ما هى احتياطات الشراء.....سؤال مهم

[EMY AH]

قبل كده سألت عن شقة باقاهرة الجديدة اسكان المستقبل وكان هذا هو رد احد الاعضاء

ارجو الانتباه ان الشقة لو تبع مشروع مبارك او اسكان المستقبل غير مسموع ببيعها او تأجيرها لفترة لم تنتهى بعد و يقوم جهاز القاهرة الجديدة من فترة لاخرى بالمرور على العمارات و التأكد ان القاطنين هم الاصحاب الفعليين و الا سيتم سحب الشقة(مصادرتها)

وسؤالى دلوقتى ازاى اضمن ان الشقة ما فيهاش المشكلة ديه ايه الاجراءات اللى اعملها او الاوراق اللى اطلبها من البائع...........

ارجو الاجابة للاهمية.............وعدم اهمال موضوعى كما حدث مسبقا لانه لايهمنى انا فقط بل يهم جميع من يشترون شقق الجهاز الذى يعطيها للشباب........وشكرا

[فيصل رافت]

اخى الكريم تحية طيبة السؤال هنا

هل انت هاتشترى الشقه وتسكن فيها ولا هاتركنها

هل عليها اقساط وقد ايه

البائع اصلى ولا مشترى من واحد تانى

ارجو الاجابه على اسئلتى عشان اقدر اساعدك بمشيئة الله

[EMY AH]

اولا شكرا جزيلا على اهتمامك بموضوعى الغرض من شراء الشقة هو الاستثمار واود تأجيرها ولو موضوع التأجير ده هو المشكلة انا ممكن اروح اقعد فيها ......... وعليها اقساط 70 جنيه فى الشهر ومساحتها 64 متر............ ولا اعرف اذا كان البائع اصلى ولا مشترى لانى اتعامل مع السمسار ولكن ارجو الاجابة فى حالة اذا كان اصلى واذا كان مشترى.............

واشكرك جزيل الشكر على الاهتمام

[فيصل رافت]

تمام اذا كان المالك اصلى يبقى مفيش مشكله عشان تضمن حقك تكتب عقد عرفى وتاخذ عليه صحة توقيع من المحكمة المختصة ويعملك وكالة عامة ببيع وتسجيل الشقه بمواصفاتها الدقيقة لنفسك وللغير وبكده تبقى ضمنت حقك بس عاوزك تزود فى الوكالة نقطه مهمه جدا الا وهى ان لايجوز الغاء التوكيل الا بحضور الوكيل والموكل ( الطرفين يعنى ) وبكده انت فى السليم وميه فل وعشره وسيبك بقى من حته ان الجهاز يمر ويسال لانه ببساطه تقدر تقول لما يمروا انك ابن خالته او قريبه وهوه مش موجود حاليا مسافر مثلا او فى الشغل الى اخره واكيد يعنى الجهاز مش فاضى للمرور على الشقق ديه حاجه بسيطه وده لفتره لغاية ماتخلص اقساطها وتسجل باسمك مباشرة بموجب الوكاله وعقد البيع اللى انت واخد عليه صحة توقيع

اما اذا كان اللى انت بتشترى منه مشترى من بائع اصلى ومعهوش وكاله وعقد مصدق عليه بصحة التوقيع يبقى ما انصحكش نهائى ولازم يعمل هوه اللى بقولك عليه وعد كده اشترى منه

امل ان اكون ساعدتك على قدر المستطاع

[EMY AH]

هو البائع كان عارض تنازل فى الشهر العقارى هل هذا التنازل يغنى عن الخطوات التى ذكرتها ........اعذرنى على اسئلتى لان ليس لدى خبرة فى شراء العقارات.

شكرا لك ولافادتى بهذه المعلومات الهامة التى سأتبعها باذن الله

لكن هل جميع الشقق ذات المساحات الصغيرة والقسط البسيط لابد وان تكون فيها نفس المشكلة؟؟؟؟؟؟

تم تعديل 13 مايو 2008 بواسطة EMY AH

[فيصل رافت]

مش شرط تكون فيها نفس المشكله لان فى بعض الشقق بتبقى مخفضة السعر لمحدودى الدخل وديه لازم يتبع فيها الاجراءات ديه عشان تضمن حقك

اما بخصوص تنازل فى الشهر العقارى من البائع يبقى كده فى الاوكيه بس معنى انه يعملك تنازل يبقى هوه معاه مخالصه او عقده مصدق شوف كده وانا تحت امرك فى اى سؤال المهم تكون على نور

[EMY AH]

شكرا ليك جدا اخى فيصل..........انا فعلا استفدت جدا من نصايحك وكنت بتكلم وانا فاهمة بقول ايه وبسأل على ايه..........حضرتك فعلا افادتنى وجزاك الله كل خير وربنا يباركلك........

[فيصل رافت]

لاشكر على واجب واى استفسار بمشيئة الله حاضر