الشخصية السعيدة الضاحكة .!!!!

[badroora]

كما نعلم ان الضحك من اسهل وارخص الطرق لعلاج الضغط النفسي ...... ولاهمية الضحك ومفعولة السحرى فى علاج

الضغوط النفسية وحالات الصداع والام الظهر وسوء الهضم واضطراب ضربات القلب وانه بديل ناجح لانواع العلاج

والعقاقير المهدئه .....

الضحك مرات عديدة فى اليوم ينعش القلب ويبقيه بصحة جيدة ويقلل من الاصابة بتجلط الدم .........

وعلاج فعال للتقليل من ظهور علامات الشيخوخة .......او تأخر ظهورها .........

نحن كمصريين رغم الظروف التى تمر بها بلدنا من ضيق فى المعيشة وغلاء الاسعار وزحمة المواصلات وضغوط من جميع

الجهات الا ان الله وهبنا نعمة الضحك وخفة الدم واعتقد هذه هبة من عند الله طريقة رخيصة وسهلة فى العلاج .

ونحن كشعب مصري فى عز مشاكلنا وزهقنا تلاقينا ننكت ونقول قفشات ونضحك ومش عارفين بنضحك ليه .

وقد اهتمت بعض الدول بالضحك مثل بريطانية قامت بعمل دراسات عديدة كما قامت المانيا بانشاء اول معهد من نوعه

للتدريب على الضحك والذي تم بنائه فى فيسبادنا بالمانيا ...حيث يسعى صاحبة كما كُتب عنه فى المجلات والكتب انه يسعى

لترسيخ فكرة تحول الضحك من مادة غريزية الى وسيلة طبية للعلاج .انطلاقا من قاعدة

الجسم السليم عبر الضحك السليم .

حيث اصبح رواد المعهد يتمرنون على الضحك المفيد لجسم الانسان لمعالجة انتظام ضربات القلب وارتفاع ضغط الدم

والاحباط.

وقول رسول الله صلي الله عليه وسلم .

( أنكم لن تسعوا الناس بأموالكم فليسعهم منكم بسط الوجه وحسن الخلق ) رواه مسلم

وقال ( لا تحقرن من المعروف شيئاً ولو أن تلقى أخاك بوجه طليق ) رواه الحاكم والبيهقي

وعن جرير بن عبدالله رضى الله عنه قال

: ( ما حجبني النبي صلى الله عليه وسلم ، ولا رآني إلا تبسم في وجهي ) رواه البخاري

ويقول الإمام ابن عيينه :

( والبشاشة مصيدة المودة ، والبر شيء هين : وجه طليق وكلام لين ) ويقول الشاعر

هشت لك الدنيا فمالك واجماً *** وتبسمت فعلام لا تتبسم

إن كنت مكتئباً لعزُ قد مضى *** هيهات يرجعه إليك تندم

وحكمة اخرى تقول " اذا رأيت البؤس فى وجه اخيك فدعه يري الرحمة فى عينيك "

سبحان الله لو ضحكنا الضحك هيخفف عننا وعن الاخرين وكمان هناخد حسنات .

دعوة منى للضحك........بليز عشان اخد حسنات ... :bsmal:

يُـــــتـــــــبع,,,,,,

تم تعديل 13 مايو 2008 بواسطة Badria Mekkawy

[galaxy]

اصل شر البليه ما يضحك يا بدور . .............عشان كدا بنكون اول ناس بنضحك علي نفسنا وبنسخر من حياتنا............ضحك بمذاق الالم للاسف.. :Laie: ...........حاجه كدا ادمان ................. wst::

اكيد الضحك والله مهم بس مش هو الحل...........بس عشان مش بنقلبها سياسه..............انا بحب بجد اضحك اوي والله وبضحك دايما ...بس مش دايما من القلب للاسف ................اللي من القلب دا بقي هو اللي بيروق البال بجد......................لما تضحكي وانت مش في بالك حاجه ...............ولا شايله هم لحاجه........هو دا اللي بيخلي الحياه ليها معني ويخلي الضحك ليه فايده.............لمن اللي الناس بتضحكه دا ضحك بجد من الالم..................برضه هقلبها دراما :Laie:

......لكن اكيد زي ما قلتي الابتسامه ليها دور.....................قال رسول الله صلي الله عليه وسلم"تبسمك في وجه اخيك صدقه"صدق رسول الله...........

تخيلي بجد لو كل واحد رسم علي وشه الابتسامه ................ع الاقل ابتسامه الرضا بالمقسوم..............بجد هتساهم كتير وتفرج كروب...............وفعلا بيكون لها اثر السحر علي اللي قدامك

غير بقي لما تقابلي اللي قدامك بوجه مكفهر لا سمح الله..............ياساتر علي اليوم لما اشوف حد كدا.............بجد الدنيا بتضيق عليا اوييييييي...................محدش هيخسر حاجه بجد لو بس ابتسم في وش اللي قدامه................دا حتي بالابتسامه دي ساعات بجد بتمتص غضب اللي قدامك وتتفادي زعله لما يكون زعلان ويلاقي المقابله مشجعه كدا والابتسامه علي وشك بجد ساعات بيكون ليها مفعول السحر................. :lol:

يارب الكل فعلا مش بس يبتسم لأ يضحك بجدمن قلبه...................محتاجين كدا والله بجد.........تحياتي ليكي يا بدور :blink:

تم تعديل 14 مايو 2008 بواسطة galaxy

[ELSHAMY]

لو استدبرت من أمرى ما أستقبلت لكان أول شرط فى زوجة المستقبل أن تكون ضحوكة...

بدرية و جالاكسى كلامكم صح...

[badroora]

الغالية شيكولااااااااااا........

كان عندى جدى الله يرحمه ويدخله فسيح جناته آمين يا رب .....كان انسان والله مو عشان جدي بس فعلا كان اسطورة

البسمة والنكتة والقفشات مكنتش تفارقه ابدا على الرغم انه كان لما يحكيلي على ذكرياته والدموع تمتزج بضحكته

كانت فعلا بتقطع قلبي .........جدى كان لما يبقي فيه حالة وفاة وممنوع عمل المحشي ومعرفش ايه عادات قديمة كدا

وممنوع فتح التليفزيون للاربعين ........جدي كان غير خالص يوم وفاة باباه حكم عليهم عملوا محشي

وفى نفس الاسبوع عملوا فطير مشلتت والتليفزيون متقفلش ولا يوم ........وكان عمرى ماشوفته بوش مكشر حتى وهو

نايم كنت ابص على وشه الاقيه مبتسم وهو نايم ........اما فى ناس اعوذ بالله التكشيرة خلاص انحفرت على وشهم

ولو ابتسموا تحسي ان فيه شيء غريب مش طبيعي هيحصل .......

انا في من جدي شوية يعنى دايما مبتسمة وكمان مكان شغلى حساس اوى المريض ممكن يترجم تعبيرات وشك

على مدى خطورة حالته ......فهو بيشوف انعكاس حالته على وشنا

فلو يوم كنت غصب عنى مريضة ولا مخنوقة ولا خلاص على اخري ومش مشكرة بس مش مبتسمة

تصورى المرضي اللى بيبقوا مترددين علينا وعارفينهم طريقتهم بتتغير وتعبيرات وشهم واحس انهم غير سعداء .......

ويسألونى فيكي شيء بسرعه انتبه وابتسم والله بدون مبالغة فعلا دا بينعكس على حالتهم ........

فمش هنخسر حاجة لو ابتسمنا ......ولو حاولنا نتعود هتيجي واحدة واحدة لحد ما تبقي من القلب

والنبي لا انتى ضاحكة ......... محدش واخد منها حاجة .......والله يرحمك يا جدي

تم تعديل 14 مايو 2008 بواسطة Badria Mekkawy

[nash]

اللهم لك الحمد....أستطيع أن أصنف نفسي ضمن فئه الشخصيه السعيده الضاحكه...حتي في أوقات التنكيد علي الولاد...لها متعه لا يستشعرها إلا مثلي...

محترفين النكد...

السعاده لي تتمثل في ابسط الأشياء...لدرجه لا يمكن تصورها....

حتي في لحظات الحزن....أخاف أن أحزن بشده وكأني أتمرد علي قدر الله ...

حتي عند الشدائد....أخاف أن أشكو لأحد...وكأنني أشكوا رب العباد للعباد...

حتي عند مواقف الحزن...أتذكر الأخرين وأحوالهم ....أشكر الله فورا علي ما أنعم علي ..

لكن أجمل شيء ...ولا يشكر في نفسه إلا إبليس يعني وكدهوت....أنني متفائله بشكل غريب....وأحيانا بشكل غير منطقي....

لذلك عند أي عثرة...أنفض روحي من الشوائب وأنطلق ..ودائما ...احس أن بكرة أحلي....

سوري يا جماعه طولت....

تم تعديل 14 مايو 2008 بواسطة nash

[Nonna]

ربنا يكرمك يا بدرية يااااارب

و يدخل على قلبك الفرحة و السرور ان شاء الله

عيلة والدتي فرفوشين جدا

والله بجد مش بيشيلوا هم للدنيا كدة

ضاربينها كدة زي ما بيقولوا طبنجة و ماحدش واخد منها حاجة

اخر الاسبوع كنا نروح بيت جدتي

الاخوال و الخالات و الاحفاد

و الشقة اصلا ضيقة من غيرنا

ماتعرفيش بتاخد الاعداد ده كلها ازاى

علما بان ماما و اخواتها 10 كلهم بيتواجدوا باولادهم_الازواج لا و الزوجات بتبقى على حسب طبيعتها_

البيت ده بيساعي كل ده ازاى مااعرفش

ما بنامش لحد ما نروح بيوتنا

يفضلوا يهزروا و يضحكوا لحد الفجر اليومين اللي قاعدينهم عند تيتا

فاكرة ان جدتي كانت تعبانة جدا

و المفروض انها تتنقل المستشفى خلاص

و خالي قعد يضحك ضحك و يهزر و حالة الحزن اللي كانت مسيطرة عليهم راحت

دخلت عملت بيتزا

لاعداد مهولة

_حلوة وحشة ماحدش كان بياخد باله_

ولما جدتي اتنقلت المستشفى

مافيش دكتور او ممرض او ممرضة او حتى عامل في كافتيريا مايعرفناش او يحب يخدمنا

10 اخوات لأم واحدة

باحفاد داخلين طالعين

في اوضة مريضة واحدة

و المفروض يبقى مرافق واحد في اليوم

كنا مستعمرين المستشفى بصراحة

جدتي كان الدكتور يقولها _انتوا طالعين رحلة مش كدة؟!!_

الدكتور اللي كان هيعملها العملية

قالها انها لو استمرت حالتها النفسية بالارتفاع ده

مش هيعملها العملية لانها بتتحسن لوحدها

و فعلا

جدتي بعد اسبوعين

خرجت من المستشفى بدون عملية

أدوية و متابعة مستمرة و بس

بجد بجد

من اول القواعد

في حياتي

تبّسم

و انت بترد على التليفون

و انت خارج من بابا البيت

و انت داخل لدكتور في اللجنة الشفوي

و انت بتفتح الكتاب عشان هتذاكر

وانت داخل لجنة التحريري

و انت بتشتري حاجة من البياع

تبّسم

كان في مثل انجليزي بيقول smile is the curve that sets everything straight

smile and see what will happen

[Nonna]

نوشاااااا

يارب تفضلي كدة علىطووووول ان شاء الله

افتكرت موقف برده و قعدت اضحك عليه دلوقت بمناسبة الضحك و الابتسام و خلافه

بس ما تتريقوش عليّ

المفروض يعني ان انا و اسرتي رايحين نقابل ناس لاول مرة في نادي ما

و المفروض برده ان المقابلة الاولى بانطباعاتها هتفرق قوي في سير الموضوع :blush2:

و المفروض ان والدتي كانت ملقناني كويس

_ما تتكلميش كتير و ما تسكتيش كتير

_بصي كويس و بلاش دلع و من تحت لتحت مش وقت كسوف ده :blush2:

و من ضمن النصايح

_ما تكشريش كتييير و ما تضحكيش كتيير

اللي حصل بصراحة كان غير المفروض خالص

انا معرفش اللي جرالي

الظاهر من كتر ما ماما كلمتني انا دماغي مشيت العكس

بقيت اتكلم هنا و هنا

و الناس اللي حوالينا اتكلم معاهم و العب مع نونّاتهم

اقوم و اشتري غزل البنات :blush2:

_ياريتني ما افتكرت_

و حمص الشام واقول لبنت طنط اللى هي مامت الولد اللي هو _يوه ماعلينا بقى :blush2: _

اقولها تعالي معايا نجيب حلبسة :blush2: _ايوة انا قلت حلبسة_

طنط بقت تضحك معايا جدا

لدرجة انها مااتكلمتش مع ماما كتير

طووول الطريق و احنا مروحين

ماما عمالة تزعقلي

فاتحة بقك عمال على بطال

ضحك ضحك ضحك

مش انا منبهاكي

خلاااص

راحوا خلاص

بيني و بينكم بدأت راجع نفسي

اضايقت

تاني يوم لقينا تليفون و الميزة اللي خدوا بالهم منها

انى بشوووووشة و مبتسمة على طول :blush2:

سبحان الله

ملحوظة: ماحدش يسال عن نتايج الموضوع بعد كدة :blush2:

[badroora]

ننوشة ........الله يديم عليكي نعمة الضحك والسعادة والتفائل ......... :blush2:

نونا ..........انتى مشكلة بسم دمك زى العسل ........اوعى تبطلي ضحك ابدا اوعى تسمعى كلام ماما ........

وصدق القائل عندما قال

" رغم السواد المحيط حولى ولكنى متفائل " بعدها والله اعلم النور كان قاطع رجع على طول :blush2:

[badroora]

لو استدبرت من أمرى ما أستقبلت لكان أول شرط فى زوجة المستقبل أن تكون ضحوكة...

بدرية و جالاكسى كلامكم صح...

دا يبقي طمع يا دكتور اتنين فى البيت دمهم يبقي خفيف دي مشكلة .....عشان كدا خايفة اتجوز وحظى يقع فى واحد نكدي

يطلع على القديم والجديد :blush2: وبعد كدا تلاقونى مبدخلش غير منتدى التكافل الاجتماعى :blush2: واستشارات نفسية

[ELSHAMY]

نوشاااااا

يارب تفضلي كدة علىطووووول ان شاء الله

افتكرت موقف برده و قعدت اضحك عليه دلوقت بمناسبة الضحك و الابتسام و خلافه

بس ما تتريقوش عليّ

المفروض يعني ان انا و اسرتي رايحين نقابل ناس لاول مرة في نادي ما

و المفروض برده ان المقابلة الاولى بانطباعاتها هتفرق قوي في سير الموضوع :blush2:

و المفروض ان والدتي كانت ملقناني كويس

_ما تتكلميش كتير و ما تسكتيش كتير

_بصي كويس و بلاش دلع و من تحت لتحت مش وقت كسوف ده :blush2:

و من ضمن النصايح

_ما تكشريش كتييير و ما تضحكيش كتيير

اللي حصل بصراحة كان غير المفروض خالص

انا معرفش اللي جرالي

الظاهر من كتر ما ماما كلمتني انا دماغي مشيت العكس

بقيت اتكلم هنا و هنا

و الناس اللي حوالينا اتكلم معاهم و العب مع نونّاتهم

اقوم و اشتري غزل البنات :blush2:

_ياريتني ما افتكرت_

و حمص الشام واقول لبنت طنط اللى هي مامت الولد اللي هو _يوه ماعلينا بقى :blush2: _

اقولها تعالي معايا نجيب حلبسة :blush2: _ايوة انا قلت حلبسة_

طنط بقت تضحك معايا جدا

لدرجة انها مااتكلمتش مع ماما كتير

طووول الطريق و احنا مروحين

ماما عمالة تزعقلي

فاتحة بقك عمال على بطال

ضحك ضحك ضحك

مش انا منبهاكي

خلاااص

راحوا خلاص

بيني و بينكم بدأت راجع نفسي

اضايقت

تاني يوم لقينا تليفون و الميزة اللي خدوا بالهم منها

انى بشوووووشة و مبتسمة على طول :blush2:

سبحان الله

ملحوظة: ماحدش يسال عن نتايج الموضوع بعد كدة

النتيجة واضحة طالما انك لسه مفرفشة لحد دلوقت.....ألف مبروك.. :blush2:

[nash]

النتيجة واضحة طالما انك لسه مفرفشة لحد دلوقت.....ألف مبروك..

:blush2: :blush2: :blush2:

[semsema]

من عادتي المعتادة اني دايما اكون مبتسمة ومش بحب اكشر

ولو عندي حصة....ببقى طبعا مبتسمة حتى لو حصة نحو

لكن للاسف المعلمات بيفتكروني عاملة عاملة او بتريق عليهم.....ويكون ردهم عليا:

مافي شي يضحك!!!

:blush2:

المشكلة انهم مش بيعرفوا يفرقوا بين الضحكة والابتسامة ويطلعونا احنا الغلطانين :blush2:

[galaxy]

فعلا يا بدريه انا معاكي ......في المهن اللي بتستلزم تعامل مباشر مع الناس الواحد لازم يكون متحكم في نفسه جدا.....................الحمد لله بيقولوا اني بشوشه. ..........ومن خلال عملي بلاقي كتير من السيدات اللي بييجوا مواطنات وجنسيات تانيه منهم جنسيات اجنبيه بيطلبوا معرفتي معرفه شخصيه ورقم تليفوني وبتعاملوا معايا انا تحديدا اكتر من باقي زمايلي .........يعني لو الشيفت مش بتاعي بيمشوا ويرجعوا لما اجي تاني.....................بفرح اوي وبحس ان حبهم وثقتهم فيا دي منحه كبيرة اوي والله.............. :wub:

اما بقي الهذار ...............حدث ولا حرج لما بنتلم انا واخواتي ونعيش بقي smk: ...................اول لما نقعد نبدأ نهرج وخلصت يا معلم....................الداخل مفقود :lol:

وبصراحه كمان مش بحب اتواجد في مكان في نكد......................نفسيتي بتتأثر جدا .................بس الحمد لله بوزن نفسي بسرعه وما بطولش................حتي في عز الزعل بجد بهزر واتريق علي نفسي لحد لما اخرج من المود. ......بس الحمد لله بعديه بسرعه لان بجد مش بحب المكد ولا المشاكل............مع ان دا منطقي ان كل الناس ليها مشاكلها.........بس بجد محدش في رايي بيدور علي المشاكل بنفسه..............الا لو غاوي بقي علي راي ناش.

......الضحك بجد نعمه ................ناس كتير بتفتقدها وخصوصا الصافي اللي من القلب .

المشكله بقي لما تكوني في موقف يستدعي التأثر ولا الصرامه................اكون بزعق بقي في ولاد اختي وعامله بقي اني بهذبهم وافضل اوعدهم اني هعمل واسوي bv:- ..................... ومع اول حركه استسلم ومقدرش امنع الضحكه.................بجد ببقي في الزعيق مش مقنعه خالص..... gra:- ............يعني مش بقدر اعمل لنفسي هيبه معاهم للاسف................. wst::

اما بقي لما بكون زعلانه من حاجه ولا متضايقه ..............ولازم طبعا ابتسم.............بحتسب ابتسامي في وجه اخي لوجه الله ............لان بجد مالوش ذنب اني اكون زعلانه من حاجه واتنرفز عليه ولا اعامله وحش...............بصراحه كل واحد فيه ما يكفي ............بحتفظ بزعلي لنفسي واتعامل عادي.

رزقنا الله جميعا واياكم راحه البال وصفاء الذهن والضحك من القلب............وربنا يسعدكم ويسعدنا كلنا :wub:

[~Heba~]

الاعتراف بالحق فضيلة......انا آخر واحدة يتقال عليها شخصية ضاحكة bv:-

امتى آخر مرة ضحكت فيها من قلبى.........آه افتكرت

لما كنت بقرأ موضوعك يا بدرية بتاع الحبشة

و موضوع النكت فى اوله

كنت قاعدة لوحدى فى الشقة و هات يا ضحك والله الواحد ساعتها حس حياته كأنها صفحة ويب و عملها ريفرش او بروجيكت عمله rebuild

يا بدرية مش عارفة ليه موضوعك ده فكرنى بواحدة كانت زميلتى فى السكن ايام الكلية....البنت كانت ما شاء الله مبتسمة دايما و بشوشة و بتضحك كتير و عليها ضحكة يا الطاف الله عالية جدا كنت بقولها لما بتضحك يا بنتى براحة المبنى حيتهد....المهم انا فى يوم من الايام شفتها زعلانة و منزوية كده فى ركن لوحدها و مسكتها قررتها و خلتها تعترف و طلعت ايه يا ستى زعلانة لان الدراسة صعبة و هى خايفة تخيب امل والدها..شفتى الاحساس المرهف

يعنى على الرغم من ان الانسان اللى بيضحك كتير ده الناس فاكراه مطنش و مش بيهمه بس هو انسان حساس

و انتى يا بدرية اثبتيلى كده...آه يا حساسة انتى خدى دى smk:

تم تعديل 15 مايو 2008 بواسطة ~Heba~

[سهران]

بيقولوا ........ الأبتسامة وسيلة قليلة الثمن جدا لتحسين مظهرك .... أكثر جمالا بالطبع .......... علشان كدة كل اللي أتكلموا في الموضوع بنات ..... يبدو أنهم لاقوها وسيلة أرخص من الماكياج ........

[badroora]

الاعتراف بالحق فضيلة......انا آخر واحدة يتقال عليها شخصية ضاحكة :sad:

امتى آخر مرة ضحكت فيها من قلبى.........آه افتكرت

لما كنت بقرأ موضوعك يا بدرية بتاع الحبشة

و موضوع النكت فى اوله

كنت قاعدة لوحدى فى الشقة و هات يا ضحك والله الواحد ساعتها حس حياته كأنها صفحة ويب و عملها ريفرش او بروجيكت عمله rebuild

يا بدرية مش عارفة ليه موضوعك ده فكرنى بواحدة كانت زميلتى فى السكن ايام الكلية....البنت كانت ما شاء الله مبتسمة دايما و بشوشة و بتضحك كتير و عليها ضحكة يا الطاف الله عالية جدا كنت بقولها لما بتضحك يا بنتى براحة المبنى حيتهد....المهم انا فى يوم من الايام شفتها زعلانة و منزوية كده فى ركن لوحدها و مسكتها قررتها و خلتها تعترف و طلعت ايه يا ستى زعلانة لان الدراسة صعبة و هى خايفة تخيب امل والدها..شفتى الاحساس المرهف

يعنى على الرغم من ان الانسان اللى بيضحك كتير ده الناس فاكراه مطنش و مش بيهمه بس هو انسان حساس

و انتى يا بدرية اثبتيلى كده...آه يا حساسة انتى خدى دى

:lol: ايه يا هبة فكرتينى بالغالية امى كل مانجننها ونهزر معاها ونقولها بزمتك انتى مش اسعد ام عشان احنا ولادك تقولى اه

يا قلبي يا كتاكت يا مانت شايل وساكت :closedeyes:

شوفى يا هبة انتى سبقتيني فى اكتشاف الشخصية الضاحكة السعيدة الجوانب الحزينة فيها ........ :sad:

مش شرط صاحب الشخصية السعيدة يكون سعيد فى حياته بنسبة 100% او معندوش مشاكل ...ولكن الاهم هو اقوى منها

ام لاء .........انا عن نفسي معنديش مشاكل والحمدلله ولا قلق غير على مستقبلي سواء العلمى او الجوازى .....ودا يمكن الجانب الوحيد

اللى منغس على سعادتى .........هو انك هتستقري امتى ومع مين ..امتى دي مش مشكلة مع مين هى الطامة الكبري

انا بطبعى اميل للشخصية القوية المرحة ودايما اخلق من اى جو كئيب مرح سبحان الله تلاقينى ببكي وفى نفس اللحظة

بتضحك ممكن يكون بضحك على شكلى وانا بابكي

مثلا او على صوتى او على ايه حاجة ....مقدرش استحمل الزعل اكثر من بضع ساعات بسرعة تلاقينى اتجدد وانسي

وافكر فى حاجة تبسطنى ولا اميل او احب الجلوس مع الشخصيات الكئيبة التى تستخسر فى نفسها السعادة ودائمة بائسة

انا اقدر اقول على نفسي مش شخصية سعيدة ولكن باحثة ماهرة عن السعادة وعمرى ماقسيت على نفسي ولا على

حد عشان كدا دايما تلاقينى الحمدلله سعيدة

مع ان ملامحى يا هبة حزينه على النقيد تماما لو بس الابتسامة اختفت من على وشي وبقيت عادية الكل يتسأئل مالك ملامحك حزينه ليه

بس تعرفي باحس ان دى هبة من عند ربنا عشان عملية التوازن لانى زى مانتى عرفه كثرة الضحك تميت القلب فتقلب

المود دا شيء صحى وعلامة كويسه

والله يدينا ويديكى حياة سعيدة وبسمة دائمة وقلب صحي حى ينبض ويخشع ويخضع ولا يميت ابدا الا ان يشاء الله

طول مانا معاكى يا هبة هاخليكي تضحكى خلاص انا اتبنيتك وهاعتبر رسم البسمة على شافه البؤساء مهمتى الاولى فى حياتى

ربنا يسعدك يا رب

تم تعديل 16 مايو 2008 بواسطة Badria Mekkawy

[badroora]

بيقولوا ........ الأبتسامة وسيلة قليلة الثمن جدا لتحسين مظهرك .... أكثر جمالا بالطبع .......... علشان كدة كل اللي أتكلموا في الموضوع بنات ..... يبدو أنهم لاقوها وسيلة أرخص من الماكياج ........

يا ساتر نكشر تقولوا علينا نكديين والبيت ميندخلش بسببنا نضحك مش عاجبين وتقولوا متمكيجين . .......حيرتونا معاكم والله :closedeyes:

[الباشمهندس ياسر]

العيد داخل علينا

قلت ارفع كام موضوع من بتوع الضحكة الصافية

يمكن اخد فيناااااا ثواب