استفسار عن جواز السفر بدل الفاقد أو الجديد

[amature]

ازيكم يا مصريين- طبعا أول مشاركة لي- فاحب اقول مساء الخير و التحية للجميع

انا مسافر أعمل الدكتوراة و حقعد كام سنة بره- و بعدين الجواز بتاعي فاضله سنتين. و بصراحة مش عايز أجدده برة لانهم بياخدوا بالدولار في القنصليات (و انا معيد غلبان :aslam: ). ممكن اطلع الجواز الالكتروني الجديد؟ حد عنده فكرة؟ ولا لازم يكون جواز السفر بتاعي منتهي؟

طب لو رميت اللي معايا ده في النيل- بدل الفاقد حياخد تاريخ جديد (يعني 7 سنين جداد) و لا لأ؟

طب بدل التالف؟ أي حاجة علشان مقعدش أعمل الاجراءات و انا برة. انا عايز أجري ورا ورقي و انا هنا و أخلص (اصل لي ذكرايات اليمة في الجري وراء ورق الاعفاء بتاع الجيش- و بالتالي عندي عقدة من الاداريات).

لو حد عنده فكرة يقولي!

و شكرا