الرجل الحديدي .......فيلم امريكي افغانستانى بلهجة مصرية ..!!!

[badroora]

دخلت امبارح الفيلم دا وقولت تلاقية زى اسبيدار مان .....المهم الفيلم...قصتة كانت بتتكلم عن ...تجار السلاح

والقاعدة الامريكية المسلحة فى افغانستان .......وحركة تنظيم القاعدة ...الموجودة هناك ... قام بطل الفيلم .......

طونى استارك اسمه ف الفيلم بزيارة للقاعدة الامريكية فى افغانسات واثناء سير السيارة التى اقلته من الطائرة وفى

طريقها الى القاعدة الامريكية .

ظهرت مجموعة من المسلحين تبع تنظيم القاعدة ...واطلقوا عليهم القنابل والمدافع ...وتم اختطاف بطل الفيلم من قبل تنظيم

القاعدة ..وتم اجباره على صنع صاروح ....بمواصفات معينه زى الصواريخ الامريكية ...

المهم ...انتهت اللقطة ..على كدا وبعدين جم مجموعة من نتظيم القاعدة ..ودخلوا عنده فى المكان اللى حبسوه فيه

الغريب بقي انهم جايبين ناس شكلهم غريب وبيتكلموا اللغة العربية بلهجة مصرية ...!!!

ومعظم اللى فى التنظيم بيتكلموا عربي مصري ........والقائد بيتكلم شوية عربي وشوية انجليزي ولابس

الشال زى اللى بيلبسوه الفليسطينين على رقبتهم زى الكوفية .......

وجايبين بقي ان امريكا مستائه جدا من اللى بيتعمل فى افغانسات وان تنظيم القاعدة بيقتل الابرياء

المهم دون الخوض فى نهاية الفيلم .....

ولكن الغريب .......انهم عملوا تنظيم القاعدة باسامى مصرية ولهجة مصرية

طيب ليه مثلا مش بلهجة عربية دون التقيد باى بلد عربي معين سواء مصري او خليجي .....

انا قولت اهو فيلم ومش مشكلة بس لفتت نظرى اوى تنظيم قاعدة عرب مصريين ........تفتكروا مقصودة دى .

ونفسي اعرف انطباع الناس ايه اللى شافوا الفيلم دا فى مصر

يا ترى فرحوا ان امريكا فكرانا فى افلامها .........ولا لم يتم عرض الفليم فى مصر من اساسه ؟

يا ريت اللى شاف الفيلم دا فى مصر يقولنا انطباعه وانطباع الناس ايه اللى كانوا بيتفرجوا معاه

امبارح تقريبا كنت المصرية الوحيدة وشايفة الكل عمال يضحك ومبسوط اوى لما الكلام جه باللهجة المصرية :rolleyes:

تم تعديل 11 مايو 2008 بواسطة Badria Mekkawy

[aimen]

ايه دا الفيلم نزل فى البحرين ؟ انا لسه محمله من النت من اسبوع

بس لما شفت اجزاء منه توقعت القصة الخايبة دى وانه طبعا الأمريكى هو الطيب وان العرب اشرار وعادى جدا

اخت بدرية طيب شفتى المملكة the kingdom حاولى تشوفيه وبتأنى وحتلاقى عجايب

[metwallly]

السلام عليكم ورحمة الله وبركاته

ياريت ياجماعة الأستاذ الفاضل:أيمن يحط رابط الفيلم فى المنتدى

علشان نشوفه ونعرف نعلق عليه لأن ولاد الأبلسه دول أى حاجة بيعملوها مقصوده

والمعروف أن الإعلام عندهم والسينما والإنتخابات وكل حاجة

اللى بيتحكم فيها اليهود ودول معروف حيهم الشديد لمصر بالذات

[حسام يوسف]

السلام عليكم

القصة ليست جديدة يا بدرية

العرب الشريريين

والامريكان المتحضرين

بقولك ايه

لما الوان السما السبعة يجيلك البحرين

ابقى شوفية

لوجالك

[OnlyTheLonley]

ايه دا الفيلم نزل فى البحرين ؟ انا لسه محمله من النت من اسبوع

بس لما شفت اجزاء منه توقعت القصة الخايبة دى وانه طبعا الأمريكى هو الطيب وان العرب اشرار وعادى جدا

اخت بدرية طيب شفتى المملكة the kingdom حاولى تشوفيه وبتأنى وحتلاقى عجايب

السلام عليكم و رحمة الله و بركاته

ممكن رابط لتنزل فيلم المملكة

رأيت لقطات منه على القناه الثانية و فعلا يصور السعوديين بشكل لا يستحقونه

[badroora]

ايه دا الفيلم نزل فى البحرين ؟ انا لسه محمله من النت من اسبوع

بس لما شفت اجزاء منه توقعت القصة الخايبة دى وانه طبعا الأمريكى هو الطيب وان العرب اشرار وعادى جدا

اخت بدرية طيب شفتى المملكة the kingdom حاولى تشوفيه وبتأنى وحتلاقى عجايب

حملته من ع النت ؟!! يا اه اصل بعيد عنك البحرين مش عاوزة اقولك افلام ايه اللى قريبا ستتعرض لا يغمى عليك .

تعرف اللى غظنى بجد مش انهم طلعونا اشرار فقط لا كمان تنظيم القاعدة بلهجة مصرية مستفزة واشكال مستفزة والفاظ

اكثر استفزاز والاغرب ان الترجمة كانت غير الكلام اللى بيتقال وكأنهم مثلا مش بيعرضوا الفيلم فى بلد عربي والناس هتفهم

عشان كدا كان نفسي اعرف انطباع الناس ايه.

لا مشوفتش المملكة هاشوفه وابقي اوفيك بالتقرير :egyflag:

شكرا لك استاذ ايمن ......وابي قولى انطباع ايه عن الفيلم لما تشوفه ........(الرجل الحديدي)