سوق العمل الكندي 2009

[Nassarlink]

طيب لو الاختيار بايدك تختار البرتا والا اونتاريو والا فانكوفر يعني مقاطعه كلها على بعضها بعيوبها ومزاياها

انا عن نفسي اختار اقليم يوكن

لاسباب شخصيه :sad:

[torontoz]

طيب ياجماعه علشان الرؤيه تبقى واضحة وبناء على اراء اخونا تورنتو ....كيبك تعد مقبرة لاى حد عايز يشتغل

يبقى المقارنة عندنا محصورة بين 3 اماكن بريتش كولومبيا(فانكوفر) _ البرتا (كالجارى وادمنتون)- اونتاريو ( تورنتو ولندن اونتاريو)

ممكن الاخوة اصحاب الخبرة يقولوا اراءهم فى كل مدينة من دول طبعا مش شرط الى يتكلم يكون عارف كل المدن دي او عنده اجابه كل تساؤلتنا بس لو عايش فى واحدة منهم ياريت تقول لينا رايك فيها مااستطعت وخصوصا تكاليف المعيشة من سكن وتغذيه ومواصلات؟

الطقس؟

الاعمال الكاجوال ؟

هل البرتا بتحتاج معادلة علشان تشتغل فى تخصصك؟

لو انت معاك فلوس ممكن تساعدك اول سته شهور طبعا روح البرتا او فانكوفر او حتي اونتاريو..اللي يجيبك كيبيك..لان الاعمال اللي عايزة واسطة هنا في كيبيك..تقدر تلاقيها بسهولة هناك..انا حكلم عن تورونتو وفانكوفر علشان ليه تجربة معاهم..الخلاصة اللي ممكن تعمله في سنة في كيبيك...ممكن تعمله في سته شهور وخاصة في فانكوفر..المشكلة الفلوس فقط لاغير في مرحلة التأقلم..

السكن غالي جدا..يعني غرفتين في تورنتو بعفشة المية :sad: حوالي ٩٠٠ دولار..في فانكوفر حوالي ١١٥٠ في كيبيك ٧٠٠ وساعات ٦٠٠ علي حسب المنطقة..البرتا الغرفة الواحدة ٥٠٠ دولار..واحيانا٦٠٠ دولار..الطعام في كل المقاطعات تقريبا اسعاره واحدة..لكن الارخص اونتاريو..حتي اسعار الملابس رخيصة هناك..لكن مثلاا تامين السيارة غالي في اونتاريو وجميع مقاطعات كندا..لكن تلاقيه رخيص في كيبيك..

طيب لو الاختيار بايدك تختار البرتا والا اونتاريو والا فانكوفر يعني مقاطعه كلها على بعضها بعيوبها ومزاياها

لو عايز اشتغل اى حاجة او ماوصل طبعا البرتا وخاصة ادمنتون..او اونتاريو وحختار كيتشينر او لندن او اوتاوا ..لكن لو مش مستعجل اوي علي شغل طبعا فانكوفر.لكن لو مفلس وآطع..... ومش عايز اقول كلام تاني ..طبعا كيبيك بدون منازع..

[torontoz]

طيب لو الاختيار بايدك تختار البرتا والا اونتاريو والا فانكوفر يعني مقاطعه كلها على بعضها بعيوبها ومزاياها

:sad:

انا عن نفسي اختار اقليم يوكن

لاسباب شخصيه ;)

يوكن ايه بس..وانت اتنصب عليك في بلدك وسط :D :lol: :lol: :lol: عيالك..وعمال تقولي كبسة سعودي وزلوطة بولندي..

[the doors]

تورنتو الشقة النظيفة من 1100 دولار وانت طالع

الاكل مش غالى ماعدا الالبان والمنتجات العربية والمصرية غاليه جدا

لو انت عاوز تشتغل اى حاجة ومش فارق معاك اعتقد فى انتاريو ممكن فى خلال شهر تشتغل بقول اى حاجة اى حاجة تانى و محدش يفتكر ان اى حاجة ده انها شغل فى مكتب او شركة ولكن دليفرى - كاشير - عامل - مطاعم كده يعنى حتقول الراتب - الراتب حكيفيك انت و اسرتك للمعيشة تماما - انا بقول تانى الحد الادنى للاجور فى انتاريو حكيفيك تسكن وتاكل وتشرب و تلبس كويس - معقول بس مش حيتبقى قرش

انما الاخوة العرب وخاصة المصريين الى عيشين هناك - اغلبهم ناس دبلومات - انجلش زيرو - خبرة شغل زيرو - بيسال نفسه اشتغل ليه - اه فى ناس طيبين حيدفعوا فلوس - الشحاته؟؟؟؟؟؟؟؟؟؟ و ما اكثرها بين العرب

- وبع

انا اعرف واحد من هناك نزل على راى تورنتوز بالبارشوات من اول يوم مصرف قرش - فرش شقته وغير العفش فى اقل من شهرين ببلاش - و كان غريب يجيب مكانستان كهرباء اه واحدة شغلة والتانيه احتياطى - يا خى اطبق الاكل معرفش كان بيجيب الكميات ده منين - وبعدين ينزل اول اما الدنيا تليل وبعدين يرجع بالغنيمة !!!!!!!!!!!!!

المهم نرجع لموضوعنا - انا بكلم عشان افيد غيرى - بس انا عاوز اسال ليه الاخوه متحملين على تورنتوز معنه بيحول يفيد الكل يشكر على معلوماته

[torontoz]

تورنتو الشقة النظيفة من 1100 دولار وانت طالع

الاكل مش غالى ماعدا الالبان والمنتجات العربية والمصرية غاليه جدا

لو انت عاوز تشتغل اى حاجة ومش فارق معاك اعتقد فى انتاريو ممكن فى خلال شهر تشتغل بقول اى حاجة اى حاجة تانى و محدش يفتكر ان اى حاجة ده انها شغل فى مكتب او شركة ولكن دليفرى - كاشير - عامل - مطاعم كده يعنى حتقول الراتب - الراتب حكيفيك انت و اسرتك للمعيشة تماما - انا بقول تانى الحد الادنى للاجور فى انتاريو حكيفيك تسكن وتاكل وتشرب و تلبس كويس - معقول بس مش حيتبقى قرش

انما الاخوة العرب وخاصة المصريين الى عيشين هناك - اغلبهم ناس دبلومات - انجلش زيرو - خبرة شغل زيرو - بيسال نفسه اشتغل ليه - اه فى ناس طيبين حيدفعوا فلوس - الشحاته؟؟؟؟؟؟؟؟؟؟ و ما اكثرها بين العرب

- وبع

انا اعرف واحد من هناك نزل على راى تورنتوز بالبارشوات من اول يوم مصرف قرش - فرش شقته وغير العفش فى اقل من شهرين ببلاش - و كان غريب يجيب مكانستان كهرباء اه واحدة شغلة والتانيه احتياطى - يا خى اطبق الاكل معرفش كان بيجيب الكميات ده منين - وبعدين ينزل اول اما الدنيا تليل وبعدين يرجع بالغنيمة !!!!!!!!!!!!!

المهم نرجع لموضوعنا - انا بكلم عشان افيد غيرى - بس انا عاوز اسال ليه الاخوه متحملين على تورنتوز معنه بيحول يفيد الكل يشكر على معلوماته

هو حضرتك عايش في كندا.تحديدا Toronto

؟

[torontoz]

مسيو نصار انت اخطأت فى صيغة السؤال!!!انت عايز تقرأ مستقبل صديق لينا فى كيبك

ومش عايز تجرحه مع انه نصب عليك

بص صيغة السؤال بالشكل ده

فى واحد نصب على 4 او 9 افراد من المنتدى هنا وراح كيبك الشخص ده وصولى ومتسلق ومحظوظ ومعتاد النصب ويجيد الفرنسية بطلاقة بالاضافة الى انه مسافر ومعاه 100000 دولار حصيلة النصب فى فترة بسيطة ياترى هل هو بكده عنده مقومات النجاح فى كيبك؟!؟!؟

الله ينور عليك

انا عارف انك هتقراء افكاري

انا بس كنت عاوز اتطمن عليه

هيعرف يعمل الشويتين بتوعوا علي آل كيبيكوا

او ان المجتمع هريفض النوع ده

كنوع من إستقراء الطبيعه هناك

بس واضح من ردود اهل الخبره ان البليه هتلعب معاه كمان هناك

عموما القرشين الي معايا كويسين

مش باقي غير اني اكمل كورس الثلاث ورقات

دعواتك

هو مش محتاج يعمل الشويتين بتوعه علي الكيبيكواز..لان مع الكيبيكواز money talking..هو مش ضحك عليكوا وخد الجرشينات..والله انتو مديين الكنديين وكندا اكتر من حقها..وفاكرين تحت القبة شيخ..

[the doors]

لا هو تحت القبه شيوخ مش شيخ

[torontoz]

لا هو تحت القبه شيوخ مش شيخ

حتى الآن انا شايفهم ناس عاديين جدا..فيهم نصابين..ومرتشين,,وكذابين لابعد الحدود.وفيهم برده المحترمين ..

[mohajer in Process]

تورنتو الشقة النظيفة من 1100 دولار وانت طالع

الاكل مش غالى ماعدا الالبان والمنتجات العربية والمصرية غاليه جدا

لو انت عاوز تشتغل اى حاجة ومش فارق معاك اعتقد فى انتاريو ممكن فى خلال شهر تشتغل بقول اى حاجة اى حاجة تانى و محدش يفتكر ان اى حاجة ده انها شغل فى مكتب او شركة ولكن دليفرى - كاشير - عامل - مطاعم كده يعنى حتقول الراتب - الراتب حكيفيك انت و اسرتك للمعيشة تماما - انا بقول تانى الحد الادنى للاجور فى انتاريو حكيفيك تسكن وتاكل وتشرب و تلبس كويس - معقول بس مش حيتبقى قرش

----------------------------------------------------------------------------------------------------------------------------------------

يا أخي دو دوورز،

والله لو كان الراتب يكفي العامل العادي(سكن وشرب و لبس ومعيشةوبنزين ومواصلات وتأمين وتلفزيون وأنترنت وتلفون).....

هذا يعني أن راتب العامل أي حاجة ده (الكدحان يعني) في حدود 2500 الى 3000 دولار يعني؟؟؟؟؟؟؟؟!!!!!!رغم أنني لا أظن ذلك،لأنه حسب ما ذكر الإخوان في هذا المنتدى مرتب عامل بائع مثلا في محل ملبوسات راقية ...بالكثير 1500 دولار شهري.....

يعني السكن خليه 1000 دولار ....فهل 500 دولار حتكفي الستة الطويلة الي فوق.....أكل و شرب و انترنت وتلفون و ....

فكم راتب العامل العادي ده فهل ممكن يكون 1200 دولار بالشهر.....ده معناه ....مجاعة حقيقية .....في كندا يا إخوان...

ولا إيه رأيكم؟

[the doors]

كلامك صح

قولى ياخد 1400 دولار فى الشهر + راتب الاطفال من الحكومة حيوصل 2200 على الاقل فى الشهر

الغى السيارة حتعيشى سوبر لوكس بيهم

[torontoz]

كلامك صح

قولى ياخد 1400 دولار فى الشهر + راتب الاطفال من الحكومة حيوصل 2200 على الاقل فى الشهر

الغى السيارة حتعيشى سوبر لوكس بيهم

الحكومة الفيدرالية بتدفع ٢٥٠ دولار شهريا لكل طفل...

[the doors]

لا اكثر من كده - وكيبك اكثر بكتير

[torontoz]

لا اكثر من كده - وكيبك اكثر بكتير

انا كنت عايش في تورونتو فترة ليست بالقصيرة واعلم انهم بيدفعوا ٢٥٠ دولار..اما كيبيك بتختلف باختلاف عمر الطفل..لكن بتبقي بين ٤٨٠ و ٥٢٠ دولار ..طبعا الحكومة الفيدرالية دافعة نصف هذا المبلغ..انت ما قولتليش..انت عايش في كندا ؟

[the doors]

انا راجع قريبا جدا

[torontoz]

انا راجع قريبا جدا

توصل بالسلامة .. :lol:

[the doors]

شكرا جزيلا - انا حساس انك انسان كويس - بس اوع تكون تورنتو - او تورنتو ترك - محمد عمر

بس عاوز اسال سوال بقالك كام سنة فى كندا وفين - وسوال مباشرة لو قلتلك ترجع مصر او تروح الخليج او تكمل فى كندا تختار ايه - انا متاكد انك تختار كندا

وشكر برغم كل عيوبها

[jessika]

ههههههههههههههههه غريب جدا انت يا استاذ the doors هو فعلا تورنتو استاذ محمد عمر

[the doors]

لا اعتقد الاسلوب مختلف وبعدين الى يعرف كيبك كويس اعتقد صعب يعرف انتاريو كويس

[الأهلاوي الأصيل]

لا اعتقد الاسلوب مختلف وبعدين الى يعرف كيبك كويس اعتقد صعب يعرف انتاريو كويس

أسلوب مختلف إيه بس

هو تورنتو هو محمد عمر هو تورنتو ترك هو تونتوز...........ياراجل دا يتعرف من أول حرف بيكتبه

[torontoz]

لا اعتقد الاسلوب مختلف وبعدين الى يعرف كيبك كويس اعتقد صعب يعرف انتاريو كويس

أسلوب مختلف إيه بس

هو تورنتو هو محمد عمر هو تورنتو ترك هو تونتوز...........ياراجل دا يتعرف من أول حرف بيكتبه

هي بأت كده..مسيري اقفشك في كندا..