مبروك للزمالك والاهلي على الوصول لدور الثمانية في بطولة أفريقيا

[se_ Elsyed]

إحنا حلوين قوي والله وممكن نبقى أحلى بس لو عندنا شوية تخطيط على شوية إدارة على شوية إجتهاد

وسبحان مغير الاحوال .. بعد ما كان السنة اللي فاتت دور الثمانية فيه سبعة فرق عربية وفريق أفريقي واحد ..

السنة دي حصل العكس ... كل فرق شمال افريقيا جالها فِره وخرجت من دور الـ 16 .. ولم يبقى إلا الأهلي والزمالك والهلال السوداني هم من وصولوا بجدارة وأستحقاق لدور الثمانية مع فرق أفريقية قوية ... وأعتقد إننا بنسلك معا الناس دي اكتر من الفرق العربية الغلسة خصوصاً التوانسة ...

واتمنى أن يتلاقي الأهلي والزمالك في النهائي وخليها تولع وناخد طيارة خاصة أنا وموديست - سما شغاله معاك يا موديست ؟ اهو بالمره تزور الحج والحاجه إن شالله تخليهم يجيبولك عند بوابة الإستاد اللي قدام الجتندي المجهول - وننزل نضرب الماتش في شهر نوفمبر ونرجع في نفس اليوم ... وهاعزمه على التذكرة كمان ... وأدي وعد مني ... بس يدبر هو تذاكر الماتش عشان ما تبقاش نزلتنا على قلة فايدة واخرتنا تبقى على قهوة كتكوت ونشوف الماتش تحت أرجل رواد المقهى ...

مبروك مرة اخرى للقلعتين الكرويتين

ومبروك لموديست وكل الزملكاوية

ومبروك للإبن س س ولكل الأهلاوية

واللي يحبنا ما يضربش نار ... إلا في النهائي ...

[النيل حبيبي]

الحمد لله

ربنا يوفقهم ويوصلوا النهائي

الصراحه الاهلي عاوز لعيبه خاصه بعد اصابه فتحي

الزمالك ماشاء الله عليه لكن عاوز مدرب يوظف اللعيبه

[Modest]

واتمنى أن يتلاقي الأهلي والزمالك في النهائي وخليها تولع وناخد طيارة خاصة أنا وموديست - سما شغاله معاك يا موديست ؟ اهو بالمره تزور الحج والحاجه إن شالله تخليهم يجيبولك عند بوابة الإستاد اللي قدام الجتندي المجهول - وننزل نضرب الماتش في شهر نوفمبر ونرجع في نفس اليوم ... وهاعزمه على التذكرة كمان ... وأدي وعد مني ... بس يدبر هو تذاكر الماتش عشان ما تبقاش نزلتنا على قلة فايدة واخرتنا تبقى على قهوة كتكوت ونشوف الماتش تحت أرجل رواد المقهى ...

موتشكرين على العزومة يا معلم و تذاكر الماتش اعتبرها خلاص في جيبك يا أبو الكباتن :blink:

لكن فيه مشكلة و هي إننا هانقعد بعيد عن بعض في المدرجات و طبعاً صعب ألاقيك علشان نلحق طيارة العودة بعد الزفة و الهيصة و الفرحة اللي هايكون عاملينها الزمالكاوية بعد الماتش :unsure:

أقول لك .. قابلني عند بتاع العصير اللي في الكوربة أعزمك على واحد قصب تروق بيه أعصابك و بعدين نطلعوا سوا على المطار :happy:

ومبروك لموديست وكل الزملكاوية

الله يبارك فيك يابو أشرف يا راجل يا مجدع :closedeyes:

بالمناسبة أنا مخصص لك رنة حلوة على الموبايل بترن كل ما تطلبني :wub:

اسمع يا كوتش و قول لي بتفكرك بإيه :wub:

[الطيار المصرى]

الحمد لله ربنا العالمين....

الاهلي و الزمالك معا في دور المجموعات الافريقي بالاضافة الي الهلال السوداني و القطن الكاميروني و مازيمبي الكونغولي و حاجة كده هراري من زيمبابوي و انيمبا النيجيري الرهيب و اسيك ابيدجان....

ده احنا هنتعجن و سط الافارقة لكن فعلا هيبقي احسن كتير من اخواننا العرب اللي عندهم مصر ارخص من كل شئ....ربنا يحميهم كده ويخرجوا برده من كاس الاتحاد الافريقي....خلي حرس الحدود ياكلوا عيش....

مبروك لكل الاهلاوية و الزمالكاوية....و معادنا في النهائي ان شاء الله....دي هتبقي ليلة ايه....

تحياتي...

الطيار المصري