ارجو المساعدة ولو بالنصيحة وجزاكم الله خيرا

[mizotata]

انا محاسي جيت من مصر من 3 شهور و الحمد لله اتيت علي فيزا محاسب عام ولكني عندما قدمت كنا في مصر متفقين علي اشياء وعندما حضرت لم يتحقق الكثير منها مثلا عندما طالبت بدل انتقال 500 ريال قال لي صاحب المكتب حيث ان الكفيل فوض المكتب في التفاوض معي قال لي 200 ريال لانة موجود سيارة هناك فنظرت انة كويس ووافقت وايضا وعدني بزيادة بعد 3 شهور وعندما تكلمت مع الكفيل قال لي انة لم يخبر الاستاذ اللي في مصر بهذا الكلام وطبعا اتصل علية امامي وانكر صاحب المكتب منه لله المهم انا الان في حيرة من امري حيث اني اعمل محاسب كما ذكرت في مكتب استشارات والراتب 1800 + بدل نقل 200 يعني 2000 ريال مع العلم ام بدل سكني يا دوبك علي قد اللي باخدة الحمد لله علي كدة بس مواصلاتي تكلفني 600 ريال شهريا مع العلم ان انا دوامين طبعا غصب عني اظل بالمكتب من الساعة 9 صباحا حتي 9 مساءا لاني لو فكرت في مرواح الظهر كانت كلفة المواصلات 1200 ريال يعني علية العوض في الراتب بعد الاكل والشرب والاتصالات ( 2000-600-اكل 400- 100 اتصال =850 في الشهر شوية صح ) فانا عايز النصيحة منكم اعمل اية وهل ممكن اعمل عمل اخر حتي اقدر اعيش ؟؟؟؟؟؟؟

اعمل اية مستني ردوودكم بالله عليكم لاني زهقان جدا وحاسس ان غربتي كدة هيبقي مالهاش تمن (انا اعمل في حي الريان وساكن حاليا في حي الروابي الرياض ) وجزاكم الله خيرا

hosam_bek2010@yahoo.com

[capitshino]

ارجع مصر لو هتلاقى حاجة افضل .

[metwallly]

الأخ الفاضل ربنا هيوفقك أن شاء الله وتلاقى حل لمشكلتك دى

بس يا ريت حب معلومات أكتر يعنى

أنته خريج كام ومعاك دورات أيه وأيه خبراتك

[سهران]

انت في بداية الطريق ....... اتحمل و خليك جدع و اللي جاي أحسن و بكرة هايكون أفضل بمشيئة الله .... أعمل جمعية و أشتري سيارة على قد الحال ... ممكن تجيب سيارة بست أو سبع آلاف و هاتفرق معاك كتير ... و ممكن حد من زملائك أو من تتشابه ظروف و مكان عملهم معاك يساعدوك بمقابل بسيط ... ممكن تشتروا عربية حتى لو شرك .... ما حدش بيبتدي كبير ..... بكرة هاتفتكر كلامي لما كل ظروفك تتحسن أن شاء الله ..... أخلص في عملك على قد ما تقدر و المقابل هايعوضك به رب العباد ...دعواتي لك بالتوفيق

تم تعديل 12 مايو 2008 بواسطة سهران

[ام عمر المصرية]

ربنا ييسر لك الامور و يعوضك خير

[vipwithyou]

اطلب زيادة بدل التنقل او اطلب توفير سكن قريب او اطلب زيادة الراتب لمواكبه ظروف المعيشة

او اطلب نقل كفالة واخلص ( بس دا مستحيل طبعا ً )

[madzoro]

كلام الاخ سهران مضبوط

انت ان شاء الله مع الوقت هاتعرف ناس كتيير من الحلو منهم (الله حليم ستار ).... المهم العلاقات و الخبرة هاتفرق معاك قدام فالصبر خير

انا لما سافرت السعودية من 2003 عمل كنت شغال بنفس المرتب بتاعك دة 2000 اول عن اخر بس اللي كان نافعني اني اساسا كنت عايش في السعودية من زمان اوي .... مولود هناك اصلا

المهم فضلت ازيد و الحمدلله تقريبا كل 6 شهور بس يمكن عشان مجالنا مختلف المهم اني كنت بطور نفسي برامج كمبيوتر ... كنت باخد شغل خاص

و ما كنتش بحسبها خالص المرتب تقريبا باللي بيطلعلي من الشغل الخاص كان بيطير .... تصدق بالله ساعات كان بيطلعلي في الشهر فوق ال 6000 و معرفش كانوا بيروحو فين بس ده بعد حوالي سنتين اقبل ماجي دبي

رزقك هايجيلك هايجيلك ..... انت اجتهد و توكل على الله و متخليش همك المال في الوقت الحالي و اهتم اكتر بشغلك و ازاي تطور نفسك و العلاقات

انت مش بتفضل في الشغل بين الدوامين .... استغل الوقت ده و خصوصا في مجال البرامج

ربنا يوفقك و يرزقك من فضله

[mizotata]

والله جزاكم الله خيرا دا الكلامو اللي انا كنت مستنية من ناس محترمة ذي حضراتكم والله انا ارتحت بعد ما قرات كلامكو الجميل

عاما انا خريج 2005-2006 ومعايا دورات كتيرة في الاوفيس ومعايا دورة برمجة بعدة لغات sql - oracle 10g-vb6-vb.net واخدها من المجموعة العربية للكمبيوتر ومعديها بدرجة امتياز كمان وعندي 24 سنه :sad:

طيب بالنسبة للسيارة يا جماعة اشتريها ازاي وانا ما بعرف فيهم انا بسوق وبس يعني ما عرفشي ان كانت السيارة دي كويسة ولا لا وبعدين فية اماكن مضمونة يا ريت حد يوضح الله يكرمكوا

[سهران]

أطلع على الحراج ....... حراج السيارات عندك في الرياض هاتلاقي أرخص سيارات في الدنيا ....... ممكن تحصل سيارة بست آلاف معقولة و تمشي الحال .. خد معاك ميكانيكي .......دعواتي بالتوفيق...

[أبو مريم المصراوي]

أطلع على الحراج ....... حراج السيارات عندك في الرياض هاتلاقي أرخص سيارات في الدنيا ....... ممكن تحصل سيارة بست آلاف معقولة و تمشي الحال .. خد معاك ميكانيكي .......دعواتي بالتوفيق...

الف شكر ليك والله بجد مش علشان اي شي " احبك في الله "

[سهران]

الف شكر ليك والله بجد مش علشان اي شي " احبك في الله "

أحبك الله الذي أحببتنا من أجله ...... ما عملناش حاجة تذكر حبيبي و أهلا بيك أخ و عزيز ...طالما أول مشاركة لحضرتك يبقى شم دي

تم تعديل 14 مايو 2008 بواسطة سهران