السيارة الـ " طاطا " بتاعت الهند

[se_ Elsyed]

فوجئنا بالسعودية في الأيام الأخيرة بوجود إعلانات كتيرة عن السيارة " طاطا " بينطقوها في " تاتا " في مصر

وأخد توكيلها أحد أفراد عائلة " الحمراني " وكيل نيسان ... والعملاق هنا في السوق السعودي

المهم منزلين 3 انواع من العربيات كلها 1400 سي سي إسمها " انديجو " منها بنزين وديزل ومنها الهاتشباك ومنها العادي وتصميمها ظريف ومش بطال

بس بصراحة سعرها مناسب جداً جداً لكل واحد مبتدأ في السعودية لإنها بتتراوح ما بين 26 ألف و 29 ألف ريال ..

لحد هنا والسعر مش منافس لإن الكيا ريو مثلاً أسعارها أقل ... والسوزوكي منزلة انواع صغيرة بـ 19 ألف

لكن لما تعرف إن سعر الطاطا الكاش زي التقسيط ... وإن القسط بيتراوح ما بين 470 إلى 570 ريال في الشهر لمدة أربع سنوات .. بدون أي مليم دفعة مقدمة

بيتهيألي ده شيء ولا في الخيال .. خصوصاً إن أعفن عربية إيجار فيكي يا سعودية بتاخدها بـ 50 ريال في اليوم وإسمها إيجار ..

ما بالك بـ 470 شهراً يعني 15 ريال في اليوم وفي النهاية هي ملكك

لكن بصراحة العيوب اللي أكتشفتها هي كالتالي :

1- كل الموديلات نازلة مانيول وما فيش أوتوماتيك .. بالظبط زي ماعملت الشيري أو ما نزلت بس دلوقت في أوتوماتيك .

2- إشتراطاتهم غبيه في الشراء منها .. ضرورة كفيل غارم سعودي يوقع هو على وصولات الأمانة .. ومرتبك الإجمالي ما يقلش عن 5000 ريال شهرياً وتجيب إثبات من البنك بكده .

وأعتقد إن النقطة دي بالذات هاتأثر عليهم جداً ..

لكن في النهاية لو إتوفرت الشروط دي فيك فانت هاتبقى مالك أول للسيارة ..

ومن أهم مميزاتها إن لك 3 سنوات ضمان ... منها أو سنة قطع الغيار والصيانة مجاناً ..

[أسد]

سيارات شيري برضه عاملة عروض مشابهة لتلك العروض ..

الشروط الموجودة لدى الشركة الأولى للسيارات . وهي أحد شركات مجموعة الحكير ..

أسهل بكثير ..

والحكير يعطي كل موظفينه من تلك السيارات .. وبالتالي .. ستبدأ ترى سيارات شيري في الشارع بكثرة .. وتغريك بالشراء .. وأيضاً باعوا كميات من السيارات للمطاعم اللي بتعمل ديليفري .. ومنها ماكدونالدز .. طبعاً لأنها سيارات صغيرة ورخيصة جداً .. حتى لو بعد سنة رموها حتكون عملت بثمنها ..

ونظامهم مشابه للتأجير المنتهي بالتملك ..

طبعاً من المعلوم أن شركة تاتا .. أصبحت من كبريات الشركات في العالم .. خاصة بعد شراؤهم لشركتي جاكوار ولاند روفر البريطانيتان والتان كانت مملوكتا لشركة فورد الأمريكية ..

[vipwithyou]

طيب وتويوتا مش ناوية تتغاظ منهم وتعمل نفس النظام بس يكون انت المالك الاول

انا مستنى تويوتا ان شاء الله

بس فى احتمال ان التويوتا ياريس تكون بالنظام دة واجماليها تقريبا ً يكون 48000 ومش عارف دى تكون كويسة ولا لا

يعنى بعد كدة ان شاء الله لما تنزل مصر هتكون حلوة ولا ايه رأيكم

انا شفت صور التاتا وهى شكلها حلو على فكرة

ومتهيألى صناعتها هتكون كويسة ولا ايه رأيكم

دا موقعهم