إستفسار بخصوص بناء أرض بالتجمع

[فيصل رافت]

اخى العزيز سى السيد الاختلاف فى وجهات النظر لايفسد للود قضية

فليكن ان طن الاسمنت زاد عن عام 2006 نسبة 78% وطن الحديد زاد 100% ولكنه تحصيل حاصل لا اكثر ولا اقل فالشقه ايضا فى 2006 متوسط 100 الف الان فى المتوسط 250 الف يعنى زياده 150% عن عام 2006 فالمكسب موجود رغم الزياده ويوجد اكثر من طريقه للبناء سواء من مال حر او جزء من المال والباقى مقدمات وديه طريقه كل الشركات وكمان بعض الشركات او معظمهم الا من رحم ربى نصابين او عن طريق شركة تمويل وده اللى منصحش بيه نظرا للفوائد العالية اللى بيتضائل فيها المكسب من العقار ورغم ذلك هناك مكسب غير عادى

[أبو عمر المصري]

السلام عليكم اخى العزيز ابو عمر

لا متاهات ولاحاجه بالعكس انت كده المستفيد هاتقولى ازاى ؟؟؟؟ اقولك ياسيدى

لان الغلاء وزيادة الاسعار معظمها فى حديد التسليح اما الاسمنت والرمل والظلط بيزيد اه بس مش بالمئات كحديد التسليح ومن ثم انت تكون خلاص رميت الاساسات اللى هيه اهم حاجه واغلى حاجه فى البناء ككل والباقى يعتبر كلام فارغ وبالتالى لما تيجى تتفق على الشقه ولو حنى زادت مواد البناء ما هتفرق معاك لانك ببساطه خلصت التقيل ( الاساسات ) وحاطط حديد التسليح للتعليه جمبك ومطمن تمام صدقنى ده احسن من البيع فرصتك عندك متضيعهاش والله الموفق ولك القرار

من ناحية هي فرصه فهي فرصه فعلا وكانت أمنيه اني أبنيها وعارف انها مش هاتخسر ابدا دانا حتى عملتلها الترخيص والرسومات حاجه على كيف كيفك بس وجودي خارج مصر مش هاعرف أتابع البناء بشكل جيد وكمان عدم توفر المال اللازم للبناء كل ده خلاني أفكر في البيع واعتقد هو الحل الأصوب لمثل حالتي ، قد يكون البناء جيد لحاله أخرى أو لشخص آخر

مشكور على نصيحتك يا اخ فيصل وجزاك الله خيرا

تحياتي

[فيصل رافت]

الاخ العزيز ابو عمر

هل انت سالت تكلفة البناء كام والمساحه قد ايه وهل هيه ارضى وثلاثة ادوار ولا ارضى واربعه وعندى الحل بمشيئة الله

[أبو عمر المصري]

الاخ العزيز ابو عمر

هل انت سالت تكلفة البناء كام والمساحه قد ايه وهل هيه ارضى وثلاثة ادوار ولا ارضى واربعه وعندى الحل بمشيئة الله

تكلفة البناء في حدود المليون المساحه المبنيه في حدود 400 في كل دور متكرر وعندي دورين و360 في الأرضي والبدروم وفيه غرف سطح يعني بالتقريب كده

[فيصل رافت]

طيب ايه رايك يابو عمر ماتدخل معاك مقاول بالنص انت بالارض وهوه بالمبانى وانت الكسبان بردوا شقه ومكسب من غير ما تدفع ولا مليم ايه رايك فى كده احسن من البيع ليه بقى لان الدورين هيتقسموا انت دور 400 متر والمقاول دور والارضى والبدروم وغرف السطح النص بالنص شوف بقى يبقى انت حصلت على شقه ماشاءالله 400 متر عشان تجيبها دلوقتى يدوبك ثمن ارضك لما تبيعها وزياده عليها تبيع النص اللى هايطلعلك من الارضى والدروم وغرف السطح يبقى انت الكسبان فكر هتلاقيها هوه ده الصح

[أبو عمر المصري]

هو طبعا أقتراح وجيه يا أخ فيصل

وفيه ناس عرضوا عليه الفكره على الرغم من ضبابيتها كما شرحت في رد لي سابق لكن مشكلتي هو أحتياجي لسيوله سريعه للعديد من الألتزامات الماليه عندي

وده اللى بيخليني أرجح فكرة البيع

أشكر لك مشاركتك التفكير معي

[فيصل رافت]

الاخ العزيز ابو عمر على فكره هتلاقى المقاول اللى هايديك السيوله النقديه اللى انت عايزها ويخصم من نصيبك بس انت لو دورت اكيد هتلاقى حاول مش هاتخسر حاجه لو لاقيت وانا عارف بقولك ايه هتلاقى بمشيئة الله يبقى انت الكسبان حاول انك ماتضيعش فرصه وجتلك حاول تستغلها لاقصى حد ممكن انا لو مكانك كنت عملت كده وديه وجهة نظرى وانت اكيد اعلم بظروفك والله الموفق

[فارس الاسلام]

اخي الفاضل

انا مكتب الضحي للخدمات العقاريه

بالنسبه للارض

في فترة سماح سنه من الجهاز اعطاها الوزير

دا لو مكنتش اخدت سماح قبل كدا

يعني فترة السماح الرئيسيه خمس سنوات من تاريخ خطاب التخصيص

بعدها اعطي الوزير سنه سماح لكل اراضي القاهرة الجديدة

ولو كانت هه السنه عدت عليك

لانك لازم تقدم عليها وتكون موجود في الجهاز

في فترة اخري وهي فترة الرخصه

عند استخراج الرخصه بتاخد 9 اشهر سماح دي رسمي مخصصه للرخص بعد استخراجها وهي بتكلف من 10 الي 13 الف

اما بانسبه للنسبه في حالة البيع هي من الطرفين

وبتكون 1.5 في المائه

اما بخصوص الاسعار

بيتوقف علي موقع القطعه ومساحتها كل ما ادت المساحه كان سعر المتر اقل لانها بتتكلف ازيد

والمباني كدا كدا علي نسبة خمسون في المائه

في منطقة البنفسج فلات

السعر من 1500 جنيه للمتر حتي 1750 اما لو ناصيه ممكن تكون 1800 او 1850 للمتر

اما الياسمين في كل حالات الاسعار اللي قلتها ليك بتزيد 50 كمان للمتر حسب ياسمين كام او بنفسج كام من 1 الي 8 بنفسج الي 12

وفي كل الحالات لو في اي استفسار او مشوره او بيع تحت امرك

ودا تليفوني وانا في القاهرة الجديدة 0106070472

والسلام عليكم ورحمة الله وبركاته

[أبو عمر المصري]

أخي الفاضل فارس الأسلام

وعليكم السلام ورحمه الله

أشكر لك إجاباتك على أستفساراتي بخصوص أرضي بالتجمع ولى بعض الأسئله لو تكرمت

في فترة سماح سنه من الجهاز اعطاها الوزير

دا لو مكنتش اخدت سماح قبل كدا

يعني فترة السماح الرئيسيه خمس سنوات من تاريخ خطاب التخصيص

بعدها اعطي الوزير سنه سماح لكل اراضي القاهرة الجديدة

ولو كانت هه السنه عدت عليك

لانك لازم تقدم عليها وتكون موجود في الجهاز

فترة السماح الرئيسيه 5 سنوات لسه بتنتهي عندي في شهر يوليو 2008 أي بعد شهرين من الآن بس انا مطلع الرخصه والرسومات جاهزه كمان

فهل معني كده ان انا لى 9 شهور بتوع الرخصه + سنه السماح المقدمه من الوزير ولا أيه بالظبط ( مع علمي ان فترة السماح 6 شهور وكانت لأراضي القرعه .. فهل هي سنه ولا 6 شهور ؟؟ مع العلم ان أرضي ليست من أراضي القرعه

انت كمان بتقول

لانك لازم تقدم عليها وتكون موجود في الجهاز

هل تقصد التقديم على الرخصه أم التقديم على السنه السماح ؟وما معنى اكون موجود في الجهاز؟ أرجو التوضيح

في فترة اخري وهي فترة الرخصه

عند استخراج الرخصه بتاخد 9 اشهر سماح دي رسمي مخصصه للرخص بعد استخراجها وهي بتكلف من 10 الي 13 الف

انا فعلا انتهيت من الرخصه في شهر أبريل اللى فات فهل معني كده لى فترة سماح 9 شهور للرخصه أي الى يناير 2009 + سنه كمان ؟ ولا بتتحسب إزاي

وبالنسبه للأسعار طبعا كل أرض وليها توبها في السوق حسب موقعها ومنطقتها وقربها وبعدها عن الطرق الرئيسيه بالمنطقه

انا ارضي ليست بالبنفسج أو الياسمين انا بالتجمع الأول بالقرب من السنترال أكيد بتعرفه بما انك من القاهره الجديده

أشكرك مره أخري أخي فارس الأسلام واكيد هايكون بيننا تواصل

[فارس الاسلام]

السلام عليكم ورحمة الله وبركاته

اخي الفاضل ابو عمر

يا ريت تكلمني ضروري لان رقم حضرتك ضاع مني وبدور عليه بخصوص موضوع الارض بتاعت حضرتك في التججمع الاول مش لاقيه

يا ريت تكلمني او لو في احد في القاهرة ينوب عنك يا ريت ترسل لي رقمه في رساله

ودا تليفوني

0106070472

[أبو عمر المصري]

السلام عليكم ياجماعه

اتحدث اليكم من القاهره حيث أقضي اجازتى السنويه وقررت ان أبيع الأرض فعلى من يرغب في الشراء يمكنه من الأتصال بي على الرقم التالى بالقاهره 0160968632 مواصفتها بأختصار هي بالتجمع الأول خلف منطقة الميراج 711 متر بتطل على نادي بحريه وناصيه ومطلع لها الرخصه لبدروم وأرضي ودورين واي إستفسار انا تحت امركم