استفسار عن الحصول على تأشيرة سياحة لأوروبا

[mamdouh mohamed]

السلام عليكم

انا اريد انا احصل على فيزا سياحه لاوروبا من مصر فا ارجوا من خبراء المنتدى و كل من لدية خبره فى التعامل مع سفارات اوروبا ان تدلونى على اسهل سفاره ممكن من خلالها احصل على فيزا شنغن يعنى من غير تعقيدات

وشكرا

تم تعديل 10 مايو 2008 بواسطة mamdouh mohamed

[se_ Elsyed]

إنت قلتها بنفسك

فيزا شنجين

يعني كل الإجراءات موحده في جميع الدول التي تحت هذا الإسم ... يعني ما فيش حاجه سهله وحاجه صعبة .. ولكن في إجراءات واحده .

[Folana]

السلام عليكم ورحمة الله....

زى ماتفضلت سى السيد وقال..الاجراءات كلها واحدة....

لكن مش فاهمة تعقيدات من اى نوع يعنى؟....

حضرتك عارف اكيد انك لازم تقدم اوراق كتير منها حساب بنك وخطاب من جهة العمل او السجل التجارى لو كنت تملك عمل خاص ..وغيره وغيره

يعنى لو الاسرة حتكون معاك يبقى لازم تقدم مايفيد انتسابهم للمدرسة وشهادات ميلادهم

يعنى باختصار لازم تقدم لهم مايفيد ويؤكد انك حترجع البلد هنا تانى وعندك ارتباطات فيها....

كمان لازم تقدم مايفيد انك قمت بالحجز فى احد الفنادق فى الدولة اللى عايز تروحها...وتكون مأكد الحجز لانهم بيتصلوا بالفنادق دى..

المهم بعد كل ده...انت وحظك برضه...ياتاخد التأشيرة ياتترفض...ومن غير ماتعرف الاسباب ..ده بعد ماتدفع حوالى 67 يورو (تقريبا) رسوم استخراج التأشيرة

وبعد بصمة العين والاصابع والمقابلات الشخصية....وارد جدا التأشيرة تترفض....حتى لو كنت اخدتها اكتر من مرة قبل كده....

لكن ممكن تجرب التشيك باعتبارها انضمت حديثا لدول الاتحاد الاوربى وجايز يكون لسه مافيهاش التعقيدات والتعنت اللى فى بعض السفارات الاخرى مثلا....

ربنا يوفقك..

[mamdouh mohamed]

انا متشكر جدا على الاهتمام

ولاكن انا قصدى من غير تعقيد انا اقصد على (الغلاسة ) الى ممكن بيعملوها

بعنى بالنسبة لهولندا طلبين ان يمون فى تامين طبى شامل بحد ادنى 30.000 يورو

و كاتبين ملحوظه : لا يمكن اعتماد المبالغ النقدية كدليل على توافر الموارد المالية

و فى ايطاليا لازم تكون دافع نصف مبلغ الفندق نقدى قبل السفر مع تاكيد تذكر الطيران لتكون اول بلد تذهب اليها

و هاكذا من الطلبات و زياده فى التعقيد

انا هاكون واضح اكثر مع اعضاء المنتدى انا عايز اذهب الى اى دوله فى اوروبا لان فى خلال مده الزياره

يوجد احد باذن الله سيساعدنى على ايجاد عمل او جامع او معهد ممكن اتقدم فية للدراسة و عن طريقة ممكن اخذ أقامه اطول مع تصريح عمل واذا لقدر الله لم اوفق فى اى من السابق اخر امل لى هو ان ابحث عن امره ممكن نتزوج على الرورق الى ان اخذ اقامه دائمه هناك

و اذا لم اوفق فى كل هذا (امرى الى الله هارجع تانى الى مصر(و ربنا يصبرنا) لان بجد الحياه فى مصر من سوء الى سوء

فانا كل ماريده ان اجد سفار تكون فيها التعامل سلس و ان قدم

كشف الحساب

و التذكره

و حجز الفندق

و التامين والذى اعتقد ان فى حدود 300 جنية

و بالنسبة للعمل انا بشتغل بس فى القطاع الخاص و عندى خبره منه

انا سمع عن سفاره اليونان انها سهلة و من بحثى وجدت انه ممكن كمان تكون سفاره بولندا

و بالنسبة لاخت Folana

انا فعلا فكرت فى سفاره التشيك لانها كمان قريبة من مكان عملى لاكن لم اجد احد ذهب اليها من قبل

و بعدين انا ممكن اجرب فى كذا سفار الى ان احصل على الفيزا لاكن انا خايف من موضوع الرفض الى على الباسبور ده اكيد هايكون نقطه سوده فى الباسبور

و فكر ايضا ان عمل بدل فاقد او تالف بس اذا كتر الموضوع ده هايكون فى شك من الحكومه هنا فى مصر

لانها حصل مع صديق لى كان دائم ان يفقد البطاقة الشخصية

فارجوا المساعده فى ايجاد حل (حل للسفر)

وشكرا

[Folana]

السلام عليكم ورحمة الله...

و بعدين انا ممكن اجرب فى كذا سفار الى ان احصل على الفيزا لاكن انا خايف من موضوع الرفض الى على الباسبور ده اكيد هايكون نقطه سوده فى الباسبور

و فكر ايضا ان عمل بدل فاقد او تالف بس اذا كتر الموضوع ده هايكون فى شك من الحكومه هنا فى مصر

الخقيقة فعلا الرفض على الباسبور ممكن يضايقك بعد كده فى الحصول على اى تأشيرات اخرى....

بس المشكلة الاساسية مش بس فى اثارة شك الحكومة المصرية....ولكن حتى لو حضرتك حصلت على بدل فاقد او تالف او اى مسمى اخر...مش حتقدر تحصل على تأشيرة شنيحن ..لان كل البيانات بتكون موجودة على الكمبيوتر فى كل السفارات التابعة لدول الاتحاد الاوربى...وبمجرد ادارج اسمك فى اى سفارة بيقدروا يعرفوا ان تأشيرتك اترفضت من قبل....

لكن اعرف ان بعد 6 شهور بيتم التعامل مع جواز السفر من جديد دون النظر للرفض المسبق....لكن مش متأكدة من المعلومة الحقيقة...

الحقيقة اللى حضرتك بتطلبه ممكن يكون صعب...اعرف رجال اعمال كبار واساتذة جامعة اترفضت تأشيرتهم من قبل دون ابداء اسباب (بالرغم من انهم لازم يرجعوا )...فانصحك باتخاذ الاحتياطات اللازمة ...

ربنا يوفقك ان شاء الله

[capitshino]

بص يا اخى

بالنسبة للتامين بتاع فيزا هولندا وهو ال 30.000 يورو فانت مالكش دعوة بالرقم ده . انت بتروح مكتب تامين وتقول لهم عاوز تامين للشنجن ب 30.000 (وهو بالمناسبة تامين سفر وتامين صحى) وبتدفع مبلغ صغير

انا عملته فى السعودية هنا اتكلف حوالى 200 ريال . طبعا كل ما المدة تزيد تكاليف التامسن بتزيد بس زى ما قلت لك حاجات بسيطة كلها . يعنى مش دى العقبة

اهم حاجة ركزو عليها لما جيت اخد فيزا لهولندا انهم طلبو خطاب دعوة من شركة هولندية على ان يرسل الى السفارة الهولندية مباشرة من هولندا .

بالنسبة للشروط التانية

1- كشف حساب مبين فيه اخر 3 شهور استلام راتب

2- حجز مؤكد فى فندق

3- حجز ذهاب وعودة وفى حالة استلام الفيزا يجب ان يشاهدو التذاكر

4- خطاب تعريف بالراتب ومدة العقد وان كنت ستتحمل التكاليف خلال الزيارة ام لا(احد اخر سيتحملها)

5-ثمن الفيزا حوالى 60 يورو

6- صور شخصية وشوية طلبات بسيطة تانية زى صورة الاقامة

7-جواز سفر واقامة سارية ل 3 شهور بعد انتهاء مدة الفيزا

8- وطبعا تملى الابلكشن معاهم وترسلهم للسفارة

طبعا ده بالنسبة لفيزا العمل من السعودية ومن مصر تقريبا نفس الطلبات

بالنسبة للفيزا السياحية بيطلبوشيكات عن كل يوم

هذا كل ما اعرفه عن فيزا الشنجن

[mamdouh mohamed]

انا بجد متشكر جدا على الاهتمام بالرد على سؤالى لاكن برده نرجع لننفس النقطه انا اريد اذا كان فى احد دائم التعامل مع بعض السفارت او يوجد احد استخرج فيزا قريبا و كانت سهله و يقولى اى سفاره هى و اريد ايضا ان ترشحوا لى عن اول سفاره ممكن تكون اول خطوه لى

مثلا انا لى قريب ان اكيد ممكن تكون اليونان سهلة لان العرب مش كتير هناك بسبب ان اليونانيين غير ودودين او بولندا لانها دوله فقير او مالطا او اى من الدول التى لا يوجد عليا ازدحام فاانا اريد تاكيد كلامه او اذا كان هناك كلام اخر فا ممكن اسمعه

وشكرا

تم تعديل 11 مايو 2008 بواسطة mamdouh mohamed

[ahmadlilo]

السلام عليكم

انا مصري و حاليا في ايطاليا

واخدت الفيزا عمل لمدة سنه عن طريق شركة توظيف في بريطانيا

و الشركه اسمها في النت

ورقم تلفونها

tel: 0044-345-025-1311

و ايميلها

work@easyviva.com

و انشاء الله اكون فدتكم اوي

الرباط الخاص بي

[elrasy]

روح النمسا ادونلى التاشيرة ببساطة ,, بس مش متأكد سبب السهولة انهم كدة ولا علشان كان عندى تاشيرة شنج سابقة