سؤال عن الفرن البلدى والافرنجى

[goold]

السلام عليكم

انا بصدد انشاء فرن بلدى - افرنجى حصلت على دراسة للمشروع توفرت المساحة المطلوبه وراس المال والمكان شعبى وما احتاجه هو النصيحة وليس لدى خبرة فى المجال وسأقدم عليه لاقتناعى به وقبل ان ابدأ احب ان اسأل اعمل ايه مثلا مع الشخص الذى سأفوضه بالادارة وهل من صيغه قانونية لتحمل مسائل الضرائب والمسائلة القانونية وحاجات كثير عايزة اعرفها من اصحاب الخبرة عسى ان اجد من يفيدنى لانى بصراحه معنديش خبرة فى المشروع ده ومن هنا حتى التنفيذ انا بدرس فى كيفية اعداد المكان وكيفية الحصول على الايدى العاملة واتصرف اذاى فى ده كله

سلام

[kokowawa1979]

انا بصدد انشاء فرن بلدى - افرنجى حصلت على دراسة للمشروع

من الناحية القانونية آمل أن يكون أحد مفتشي التموين من أعضاء المنتدى لأنه هو اللي هايديك الإجابة الشافية لإن من أصعب أمور الفرن البلدي هو التلاكيك اللي بيعملوها مفتشين التموين علشان الأغلبية منهم بتحب تعيش في دور ضابط المباحث ويحب يشخط في كل من هب ودب في عمال الفرن وإلا القضية جاهزة !!!!

أصعب حاجة في موضوع الفرن هو شر مفتشين التموين اللي مابيتشطروش إلا على الغلابة لكن صاحب الفرن اللي يحط السيخ المحمي في ودانهم يعملوا له ألف حساب

لهذا خذي بنصيحة مفتش تموين لافف!!!! :) :oops: :cry:

[se_ Elsyed]

أختنا العزيزة جولد ، العبد لله س س ممكن يفيدك فى موضوع المشاريع ده ال حد ما :

1- أولاً راس مال وأساس نجاح أى مشروع هو الإدارة فلو الإدارة كانت سليمة يبقى كل شيئ هايمشي تمام ...ده طبعاً بعد ماتكوني عملتي دراسة جدوى إقتصادية لهذا المشروع.

2- لازمي تحددي هو فرن بلدى ولا أفرنجي ... بالنسبة للأفران الأفرنجي دى بقت سهله جداً مع أنتشار ظاهرة الفرن الكهربائي الأتوماتيكي والذى وفر عدد كبير من العمالة ووفر فى المساحة أيضاً وهو سهل الأستعمال لدرجة أن العامل بيضع فيه مايزيد عن 30 صاج ويظبط درجة الحرارة والوقت وبعدها يخرجه للبيع على طول.

3- أما الفرن لابلدي فبرضوا هناك مؤسسات لتجهيز الأفران وممكن كمان يدوليك الفرن اللآلي بالتقسيط.

4- زي ما قال أخونا كوكو لازم تاخدى موافقة وزارة التموين ووزارة الصحة ليضعوا لك أشتراطات معينة لابد من تنفيذها .

5- أعتقد أن الحصول على الدقيق أصبح الأن يخضع للعرض والطلب ده بالنسبة للأفران الأفرنجي ، أما البلدي فيتم صرف حصة لكل فرن وتحددوزارة التموين مواعيد العمل لكي سواء صباحاً أو مساءاً .

6- ام بالنسبة للأيدي العاملة ... فنصيحة من أخوكي الصغنن لو العمال اللى انت جبتيهم حسوا أنك مالكيش فى المهنة هايكلوكي ( معلش دى مصطلحات متعارف عليها فى السوق ) .

7- أما لو هاتجيبي واحد يتولى الإدارة ... فمش عارف أقولك أيه ، فهو لازم يكون ثقة ويكون على أستعداد لتحمل المسئولية لأن أى مخالفة ترصدها وزارة التموين أو الصحة هو اللى هايروح فيها مش صاحب الفرن ... ويا حبذا لو دخل شريك فى راس المال كده نضمن ولاءة وإجتهاده أكتر.

( مع تحيات مركز المعلم سي السيد للدراسات الأقتصادية والمخابز الآلية )