هل العتاب ضرورى؟؟؟؟؟؟

[crossfield]

مشكلة المشاكل عندى حكاية الفضفضة و العتاب ؛مبعرفش احكى أو اتكلم عن اللى مضايقنى لان فعلاً الشكوى لغير الله مذلة و ان حصل بيبقى كل 100 سنة مرة و ده للاسف بيخلينى أخسر ناس كتير ممكن يكونوا من أقرب الناس ليه لانى بافضل أحوش و أحوش لحد الحصالة متتملى و مرة واحدة بممممممممممممممممممممممم :twisted: :twisted: :twisted: .فجأة أخد موقف او اخد جنب و محاولش أعاتب خااالص .فى الغالب بيبقى موقفى صح لكن أحيانا بيبقى تسرع منى و مع كده برضو مش عارفة أعود نفسى على حكاية العتاب دى.بحس انها ممكن تقلل من كرامة الواحد شوية أو ان اللى بتعاتبه ده ممكن يسوق الهبل فيها و يعرف ايه اللى بيضايقك و يعمله تانى.طيب لما بتكونوا فى مواقف زى كده بتتصرفوا ازاى؟؟؟؟؟

[abofasad]

استفسار مهم جدا .. وانا كمان عاوز أعرف التصرف السليم في مثل هذه المواقف. ولكم الشكر

Hasta luego

[Salwa]

مساء ألخير.

كروس ياعزيزتى...موضوع جميل............وشائك.

السماحة بتقول..مفيش فرق.

والكرامة وعزة ألنفس بتقول..لأ..فيه.

لو حاجة بسيطة هى سبب الخلاف وحد يهمك أبدئى بالعتاب...بشرط

يكون الطرف الآخر فاهم أن ده مش تقليل من شأنك..بالعكس ده دليل

انك مش عاوزة تقطعى كل الخيوط اللى بتربط بينكم.

العتاب لو أتفهم على انه...تنازل...بلاش منه.

أنا من ألنوع ألكتوم....والغربة علمتنى أن أفضل صديقه هى....سلوى.

لو أنتى متقدريش تحكمى على لسانك....وتحكى...بحجة ألفضفضه.

ازاى تقدرى تحكمى على غيرك...اللى حاتفضفضيله...انه يحكم لسانه.؟

نصيحة..يابنتى...لو زعلانة من شخص يهمك عاتبيه مباشرة.

واذا أساء لك مرة ثانية...عاتبيه وانذريه انك حاتقاطعيه.

واذا أساء لك مرة ثالثة....قاطعيه..بدون انذار.

أنا ماسكة نفسى....ومش بحب أحكى....بس ياما الواحد شاف.

وزمان قالوا فى الامثال...اتنين ميزعلوش من بعض...لو واحد فيهم مش عاوز.

سلامى.

[بنت شعنونة]

بصي يا كروساية

انا زييييك تمام

لكن انا الفرق عندي حاجا واحدا

اني لا اعترف بالمعاتبة اصلا

ليه بقى..

في نظري المتواضع

انك تعاتب شخص دا شيء ما لوش لازمة..

لآنه مادام ماحسش انه غلط فيك او انه عمل حاجا غلط

يبقى زي قلتها انك تقوليله

مادام هوا نفسه ما حسش بحاجا اصلا... يفيد ب ايه الكلام..؟؟ :? :? :?

الكام مرة اللي تخليت فيهم عن مبدأي وعاتبت الناس اللي زعلانة منهم

ندمت اشدددددددد الندم..

ومن يومها خدت قرااااار واحد بس

لا معاتبة ابدا..

اللي عاوز يحس انه عمل حاجا غلط في حقي.. اهلا وسهلا

محسش... اهلا وسهلا برضه.. بس بعيد عنا..لو كان شخص غريب

لو كان حد من اهلي.

في عندي بلاطة

بادفن تحتها كل احساس خانقني

لحد ما الأرض ورممممممممت عندي بعيييييييد عنك :twisted: :twisted: :) :)

[crossfield]

لو كان حد من اهلي.

في عندي بلاطة

بادفن تحتها كل احساس خانقني

لحد ما الأرض ورممممممممت عندي بعيييييييد عنك :twisted:  :twisted:  :)  :)

شعننة

that makes two of us:( :( :( فعلاً الواحد مع أهله ملوش حل غير انه يتفلق و ده احساس يخنق طبعاً .لكن مهما بيحصل برضو أهلك فى الاخر .أنا بتكلم على الناس التانية اللى بتتعاملى معاها فى شغلك مثلا ؛اصدقائك ؛ فى العلاقات الانسانية عموماً .واضح ان موقفك زى موقفى برضو :الكارت الاحمر من أول مرة :)

[Cleo]

شعننة 

that makes two of us

make it 3 please :D :D :oops:

كروس.... أوعى تكونى زعلانة منى... أنا عارفة إنى مقصرة... بس والله العظيم غصب عنى...

لعلم جميع الأخوة... كروسفيلد صديقتى الصدوقة منذ حوالى 7 سنوات.... وربنا يديم الصداقة دى 700 سنة لقدام... :)

[MKG]

بصوا بقى

الكتم فى النفس ده مشكلة

لأ لازم تعاتب و توضع

انا لما حد بيضايقنى بصبر ولكن بعاتبه سواء بأسلوب غمباشر او مباشر

عشان مش يكرر اللى بيضايقنى

و بدل ما يحصل ما لايحمد عقباه من كتر الكتم

بالنسبة للاسرة

الموضوع بسيط

الحوار

عادى جداً (هذا لو تغاضينا على ال3 شلاليت و 4 روسية و 5 بونية)

الحواااااااار هو الحل

و لو الرزل عرف ايه اللى بيدايقك وكرر

اعتقد ان ده مش صديق حقيقى

لعلم جميع الأخوة... كروسفيلد صديقتى الصدوقة منذ حوالى 7 سنوات.... وربنا يديم الصداقة دى 700 سنة لقدام

ربنا يجمعكوا فى الجنة مع بعض قولوا امين

مع محبتى

مكج

[شيكو المصري]

انتوا لية بتعقدوا الامور(( خاصة الستات ))

حد زعلك قولة على الموقف ديييييييييييييب في وشة :lol: يا اما حيقولك على سبب و ممكن تعذرة :) و دية حصلت كتير معايا ...يا اما مش حيلاقي سبب :mad: و يقعد يبرر و يبرر و الحق بيكون واضح :mad: على فكرة بعد كدة تاخد موقف او ما تاخدش بيكون عندك حق :mad: .و بيكون ضميرك مستريح .

انما اقعد اعبي في نفسي كدة لغاية ما انفجر قدة غلط كبيييييييييير :)

[حمزاوى]

السلام عليكم

أحم ... أحم

ممكن ادخل

شكراً

بصراحة انا رأى زى أخ شيكو أن فعلا لازم يكون فى صراحة لأن ممكن أكون انا الغلطان وأنا مش حاسيس

[se_ Elsyed]

إجابة على سؤال هل العتاب ضروري ؟

أقول أن العتاب ضروري جداً بين الأصدقاء وذلك للحفاظ على وجود علاقة جيدة معهم ، فمن منا لا يخطأ سواء بقصد أو بدون قصد وبالتالي فبدون العتاب لن يدرك انه أخطأ فى حق الآخرين.

على أن ننتبه لشئ مهم جداً وهو ألا يأخذ العتاب أسلوب التجريح أو الهجوم وعلى هذه الأساس نسميه "عتاب رقيق "

وأنا عن نفسي لا اعاتب إلا الشخص الذى تهمني صدقاته .

وإذا أتبع الأنسان أسلوب الكتمان فى النفس وقطع العلاقة بالآخرين بدون إبداء الأسباب فستأتي اللحظة التى يجد فيها الأنسان نفسه وحيداً فى الحياه .

وعلينا أيضاً أن نتذكر القول المأثور " التمس لأخيك سبعين عذر فإن لم تجد فقل : لعل له عذر"

أيه الكلام الكبير اللى انا بأقوله ده ..........." سقراط ياخواتي "  :shock:

[nora]

هقولكم انا راي الخاص

انا بحب العتاب اوي :lol: :lol: :lol:

بس رغم كده دايما العتاب بيطلع على دماغي لاني صريحة اوي فبفضفض جامد و من عيبي في العتاب اني مبعرقش اتجمل فطبعا الي قدامي بيتقمص مني :mad: :mad: :mad:

وبطلع انا الغلطانه في الاخر :roll: :roll:

بس في ناس مبعتبهش باه لانهم ميستهلوش اني اعتب علية :twisted: :twisted: :twisted:

انا بأمن بالقول ( وان عاتبت اللأيم تمردى ) :? :? اولها مش فكراه :lol: :lol: :lol:

[Cleo]

لعلم جميع الأخوة... كروسفيلد صديقتى الصدوقة منذ حوالى 7 سنوات.... وربنا يديم الصداقة دى 700 سنة لقدام

ربنا يجمعكوا فى الجنة مع بعض قولوا امين

مع محبتى

مكج

اللهم أمين يا رب العالميييييييييييييييين.... :lol:

[وسام]

دى مشكلة كبيرة و منتشرة للغاية اليومين دول و هى عامة مش خاصة بالستات بس :shock:

محدش بيقول اللى جواه و اغلب الاخطاء البسيطة اللى بتحصل بين الاصدقاء بتتخنق داخل قلوب اصحابها وتكبر و تتعقد مع الوقت و كل ما واحد يقابل صاحبه يكون بيكلمه و يضحك معاه و هوا جواه بيغلى من غلطة حصلت زمان دون قصد صاحبه :mad: و لما تيجى لحظة الانفجار يفاجىء الصديق ان الانسان اللى امامه دهه شايل منه شيلة و كأنه ثار بايت

ليه صعب على الانسان انه يكون صريح مع نفسه و مع من حوله :!:

[crossfield]

لعلم جميع الأخوة... كروسفيلد صديقتى الصدوقة منذ حوالى 7 سنوات.... وربنا يديم الصداقة دى 700 سنة لقدام

ربنا يجمعكوا فى الجنة مع بعض قولوا امين

مع محبتى

مكج

اللهم أمين يا رب العالميييييييييييييييين.... :cry:

مين ؟ كليو؟؟؟؟؟؟؟ :shock: مسير الحى يتلاقى . بغض النظر عن غلاوتك الزايدة فى قلبى اليومين دول :twisted: :twisted: لكن آآآآآآآآآآآآآآآمييييييييييييييييييييييين :cry: :cry: .

[crossfield]

 

انا بأمن بالقول ( وان عاتبت اللأيم تمردى )  :?  :? اولها مش فكراه :cry:  :cry:  :cry:

مش معقول يا نورا النهاردة فعلاً يومك :lol:

إذا أنت أكرمت الكريم ملكته

و إذا أنت أكرمت اللئيم تمرد :lol: :lol: :lol:

[شيكو المصري]

تكملة ضرورية لرأيي السابق حاول تضع نفسك في نفس الموقف الذي كان فية صديقك و جعلك تأخذ على خاطرك منة و ستجد من المفاجآت الكثير . :shock:

تاني حاجة زي الاخ سي السيد ما قال التمس لاخيك العذر اولا و لا تحكم علية مسبقا .

[nora]

  مش معقول يا نورا النهاردة فعلاً يومك

إذا أنت أكرمت الكريم ملكته 

و إذا أنت أكرمت اللئيم تمرد 

:D :lol: :lol:

ملهاش علاقة خالص بالعتاب :lol: :lol: :lol:

يله جت اوت على اد الذاكرة انا هعمل اب جريد للميموري بيتاعتي :lol: :lol: ويمكن اعمل فورمات بالمرة :twisted: :twisted:

[crossfield]

  مش معقول يا نورا النهاردة فعلاً يومك

إذا أنت أكرمت الكريم ملكته 

و إذا أنت أكرمت اللئيم تمرد 

:D :oops: :oops:

ملهاش علاقة خالص بالعتاب :lol: :lol: :lol:

يله جت اوت على اد الذاكرة انا هعمل اب جريد للميموري بيتاعتي :lol: :lol: ويمكن اعمل فورمات بالمرة :twisted: :twisted:

للأسف يا نورا الزهايمر مالوش علاج .عندنا دلوقتى انتى و كليو عليه العوض فيكو انتو الاتنين. :?

[nora]

:lol: :lol: :lol:

زهامير باه دي اخرتها برضوا وانا اقول انا تيهه لية :shock: :shock: :shock:

بس بجد بجد اعتقد الي يعيش عشتي مش يتوه لاه ده ينتحر :D :oops: :oops:

عجبك يا كيلو بقينا شبهه وهيطردونا من المنتدي لنعمل عدوي :mad: :mad: