أحلى منتدى مصرى قرب المصريين من بعض

[geeemooo]

والله ياجماعة احييكم على المنتدى الرائع ده و اول مرة احس بجد ان فيه مصريين متحدين كدة مع بعض وبيقدموا لبعض النصائح

على فكرة انا كنت فى السعودية من سنة 2002 الى سنة 2006 بصراحة كان نفسى اتقابل معاكم كنت هاستفاد كتير اوى

اتمنى ان الرابطة المصرية دى تذيد وتكبر عشان بجد نلاقى الى يساندنا فى الغربة

شوفوا كل واحد فينا ممكن يعمل ايه ونعمله عشان الرابطة دى تكبر

على فكرة انا شغال فى شركة انترنت كبيرة فى مصر ولو عاوزين اى حاجة اعملهالكم انا معنديش مانع فى سبيل نجاح المنتدى ده

وربنا يوفقنا لما فيه الخير لبعض

وعلى فكرة كمان عجبنى اهتمام المشرف العام الى اسمه سى سى بيقدم نصائح مظبوطة جدا بحييك على اهتمامك بشئون المغتربين والى عاوزين يتغربوا

بكرر انا مستعد تقديم اى خدمة لأى عضو فى المنتدى الرائع ده

GEEEMOOO

[مهيب]

أهلا بيك فى المحاورات يا جيمو .. و فعلا س س مشكلة كبيرة فى الموضوع ده .. الجدعنة عنده مفيهاش فصال نوهائى .. وصدقنى اللى وصلك و عرفته عنه أقل من الواقع .. نتمنى حد متحمس كده زيك يفيدنا و يشاركنا .. سعداء جدا بك .

مهيب

[aimen]

سى السيد مرشحنا فى مجلس الأمة ان شاء الله بس مبدئيا ندعى ان ربنا يحرس له عمر وينجحه فى امتحاناته الصعبة ( هى الإمتحانات بدأت ولا لأ ) ويجيب A+ يارب

[se_ Elsyed]

سى السيد مرشحنا فى مجلس الأمة ان شاء الله بس مبدئيا ندعى ان ربنا يحرس له عمر وينجحه فى امتحاناته الصعبة ( هى الإمتحانات بدأت ولا لأ ) ويجيب A+ يارب

سيادتك البيت بتاعنا دلوقت محاط بسياج مكهرب مع كلاب بوليسية تهبر كل من يعكر صفو مزاج عمر بك كعب الغزال وده لان عنده فينال اكزام هايبدأ يوم الثلاثاء الجاي .مش هاتصدقني لما اقولك اني نزلت الجمعة اللي فاتت اصور اوراق المراجعه بتاعته

بالصلاتو عالنبي 500 ورقة .... فايف هاندرد .. لاولى ابتدائي .....اومال في الثانوية هاعمل ايه ؟ انا بيتهيألي هاروح اتعاقد مع تريلا بثمانية اجواز عجل دوبل عشان تيجي تشيل الورق

---------------

لا انسى ان ارحب بالزميل الجديد جيمو وان شاء الله نجد لك مشاركات فعالة

--------------

الابن مهيب ... يابني انا قربت اخد نهائي ومع ذلك مش عارفين نلتقي عند نقطة محورية بؤرية متقوقعه

[geeemooo]

شكرا يامهيب باشا على ترحيبك بي

وانشاء الله هتلاقى مشاركة فعالة منى فى المنتدى الرائع ده

[زهرة الجبل]

الأخ الكريم geeemooo

أهلاً و سهلاً بك هنا في المحاورات و إن شاء الله تفيد و تستفيد

وبالفعل الأخ الفاضل س س ( أبو عمر ) ده دينامو المحاورات هنا ماشاء الله عليه

تجده يمثل الإجابه على أسئلة 90 % من المحاورات هنا و في كل المجالات

ربنا يخليله عمر ويحميه و ينجحه

إن شاء الله بتواجد حضرتك و بالتعامل معه ستعرفه و تعرف المنتدى كله أكثر

تحياتي و دمت بخير

أختك أم كريم

[أبو محمد]

أهلا بيك يا جيمووووو بين اخواتك وأصدقاءك ..

إنت فعلا وضعت إيدك على أحد العناصر البارزة فى "محاورات المصريين" .. وهو عنصر تجميع المصريين فى الداخل والخارج حول ما يهمهم ويشغلهم من الأمور العامة والخاصة

ووضعت يدك أيضا على عنصر بارز آخر وهو عنصر سين سين كب ألف اربعة ... أهو الإنسان ده .. لم أقابله حتى الآن مع أننا فى فريق واحد وهو فريق المشرفين .. ولكنى أتخيله مثل "أبونا العمدة" فى الرياض ... الكل بيلجأ إليه للمشورة .. وهو يتمتع بصفة "خادم القوم سيدهم" ... كان لنا - فى الكويت - صديق كنا نطلق عليه لقب "العمدة" .. كان أول من يبادر إلى تقديم المشورة ، وتقديم الخدمات ..

فإن عوَّضك الله بعرض آخر فى السعودية ولو قررت وكان لك نصيب فيه .. فاعلم أنك لن تكون غريبا هناك .. فأبوك العمدة حيكون موجود :lol:

[geeemooo]

الأخ الكريم geeemooo

أهلاً و سهلاً بك هنا في المحاورات و إن شاء الله تفيد و تستفيد

وبالفعل الأخ الفاضل س س ( أبو عمر ) ده دينامو المحاورات هنا ماشاء الله عليه

تجده يمثل الإجابه على أسئلة 90 % من المحاورات هنا و في كل المجالات

ربنا يخليله عمر ويحميه و ينجحه

إن شاء الله بتواجد حضرتك و بالتعامل معه ستعرفه و تعرف المنتدى كله أكثر

تحياتي و دمت بخير

أختك أم كريم

شكرا للأخت ام كريم على هذا الإطراء

وربنا يقدر المصريين كلهم على خدمة بعض ونثبت لكل الجنسيات ان احنا يد واحدة

احنا عندنا مشكلتين اساسيتين فى الغربة

1- المصريين الجدد الى بيجوا الخليج مش بيكون عندهم الخبرة الكافية بالتعاملات ولا بالبلد الى رايحنها ف بيخبطوا وبيتلخبطوا وممكن يحصلهم مشاكل

2- الناس القديمة الى بتكون مقيمة اكثرهم بيبخلوا بالنصيحة لأى حد موجود جديد او وقع فى مشكلة

فى وجود المنتدى الجميل ده بجد هانقدر نوحد نفسنا ونشجع اى حد على تقديم اى نصيحة للكل

[geeemooo]

أهلا بيك يا جيمووووو بين اخواتك وأصدقاءك ..

إنت فعلا وضعت إيدك على أحد العناصر البارزة فى "محاورات المصريين" .. وهو عنصر تجميع المصريين فى الداخل والخارج حول ما يهمهم ويشغلهم من الأمور العامة والخاصة

ووضعت يدك أيضا على عنصر بارز آخر وهو عنصر سين سين كب ألف اربعة ... أهو الإنسان ده .. لم أقابله حتى الآن مع أننا فى فريق واحد وهو فريق المشرفين .. ولكنى أتخيله مثل "أبونا العمدة" فى الرياض ... الكل بيلجأ إليه للمشورة .. وهو يتمتع بصفة "خادم القوم سيدهم" ... كان لنا - فى الكويت - صديق كنا نطلق عليه لقب "العمدة" .. كان أول من يبادر إلى تقديم المشورة ، وتقديم الخدمات ..

فإن عوَّضك الله بعرض آخر فى السعودية ولو قررت وكان لك نصيب فيه .. فاعلم أنك لن تكون غريبا هناك .. فأبوك العمدة حيكون موجود :lol:

شكرا يا ابو محمد

وانشاء الله ربنا يوفقنا كلنا على خدمة بعض

[vipwithyou]

أهلا بيك يا أخ geeemooo بين اخواتك فى المحاورات الملتقى الراقى للمصريين فعلا

وبعدين يا باشا انت عجبك سين سين وهو على المحاورات ما بالك بقى على الواقع

عزايم ايه وكبسة ايه ومحاشى ايه

اكل بالهبل بس تعالى انت بس

هو فاتح مطلع فى المنفوحة عدى علينا انت بس وتاخد واجبك وزيادة

أهلا بيك اخى الكريم وان شاء الله تستفيد من المحاورات وتفيد اخوتك به قدر المستطاع

أخوك

تامر السيد

[magedghonim]

اهلا يجيمو

وبكل الحبايب من حبيبتي المنصورة

وانا بقول فعلا منتدى جميل وناس اجمل

ورجع لينا كلنا صورة المصريين بتاعة ايام زمان

ازاي تلاقي الصاحب بيساعد صاحبه اكتر من اخوه نفسه

ودة المفروض والواجب علينا

عشان ربنا يكرمنا ويبارك لينا كلنا

تحياتي للجميع

[geeemooo]

أهلا بيك يا أخ geeemooo بين اخواتك فى المحاورات الملتقى الراقى للمصريين فعلا

وبعدين يا باشا انت عجبك سين سين وهو على المحاورات ما بالك بقى على الواقع

عزايم ايه وكبسة ايه ومحاشى ايه

اكل بالهبل بس تعالى انت بس

هو فاتح مطلع فى المنفوحة عدى علينا انت بس وتاخد واجبك وزيادة

أهلا بيك اخى الكريم وان شاء الله تستفيد من المحاورات وتفيد اخوتك به قدر المستطاع

أخوك

تامر السيد

والله يا اخ تامر انت فتحت نفسى انا لو كنت اعرف قبل كدة ما كنتش رجعت من الرياض وخصوصا انا بحب المعصوب قوى قوى كنت هاخلص شغلى واطير على المطعن افضل اكل فى معصوب لحد ما اكون زى الكفيل .....اقصد الفيل :wub: بس يالة كل شئ اسمة ونصيب

المهم انا اتشرفت بمعرفتك وانتظرنى قريب انشاء الله لو جاتلى حاجة مناسبة هارجع تانى الرياض

ولو عاوز اى حاجة من مصر انت تأمر بس

GEEEMOOO

[geeemooo]

اهلا يجيمو

وبكل الحبايب من حبيبتي المنصورة

وانا بقول فعلا منتدى جميل وناس اجمل

ورجع لينا كلنا صورة المصريين بتاعة ايام زمان

ازاي تلاقي الصاحب بيساعد صاحبه اكتر من اخوه نفسه

ودة المفروض والواجب علينا

عشان ربنا يكرمنا ويبارك لينا كلنا

تحياتي للجميع

ياباشا ده بس من اصلك انا الى اتشرفت بيك

بس قولى بقة انت منين من مصر ؟

GEEEMOOO