عصير البرسيم دواء ........يشفي من كل داء .!!!!!!!!

[badroora]

محاضرة عن البرسيم ........من توكيل الشركة بالبحرين ......منقولة يعنى

البرسيم ليس كما يظن الناس لاطعام الدواب فقط ,ولكنه يصلح للانسان ,,

فقد كشفت دراسات وابحاث عملية ان نبات البرسيم يعتبر غذاء متكامل وواقي للانسان ,,

فاوراقه وبراعمه غنية بالكالسيوم والماغنيسيوم والبوتاسيوم والصوديوم والحديد والزنك والنحاس والفسفور والمنجنيز

والكبريت والبروتين والاحماض الامينية والكلوروفيل ومجموعة كبيرة من الفيتامينات والسلينيوم وألفا كاروتين وبيتا كاروتين

وكذلك تحتوى بذوره .....

يزرع الهنود والصينيون البرسيم كغذاء آدمي ويستخدمونه فى الوقاية والعلاج من امراض الكلي وقد اثبتت بعض الدراسات

فوائد عديدة للبرسيم منها :

1- مفيد فى الام المفاصل

2- مفيد فى التهاب الكلي والاحتباس البولى

3- مفيد فى التهاب قرحة المعدة والقولون لتأثيره القلوي

4- يساعد فى سيولة الدم ويمنع تجلطة

5- مفيد فى علاج الانيميا

6- يخفض نسبة الكوليسترول

7- يستخدم كمقاوم للفيروسات والفطريات لاحتوائه على الاحماض الامينية

8- مفيد فى امراض الشيخوخة ( الارق والوهن ) لاحتوائه على مادة السلسينوم

9- ينظم هرمونات الجسم وله تأثير على هرمون الاستروجين الانثوى واضطرابات الطمث

10- يفيد فى علاج اللثه وتسوس الاسنان وتفيد البراعم فى إزالة الرواسب الصفراء للاسنان والروائح الكريهة بالفم

11- يساعد على خفض حمض اليوريك مما يفيد فى مرض النقرس

12- منظم لمرضي السكر نظرا لاحتوائه على فيتامين ك ونسبة عالية من الكلوروفيل فعنه يساعد فى بناء قناة هضمية

سليمة ومن ثم يمنع النزف المصاحب للتليف الكبدي

13- يعمل كمنقي للسموم والمعادين والدهون ومن ثم تقليل الاصابة بحب الشباب..

تم بحمد الله ..........

عن اذنكم بقي ميعاد جرعة عصير البرسيم

تصبحوا على خير ........... :)

[badroora]

الكلام اقتبسته من اخونا الكريم محمود مصطفي....

بصي يا بدريه اللي يكرمك...يعني كده ممكن استغني عن ( بانتوبرازول ال40مللي) :D

بصراحه بكرة الدوا كره العمي...وللشديد القوي الحقيقه لو أخدته...

أنا بس نفسي في حل لألام المعده الغير عاديه...

وياتري ممكن يأثر علي موضوع أرتجاع عصارة المعده ويخفف أثارها ؟؟

بناءا" علي ردك هاجيبه بحول الله بكرة ....أو في أجازة نهايه الأسبوع.....

يعطيكي العافيه يارب :blush2:

الآبنة الغالية ناش ..........سلامات على معدتك يا ست الكل من الوجع ..............

وحيات الغالين عندك يا ناش بلاش تسألينى السؤال بصفة العطار ولا بتوع الطب البديل .......... :closedeyes: مش عاوزة حد يتهمنى ويقول بروج للبرسيم وبعدين

هافتح عيادة حجامة هنا فى المحاورات :D ...........خلينا نتكلم كأنى عندى مغص وانتى نصحتيني اغلى عودين برسيم قصدى نعناع يبقي انتى كدا

وصفتيلي النعناع كمشروب مخفف للالم دون مصادرة حقوق الادوية والاطباء ...........استبينا

شوفى يا ستى انا من اشد المنكرين لحاجة اسمها طب بديل والحاجات دى وعمرى ما انادى بها ابدا ........ولكن موضوع البرسيم دا لاقيت ناس كتير

بتستخدمة وكل الاطباء اللى معى كل واحد ماشي بالازازة الخضراء وسألت وقولولى انه مفيد ومغذي وبيساعد الجسم على تجديد الخلايا

طبعا انا لسه شاربه عصير البرسيم امبارح بس فلو قولتلك على اى تحسن حسيته هبقي ببالغ ولكن سألت احد المستخدمين له منذ شهر وهى طبيبة كندية

قالتى ممتاز وبيريح المعدة وبيهديها وبيحمى جدار المعدة ..........سالت كذا حد تانى شكرلى بردوا فيه ..........

وانتى امامك النت والويب سايت اللى ادرجته تصفحيه براحتك وخالى اقتناعك بالعصير يجي منك انتى مش منى انا ..........عشان تكونى مرتاحة نفسيا

وخصوصا مصطلح برسيم علينا كمصريين مش سهل مع العلم ان اصحابي من جنوب افريقيا قالولى دا احنا متربيين عليه من زمان ومعروف عندهم

انا عرفت معلومة من ناس انا عايشة وسطيهم وباثق فيهم وحسيت انها ممكن تفيدفحبيت اشارككم بها ..........وكلى ثقة انكم هتتفهومنى صح

ومش هتظنوا انى باروج للطب البديل ...........حشى لله ...........لست انا .........وفى النهاية بعد المقدمة دي

اقري وقلبي فى النت خدى من موضوعى دا بعض الكلمات التى ممكن تساعدك فى البحث والتعمق والقراية ..........واذا حسيتى انك مقتنعه توكلى على

الله واشربيه ومش هتندمى .........انا جربته امبارح بس وحسه انى كلى حيوية وخصوصا انى كائن ليلي خامل بالنهار وينشط بالليل

لكن صدقينى اليوم لا شربت اى منبه غير الكوفى اللى جاية مع الباكج وحسه انى مصحصة وفايقة على الرغم انى منمتش من امبارح 11 ص

استفتى قلبك يا نوشة ..........وزيحي العيا ُمر ...........مع تمنياتى لك بالشفاء العاجل .......... :blink:

تم تعديل 20 مايو 2008 بواسطة Badria Mekkawy

[المنصوراوى]

الاخت بدرية ( السلام عليكمورحمةالله وبركاته)

يعنى البرسم بالفوائد دى كلها و احنا لسع عارفين

يعنى الحمير طلعت اذكى منن وعرفة فيدة البرسيم علشان كد هى حريصةعلى اكله

المفروض الواحد لم يشتم واحد ما يقولوش يا حمار المفروض يقول يا...........اى حاجة غير الحيونات العبقرية الى بتاكل البرسيم

و ايكش حد يفرط فى اى برسيم لاى حيوان تموت الحيوانات كلها اهم حاجة احنا نشرب عصير برسيم

ما قلتيش اسم عصير البرسيم اللى حتنتجيه انتى و الاخ محمود مصطفى علشان نشترى منكم انتوا اولى من الغريب و يبقى كتر خيركم لو دخلتونا شركاء انا وهبة معاكم و البرسيم عندنا كتير

[ابو محمود]

اللة اللة ... شوفتى يا ست بدرية اهوالموضوع باين علية هيكبر ومش هنكسب منةولا فلس

يا ست هانم المديرة متنسيش ان انا ليا فى المشروع 49.5 % وانتى ليكى الباقى انما حديدخل بعد كدة

يبقى يشترى اسهم بعد طرح الشركة فى البورصة على فكرة انا أبتديت ابحث فى موضوع العصير وعندى افكار كتيرة والزجاجة مش هنخلى لونها أخضر وبس دةكمان هنعمل منها عبوات عائلية بس يلا اجدعنى وكملى الموضوعبتاع ............... البرسيمكومولت ...ودة اسم مؤقت للمشروب العربى

[galaxy]

مش عارفه يا بدور ...........الموضوع مقلق شويه ؟؟ wst::

يعني سمعه البرسيم عندنا مش تمام زي ما انتي عارفه. gt: ............بس لو في منفعه ممكن نجازف........بس اخبار طعمه ايه عشان انا يفرق معايا الموضوع دا :sad: ................كمان حكايه الفيتامينات دي مهمه اوي...........لان الواحد بجد اكله ملخبط ومش بيقدر يحصل علي كل الفيتامينات من اكله wst:: ................والطاقه بقي wst:: ..لان اختك في موضوع الطاقه دا صعبه شويه.......وانتي عارفه في شغلنا لازم نكون مصحصحين...في.انتظار مزيد من الدراسات يا بدور....وكمان كملي اخبارك ايه معاه بعد كام يوم؟؟؟؟؟ gt:

[badroora]

الأعزاء .......اعضاء البرسيم .Club.

محمود مصطفى ........هبة .... سمسمه ........ناش ......المنصوراوي .......وانضمت الينا اخيرا جلاكسي

منورين نادي البرسيم .........

اخوانى واخواتى انا كما قولت باشرب عصير البرسيم من تقريبا يومين ونص

ومش عاوزة اقولكم كمية الحيوية والنشاط اللى باتمتع بهم يعنى لو حبيت اقيم مقدار حيويتى ونشاطى هنقول قوة بتاع

8 حصان وجحش صغير :cry1: بجد والله حسه انى مش بقيت كسولة

وكلى نشاط وكمان بشرتى حسيت بتحسن فيها جامد وزى ماحنا عارفين اعراض الشيخوخة بتبدأ من سن ال30 فيما فوق

وانا بعيد عنكم 31 يعنى اعراض العجز اللى ظهرت انتهت بدون مبالغة .

وغير كدا الدورة الدموية فعلا حساها تحسنت ونتج عن ذلك نقص فى استخدام ادوات التجميل مكتفية بالجمال الذي

اكتسبته بشرتى من عصير البرسيم .

الاهم هنا انى بدون ريجيم ولا حاجة ونزلت كيلو ونص خلال يومين .........ودا اكتر شيء عجبنى جدا .

وكمان معلومة جديدة عرفتها الامس ان المقدار اللى باخده من عصير البرسيم اللى هو معلقة كبيرة على 250 ملى ماء

3 مرات فى اليوم بتمد جسمي بكمية فيتامين ومعادن بالظبط كانى اكلت كيلوا خضار كامل بفوائده

وانا مش من محبي الخضار اوى ولا استطيع ان اتناول اى خضار خارج المنزل نظرا لصعوبة التاكد من مدى نظافة الخضار

واكلى كله مش صحي لانى مش باطبخ اساسا فلذلك حسيت ان عصير البرسيم مناسب جدا لى ولكل من ظروفه مثلي

من غذاء غير صحي ...........

وهذا كان اخرى تقرير عن البرسيم حدث مع شخصيا

وسوف اتابعكم بكل ماهو جديد او تحسن .........

والى هناء انتهت نشرتنا البرسيمية اليوم والى اللقاء

بدرية

تم تعديل 22 مايو 2008 بواسطة Badria Mekkawy

[حشيش]

Dear Badria

Are you sure about what you said ?!. You will be responsible in front of the American nation

G. W. Bush

[galaxy]

اخوانى واخواتى انا كما قولت باشرب عصير البرسيم من تقريبا يومين ونص

مش عارفه يا بدريه. :sad: .......بس بقول لو نستني قد تلات اربع اسابيع ونشوف ....يكون اضمن برضه .........وبعدين نقرر ..................

[badroora]

Dear Badria

Are you sure about what you said ?!. You will be responsible in front of the American nation

G. W. Bush

Yes Mr. President, be sure and keep summer watermelon in your abdomen.

And you the best example for us how many year you addicted to splina (barseem) and still alive

as well as in good health .5 and 5. ( mft: خمسة وخميسة)

Sincerely

Coz Liza rice :lol:

تم تعديل 25 مايو 2008 بواسطة Badria Mekkawy

[badroora]

مش عارفه يا بدريه. mft: .......بس بقول لو نستني قد تلات اربع اسابيع ونشوف ....يكون اضمن برضه :lol: .........وبعدين نقرر .................. wst::

طيب ايه رايك يا شيكولا بدل ما تنتظرى 3 اسبوع ........بما انك دكتورة قد الدنيا خدى اسم البرسيم من الكتالوج اللى ضفته .

وابحثنا بطريقتك فى تخصصك ويمكن انتى تفدينا اكتر واكيد ممكن تسألى اى حد تعرفيه فى صناعات الادوية

يكلمنا عن عصير البرسيم (سبلينا) بما انه مرخص من وزراة الصحة فى البحرين و والامارات والسعودية وماليزيا وجنوب افريقيا

وممكن تلاقيه عندك كمان ......اسلى كدا بخبرتك وابحثي والحقينا بدل ماتستنيني 3 اسابيع اكون اتحولت wst::

ماشي ..........يلا يا شيكولا فى انتظار بحثك عن فوائد او اضرار البسيم .......... :D

تم تعديل 25 مايو 2008 بواسطة Badria Mekkawy

[المنصوراوى]

نفسى يا ناس اشرب عصير برسيم .......................بس مش قادر mft: wst::

مش ممكن يتاخد حقن.......................................امكن النفس تقبله :D

الرجاء البحث و الافادة لاخوكى الغلبان eop: :lol:

[badroora]

الزميل العزيز فى البرسيم Club .........الاخ المنصورى

عصير البرسيم اللى انا باشربه مالوش طعم خالص لما بضيفة للماء البارد وتشربه كأنك بتشرب ماء فقط مع فرق اللون الاخضر .

ودا مصرح به بوزارة الصحة يعنى انا مش باجيب البرسيم واعصره بيتى ........مع ان والله اكيد البيتى افضل ولكن مميزات المعبأ تحت تصريح وزارة الصحة

انه بياخدوا اجزاء معينه من ورق البرسيم يعنى مش بنحشه كله :lol:

والله مش عاوزة اقولك .......فعلا عصير البرسيم غيرلى حياتى ونورها......... mft:

تم تعديل 25 مايو 2008 بواسطة Badria Mekkawy

[nash]

ها يا بدريه طمنينا ...كده مرة اسبوع الأن ؟؟

وماهي التطورات التي لاحظتيها...وماهي الأعراض التي لم تلاحظيها؟؟

الله يكرمك خلصي الاسبوع الأول بسرعه علشان أنا وراكي :sad:

[badroora]

ها يا بدريه طمنينا ...كده مرة اسبوع الأن ؟؟

وماهي التطورات التي لاحظتيها...وماهي الأعراض التي لم تلاحظيها؟؟

الله يكرمك خلصي الاسبوع الأول بسرعه علشان أنا وراكي :wub:

العزيزة ناش .........تقدرى تحكمى بنفسك من خلال الفرق بين الصورتين

قبل عصير البرسيم .......لحظى الرقبة والوجة والعينين

بعد عصير البرسيم .......شايفة فرق الرقبة ونمو الشعر وحلاوة الوجه والعينين

لاء بجد البرسيم مع باقي المكونات .......عاملة مفعول كويس وخسيت 3 كيلو

بس انا مش باكل خالص هو عصير البرسيم قبل الاكل مرات بيسد النفس

وبعدين قهوة التخسيس 3 مرات فى اليوم بردوا بتسد النفس.

زائد الياف للاحساس بالشبع وبردوا بتسد النفس

وقهوة تانية بتمد الجسم بالمعادن والفيتامينات.

هتقوليلي امال بتاكلى ايه

هاقولك صبرك على .

فى معاه بودرة زى سيريلاك الاطفال كدا بتخدى 2 معلقة اكل على 200 سم ماء

وتشربيهم 3 مرات كوجبة ولو جعتى فى النص بردوا ممكن تكرريها كل ماتجوعى.

الميزة بقي انى مش باجوع اصلا .

وجسمى بياخد الفيتامينات والمعادن المطلوبة

وعصير البرسيم بيعوضنى عن اكل كليو خضار كامل بمنافعه.

ولا فيه غسيل اطباق ولا وقوف فى المطبخ ولا حاجة .

كلى متجوعى معلقتين سيريلاك على 200 سم لبن او ماء وانتهى الامر .

ومافيش احسن من حياة العذوبية الا اذا قدرتنى تقنعى ابو ياسر واعوانه بفكرة البرسيم

والسيريلاك دي .......هتدعيلي صدقينى...... :lol:

اختك المخلصة اللى عارفه مصلحتك .

نجفة فهلوة :wub:

تم تعديل 27 مايو 2008 بواسطة Badria Mekkawy

[امانى]

بعد ما شفت الفروق الواضحة بين الصورتين أعلن انضمامى الى نادى البرسيم وأعلن عن قرارى بانى سأتناول

عصير البرسيم وان لم اجده بالصيدليات المصرية سالجأ الى عمله بالبيت بعد اتباع النصائح المقدمة من رئيسة

النادى من غسل ونقع وشطف البرسيم ثم تجفيفه وشربه كالشاى الكشرى او التليو او الينسون وع البركة

وابقى اقولكم ع النتيجة فى أقرب فرصة

مشكورة يا بدرية على اهتمامك بالصحة العامة للاعضاء وربنا يكتر من امثالك .

[~Heba~]

قسما بالله العظيم انى قربت اصدق

بدرييييييية بالله قوليلى بجد بتشربية

طب هو مصرح بيه فى وزارة الصحة فى البحرين.....وزارة الصحةعندنا هنا غيييييييييير.........مش بتصرح اى حاجة

[badroora]

اعزائي اعضاء البرسيم Club............. :blush2:

العزيزة امانى سعيدة جدا بانضمامك الينا بمحض ارادتك على رغم صداقتى بك الا اننى لن اضغط عليكي ولا حاولت اقنعك

بعمل عضوية هنا ......وها قد راى انك اتيتى بقدميكي مستنجده بعصير السحر .......فهلا وسهلا بكي :blink:

قد نم الى علمى انه يوجد محل عصير فى الاسكندرية يقدم مشروب عصير البرسيم يمكنك البحث عنه .

ولن تندمى صدقينى ........ :wub:

العزيزة هبة .......والله العظيم يا هبة باشرب عصير البرسيم المعلب المصرح به من وزارة الصحة السعودية والماليزية

والبحرينية وجنوب افريقيا والهند

وهو لا طعم له فقط لون اخضر غامق ......وصدقينى خسيت عليه للنهاردة 4 كيلوا ونص بس مع باقي الكورس ومش باكل

خالص لانه بيعطى احساس بالشبع ومعاه بودر كغذاء مكمل ......

ومش باحس لا باهبوط ولا ضعف ولا حاجة الحمدلله وبمارس رياضة كمان يعنى حسة بجد بجد عصير البرسيم

نورلى حياتى وغيرها ......انصحك بشربه .......ع البركة wst::

[badroora]

طب هو مصرح بيه فى وزارة الصحة فى البحرين.....وزارة الصحةعندنا هنا غيييييييييير.........مش بتصرح اى حاجة :blush2:

بالعكس وزارة الصحة بتاعتنا حزمتين برسيم على حزميتن جرجير على كرنبة يطلع تصريح بعصير البرسيم على انه دواء كحة

:blink: وخافض للحرارة

واساسا لو لقي توكيل فى مصر هتلاقي له تصريح لما الكمية اللى عندي تخلص واجيب تانى هابقي اسأل على امكانية وجود

بمصر بس للاسف الكورس كل شهر حوالى 900 جنية فمعتقدتش حد عاقل فى مصر يصرف المبلغ دا على تخسيس

كفرد واحد ........ولكن عصير البرسيم لمدة شهر بحوالى 80 جنية مصري يعنى معقولة شوية

بس عموما هاسال بردوا .......انتى تؤمرى يا قومر ويسلام لو خدنا التوكيل دا انا وانتى انا اصدرلك البضاعة

وانتى توزعى والله يبقي مشروع الهنا .....خلينا ندرس الموضوع دا واهى نطلع لنا بسبوبة بدل القاعدة ........فكرى

تم تعديل 29 مايو 2008 بواسطة Badria Mekkawy

[badroora]

اعضاء نادى البرسيم ...........وينكم يا شباب ........عاوزة اعرف مين اللى بدأ يشرب

ومين اللى كسل ..........وطمنونى ؟

انا تقريبا تميت شهر وشوية وكله شيء تمام .........حيوية ونشاط .....ومافيش احسن من كدا

يلا طمنونى فين اراضيكم دلوقتى .

[عادل أبوزيد]

رجاء تصفح موضوع الطريق إلى غصن البان - مقال ل سناء البيسى

و هو مقال للكاتبة سناء البيسى عن تجربتها فى إنقاص الوزن ، و جاء فى هذا المقال إشارة للأساليب الخاطئة لإنقاص الوزن.