يعنى ايه كفيل ؟

[koji]

عايز اعرف يعنى ايه كفيل -نظام الكفالة-وهل نظام الكفالة مطبق فى السعودية فقط ولا فى كل بلاد الخليج

وايه الحكمة منه

اللى عرفته انك مينفعش تشترى لا عربية ولا شقة ولا تجيب قرايبك ولا ترجع بلدك الا بعد اذن الكفيل

ده كده يبقى استعباد :aslam:

الكلام ده صح؟

[capitshino]

طبعا الكلام ده صح يا اخ كوى (اتمنى ان اكون قد كتبت الاسم مظبوط)

وكفيل زى مانا قلت قبل كده انها كلمة اصلها انجليزى (As An Elephemt) كا ال- فيل وتدل على كبر حجم الشى وصفات اخرى لا احب ان اذكرها فى هذا المنتدى المحترم . :aslam:

[se_ Elsyed]

بالمناسبة

هل تعرفون إننا كلنا في الهم كفلاء

وإن مصر فيها نظام الكفيل ؟

إسأل أي حد عنده شغالة او في حد اجنبي شغال في شركته وإسأله بيعمل معاه إيه أو زاي بيطلع له إقامة أو إزاي بيجدد الإقامة دي من مجمع التحرير كل 6 شهور

[capitshino]

معقولة الكلام ده يا اخ سى السيد

يعنى الكفيل فى السعودية زى الكفيل فى مصر(صاحب العمل) ؟ اشك فى هذا

[se_ Elsyed]

‘سأل وشوف

هو الفرق بس العدد

يعني في السعودية ما يفوق الـ 7 مليون عامل غير سعودي

أما في مصر فيتعدوا والعملية بسيطة ..

وبالتأكيد الموضوع مش معقد زي هنا

لكن أنا بأقولك موضوع الكفيل موجود في مصر

[النيل حبيبي]

الحقيقه إن الكفيل مش استعباد مرة لكن عشرين

السعوديه الوحيدة اللي نظامها كدة

الأخ/كوجي انت داخل مصر ولاخارجها

[ام عمر المصرية]

السلام عليكم ورحمة الله وبركاته،،

كان نفسي اسأل السؤال ده من زمااااااااااااااااااااااان

يعني ايه كفيل ؟

مين اللي يجيب لي حقي من الكفيل غير (الله سبحانه و تعالي ) ؟

و هل يؤجر الكفيل علي كفالته لي ؟

و من يصلح للكفاله ؟

هل الكفلاء انواع بمعني شخص سعودي عادي و صاحب العمل ؟

هل يوجد كفاله سورية ( كلام علي ورق ) ؟

و كفايه كده :closedeyes:

[osmel33]

الحقيقة ان الكفالة نظام معمول به فى كل دول الخليج ومن سنين طويلة وهو معناه أن شخص مواطن أو مؤسسة "بيكون لها مفوض مواطن برضه" هو كفيلك طوال وجودك فى البلد وفعلاً فى أحيان كتيرة زى ما تفضلوا الأخوة فى السعودية تحديداً ما قالوا ما تقدرش تشترى سيارة إلا بموافقته بس فيه دول ابتدت شوية ما تعملش كده زى الإمارات وقطر وخاصة لو بتشتغل فى جهة حكومية يعنى تشترى سيارة براحتك تاخد قرض براحتك والمفروض الكفيل هو المسئول عن كل إلتزاماتك أمام الغير طوال فترة عدم وجودك فى البلد

لكن فيه ضغوط خارجية من دول أجنبية على الدول الخليجية لإنهاء هذا النظام ولكن للأسف الشديد فى كثير الأحيان تفشل هذه الضغوط وده ببساطة هو نظام العبودية أقصد الكفالة بمنتهى البساطة