انا مصرى عايش ف السعودىية عايز اجيب امى تحج المشكلة انى عازب..اعمل ايه افيدونى!!!

[Ebn Sina]

انا شاب مصرى مقيم فى السعودية من سنة ونص وشغال صيدلى فى النطقة الشرقية وعايز اجيب والدتى تحج السنة ..وسالت كتير ف الموضوع ده بس كل الناس قفلتها فى وشى وانا بصراحة مش عارف اعمل ايه !

كله بيقولى لازم تكون متجوز عشان تعملها زيارة ....وانك مستحيل تعملها زيارة وانت عازب

ارجوكم ساعدونى باى معلومة عندكم....بس يا ريت تكون معلومات اكيدة

ومش عايز حد يقولى ما تستنى يا اخى اما تتجوز وابقى هاتها.....اصل مش باين لها جواز خالص فى السنين ......دى !!

وشكرا

ابن سينا

[se_ Elsyed]

ناولني بس حبايه بنادول وبعدين نتكلم

بص يا دوك ...

إنت تيجي على شهر شعبان كده في أوله وتدخل عالموقع ده

www.mofa.gov.sa

وتعبي نموذج زيارة عائلية وتطبعه وتخلي الكفيل يوقع عليه وتختمه من الغرفة التجارية وتروح تقدمه في وزارة الخارجية وتنتظر يومين تلاتة وتشيك على الموقع تاني برقم الطلب وبإذن الله تاخد التأشيرة تروح عامل برنت اوت منها وتبعتها للحاجة وتخليها تاخد التاشيرة قبل رمضان وتجيبها يومين تلاتة قبل فترة التاشيرة ما تنتهي وتفضل تمدد لها هنا كل ما التاشيرة تنتهي وبإذن الله تحجوا وتدعوا لنا وممكن أقابلك هناك كمان لإني ناويها السنة دي ..

هاقولك بقى عالتقيلة كمان .. بس أنا أسف لازم أكُت دلوقت عشان ورايا شويه حركات ..

تحياتي ،،

[aimen]

سى السيد

الراجل عازب مش متجوز ؟

[Handasah]

ناولني بس حبايه بنادول وبعدين نتكلم

الظاهر ان النوع دة مضروب من البنادول غير الصنف يامعلم

بصراحة يادكتور انا عملت الكلام دة مع حمايا وحماتى السنة اللى فاتت وجبتهم حجو ومشيو بعد الحج على طول مش عارف الموضوع دة ينفع مع العزاب ولا لا بس انشاء الله الاخوة يكون عندهم رد

[Ebn Sina]

ركز معايا يا عم سى السيد كده وقولى بالراحة هما اصلا هيوافقى ان اجيب امى وانا عازب ولا ده قانونممنوع لانى لازم اكون متجوز وعايش فى بيت عوائل

ع العموم اتمنى من اى حد عنده معلومة انه ميبخلش بيها عليا

وبعدين انا لازم اكون متاكد من كل خطوة والدتى ست كبيرة ومش حمل بهدلة

ابن سينا

[se_ Elsyed]

في السعودية

كل شيء جايز

وشوفت بعيني عزاب عاملين زيارة لاهاليهم

وعامة جرب ومش هاتخسر الا 20 ريال مقابل ختم النموذج من الغرفة التجارية

اللي كنت عايز اقوله بقى

ان الاطباء والمهندسين مسموح لهم بالزيارة في معظم اوقات العام

اما الناس اللي ما كملوش تعليمهم زي حالاتي كده ومعاهم بكالوريسات تجارة وخلافه

فبتيجي وزارة الخارجية تقفل باب الزيارة من رمضان لحد بعد الحج ومش مسموح الا زيارة للزوجة فقط

في حين وزارة الداخلية - قسم الاستقدام - هو اللي مسموح له في الفترة دي يستقبل طلبات زيارة الاطباء والمهندسين لاهاليهم

[capitshino]

بص يا شباب

هنا مافيش سيستم معين .. يعنى انت ونصيبك وايضا حالة الموظف

يعنى لو الراجل مش متعكنن عليه عالصبح ممكن يمشى لك الاوراق . انما طبعا كلام سى السيد مظبوط واعمل زى ما قالك وفى الاخر الحج نصيب ولو الوالدة مكتوبة لها الحج هتحج ولا مش مكتوب السنة دى ممكن اللى بعدها.

انا والدتى اخذت الفيزا السنة قبل الماضية بس للاسف اخذتها بفترة لا تسمح لها الحج . واعتقد انه لا يجب ان تحضر احد وتقول اجدد له لانهم بيرفوضو كتير

الاحسن كالتالى وكما حدث مع والدتى

ورق الفيزا له مدة صلاحية ممكن شهرين . فاللى يروح السفارة فى مصر يروح فى اخر كام يوم من صلاحية الورق وبعد ماتاخد الفيزا-باذن الله - تسافر فى اخر يومين ولا3 وبكده هتلاقى ان الشهرين او التلات شهور اللى الوالدة واخدة بيهم تاشيرة هينتهو بعد الحج وبكده مش هتحتاج تجديد ده . والله الموفق

[abuaya]

بص يا شباب

هنا مافيش سيستم معين .. يعنى انت ونصيبك وايضا حالة الموظف

يعنى لو الراجل مش متعكنن عليه عالصبح ممكن يمشى لك الاوراق . انما طبعا كلام سى السيد مظبوط واعمل زى ما قالك وفى الاخر الحج نصيب ولو الوالدة مكتوبة لها الحج هتحج ولا مش مكتوب السنة دى ممكن اللى بعدها.

انا والدتى اخذت الفيزا السنة قبل الماضية بس للاسف اخذتها بفترة لا تسمح لها الحج . واعتقد انه لا يجب ان تحضر احد وتقول اجدد له لانهم بيرفوضو كتير

الاحسن كالتالى وكما حدث مع والدتى

ورق الفيزا له مدة صلاحية ممكن شهرين . فاللى يروح السفارة فى مصر يروح فى اخر كام يوم من صلاحية الورق وبعد ماتاخد الفيزا-باذن الله - تسافر فى اخر يومين ولا3 وبكده هتلاقى ان الشهرين او التلات شهور اللى الوالدة واخدة بيهم تاشيرة هينتهو بعد الحج وبكده مش هتحتاج تجديد ده . والله الموفق

هل ممكن بعد الدخول يكون فيه مشكلة فى دخول مكة اذا لم تكن التاشيرة حج

[capitshino]

طبعا فى مشكلة

اللى بيجى زيارة مالوش تصريح حج بس انا طلعت والدتى لما جت عن طريق حملة طالعة من الشرقية

عالعموم هاتها ولو ليها نصيب هيكون.