رباعيات

[daktara]

لو فيه من الحكام واحد ديموقراطى

يقول لشعبه مش قادر أبقى مْطاطى

وينحى نفسه بكرامه ورافع هامه

ويحس إنه بنى آدم مش مطّاطى

********

كنا بحكامنا بقينا أمه عظيمه

لينا ما بين كل العالم هيبه وقيمه

ولا بوش ولا بلير ولا أيها جن مصوّر

يقدر على حدودنا يهدد جندى فى خيمه

*************

**************

*********

بنقول كلام فى كلام ولكل الكلام طراطيش

ملبسينّا عمم وكمان فوق العمم طرابيش

لأ والغريبه صدّقوا إن احنا صدّقنا

أصل احنا فوله فى بقّنا : يحيا النظام ويعيش

***********

بالروح وبالدم نفدى اللى عليه الدور

ودا مره حاكم ومره الشعب لو مقهور

حتى ساعات الزمالك والاهلى برضو ساعات

كل المهم نستفرغ شويه هتاف م الزور

*********

[عمر بيك]

ياسلام يادكترا بمناسبه الأهلي والذمالك منذ فتره سمعت علي إحدي الفضائيات مسؤول كروي يقول انهم يمثلون اكبر تجمع في مصر يعني يفوق جميع الأحزاب السياسيه وعجبي.

عمر!

الأسماعيلي

[crossfield]

ياه يا دكترة فينك من زمااااااااان ؟؟وحشتنا رباعياتك .الأخيرة دى حلوة و لو ان انا بصراحة مقدرش اقول غير "يحيا النظام و يعيش" :cry: :cry: و ربنا أعلم باللى فى ضميرى :twisted: :twisted: :twisted: