تهنئة بالألفية الثالثة للأخت الفاضلة بدرية " شعلة المحاورات ونجفتها "

[kokomen]

معقول يمر علينا اليوم ده بسهولة كده ..... يوم عيد الممرضة العالمي

وكمان أيه مناسبة مهمة جدا .... لقد وصلت مشاركات بدرية هانم 3000 مشاركة

وهو رقم قياسي يسجل في موسوعة الخواجة جينس باشا كعب الغزال ... وبكده تكون بدرية

سبقت العزيز سين سين اللي عدى 10000 مشاركة ... طبعا حا تقولي ليه ..؟؟ أقولك إن ال 3000

مشاركة دول إتعملوا في وقت قياسي جدا منذ إشتراك بدرية هانم في المحاورات ... حا تقولي إزاي ..؟؟ أقولك

أصل أنا سجلت في المحاورات في نفس التوقيت اللي هي سجلت فيه شوف يعني حتلفلي يمين حا ألفلك شمال :wub:

يعني حبيبنا سين سين عمل ال 10000 مشاركة في حوالي 15 سنة تقريبا يبقى بدرية لها حق التسجيل عند الحاج جينس

ودي تورتة ال 3000 مشاركة .. بالهنا والشفا

خلص الكلام

على رأي حبيبنا العزيز شريف بيه عبد الوهاب

[MZohairy]

روحي يا نجفه يا شيخه

جتك 3000 فراولايه متغرقين مربى و قشطه طازه و محطوطين في بان كيك فريش :wub:

[حسام يوسف]

السلام عليكم

3000 مبروك يانجفة المحاورات

[الطيار المصرى]

3000 زغروطة و 3000 طلقة في الهوا احتفالا بوصول نوارة المحاورات الي المشاركة ال3000....

والي الامام يا روميل....قصدي يا بدرية....

تحياتي....

الطيار المصري

[badroora]

أستاذي ومعلمى .ابو احمد الغالى الاسكندرانى ..ميرسي ع اللفتة الطيبة منك طول عمرك سباق بالخير وصاحب واجب

استاذ زوهيري ...........ميرسي كتير يا فندم عقبال لما نشوف مشاركتك الاحد عشر الاف ........ :wub:

اخى العزيز حسام ..ميرسي كتير وعقبال يا رب منباركلك ع السوبر ممبر قريب ان شاء الله وعد منى هاعملك فرح ..

اخى الجميل الاصغر الطيار المصري .........بجد سعيدة جدا برؤية اسمك منور فى المحاورات هذه الايام .

يا رب دايما تكون معانا وتسعدنا باسلوبك الجميل .

شكرا لكم جميعا على على روحكم الطيبة الجميلة الله يديم بينا المعروف

بدرية ...... :110: :lol:

تم تعديل 9 مايو 2008 بواسطة Badria Mekkawy

[Einstein]

الف الف الف مبروووووك لنجفة المنتدي :roseop:

3000 " تلت الاف مشاركة "

ما شاء الله

يعني بحسبة بسيطة

3000 × 5 سنوات = 15 الف مشاركة :blush2:

يتعدوا ازاي دوووول wst::

انا بتهيالي ان التلت تلاف مشاركة دول منهم 2999 موضوع :blink:

لدرجة انا ساعات كنت بشك ان مواضيعك اكتر من مشاركاتك :blush2:

يعني لما واحد غلبان زي حالاتي يا دووب 300 مشاركة يبص لواحدة عاملة 3000 مشاركة

زي الفرق بين سرعة العربية و سرعة الطيارة :blush2:

اوعي تفكري اني بحسد يا بدرية

ابدا

خالص

كده ازعل

انا بقرررررررررررررررر :sad:

وعقبال يا رب ما تكسري العشرين الف مشاركة

[badroora]

يااااااااه حسه بصداع فى ايدي وتنميل فى مخى ......ومش قادرة اسمع بعيونى .يا ترى ايه اللى حصلي ..ماكنت كويسة .

انت يا انشنتين فصصت ال3000 مشاركة ........وبعد كدا تقول مش بتحسد ...

شكلى هاطلع معاش مبكر مش هاقدر اكتب بعد كدا ......النظر راح والصحة ضاعت .ياااااااااه ايام بقي

عموما يا سيدي ميرسي كتير خالص ليك ........وفكرتنى بحديقة فى بيتنا

ب 5 ابواب

فى الدور الخامس

مساحتها 5 كيلو

5 جنانينة بيزرعوها

وامبارح كان الخميس

اه صحيح

مبروك انت الوحيد نسبة ذكائك .140 درجة العباقرة :blush2: :blush2:

[Einstein]

يااااااااه حسه بصداع فى ايدي وتنميل فى مخى ......ومش قادرة اسمع بعيونى .يا ترى ايه اللى حصلي ..ماكنت كويسة .

انت يا انشنتين فصصت ال3000 مشاركة ........وبعد كدا تقول مش بتحسد ...

شكلى هاطلع معاش مبكر مش هاقدر اكتب بعد كدا ......النظر راح والصحة ضاعت .ياااااااااه ايام بقي :blush2:

عموما يا سيدي ميرسي كتير خالص ليك ........وفكرتنى بحديقة فى بيتنا

ب 5 ابواب

فى الدور الخامس

مساحتها 5 كيلو

5 جنانينة بيزرعوها

وامبارح كان الخميس

اه صحيح

مبروك انت الوحيد نسبة ذكائك .140 درجة العباقرة wst:: mfb:

بقي كده برضه يا بدرية

بتخمسي في وشي :blush2:

هو يعني انا حسدتك ولا حاجة

انا قلت انك علي استعداد تكوني بتفكري في فكرة عشر مواضيع جداد

وبتابعي عشرين موضوع تانين ، و بتردي علي 15 موضوع تالتين ، وكل ده في نفس واحد

انا داخل اباركلك والله :blink:

انتي عارفة الدنيا من غير نجفة هتبقي عاملة ازاي :blush2:

بالمناسبة انا نظري مش جايب اخر سطرين في ردك

بس انا بخمن انك بتشجعيني علشان اوصل لاول الف علشان اعرف اكلمك :sad: