عصير البرسيم دواء ........يشفي من كل داء .!!!!!!!!

[badroora]

وانا قول ماشاء الله الجاموس والبقر والمعيز والحمير وكل الحيوانات

مش بيمرضوا زينا كتير ولا بيجلهم نزلات برد ومغص ولا صداع ولا اى حاجة من اللى بتجلنا دي .......

المهم اليوم صديقة لى كانت فى ندوة وجت ابهرتنى بالكلام والشعر والغزل اللى اتقال على عصير البرسيم .

عصير البرسيم للتخسيس وخفض نسبة الكوليسترول

عصير البرسيم ينظف الجهاز الهضمى ويحتوى على جميع الفيتامينات المستخلصة من الفواكة والخضروات والجذور

عصير البرسيم يحافظ على توازن المستوى الحمضي والقاعدى للجسم

عصير البرسيم يساعد فى تجديد كرات الدم الحمراء ويعزز من عملة الاكسدة ويزيد من نسبة الهميجلوبين

واعتقد بقي فى ظل الغلاء والامراض التى حلت علينا من اثار المعيشة انسب حل هو شرب كوب عصير برسيم صباحا

ومساءا وان شاء الله صحتنا تتحسن واعصبنا تهدأ ونقدر نكمل مشوار الحياة

عن اذنكم بقي عشان الحق السوق المركزى اجيب البرسيم قبل ما الناس تهجم عليه والطوابير تنزحم والسعر يغلا .

والله هاجربه ولو لاقيت نتيجة كويسه هاقولكم ........... :unsure:

تم النقل بواسطتى

الاداره

أحمد محمود

تم تعديل 13 مايو 2008 بواسطة أحمد محمود

[badroora]

فوائد عصير البرسيم

استخدام عصير البرسيم كشراب فنجال قهوه صباحا ومساء يعطي قوه عظيمه للجسم حيث يقوم يتقوية الاعصاب

بشكل رهيب وينظم السكر في الدم ويقوي المناعه وينقي

البشره ايظا خلطه مع العسل ووضعه على الوجه مدة ربع ساعه وغسل الوجه

بعد ذلك يكسب البشره ملمسا ناعما وينقيها البرسيم المستخدم يكون في اول طلوعه

شراب غصير البرسيم يباع فى اماكن بيع الاعشاب زى العطار او بعض الصيدليات او مراكز التداوى بالاعشاب.

تحت اسم سبلينا .......عبارة عن زجاجة بنى وكرتونها خضراء ......ان شاء الله اول ماشتريها هاصورها واجيبها عشان

تبقوا عارفين شكلها ..........وكمان اقولكم طعهمها عامل ازاى

[!! Lidooooo !!]

ــ أعوذ بالله .. انتو كمان هتبصو لنا في اللقمة!!

[badroora]

الفنان العبقري ليدووووووووووو..............تسلم الايادي :bsmal:

وفعلا والله عندك حق حتى البرسيم مستكترينه ع الحيوانات وشكلنا كدا هنقاسمهم فيه

وهيشح من السوق بسببنا

تسلم ايدك مرة اخرى ....... :wub: :bro:

[المنصوراوى]

احنا فى مصر اختصرنا الطريق ليسع حناكل برسيم .............احنا اكلنا الحمير الى بتاكل البرسيم wst::

يعنى اخدنا الفيده كلها :wub:

اعصرى مخك شويه و شوفيلنا اكل الكلاب لو مفيد علشان ناكل الكلاب

[badroora]

الاخ العزيز المنصوراوي ........

عصير البرسيم دا حقيقة بس يمكن اسلوبي الساخر فى الكتابة هو اللى مش عاطى جدية للموضوع ........

لكن اوعدك سوف ادرج كل الابحاث والنتائج والمناقشات التى دارت بين مؤيد ومعارض عن عصير البرسيم واهميته حين

حين تتيح لى الفرصة .........وكمان مستنيه اشتريه وهاجربه واقولكم عن النتايج ان شاء الله

مع خالص مودتى

بدرية

[vipwithyou]

صحيح انا كنت سمعت الموضوع دة قبل كدة وفعلا ليه فوائد كتير بس انا مش عايز فائدة التخسيس دى انا مش ناقص اختفى انا لسة ما جربتوش بس ناوى باذن الله

فهأجربه عن ثقة منك فى جودته اوكى

وعلى ضمانتك يا بديرة

يبقى بعد التورتات نديها برسيم مش مشكلة

[smsmah]

يا ست بدريه عندى سؤال

هو عصير البرسيم مفيد لتساقط الشعر ويتشرب وحده ولا نمزجه مع حليب.

[ابو محمود]

مساء الورد يابدرية ....

ياستى انتى كدة هتعملى مشكلة عند الناس كبيرة يعنى بما لا يدعو مجال للشك انتى مثقفة لاخلاف ولكن كان بودى بدل ما تنشرى علينا الموضوع بتاع البرسيم كنتى تريسى شوية لحد ما تتحصلى على بعض النتائج

أو المعلومات طب أفرضى مثلآ طلع الموضوع فشنك نبقى نعمل اية فى القضايا اللى هتترفع عليكى من اللى سارعو وجربو وبعدين احنا مش عيزين حاجة تشغلك وتعكر مزاجك ياقمر عيزينك دائمآ نضرة كدةزى الوردة ساعة نزول الندى برسيم ايية بقى اللى هنعملو عصير هيا ناقصة كفاية انهم جربو يأكلو الناس لحم الحمير يشربوهم عصير برسيم من غير تجارب او دلالات طب ما يمكن الموضوع دة حاجة تانية غير البرسيم وصاحبتك شافت انة قريب للبرسيم عيزين دليل يابدردر وصور وختم النسر علشان الموضوع كدة هيكبر ومش هنعرف نعزقة قصدى نلمة وياريت بيتعصر بطريقة الفريى ولا الدرفلة تفرق كتير ياستنا معانا الخلاط فى كل بيت ام الدرفلة هتبقى فى محلات القصب يعنى ممكن يكون عبأ على اصحاب الولاد وعايز حضرتك تشوفى كمان بالمرة مدى تأثيرة على الأطفال مايمكن للناس اللى كبرو بس عايزشغل مظبوط يا بدردر علشان نعمل المشروع دة سوا وبلاها بقى وجع دماغ أهوحاجة جديدة نسترزق منها ويجعلة عامر افيدينا بالنشرات والمعلومات

[badroora]

الاخوة الاعزاء .........سسمسة وتامر واستاذ محمود مصطفي

اليكم كل ما استطتعت جمعة من الشبكة العنكبوتية بخصوص الجوهرة عصيرة البرسيم

دراسة مصرية: البرسيم غذاء متكامل للإنسان

أكدت دراسة طبية مصرية أن نبات البرسيم يعتبر غذاء متكاملا مفيدا وخاصة لكبار السن وانه يمكن استخدامه كغذاء رئيسي يحتوي على أغلب العناصر الغذائية المهمة

للإنسان ولا الحاجة الى الجزارين. وأشارت الدراسة التي أجرتها الدكتورة لبيبة عبدالقادر الاستاذ المساعد بكلية تمريض القاهرة نشرت هنا أمس إلى أن البرسيم

يحتوي في أوراقه على نسبة عالية من الكالسيوم والماغنسيوم والبوتاسيوم والنحاس والمنغنيز والزنك والسيلينيوم ومادة البيتا كاروتين والتي تتحول داخل الجسم الى

فيتامين أ الهام لسلامة الابصار بالاضافة الى فيتامين ب المركب وفيتامين ج الذي يزيد المناعة وفيتامين هـ الذي يزيد من القدرة الاخصائية والجنسية. وتقول الدراسة ان

البرسيم له فائدة في علاج المفاصل من الالتهابات وكذلك البروستاتا ويساعد على تقليل الكوليسترول ويمكن تناوله بصور متعددة للاستفادة منه فيمكن غليه وشربه.

خبير سعودي ينصح باستثمار «البرسيم» غذائيا بعد ثبات فاعليته في الوقاية من السرطان

دراسة أميركية حديثة تقترح تحويله لعصير وشرب 3 فناجين منه يوميا

جدة: إيمان الخطاف

دعا خبير سعودي في التغذية العلاجية، رؤوس الأموال المحلية إلى التوجه لقنوات الاستثمار في العمليات التحويلية لنبات البرسيم، وذلك

بعد أن أثبتت الدراسات العلمية الحديثة مدى فاعليته في الوقاية من الأمراض السرطانية، خاصة سرطان البروستاتة لدى الذكور،

ليصبح محط أنظار الكثير من الخبراء والمصنعين الأجانب في الفترة الأخيرة.

وشدد الدكتور عبد العزيز العثيمين، عالم أبحاث التغذية في مركز الأبحاث بمستشفى الملك فيصل التخصصي بالرياض، في اتصال

هاتفي لـ «الشرق الأوسط»، على الحاجة للاقتداء بالتجارب والدراسات العلمية التي أجريت في مجموعة من الدول الغربية بما يطور

من إمكانية معالجة نبات البرسيم واستغلال فائدته في الوقاية من سرطان البروستاتة، خصوصاً بواسطة الكبسولات التي أثبتت فعاليتها في هذا الشأن.

واستشهد الدكتور العثيمين الذي يشرف على موقع صحي متخصص ببرامج التغذية العلاجية، بالعمليات التحويلية التي تمت على نبات

الشعير، بعد أن تحوّل في السنوات الأخيرة إلى مجموعة من المنتجات الغذائية الرائجة التي تقبل فئة كبيرة من الناس على تناولها

، سواء ككبسولات أو كمشروب متعدد النكهات.

من جهة ثانية، أثبتت دراسة حديثة لمعهد السرطان القومي في الولايات المتحدة الأميركية أن نبات البرسيم يحاصر المسرطنات في

القولون ويسرع بطردها من الجسم، كما أنه يسمح بتخفيض معدل الكوليسترول في الدم ويمنع ترسب الصفائح الدموية على جدران الشرايين، وهو السبب المؤدي لأمراض القلب والجلطات الدماغية.

وأوردت الدراسة طريقة سهلة لتحضير البرسيم كي يصبح غذاءً بشرياً، وذلك بواسطة تجفيف أوراقه ثم يؤخذ مقدار ملعقة صغيرة أو

ملعقتين منه وتوضع في فنجان كبير، ويصب الماء المغلي عليه، ليترك المزيج ينقع لمدة 20 دقيقة، ثم يشرب بمعدل ثلاثة فناجين باليوم.

وفي ذات السياق، اكتشف العلماء أخيراً أن البرسيم الأحمر الذي يحتوي على عناصر مهمة من الغذاء الآسيوي التقليدي، يحافظ على

سلامة نسيج البروستاتة عند الرجال ويحميه من الإصابة بالأورام. ولاحظ الباحثون وجود معدلات إصابة أقل من سرطان البروستاتة بين

الرجال الآسيويين، مقارنة بالرجال الأميركيين، لكن يزيد الخطر بشكل مثير عند انتقال الآسيويين إلى الولايات المتحدة، مما يدل على أن

الغذاء الآسيوي التقليدي قد يشكل عامل حماية بسبب احتوائه على مركبات «آيزفلافون» المتوفرة في أطعمة الصويا، كمكونات مهمة وحاسمة في الوقاية.

وفي الوقت الذي توجه فيه أصابع الاتهام إلى الدقيق الحيواني في علف الحيوانات، تسعى منظمة فرنسية متسلحة ببراهين عن فوائدها

لفرض نبتة البرسيم الغنية بالبروتينات كسلاح أخضر ضد سوء تغذية الكائن البشري. وأوضح جاك سوبتيل، مهندس هذا المشروع،

أن الهدف هو تأمين متمم غذائي بسيط وبسعر زهيد للدول النامية كسلاح ضد سوء التغذية.

وفكر سوبتيل، الذي كان رئيس مجلس إدارة التعاونية الزراعية الفرنسية «فرانس لوزيرن» في استخدام أوراق البرسيم وهي الجزء

الأغنى في هذا النبات، في غذاء البشر مباشرة. وتبدو هذه المادة على شكل مسحوق أخضر يضاف إلى الأغذية التي يتم استهلاكها وهي

مماثلة لتلك التي تستخدم في علف الحيوانات، لكنها معبأة مباشرة في أكياس صغيرة من دون أن تمر بمرحلة تخزينها في المستودعات

لتجنب أي تلوث

بكتيري

تم تعديل 16 مايو 2008 بواسطة Badria Mekkawy

[badroora]

يا ريت اللى عاوز معلومات اكثر يكتب بس عصير البرسيم ويقرأ المكتوب عن مفعول سحر عصير البرسيم وهابقي اقولكم ع النتايج ان شاء الله

وانا روحت اشترية لاقيت الكمية نفدت منتظرة لما يجيبوا تانى وسوف ابلغكم بالنتائح ان شاء الله .

وعلى فكرة العصير مش بيتعصر فى البيت هو بيجي جاهز فى زجاجة خضراء اللون اول ما اجبها هصورها عشان تعرفوا شكلها .

تم تعديل 16 مايو 2008 بواسطة Badria Mekkawy

[ابو محمود]

يابدرية ....

خلى بالك انا خارج من عيا ومحتاج فيتامينات والذى منة ... اوعى تشربى العصير لوحدك انا مراقبك

وبعدين انتى ليةمفكرةانى بهزر فى موضوع ان العصير فى الخلاط ولا درفلة انا بتكلم جد لوكدة يبقى تصنيعة سهل وهل يضاف الية اى مواد أخرى .. مواد حافظة ولا هيبقى زى البيبسى يعنى برسيم كولا بالصودا او بالليمون انا مش بهزر انا بتكلم جد يابدردر وبعدين ياستى انتى ربنا فاتحها عليكى وبتقولى انك هتتحصلى على زجاجة مشروب .. البرسيمكو محنا لوعملنا شركة سوا وأنتجنا المشروب ممكن نسمية مثلآ على اسمى أواسمك يا جميل وهات يا أعلانات بقى ووسع الشعوب العربيةعايزة تتغذى على فكرةانا كان جدى بيقولى زمان ان الملك كان عايز يعملة فى مصر بس الناس اتريقت علية هل دة صح ولا جدى كان بيمزح معايا

علشان كنت صغير ولودةفعلآ صحيح هل لا يحتوى البرسيم على اى مركبات تكون لها أضرار فيما بعد اللة اعلم

على العموم موضوع البرسيم دة لازم نعصرة لأخر قطرة ...هههههههههههههههههههههههههههههههههه

[~Heba~]

عصير البرسيم للتخسيس وخفض نسبة الكوليسترول

انا اول ما سمعت سيرة تخسيس جيت جرى (وش واحدة على مشارف السبعين و فاقدة الامل :sad: )

ما هو اصلنا شربنا شاى اخضر مش نافع بقول نجرب البرسيم الاخضر :blink:

اهم شئ عندى انه يكون بينحف فعلا

انا اعمل اى شئ فى سبيل انى انحف

ابى انحف :cry:

ابى انحف :cry:

ابى انحف :cry:

بس حد يدينى فكرة عن طعمه....بيقلب المعده و الا لأ wst::

[badroora]

العزيز محمود مصطفي .......من راى عندي حتة ارض صغيرة كدا فى منطقة زراعية تعالى نزرعها سوي ونفتح محل عصير ونزرع ونعسر

والتفل نأكلة للحيوانات ........ويبقي كدا استفدنا من البرسيم حتى التفل .........فكر وقولى اعمل دراسة جدول ونبدأ التنفيذ ع البركة .......وهبة يوصلها

العصير مجانا ........دى الغالية ......... :blink:

فى انتظار الحصول على الازازة ...........يا مسهل .......

[ابو محمود]

عزيزتى بدرية... رئيس مجلس أدارة شركة برسمكو مولت العالمية

بما أنى اتوق الى شراكتك فى مشروع البرسيم وانتاج العصير حيث انةيمكن ان تتغير الأحوال بحول اللة ونصبح أصحاب شركة عالميةكالكوكا كولا أوالبيبسي انا كنت سمعت فقط ولم اقرأ .. بأن فى مصر فى الأربيعينيات كان هناك منتشر عصير البرسيم وكانت توجيهات من العرش الملكى بأنتشارة لكثرةفوائدة ..ز

ولكن حدثت بعض اصابات بعدوى الدودة الشريطية وأصيب بها أعداد غفيرة من الشعب حتى وصلت الى وباء وتم التوقف عن المشروب وأختفى تمامآ الى ان ظهر فى بعض الطبعات الطبية مرة أخرى فهل فعلآ ما سمعتة صحيح يا بدردر ارجو البحث ياست البنات لأنك فى الشؤون الطبية أشطر منى عايز اجابةشافية وطمنينى على المشروع

[badroora]

بشرة سااااااااااارة لقد حصلت اليوم على عصير البرسيم واستمعت الى المحاضرة والشهادة لله مش عصير البرسيم بس

جبت كورس كامل عشان نفسي اخس بتاع 10 خماشر كيلوا ...ومن كتر الكلام اللى سمعته عن عصير البرسيم مقدرتش

امسك نفسي بسرعة سبت المحاضرة وجريت على الكولدير اللى جنبه ازازة السحر المعجزة عصير للبرسيم بسرعة حطيت

مليء غطاء صغنون على 200 مليء ماء بارد وبعدين جريت كملت المحاضرة ومش هتصدق مكنتش صابرة

اسوق عربيتى كنت هاشليها بس خوفت من الحسد :rolleyes:

نتكلم جد بقي

عصير البرسيم مالوش طعم لونه اخضر غامق وصورته موجودة فى الكاتالوج بتاع الشركة فى الويب سايت بتاعهم

ولسه اخداه من ساعة هابقي اقولكم ع النتيجة اول باول ......

اترككم مع الصورة

Splina =برسيم هى الازازة الخضرة اللى مكتوب عليها سبلينا

بس لو مظهرتش خلال 3 ايام .........ابقي شوفونى فى اى محمية :blush2:

تم تعديل 19 مايو 2008 بواسطة Badria Mekkawy

[~Heba~]

بس لو مظهرتش خلال 3 ايام .........ابقي شوفونى فى اى محمية :blush2:

:rolleyes:

وراكى واركى حتروحى منى فين

يا نعيشوا سوا يا نموتوا سوا.......يا نروح المحميات سوا

[badroora]

عزيزتى بدرية... رئيس مجلس أدارة شركة برسمكو مولت العالمية

بما أنى اتوق الى شراكتك فى مشروع البرسيم وانتاج العصير حيث انةيمكن ان تتغير الأحوال بحول اللة ونصبح أصحاب شركة عالميةكالكوكا كولا أوالبيبسي انا كنت سمعت فقط ولم اقرأ .. بأن فى مصر فى الأربيعينيات كان هناك منتشر عصير البرسيم وكانت توجيهات من العرش الملكى بأنتشارة لكثرةفوائدة ..ز

ولكن حدثت بعض اصابات بعدوى الدودة الشريطية وأصيب بها أعداد غفيرة من الشعب حتى وصلت الى وباء وتم التوقف عن المشروب وأختفى تمامآ الى ان ظهر فى بعض الطبعات الطبية مرة أخرى فهل فعلآ ما سمعتة صحيح يا بدردر ارجو البحث ياست البنات لأنك فى الشؤون الطبية أشطر منى عايز اجابةشافية وطمنينى على المشروع

العزيز محمود مصطفي .........بدون بحث ع النت ولا شيء اكيد البرسيم دا بيكون مزورع فى الغيط صح يعنى بيئة غير

معقمة وغير المبيدات اللى بترش بها غير طبعا السماد اللى بيسمدوا به الارض ودا فى حد ذاته بيكون مليء بالميكروبات

وبيئة خصبة لنمو الحشرات وبيوضات الديدان ودا ينطبق على جميع الخضار .........

فاذن لو لن يتم غسل الخضار جيدا بماء جارى ووضعه فى خل وماء لمدة لا تقل عن 30 دقيقة ثم اعادة شطفة بماء

جارى قبل الاكل سوف ينقل لنا الامراض والديدان وليس ببعيد عنا الخس التى تختبيء تحت اوراقه ملايين الميكروبات

الغير مرئية بالعين المجردة ولو لم يتم غسلها جيدا ونقعها فى خل لمدة 30 دقيقة واعادة شطفها بماء جاري سوف ينتقل لنا

الديدان المختبئة بين ثنايا وريقات الخس ........

كذلك الحال على البرسيم ممكن جدا اثناء تحضيره مستوى النضافة والتعقيم مكنش كافي بالقدر الذي يجعله صحى

خالى من اى بويضات للديدان ..........او العبوات ملوثة .........او اللاشخاص نفسهم كانوا معديين ومش واخدين

احياطتهم كويس ..........

انا عن نفسي استحالة ممكن اعصر برسيم فى البيت لانى مهما قمت بتنظيفه ونقعه فى الخل الا اننى مش هاكون متأكده من

خلوه التام من الميكروبات ............

وعشان خاطر انت الوحيد اللى مهتم ومتابع

خد الحتة دى ومتقولش لعدوك عليها .........دى متطلعش غير الحبايب بس ......... :rolleyes:

البرسيم يقلل الكوليسترول في الدم

كشفت بعض الدراسات التي اجريت على حيوانات التجارب ان أوراق البرسيم تسمح بتخفيض معدل الكولسترول في الدم وكذلك الأمر بالنسبة لترسب الصفائح الدموية على جدران الشرايين وهو السبب الذي يؤدي إلى حد كبير للإصابة بالأمراض القلبية والحوادث الوعائية الدماغية.

ورغم ان الدراسات على الحيوان تنطبق نوعا ما على الإنسان فان المجلة الطبية البريطانية (Lancet) ذكرت ان شخصاً كان يتناول البرسيم بكمية كبيرة وكان يعاني من ارتفاع الكوليسترول في الدم فوجد ان معدل الكوليسترول لديه قد تضاءل بشكل ملحوظ.

وقد برهنت بعض الدراسات إلى أن البرسيم يقاوم المواد السرطانية في الأمعاء ، وكشفت دراسة أخرى نشرت في معهد السرطان القومي أن البرسيم يحاصر المسرطنات في القولون ويسرع طردها من الجسم.

وطريقة تحضير جرعات البرسيم تتمثل في :

يؤخذ مقدار ملعقة صغيرة أو ملعقتين من أوراق البرسيم المجففة ثم توضع في فنجان كبير ويصب الماء المغلي عليه ثم يغطى ويترك المزيج ينقع لمدة عشرين دقيقة ثم يشرب ، مع الأخذ في الاعتبار أن ثلاثة فناجين تكفي في اليوم وذلك لمكافحة الكوليسترول ، ويجب عدم إعطاء البرسيم للأطفال دون سن الثانية.

جدير بالذكر أن البرسيم يستعمل كمهضم وكموسع للأوعية الدموية ، كما يستخدم في تخفيف ارتفاع سكر الدم.

ملحوظة صغيرة

عند غسيل اى خضار لابد من تفكيكه من بعضه يعنى مثلا الخس او الكرنب او الفجل لابد من فصل الورق وغسله

ورقه ورقه تحت ماء جارى ونقعه فى خل ثم غسله

بنفس الطريقة بماء جارى ........مهم جدا جدا جدا

تم تعديل 19 مايو 2008 بواسطة Badria Mekkawy

[badroora]

بس لو مظهرتش خلال 3 ايام .........ابقي شوفونى فى اى محمية :lol:

وراكى واركى حتروحى منى فين

يا نعيشوا سوا يا نموتوا سوا.......يا نروح المحميات سوا

يسلام يا هبة انتى بس دوسي فى البرسيم ولا يهمك وانا هلاقي احسن منك رفيق ..........بالهنا والشفا :)

[nash]

خلى بالك انا خارج من عيا ومحتاج فيتامينات والذى منة ... اوعى تشربى العصير لوحدك انا مراقبك

الكلام اقتبسته من اخونا الكريم محمود مصطفي....

بصي يا بدريه اللي يكرمك...يعني كده ممكن استغني عن ( بانتوبرازول ال40مللي)

بصراحه بكرة الدوا كره العمي...وللشديد القوي الحقيقه لو أخدته...

أنا بس نفسي في حل لألام المعده الغير عاديه...

وياتري ممكن يأثر علي موضوع أرتجاع عصارة المعده ويخفف أثارها ؟؟

بناءا" علي ردك هاجيبه بحول الله بكرة ....أو في أجازة نهايه الأسبوع.....

يعطيكي العافيه يارب :)