لحظة أمل

[دكتور ش ع م]

رصاصة طايشة ف السما

و ضربت حمامة

و السرب ماشي ف الفضا

زي القضا

يوم ما ارتضي

يمسك لجامه

و طفل واقف فوق رصيف

و الحر ضارب جبهته

بناره و سهامه

لكن خدوده بتبتسم

و فوق شفايفه بتترسم

نور ابتسامه

و نص فرحة بتتقسم

علي قلب أمه

و الجيران

ما تقلشي فينك يا الأمان

أو قلبي طاهق من سنينه

و م المكان

*******

دا ابويا كان فلاح فقير

لا عمره قال لي ف يوم

بحب..

أو قلبي حاسس..

أو نفسي أحضن عين حبيبتي..

لكنه عارف إن فاسه

و مخ راسه

و المشاعر و المخاطر

حاجه واحده فوق ترابه

كان حاسسها

كان لامسها

جسر قاطع من طفولته

و من كهولته

و من شبابه

و عارف ان نبض روحه

ف طمي نيله

و ف غيطانه

و ف سعادته

و ف عذابه

********

إياك تقول طال الطريق

إياك تقول محتاج رفيق

دا الميه أجبن م الغريق

و الولعه ما بتاكل حطب

إلا اللي جف

من النداوة

و م الطراوه

و من حلاوة السنين

إيه يعني غصن بينكسر

أو نجم نوره بينحسر

أو دمعة نازلة بتختصر

لهفة مشاعر

أو أنين

و قلب شاعر

سايب مكانه ف الضلوع

طاير يطارد نسمه تايهه

ف دار حبيبته

و فوق شموع

لو دقت مره طعم جوع

لو غطي قلبك نور محمد

أو يسوع

أكيد هاتكفر بالرجوع

*******

و مش حكايه ان الرحاية

تدور و تطحن حلمنا

و مهيش بداية للنهاية ان الورق

يسقط و يكشف غصننا

دا الحب لسه ف أرضنا

قاعد بيستنا المطر

عمره ما حس ف رحلته

بلحظة خطر

و رغم إنه تحت طين

مليان بضلمه و السكات

إلا إن جوا روحه

لسه برضه كتير حاجات

شاحنه قلبه

بالسكينه و بالثبات

و عارف انه بعد حين

لابد يصحي من الممات

زهرة حلوة

و غصن تاني

و أمنيات

********

لازم انت تبقي حبة

جدورها جوا الارض ضاربه

قد تكون الرحلة صعبة

أو مخاطرة

و جايز فيها كتير مشاطرة

بس أي نار بتبدأ

من شراره

و أي سيل

كانت ولادته الاولي

قطرة

[shahd]

رائعه جدا صح لسانك

[فلاح]

كلمات جميله. إلي المزيد

تم تعديل 14 مايو 2008 بواسطة فلاح

[زهرة الجبل]

لا و الله بل أكثر من رائعه

أخي الفاضل كلماتك جاءت بمنتهى الروعه

كسيل من النور يشفي تشققات اليأس من ظلماتها

********

إياك تقول طال الطريق

إياك تقول محتاج رفيق

دا الميه أجبن م الغريق

و الولعه ما بتاكل حطب

إلا اللي جف

من النداوة

و م الطراوه

و من حلاوة السنين

إيه يعني غصن بينكسر

أو نجم نوره بينحسر

أو دمعة نازلة بتختصر

لهفة مشاعر

أو أنين

و قلب شاعر

سايب مكانه ف الضلوع

طاير يطارد نسمه تايهه

ف دار حبيبته

و فوق شموع

لو دقت مره طعم جوع

لو غطي قلبك نور محمد

أو يسوع

أكيد هاتكفر بالرجوع

*******

تحياتي لهذا القلم المبدع

و لا تحرمنا المزيد

دمت بخير

[فلاح]

.

تم تعديل 14 مايو 2008 بواسطة فلاح

[دكتور ش ع م]

الاخت شهد: أشكرك جدا علي هذا التعقيب .تحياتي

[دكتور ش ع م]

العزيزة زهرة الجبل: كلمات قصيدتي أزهرت و أينعت من فرط رقتك و لطفك

أشكرك و أسعد جدا بوجودك . تحياتي

[دكتور ش ع م]

لو قفزت في أطيافك فكرة

نهشت نبشت قبر كلامك

هل لرفات معاني الحكمة

حق في استصدار ملامك؟

[bentmasria]

رفات معانى الحكمة لا تملك ان تصادر احلامك او قلمك او حتى ملامك

حروفك هى متنفس الحرية ربما الوحيد الآن

جميلة همستك الاخيرة حزينة ومتساءلة رغم انى اعتبرتك

هنا

لازم انت تبقي حبة

جدورها جوا الارض ضاربه

قد تكون الرحلة صعبة

أو مخاطرة

و جايز فيها كتير مشاطرة

بس أي نار بتبدأ

من شراره

و أي سيل

كانت ولادته الاولي

قطرة

متفائلا الا اننا وراء كل ابتساماتنا نحمل هذا المقترح القديم

اللهم اجعله خير

وفقك الله يا دكتور انت جميل الروح والحرف

دمت بكل الخير

البنت المصرية

[دكتور ش ع م]

سيدتي "أم مادا" : لن أتمادي حين أقول بأن مجرد وجودك في صفحتي هو باقة فل ازدانت به

هامة قصيدتي.أشكرك علي اطرائك و شهادتك مثار فخر و اعتزاز.

لا أتصور أنه من الحكمة أن نجلد ذاتنا طيلة الوقت أو أن نحلم بأن عواصف الدهر لن تضرب نوافذنا

يوما ما. الحياة هي ذلك المزيج الفريد بين ابتسامة الطفل القابع في أعماقنا و وجع الشيخ الهرم

الذي سئم الحياة و نوائبها. و بين تطلعات هذا و احباطات ذاك تبرز لحظات الأمل كمحطات نشحن فيها

بطارياتنا التي أوشكت علي النفاذ.

أكرر شكري و سعادتي بتعقيبك

[bentmasria]

تحتاج البطاريات لشاحن دائما سيدى الكريم

وتستحق حروفك كل التحية والتقدير

فهى تكتب مشاعرنا او ما يجول فى باحات الخاطر بصدق وجمال

شكرا لك مرة اخرى

ام مادا

[مصري جدا]

أخي د. ش.ع.م.

أحيي كلماتك وصورك الرقيقه الرائعه...مش عارف ...بعد قراءتها حسيت بشعور ورغبه أن يتم جمع كل هذه الدرر الموجوده في المحاورات في كتاب ....فعلا يوجد روائع تستحق أن تخرج الي العالم ليتمتع بها الجميع

مره أخري شكرا لك

تم تعديل 22 مايو 2008 بواسطة مصري جدا

[dr gml]

رصاصة طايشة ف السما

و ضربت حمامة

و السرب ماشي ف الفضا

زي القضا

يوم ما ارتضي

يمسك لجامه

و طفل واقف فوق رصيف

و الحر ضارب جبهته

بناره و سهامه

*و مش حكايه ان الرحاية

تدور و تطحن حلمنا

و مهيش بداية للنهاية ان الورق

يسقط و يكشف غصننا

******

أهى لحظةأمل..؟

أم عرض لواقع صعب ومر ..نراوغه ببعض الامل؟

لحظتك التالية أبكتنى

رغم ما تحويه من الأمل

والثبات واليقين

دا ابويا كان فلاح فقير

لا عمره قال لي ف يوم

بحب..

أو قلبي حاسس..

أو نفسي أحضن عين حبيبتي..

لكنه عارف إن فاسه

و مخ راسه

و المشاعر و المخاطر

حاجه واحده فوق ترابه

كان حاسسها

كان لامسها

جسر قاطع من طفولته

و من كهولته

و من شبابه

و عارف ان نبض روحه

ف طمي نيله

و ف غيطانه

و ف سعادته

و ف عذابه

********

ما أروع هذه الصورة

و الولعه ما بتاكل حطب

إلا اللي جف

من النداوة

و م الطراوه

و من حلاوة السنين

دمت مبدعا يا أخى

لك شكرى ومحبتى

[دكتور ش ع م]

عمنا د.جلبي: أشكرك من قلبي علي مجاملتك الرقيقة.

منذ أن أصبحت عضوا بهذا المنتدي أشعر أن هذا المكان بيتي

أو ضيعتي الخاصة التي لابد من طرق بابها كل يوم لأشم شذي

رياحين المبدعين و أنت من أبرزهم .و كل يوم يهل علينا نسيم ملهم

جديد . أو قل إنه مضمار كبير يدلي من أراد بدلوه ليسعد و يسعد الأخرين

, أظن أن هذا النوع من التواصل أجمل من أن نجعل ما نكتب رهينة لصفحات في كتاب.

دمت بخير و نحن في انتظار جديدك.