا هالاقيها منكم ولا من فهلوة ولا من العيال...كتكم القرف....في سرة طبعا...

ابو الجيداء عمل أجتماع مغلق سريع مع فهلوة وميستر سهران وميستر الشامي...

ميستر الشامي وميستر سهران والاستاذ ابو الجيداء بيبصوا لنجفه بقرف....شايفه عمايلك....هانطلع الغلبانه المرميه في المستشفي إزاي يا فالحه...أبو جيداء بيقول..

ميستر الشامي...سيبوها مرميه في المستشفي شويه يمكن تتربي ولو أني اشك...دي مشاغبه ومش بيهمها

طيب أوي الراجل ده :lol:

ميستر سهران موجها حديثه لميستر الشامي....هو الحقيقه انت عندك حق يا مستر الشامي....إلا مافيش طريقه نبعت بيها باقي العيال علي المستشفي؟؟ واهو نقفل فصل ونوفر مصاريف صيانه...ونريح دماغنا شويه من خناقاتهم اللي مش بتخلص... ;)

الأستاذ أبو جيداء هايجيلة شلل وهو بيسمع الكلام ده...وبيبص علي نجفه ...لقاها ماسكه بواقي ورق العنب والكرنب في أيد والأيد التانيه ماسكه بيها زمارة فرده الحمام المحشي ...ولا في دماغها...ونازله أكل ولا كأنها أمنا الغوله....

الراجل أغمي عليه من الإرتفاع المفاجيء في ضغط الدم...

وفجأة المدرسه أتقلبت...والإسعاف وصل ..وابو الجيداء يبص علي نجفه..ويقول للي حواليه عفريت عفريت ...ابعدوها عني ..

بعد عشر حبايات مهدئين...ابو الجيداء بدأ في إستعاده وعيه...والتعرف علي الناس حواليه...وبالفعل أتعرف علي ميستر الشامي وسهران..لكن الكائن الغريب طالب بطردها برة الغرفه...هي وطبق الرز باللبن...

ميس نجفه..وهي خارجه تبرطم العيال شافوها...جريوا عليها....ها يا ميس أيه الأخبار...

ميس نجفه...عارفه يا بت أنتي وهي لو لقيت واحده فيكم برة فصلها هاعمل فيها ايه؟؟

البنات بفضول ...هاتعملي ايييييه.....؟؟

ميس نجفه ...هاجيبها من شعرها....وأمسح بيها السبورة...

البنات في حاله ذهول....وكل واحده ماسكه كومه القش اللي علي راسها...وهي مرعوبه...

و أنسحبوا بهدوء وهما مش طايقين ناش ولا ميس فهلوة...

وفجأة تجري جلاكسي علي ميس نجفه....ميس ميس ميس.......ياااااااااااااااامييييييييييس

ميس نجفه تبص لجلاكسي والشرار بيتطاير من عنيها..عايزة يابت أنتي التانيه...

جلاكسي...ميس بابا بيسلم علي حضرتك وبيقولك شيك التبرع لمعونه الشتا معايا في الشنطه...اجيبه لحضرتك...

ميس نجفه أنفرجت اسرايرها مرة واحده.. وقالتلها وماله يا حبيبتي..هاتيه يا قمر وحصليني علي غرفه التدبير المنزلي..وكملت كلامها...البنت الحلوة اللي زيك دي مكانها مش في وسط القتله اللي جوة..أنا هافتحلك فصل لوحدك يا حبيبتي.. :wub:

البنات مراقبين الموقف من شباك الفصل اللي في الدور الارضي..وقبل ما تدخل جلاكسي علي الفصل كانوا نطوا عليها ونزلوا عض وضرب وتقطيع لشعرها...

جري ميستر سهران وميستر الشامي علي الفصل يشوف الصوت جاي منين ...وفاكرين ان ناش هربت من المستشفي وجايه تنتقم من العيال...ومن المدرسين ومن ميس فهلوة...

وناش يا حرام...قاعده قدام الشباك وعنيها أخدت لون جديد خالص بعد أخر علقه أكلتها في المستشفي.....

دايما مظلومه يا ناش...

[النيل حبيبي]

الصراحه دوخت معاكم اتابع شويه والاقي الموضوع كبر خالص

حتي كابتن هبه اخدت دورات في الصين واليابان (علي رأي بدريه)

ورجعت بسرعه والمناكفات شغاله

ان شاء الله نازل فى شهر 8 اسوان جوها برد خالص(كده وكده)

عشان اشوفكم وبدل البحر النيل حبيبي

انا عارف ان مفيش حد حيقبل الدعوة

لكن انا مدرس الطبيعه والدرجه من 100يعني المجاميع مش حدخلكم كليه

[حسام يوسف]

السلام عليكم

بعيدا عن رجلين الكراسى

والخناقات دى

رجاء من بدرية والناظر ابو جيداء

حلل المحشى هنصادرها انا والعم اينشتين

دة راجل بيتعب يا جماعة

ونسبية

ثابت بلانك وحاجات كدة

[om marawan]

اااااااااااه يااااااانى فييييينك ياناش ياحبيبتى بقالى يومين ماتضربتش wst::

دماااااااغى ياناس صداع حد ياخدنى شومة على رأسى مابقتش عارفة امشى

ولا أقولكم ياناش اللى تبطحنى يابلااااااش :blink:

[galaxy]

تصفيق حاد.....................................تصفير كمان wst:: :sad: :cry:

بجد المواهب جامده موت..................حاجه تفرح....................دوسوا علي بركه الله :blink:

[امانى]

المكان : فى الفصل وقبل بداية الحصة الاولى

امانى : وبعدين يا بنات حنسيب ناش كدة فى المستشفى منسألش عليها

جلاكسى: صعبانة عليا برغم انها أفترت علينا واتهمتنا بسرقة سندوتشاتها وفلوسها

زهرة : بس يا حرام مكلتش من المحشى والحمام اللى انا عملاه

ام مروان : (فى عقلها الباطن) فرحانه فيكم علشان حلفتم ما انتم عطينى فتفوتة من المحشى والحمام اهو اتحرم عليكم

جويرية : ادعولها يبنات ربنا يفك ضيقتك ياناش

امانى : بس احنا كدة من غير زعيمة ووجود ناش عامل لينا هيبة ادام المدرسين .هى صحيح مؤزيه وايدها طرشة بس

............. وجوده مهم معانا

جلاكسى : ايوة يا امانى طيب هنعمل ايه علشان نخرجها من الورطة دى

زهرة : ياخسارة الحمام والمحشى اللى حيكلوه ياريتنى ما عملته :sad:

هبة : بسيطة ياختى ممكن نرجعه تانى ونحرمهم منه

امانى : ازاى يا هبة قولى بسرعة

هبة : نقول ان الحالة اللى جت لناش سببها الاكل الموجود عندهم بعد ما كلت منه سرقة فى حجرة التدبير المنزلى :lol:

امانى : طيب ماهو ممكن يجربوا فى حد تانى مننا علشان يتأكدو ويبقى اللى يجرب لازم يعمل زى ناش وممكن يروح معاها

زهرة : انا لا شوفت ولا سمعت كلامكم انسو ان حد يجرب فيا

جويرية : فين اتسامة رضا اروح ادور عليها :sad:

نونا : خدينى معاكى يا جويرية مالى انا ومال المحشى

امانى : كلكم بتتهربوا ماشى افتكروها بس لم ترجع الزعيمة :wub:

جلاكسى : والله انا شايفة انك يا امانى اكتر واحدة ممكن يصدقوها فينا لو حاولو يجربو حد تانى :wub:

امانى : ماشى بس ابقو اعرفوها

ام مروان : انا لو مش دماغى مصدعة علشان منضربتش من ناش كنت قلت يجربو فيا :wub:

الكل : سيبينك للعوزة يا ام مروان :wub:

امانى : يلا يا بنات على التخت الاستاذ سهران جاى

يتبع