سلطنة عمان

[solimady]

شوف متقلقش لأن العمانيين هنا بالهم طوييييييييييييييييييييييل جدا جدا ولو الموضوع مش هيحصل اعتقد كانت قالتلك خلاص مفيش نصيب!!!!! وهذا رأيي الخاص

يعنى رأيك ما كلمهاش تانى الاسبوع اللى جاى و أسيب الموضوع ياخد وقتة؟

[محمد عيسى]

ايوه سيب الموضوع ياخد وقته بالراحة خالص و خاصة لو جهة التعاقد حكومية فالمتوسط هو 3 - 4 اشهر

و هناك سبب تاني ان فترة الصيف بتكون كلها اجازات و بالتالي الاجراءات تاخد وقت اكبر لسفر غالبية الموظفين

تم تعديل 1 يوليو 2008 بواسطة محمد عيسى

[solimady]

ألف شكر للأخ هشام و الأخ محمد على الرد

بجد طمنتونى شوية

أدعولى ربنا يتمملى على خير

[iloveegypt]

الاخ العزيز solimady

ربنا يكرمك ويوفقك الى ما فيه الخير ومش عايزك تقلق لان كل شىء بقدر الله وماتعرفش الخير فين وربنا يوفقك

تم تعديل 2 يوليو 2008 بواسطة iloveegypt

[solimady]

السلام عليكم يا أخوانى

أنا عامل الوضوع دة من زمان . بس فية شىء جديد حصل عايز أخذ رأيكم فية

النهاردة مديرة شئون الموظفيين بوزارة الشئون الرياضية بسلطنة عمان كلمتنى وطلبت أنى ارسل لها شهادة الثانوية العامة و أفادة من الكلية بتقديرات المواد الدراسية فى أسرع وقت

ياترى دة معناة أية وياريت حد يقولى التأشيرة قدامها حوالى قد أية و أكون شاكر جدا

[هشام عباس]

ياله ياعم الف مبروك ........... مش قلنالك انتظر وهي هتتصل بيك من نفسها؟ ............... واتصالها معناه ان الورق بدأ يتحرك وربنا يسهل وقبل التأشيره ما توصلك بحوالي اسبوعين ممكن يبلغوك .......... ومبروك مره تانيه وربنا معاك

[solimady]

ياله ياعم الف مبروك ........... مش قلنالك انتظر وهي هتتصل بيك من نفسها؟ ............... واتصالها معناه ان الورق بدأ يتحرك وربنا يسهل وقبل التأشيره ما توصلك بحوالي اسبوعين ممكن يبلغوك .......... ومبروك مره تانيه وربنا معاك

الله يبارك فيك يا أستاذ هشام

أدعيلى الموضوع يكمل على خير يا رب

و أنشاء اللة يبقى فية بينا تواصل فى الايام اللى جاية علشان أقدر أستفيد بنصايحك

ومرة تانية ألف شكر

[solimady]

السلام عليكم يا أخوانى

الحمد للة ربنا فرجها أخيرا مديرة شؤون الموظفين كلمتنى وقالتلىأن الموافقة عليك صدرت و حضر حالك علشان حكلمك اخر الأسبوع اللى جاى حقولك تذكرة الطيران و التأشيرة فى مكتب الطيران روح أستلمهم و حدد الميعاد اللى يناسبك علشان تيجى فية يا قبل العيد يا اما بعد العيد

أولا أنا باشكر الاستاذ هشام عباس و كل من رد على فى الموضوع و طمنى

ثانيا عايز تساعدونى و تقلولى أعمل أية من أول ما ادخل باب المطار- علشان أنا عمرى ما شفت مطار غير فى الافلام- لغاية ماركب الطيارة و انزل فى السلطنة

ثالثا أعمل أية فى عمان علشان ربنا يكرمنى و ينجحنى فى شغلى

معلش يا جماعة أنا باتقل عليكم بس أنا معنديش أى خبرة و ماليش غيركم

[solimady]

ياريت الاستاذ هشام عباس أو الأستاذ زوهيرى أو أى حد يرد علية ربنا يخليكوا

[المكافح]

اهلا بيك يا اخى الكريم فى سلطنة عمان

اخوك بقالة هنا فى عمان حوالى 3 شهور وجاى من السعودية دوغرى على عمان على طول

يا عم انت مكبر مسألة المطار أوى كدة لية الموضوع بسيط خالص تدخل مطار القاهرة وفى الغالب هايكون المطار الجديد وتحط شنطك عند الوزن وانت بتحجز مقعدك على الطائرة الموظف المسئول هايشوف وزنك اخبارة اية وربنا يسهل وما يكونش معاك وزن كتير وبعدين هايروح حاجز لك مقعد ويديلك الباسبور وورقة او بطاقة الصعود الى الطائرة واللى بيكون فيها رقم المقعد وأى بوابة هاتدخل منها وبعدين تاخذ بعضك وتدخل على شباك الجوازات اللى هايشوف جوازك ويسألك عن تصريح السفر اللى لازم تعملة قبل ما تسافر رغم انهم احيانا ماحدش بيسأل بس دة ضرورى لازم تعملة علشان ماتتعطلش وبعد ما هايختم لك خروج على الجواز هاتروح داخل على الصالة المخصصة للسفر وهاتحط الهاند باج اللى معاك على السير وكل ما تحملة ايضا وبعدين تعدى من البوابة تاخد حاجتك وتتوكل على اللة تشوف كرسى تقعد علية لغاية لما يفتحو بوابة المرور للصعود للطائرة وهايخدوا منك الباسبور والتكت على البوابة تانى مجرد مراجعة للاوراق وتدخل الطيارة يا معلم هاتلاقى بنت ظريفة او ولد لطيف هايدلك على كرسيك تقعد ياباشا وتربط الحزام وبالسلامة ياقلبى ان شاء اللة

ولما توصل بالسلامة مطار السيب فى مسقط هاتنزل من الطيارة وتدخل صالة الوصول هاتلاقى مكانين واحد لدول مجلس التعاون والتانى للى لسة اول مرة يدخل السلطنة او المقيمين وراجعين من الاجازة تدخل علية وفى ظرف 3 دقايق هاتكون خاتم جوازك وداخل البلد بالتأشيرة على الجواز وتروح تنتظر شنطك على السير وتاخدهم وهاتعدى على سير اخر للتفتيش وبعدين تتطلع بالسلامة على صالة انتظار القادمين واللى طبعا لازم هايكون فى حد فى انتظارك من الشركة او المكان اللى انت رايح تشتغل فية وربنا يوفقك.

اهل عمان ناس طيبين وبيحترموا الاجانب او العرب اللى بيشتغلوا فى عمان وزيهم زى العمانيين بالظبط ومش هاتلاقى هنا موضوع الكفيل وتعنتة الواضح فى دول الخليج وبخاصة السعودية جوازك بيبقى معاك فى جيبك وبتطلع الاقامة او زى ما بيسموها هنا تصريح العمل فى ظرف يومين ثلاثة وبتعيش فى السلطنة معزز مكرم لا فية تاشيرة خروج وعودة ولا غيرة عايز تنزل مصر فى اى وقت مفيش مشاكل احجز التذكرة واتوكل على الله وابقى ارجع تانى بالسلامة.

الحياة هنا فى عمان اهدى بكتير من السعودية وعلشان تنجح فى اى مكان مش فى عمان فقط عليك دايما بأنك تراعى ضميرك فى عملك وتشوف ربنا دايما امامك فى اى حاجة بتعملها وربنا هايوفقك بإذن اللة .

تحياتى لك وتمنياتى ليك ولكل مصرى خرج من بلدة علشان بلدة واهلة وناسة بالخير والتوفيق يارب العالمين

وكل عام وانت وكل المصريين بكل خير

[FidoMido]

اهلا بيك فى سلطنة عمان يا solimady

ان شاء الله هتتبسط هنا كتير جدا

اولا بالنسبة للتأشية زى ما الوزارة قالتلك انت هتروح تاخدها من مكتب الطيران وهى غالبا بتكون E-ticket بيشفوها عند بوابة الدخول فى القاهرة ه مع التأشيرة السريعة

اولا هتروح على مطار القاهرة المطار الجديد حوالى الساعة 12 الظهر معاد الطيارة بيكون الساعة 2 ونص عمان اير (الطيران العمانى) ليك وزن حوالى 30 كيلوا غير 10 كيلوا على الطيارة يعنى هاندباج صغيرة او لابتوب

بعد ماتوزن هتاخد حجز الكرسى خد بالك قلها عاوز كرسى جمب الشباك وهتديلك استمارة تملاها فتاخد معاك قلم انا مش فاكر استمارة اية بس تقريبا الجوازات

بعد كدة تروح لظابط الجوازات يختملك الباسبور وتطلع على صالة الإنتظار لحد ما ينادو على رقم الرحلة هتلاقى اشارة ضوئية مكتوب عليها اسم شركة الطيران على بوابة الدخول وبعدين تطلع الطيارة

الرحلة بتاخد تقريبا 3 سعات و 45 دقيقة بتوصل مطار السيب مسقط حوالى الساعة 7 ونص او 8 غالبا بتتأخر مش عارف لية مع ان الطيار مش بيقف فى الريست هاوس wst::

لما تخرج من الطيارة هتلاقى الباص مستنيك يوديك مبنى المطار

انت مش هترووح مع باقى الناس هتروح على شباك فى اقصى اليسار علشان تاخد الفيزا بتاعتك هتلاقى الناس هناك بتساعدك الموضوع منظم جدا ومن اللحظة دى تنسى العك بتاع مصر هنا كل حاجة بنظام وابتسامة واحترام

بعد ما تاخد التأشيرة هتروح على الكاونتر اللى هيختملك الباسبور وبعدها تطلع على برة تاخد الشنطة من على السير وتخرج خارج صالة الوصول و ان شاء الله تلاقى حد مستنيك يوصلك المكان اللى هتقعد فية

وحمدلله على السلامة

ونورت مسقط

بالنسبة لموضوع تعمل اية علشان تنجح فى شغلك دة يتوقف عليك وعلى طبيعة الشغل ماحدش يقدر يقولك تعمل اية غير انك تتقن عملك الناس هتعاملك بمنتهى الإحترام والذوق الشعب هنا طيب الى اقصى درجة

صحيح نسيت اقولك عدد الهنود هنا كتييييييييييييييييييييييييييييييييييييييييييييييييييييييير يعنى العدد فى الليمون فا ماتقلقش خالص وتفتكر الطيارة نزلت فى نيو دلهى انت مش هتكتشف دة بالليل انما اول يوم فى الشغل هتواجة الحقيقة المرة دى

بس عادى هتتعامل معاهم مافيش مشكل

توصل بالسلامة ان شاء الله

[ozoozo]

كمان ماتنساش اللبان في اثناء الهبوط والاقلاع عشان مهم جدا وخصوصا لو اول مره تركب الطياره وماتخفش الطياره بيكون صوتها عالي شويه وهي طالعه _انا اول مره اسافر كنت رايح دبي وكنت كل شويه اسئل المضيف هو كده طبيعي ولا هانقع عشان كنت خايف جدا ولما الراجل زهق مني قالي نام حضرك وقبل ملنقع بفتره كافيه هابقي اصحيك _لكن في الاخر موضوع الطيران سهل جدا

[solimady]

اهلا بيك فى سلطنة عمان يا solimady

ان شاء الله هتتبسط هنا كتير جدا

اولا بالنسبة للتأشية زى ما الوزارة قالتلك انت هتروح تاخدها من مكتب الطيران وهى غالبا بتكون E-ticket بيشفوها عند بوابة الدخول فى القاهرة ه مع التأشيرة السريعة

اولا هتروح على مطار القاهرة المطار الجديد حوالى الساعة 12 الظهر معاد الطيارة بيكون الساعة 2 ونص عمان اير (الطيران العمانى) ليك وزن حوالى 30 كيلوا غير 10 كيلوا على الطيارة يعنى هاندباج صغيرة او لابتوب

بعد ماتوزن هتاخد حجز الكرسى خد بالك قلها عاوز كرسى جمب الشباك :unsure: وهتديلك استمارة تملاها فتاخد معاك قلم انا مش فاكر استمارة اية بس تقريبا الجوازات

بعد كدة تروح لظابط الجوازات يختملك الباسبور وتطلع على صالة الإنتظار لحد ما ينادو على رقم الرحلة هتلاقى اشارة ضوئية مكتوب عليها اسم شركة الطيران على بوابة الدخول وبعدين تطلع الطيارة

الرحلة بتاخد تقريبا 3 سعات و 45 دقيقة بتوصل مطار السيب مسقط حوالى الساعة 7 ونص او 8 غالبا بتتأخر مش عارف لية مع ان الطيار مش بيقف فى الريست هاوس :blink:

لما تخرج من الطيارة هتلاقى الباص مستنيك يوديك مبنى المطار

انت مش هترووح مع باقى الناس هتروح على شباك فى اقصى اليسار علشان تاخد الفيزا بتاعتك هتلاقى الناس هناك بتساعدك الموضوع منظم جدا ومن اللحظة دى تنسى العك بتاع مصر هنا كل حاجة بنظام وابتسامة واحترام

بعد ما تاخد التأشيرة هتروح على الكاونتر اللى هيختملك الباسبور وبعدها تطلع على برة تاخد الشنطة من على السير وتخرج خارج صالة الوصول و ان شاء الله تلاقى حد مستنيك يوصلك المكان اللى هتقعد فية

وحمدلله على السلامة

ونورت مسقط

بالنسبة لموضوع تعمل اية علشان تنجح فى شغلك دة يتوقف عليك وعلى طبيعة الشغل ماحدش يقدر يقولك تعمل اية غير انك تتقن عملك الناس هتعاملك بمنتهى الإحترام والذوق الشعب هنا طيب الى اقصى درجة

صحيح نسيت اقولك عدد الهنود هنا كتييييييييييييييييييييييييييييييييييييييييييييييييييييييير يعنى العدد فى الليمون فا ماتقلقش خالص وتفتكر الطيارة نزلت فى نيو دلهى انت مش هتكتشف دة بالليل انما اول يوم فى الشغل هتواجة الحقيقة المرة دى :blink:

بس عادى هتتعامل معاهم مافيش مشكل

توصل بالسلامة ان شاء الله

بجد أنا مش عارف أقولك أية ألف ألف شكر

أدعيلى أن ربنا يتمملى على خير

[solimady]

اهلا بيك يا اخى الكريم فى سلطنة عمان

اخوك بقالة هنا فى عمان حوالى 3 شهور وجاى من السعودية دوغرى على عمان على طول

يا عم انت مكبر مسألة المطار أوى كدة لية الموضوع بسيط خالص تدخل مطار القاهرة وفى الغالب هايكون المطار الجديد وتحط شنطك عند الوزن وانت بتحجز مقعدك على الطائرة الموظف المسئول هايشوف وزنك اخبارة اية وربنا يسهل وما يكونش معاك وزن كتير وبعدين هايروح حاجز لك مقعد ويديلك الباسبور وورقة او بطاقة الصعود الى الطائرة واللى بيكون فيها رقم المقعد وأى بوابة هاتدخل منها وبعدين تاخذ بعضك وتدخل على شباك الجوازات اللى هايشوف جوازك ويسألك عن تصريح السفر اللى لازم تعملة قبل ما تسافر رغم انهم احيانا ماحدش بيسأل بس دة ضرورى لازم تعملة علشان ماتتعطلش وبعد ما هايختم لك خروج على الجواز هاتروح داخل على الصالة المخصصة للسفر وهاتحط الهاند باج اللى معاك على السير وكل ما تحملة ايضا وبعدين تعدى من البوابة تاخد حاجتك وتتوكل على اللة تشوف كرسى تقعد علية لغاية لما يفتحو بوابة المرور للصعود للطائرة وهايخدوا منك الباسبور والتكت على البوابة تانى مجرد مراجعة للاوراق وتدخل الطيارة يا معلم هاتلاقى بنت ظريفة او ولد لطيف هايدلك على كرسيك تقعد ياباشا وتربط الحزام وبالسلامة ياقلبى ان شاء اللة

ولما توصل بالسلامة مطار السيب فى مسقط هاتنزل من الطيارة وتدخل صالة الوصول هاتلاقى مكانين واحد لدول مجلس التعاون والتانى للى لسة اول مرة يدخل السلطنة او المقيمين وراجعين من الاجازة تدخل علية وفى ظرف 3 دقايق هاتكون خاتم جوازك وداخل البلد بالتأشيرة على الجواز وتروح تنتظر شنطك على السير وتاخدهم وهاتعدى على سير اخر للتفتيش وبعدين تتطلع بالسلامة على صالة انتظار القادمين واللى طبعا لازم هايكون فى حد فى انتظارك من الشركة او المكان اللى انت رايح تشتغل فية وربنا يوفقك.

اهل عمان ناس طيبين وبيحترموا الاجانب او العرب اللى بيشتغلوا فى عمان وزيهم زى العمانيين بالظبط ومش هاتلاقى هنا موضوع الكفيل وتعنتة الواضح فى دول الخليج وبخاصة السعودية جوازك بيبقى معاك فى جيبك وبتطلع الاقامة او زى ما بيسموها هنا تصريح العمل فى ظرف يومين ثلاثة وبتعيش فى السلطنة معزز مكرم لا فية تاشيرة خروج وعودة ولا غيرة عايز تنزل مصر فى اى وقت مفيش مشاكل احجز التذكرة واتوكل على الله وابقى ارجع تانى بالسلامة.

الحياة هنا فى عمان اهدى بكتير من السعودية وعلشان تنجح فى اى مكان مش فى عمان فقط عليك دايما بأنك تراعى ضميرك فى عملك وتشوف ربنا دايما امامك فى اى حاجة بتعملها وربنا هايوفقك بإذن اللة .

تحياتى لك وتمنياتى ليك ولكل مصرى خرج من بلدة علشان بلدة واهلة وناسة بالخير والتوفيق يارب العالمين

وكل عام وانت وكل المصريين بكل خير

ألف ألف شكر و ربتا يخليكوا لية

أدعيلى ربنا يتمملى على خير

[mtawfeek]

السلام عليكم و رحمة الله و بركاته ........ من خلال بحثى عن معطيات و اسلوب الحياه فى سلطنة عمان و بالاخص فى مسقط و صلت الى المنتدى الخاص بكم و وجدت به معلومات واضحة و جميلة عن الحياه فى مسقط و اود ان أشكر المجهود الرائع من الاعضاء و بالاخص المصريون المتواجدين فى سلطنة عمان .

الموضوع الذى أرغب فى الاستفسار عنه هو كالاتى :

انا مهندس معمارى تخرجت من جامعة عين شمس عام 2006 . جاءتنى فرصة عمل الشهر الماضى فى سلطنة عمان فى احد المكاتب الاستشارية فى مسقط ( القرم) معطياتها كالتالى :

- الراتب 600 ريال عمانى

- السكن (عائلى و توفرة الشركة ) فى حدود ال 250 ريال عمانى حيث انى اشترطت عليهم انى الان فى فترة الخطوبة و ان شاء الله انوى الاستقرار فى عمان بعد 3 : 4 شهور فوفروا لى سكن عائلى و لكن غير موئثث

- يوجد اوفر تايم و زيادات دورية فى المرتب

- فى حاله استقدام زوجتى ستعمل معى فى نفس الشركة حيث انها مهندسة معمارية هى الاخرى

الاسئلة :

1 : هل هذا العرض مناسب و يوفر الحد الادنى من الحياه الكريمة فى عمان مع التوفير مع العلم انى من سكان القاهرة فى مصر و اعيش حياه الى حد ما ميسورة و الحمد لله .

2- انا الان تم ارسال التأشيرة و تذاكرة الطيران الى و هى تأشيرة عمل بدون مرافقين فما هى الاجراءات التى تتم فى عمان لاستكمال الاقامة هناك و استخراج البطاقة المدنية ( مع العلم انى كنت فى الكويت من قبل و استخرجت البطاقة المدنية للاقامة هناك و كانت اجراءتها مهبنه و متعبة جدا )

3- بالنسبة للوعود و استقدام الزوجة و السكن العائلى هل الشعب العمانى يفى بالوعود و الاتفاقات التى تم الاتفاقات عليها ام انه مثل بعض شعوب دول الخليج و لا داعى للذكر ( مع العلم ان الشركة مملوكة 100 % لعمانيين )

4- هل 250 ريال عمانى كافية للحصول على سكن عاثلى مناسب فى منطقة جيدة و مناسبة اجتماعيا و ماذا عن تكاليف تأثيث السكن

5- املك رخصة قيادة مصرية هل يجب تحويلها لرخصة دوليه ام يمكننى استبدالها برخصة عمانيه بدون عمل اجراءات و اختبارات جديدة فى عمان

6- و الان عن طبيعة العمل فى عمان هل هو اسلوب الاستنزاف الموجود فى بعض دول الخليج ام اسلوب انسانى متحضر

أرجو الافادة و الرد ...... و الشكر و العرفان لكل من يسعفة و قته و لو للرد على سؤال واحد من اسئلتى ....... اشكركم

[MZohairy]

جاءتنى فرصة عمل الشهر الماضى فى سلطنة عمان فى احد المكاتب الاستشارية فى مسقط ( القرم) معطياتها كالتالى :

- الراتب 600 ريال عمانى

- السكن (عائلى و توفرة الشركة ) فى حدود ال 250 ريال عمانى

- يوجد اوفر تايم و زيادات دورية فى المرتب

- فى حاله استقدام زوجتى ستعمل معى فى نفس الشركة حيث انها مهندسة معمارية هى الاخرى

1 : هل هذا العرض مناسب و يوفر الحد الادنى من الحياه الكريمة فى عمان مع التوفير مع العلم انى من سكان القاهرة فى مصر و اعيش حياه الى حد ما ميسورة و الحمد لله .

4- هل 250 ريال عمانى كافية للحصول على سكن عاثلى مناسب فى منطقة جيدة و مناسبة اجتماعيا و ماذا عن تكاليف تأثيث السكن

5- املك رخصة قيادة مصرية هل يجب تحويلها لرخصة دوليه ام يمكننى استبدالها برخصة عمانيه بدون عمل اجراءات و اختبارات جديدة فى عمان

6- و الان عن طبيعة العمل فى عمان هل هو اسلوب الاستنزاف الموجود فى بعض دول الخليج ام اسلوب انسانى متحضر

انا عشت في مسقط سنه و حرد على اللي اقدر افيدك بيه

600 ريال عماني مبلغ مش كبير و لكنه قد يكون مناسب لعدد سنوات خبرتك و يعيشك في مستوى معقول لو مبتصرفش كتير

250 ريال مبلغ ضئيل للسكن في مسقط و خصوصا في او بجوار حي القرم (ارقى احياء مسقط) و مش حتلاقي سكن محترم غرفتين نوم في اي مكان كويس بأقل من 400 ريال شهريا ابدا

يتم تحويل رخصة القياده المصريه الى العمانيه للوظائف و الكوادر و ليس للعمال مثلا

العمانيين شعب طيب و محترم جدا

تمنياتي لك بالتوفيق

[solimady]

معلش يا جماعة سؤال أخير

1- الوزارة كاتبالى فى العقد سكن عازب مؤثث مجانا دة معناة أنى حسكن فى أوضة ستوديو لوحدى ولا فى شقة مع حد

2- أية اجرائات الكشف الطبى

3- أنا وظيفتى مدرب سباحة فى وزارة الشؤون الرياضية العمانية ينفع يبدلولى رخصة السواقة المصري بعمانى مباشرة ولا لازم أدخل أمتحان

و ألف شكر ليكم معلش أنا عارف أنى متقل عليكم قوى بأسئلتى الكتيرة

[seeem]

معلش يا جماعة سؤال أخير

1- الوزارة كاتبالى فى العقد سكن عازب مؤثث مجانا دة معناة أنى حسكن فى أوضة ستوديو لوحدى ولا فى شقة مع حد

2- أية اجرائات الكشف الطبى

3- أنا وظيفتى مدرب سباحة فى وزارة الشؤون الرياضية العمانية ينفع يبدلولى رخصة السواقة المصري بعمانى مباشرة ولا لازم أدخل أمتحان

و ألف شكر ليكم معلش أنا عارف أنى متقل عليكم قوى بأسئلتى الكتيرة

1- لا أعلم

2- حاتروح على المستشفى ويفحصوك باطنة وعينة دم ..

3- لازم إمتحان ...

[mtawfeek]

أرجو الافادة من المصريين المقيمين فى عمان ................ بعد استخراج تأشيرة العمل لى حدث اختلاف على بعض الامور المتعلقة بالسكن فى مسقط فى حالة سفرى الى هناك و حتى الان لم نتوصل لحل لهذا الاختلاف بينى و بين الشركة التى سوف اقوم بالعمل بها فى مسقط .

السؤال هو - هل فى حالة عدم السفر يكون للتأشيرة الحاليه التى حصلت عليها اى تأثير فى حالة حصولى على فرصة عمل اخرى فى سلطنة عمان خلال ال ستة شهور القادمة مع كفيل اخر عند قيامه باستخراج تأشيرة عمل لى (مع العلم أنى لم أسافر الى سلطنة عمان من قبل ) و مع العلم ان تأشيرة العمل الحالية كما تعلمون تكون سارية لمدة 6 شهور ؟!!!!!!!!!!

[bentbatota]

السلام عليكم وكل سنه وانتم طيبين

ممكن استفسار اللى فهمته من كلامكم ان مافيش تحليل فيروسات لسلطنة عمان ولا انا فهمت غلط ؟