حوار هامس..

[بنت شعنونة]

من كام يوم واحنا بنتعشى انا واخواتي وهما فاتحين قناة الجزيرة

اذاعو خبر فتح باب الجهاد في مصر؟؟

طبعا كلنا اتشدينا جدا للخبر دا..

وبدا كل واحد فينا يفكر في الكلام اللي سامعه

وفجاة اتكلم اخويا الكبير وقال..

الله؟ يعني احنا كدا علينا ذنب اننا ما حربناش؟

رد عليه التاني وقاله.. طبعا..... احنا "لازم" نحارب.. دا واجب علينا

-ايوا.. بس انا ها اروح اعمل ايه؟؟ ها امسك سلاح واضرل رصاصتين عشان اوقع طيارة تموت عشرين زيي؟

-ولو.. المهم انك لازم تحارب وبس.. حتى تروح تعمل عمليات استشهادية

وهنا تدخلت في الحوار لآعلن رفضي لمبدا العمليات الاستشهادية.. واني مش معترفه بصحتها واني حاسا انها غلط..

وقعدنا نتناقش كتير جدا

وفي الاخر ابتدى كل واحد فينا يحط راسه في ألارض حاسس انه عامل حاجا غلط واننا لازم نروح فعلا؟ :?

وياترى هل مفهوم الحرب دا هوا مفهوم الحرب اللي احنا مامورين بيه في القران؟

طب واحد ما بيعرفش يستعمل سلاح؟؟ يروح برضه؟

ويعمل عمليات استشهادية؟

واخيرا

مسكنا كتاب فقه السنة

وطلعنا منه ان هذا النوع من الجهاد مادام مش بامر الحاكم

بيبقى فرض كفاية

ولازم فيه اذن ولي الأمر

وهنا قلتلهم

حلووووووو

على جثتي تسافروا بقى :lol:

حوار تقريبا بيدور في كل بيت مصري دلوقتي

لكن يا ترى ايه اجابته بجد؟ :roll:

[White heart]

بصراحة يا عزيزتى على ان ليس لى "الأفتاء" بالطبع فى أى موضوع دينى وهذا ما على، على اننى أستأذنك فى نقل مقطوعتين من مداخلتين لهم علاقة فى موضوع أخر مشابة، و بالطبع بع أذنهم، أراهم "كمصرى" مناسبتين، و أميل الى تصديقهم و أقراب مثل تلك الأراء الى قلبى، مع ملاحظة اننى أقصد بالطبع "حرب العراق" تحديدا و ليس أى حرب أخرى....

فقد كتب العزيز "محمد ابو زيد" فى احدى مداخلتة فى موضوع "باب الجهاد مفتوح" فى باب "حرب العراق" :

والجهاد علشان صدام او حماية العروبة لايجوز ومن ترك جهاده في بلده وهي محتاجه لجهاده مثل فلسطين وتوجه للعراق للجهاد لايجوز والله اعلم

ما تريده ان تقول ان الجيوش العربية وخاصة الجيش المصري هو الذي يجب ان يجاهد وليس انت 

وماذا تتكون الجيوش اليس من افراد مثلك 

وما الفرق ان تحارب انت ضمن اي فصيل او ضمن جيش

كما كتب العزيز Faro فى نفس الموضوع:

هذه الحرب ليست حرب بين الإسلام والمسيحية ولكن حرب مصالح, بوش يريد البترول والثأر لوالده والمعارضة العراقية بقيادة لص البنوك شلبي تريد الحكم, لذا لا أجد أى معنى للجهاد فى هذه الحرب حيث أن المسلم يحارب المسلم من خلالها ولا تقل لي أن الأكراد , الشيعة والمعارضة كفرة.

فشكرا لهم....

[بنت شعنونة]

في آية او حديث مش متاكدا بالضبط

بيقول فيما معناه

لو ان طائفتين "منكم" اختلفت فقاتلوا التى تبغى..

يعني لو انقسمنا منا فينا لنصين.. فنحارب الظالمة..

واللغة المكتول بيها الأية كانت لغة امر..

يعني واجب..

انما المشكلة فعلا..

هل هيا دي الحرب؟

خصوصا ان معرفتي بالحرب زيها زي الحج

يعني كل واحد بيموت على نيته

يعني لو رايح تحارب عشان تحرر العراق ها تموت على كدا

ولو رايح تحارب عشان تعلى كلمة الله"وهوا المفروض" هاتموت على كدا

المشكلة انك حتى لو حاربت والعراق انتصرت

انت كدا ما اعلتش كلمة الله

انت كدا عليت كلمة صدام اللي هوا ابعد ما يكون عن الدين

يبقى ايييييييه الحل بقىىىى

نروح نتطوع ونحارب؟؟ والا لا؟ :cry: :cry: :cry: :? :?