عقد عمل محاسب بالسعودية

[مانجاوي]

مساء الخير على كل أعضاء الموقع المحترم

انا اللي شجعني على الكتابة والإشتراك في الموقع ده إني لقيت فيه ناس عندها معلومات قيمة وصحيحة ويمكنها إفادتي في إستفساري التالي:

أنا محاسب خريج تجارة عين شمس 2002 وخبرتي جيدة جداً وأعمل في شركة خليجية بمصر بمرتب 2000 جنيه ولكن لظروف ضغوطات الحياة والرغبة في الإقدام على الزواج بحثت عن عرض سفر وبالفعل تم عرض عقد عمل بالسعودية بياناته كالتالي:

- عرض العمل من إحدي شركات مجموعة العثمان ( محمد عبد الله العثمان وأولاده)

- مقر العمل مدينة الخبر

- تأشيرة السفر محاسب

- المرتب الشهري 4000 ريال

- مكافأة سنوية من شهر إلى 3 شهور سنوياً وفقاً للأداء

- بدل سكن شهرين سنوياً تزيد إلى 3 شهور في حالة إستقدام الزوجة

- الشركة السعودية ستتحمل مصروفات شركة السفريات المصرية

- الشركة تتحمل مصروفات الإقامة السنوية وكذلك مصاريف الإستقدام في حالة وجود الزوجة

- الشركة تتحمل الإنتقالات

- أجازة سنوية شهر مدفوع الأجر

- تذكرة طيران سنوية ذهاب وعودة ( 2 تذكرة في حالة وجود الزوجة)

- العقد سنوي ويجدد

وفيما لي إستفسارات ( أرجو أن يتسع صدركم لها وذلك لأهميتها البالغة عندي فهي تقرير مصير):

1- هل العرض جيد أم لا مقارنة بعروض المحاسبين بالسعودية ومقارنة براتبي المصري؟

2- هل مجموعة العثمان مجموعة ذات صيت جيد ( أعتقد ذلك وفقاً لأبحاثي)؟

3- ما هو متوسط المصروف الشهري بالدمام ( مستوي معيشي متوسط) في حالة العازب وكذلك المتزوج؟

4- هل بدل السكن يكفي لإيجاد سكن متوسط (جيد) في حالة العازب وأيضاً المتزوج؟

5- هل هناك أية إستفسارات إضافية أو خفية عنى يجب أن أسأل عنها؟

آمل أن تعينوني لإختيار القرار السليم بخصوص هذا العرض

وأخيراً أشكركم مقدماً جزيل الشكر

[yousrymba]

شوف يا معلم المشكلة في بدل السكن كدة لو عايز تقعد لوحدك حتدفع من جيبك لاني اتوقع السكن مش حيقل عن 15000 الف

اما مجموعة العثمان دى ممتازة و هناك اعنقد المدير المالي اسمة "مصطفى شرف" دة راجل محترم كان معانا في الشركة و بعدين ربنا كرمة و عمل ال cma و بقي مدير مالي ... على ما اظن

[se_ Elsyed]

العرض ممتاز من حيث البداية وبإذن الله تثبت نفسك وتزيد وطالما لسه لم تتزوج يبقى أمامك فرصة لتكوين نفسك وبإذن الله لما تنوي الزواج هاتلاقي أبواب رزق اكثر إتفتحت لك

وكويس إنك مش دافع حاجه في التأشيرة وطالع على نفسك مهنتك يعني هاتتفادى إجراءات معقدة كتيرة في مصر وأوراق بتطلبقها القنصلية السعودية ...

ويمكن الاخوة في المنطقة الشرقية يفيدوك بالنسبة للسكن ..

لكن بالنسبة لمصاريف المعيشة فهي تتشابه في جميع محافظات السعودية وحاول أن تطلع على بعض الموضوعات عن الحياة بالسعودية وأنت هاتعرف معلومات أكثر .

وربنا يوفقك .

[مانجاوي]

شكراً يا جماعة لإهتمامكم.

ياريت حد من المنطقة الشرقية يقوللي إيه رأيه

[muslim4ever]

شوف يا منجاوى

لن اتكلم معك حول المبلغ فانت اعلم بظروفك لكن باختصار

دى شروط عقد لشركة محترمة وبتحترم موظفيها

الشركة بالنسبة لى غير معروفة ولكن الجواب باين من العقد

فقط استفسر عن التامين الطبي

وتوكل على الله

ومتنساش المنجة العويسى معاك :rolleyes:

تم تعديل 11 مايو 2008 بواسطة muslim4ever

[مانجاوي]

شكراً يا مسلم للأبد......

ومش هنسى المانجا .... متقلقش

بالنسبة بقى للتأمين فالشركة والحمد لله موفرة تأمين طبي للعاملين.

[madzoro]

العرض ما شاء الله ممتاز فعلا .... توكل على الله و صلي استخارة

و الخبر بلد جميلة و مستواها راقي بالنسبة لمدن السعودية

ومادام انت هاتروح لوحدك في الاول يبقى هتعرف تصرف امورك و تدرس الوضع لان البداية معقولة جدا

و الله الموفق

[capitshino]

العرض ممتاز ولكن كما ذكر الاخ يسرى - المشكلة فى بدل السكن - لان السكن غالى جدا فى الشرقية

[MZohairy]

و خصوصا في الخبر

الدمام ارخص نسبيا

[مانجاوي]

شكرا لكل اللي ردو عليا

من الواضح ان العرض كويس بس هي مشكلة بدل السكن بس

ربنا يسهل والواحد يقرر بقى

[vipwithyou]

العرض ممتاز جدا ولا تتردد بالله عليك وبدل السكن كويس كمان انت هتزود عليه شوية ماشى بس هتتعوض

اخوك

تامر السيد

[مانجاوي]

العرض ممتاز جدا ولا تتردد بالله عليك وبدل السكن كويس كمان انت هتزود عليه شوية ماشى بس هتتعوض

اخوك

تامر السيد

مع الشكر يا أخ تامر

[elmontoo]

ده عقد ولا فى الاحلام

اوعى تكون لسه بتفكر

4 الاف ريال وفيزا محاسب وسنة ليك شهر اجازة ومدفوع الاجر

ده انت تبقى عايش اوى اوى