فستان زفاف ايجار يا ولاد الحلال

[vipwithyou]

بسم الله الرحمن الرحيم

الأخوة والأخوات الافاضل

اخوكم مزنوق فى فستان زفاف

احتمال باذن الله بعد شهرين زوجتى تحضر للرياض علشان نتمم الفرح باذن الله

لكن دة لما استقر أنا فى شغل الاول وسكن بعد كدة وفرشة وخلافة

دلوقتى بقى جينا للفرح

طبعا ً علشان أشترى فستان من السعودية هيتخرب بيتى

دورت فى الوسيلة لقيت كل الفساتين للبيع ولم اجد اى عنوان عن مكان لتأجير فساتين الزفاف

فعايز من اخواتى المصريات المقيمات فى الرياض اللى عندها فكرة عن اى مكان لتأجير فساتين الزفاف تبعتلى اسمة ورقمة على الخاص حتى علشان الدعايه او مش مشكلة متهيألى معرفة المكان للكل مفيهوش ضرر

بس يكون فيه اصلا

المهم طبعا ًَ لما نحدد ميعاد الفرح كلكم معزومين

ومحدش يجى بايدة فاضية

يعنى اللى يجيب غسالة ( فول اوتوماتيك ) مش هاف ماشى

اللى يجيب بوتاجاز جليم جاز مش مشكلة

اللى جيب ثلاجة 14 قدم او اكتر يبقى الله ينور عليه

كدة يعنى

اوعى تبخلوا على اخوكم

شكرا لكم

ومستنى بقى اى حد يعرف مكان لتأجير الفساتين

وياريت كمان ارخص استراحات وتكلفتها لأن القاعات اكيد غاليه

أخوكم

تامر السيد

[~Heba~]

ايه ده معقولة يا تامر حتعمل فرحك فى السعودية!!!!!!!!

و مين يحضره!!!!!!

اهل الشرقية يزعلوا و الله.....و اهل اسوان كمان :closedeyes:

[vipwithyou]

متخافيش يا هبه هاعزم كل الشراقوة اللى فى المملكة وغير الأسوانيين كمان وكل مصر بس انا اتجوز بس

[قديم]

لوووووووووووووووو لوووو للوووو زغــرووده لسي تامــر

اولا مبروك وربنا يتمم بخيــر

ثانيا عشان نقول لك فين محلات تاجــير فساتين الافراح لازم نعرف الفرح هبتعمل في الشرقيـه ولابالرياض .

ثالثا شوف الراجل الطيب دا عمل ايــه بعد الزواج

ابتدأ ابتدا المشوار

واخرتها فل اتوماتيك حاضر يا ستي

تم تعديل 17 مايو 2008 بواسطة قديم

[Nonna]

مبروك يا أستاذ تامر

الف مبروك

و ربنا يتمم بخير ان شاء الله

[مصري أصيل]

الف الف مبروك يا أستاذ تامر بس ياريت تفكر مرة تانيه في موضوع أن يكون الفرح في السعودية لأن الأهل كمان من حقهم يفرحوا بيك ولا أيه ؟؟؟ أنت عارف أن الأهل من يوم ما أبنهم بيتولد بيستنوا اللحظه دي . يا ريت يشاركوك فرحتك بيها . أنا عارف أن الفتره اللي فاتت كانت صعبة عليك و أستنزفت الكتير و لكن لو تاخد رأيي أصبر شويه لغاية ما ربنا يقدرك و تنزل تعمل فرحك في مصر وسط أهلك وأصحابك . أنا أسف أني خرجت عن الموضوع بس أحنا أخوات و أكيد هتتقبل كلامي بصدر رحب . أما عن موضوع تأجير الفستان لو مصمم يكون الفرح في السعودية فأتمني من الأخوه والأخوات المقيمين في المملكة يكون عندهم الرد. تقبل تحياتي

[النيل حبيبي]

الف الف مبررروك ياتامر ان شاء الله تكون استقريت في الشغل

انتظرت مكالمتك ولم ترد

ماتخافيش ياهبه النيل في الرياض بس محتار الغساله ولاالتلاجه ولا البوتاجاز

المهم ربنا يتمم علي خير

ان شاء الله الاخوات في الرياض حيتصرفوا متقلقش

[~Heba~]

الف الف مبررروك ياتامر ان شاء الله تكون استقريت في الشغل

انتظرت مكالمتك ولم ترد

ماتخافيش ياهبه النيل في الرياض بس محتار الغساله ولاالتلاجه ولا البوتاجاز

المهم ربنا يتمم علي خير

ان شاء الله الاخوات في الرياض حيتصرفوا متقلقش

أصـــــــــيــــــــل و الله يا النيل

اهو كده انا ابقى مطمنة على تامر wst::

[se_ Elsyed]

يعني عدم اللامؤخذه .. إنت عايز تأجر الفستان من الرياض وتبعته مصر والعروسة تيجي لابساه وبكده تدخل لك في إسبوع إيجار يعني تعدي ثمن الفستان الجديد ؟

ولا تأجروا من الرياض و تروح به للعروسة في المطار ؟

أنا مين وفين وليه ؟

إنت عايز إيه بالظبط ؟

ومش إنت اللي فضلنا ننصح فيك لما كنت بتجيب قلوب وشوكلاته ومناديل معطرة بالشيء الفلاني في أعياد الام والعمال .. وقلنا لك إعمل حساب لبكرة ؟ إنت ولا مش إنت ؟

بس الحل الوحيد يا تامر يا إبني هو إنك تبعت لها باكو مقفول وتخليها تشتري فستان معقول من هناك وإخلص بلا تأجير بلا وجع دماغ ولا حد ياخد منك بطاقتك رهن ولا ييجي تاني يوم الصبحية من النجمة يخبط عليك عشان ياخد الفستان ..

ولما يقرب ميعاد الفرح هاقولك على كام إستراحة سعرهم حنين ... بس ده يتوقف على عدد المعازيم ..

وخلي بالك لو روحت بأسطول عربيات المطار ومشيتوا تعملوا زيطه وزمباليطه .. يبقى هاتقضوا الليلة في الكراكون .. لإن هنا ممنوع ..

يعني سُكيتي سُكيتي

وقولي برضوا لو عايز فرقة طجاجات - عوالم بس بالسعودي - بس كده الميزانية هاتفتح معاك يا معلم ...

واحسن حل إنك تمشيها بلدي وتجيب كام صينية كبسات على مفطحات على منديات .. وكل واحد ييجي يضرب له طبق كبسة ويدنو مروح .... وعلى رأي المثل " العروسة للعريس ... والكبسة للمتاعيس "

[~Heba~]

ايه رأيك فى دا يا تامر

متاخدشى فى بالك انه عريان....طالما الفرح فى السعودية

معروض للبيع ب....مرتب شهر :blink:

[vipwithyou]

الاول يا جماعة انا آسف بجد لتأخرى فى الرد

لكن فعلا انا بأدخل نت حاليا ً بصعوبة لكن جارى البحث عن سكن جيد وتركيب دى اس ال

وحاليا هاحاول ارد عليكم

[vipwithyou]

لوووووووووووووووو لوووو للوووو زغــرووده لسي تامــر

اولا مبروك وربنا يتمم بخيــر

ثانيا عشان نقول لك فين محلات تاجــير فساتين الافراح لازم نعرف الفرح هبتعمل في الشرقيـه ولابالرياض .

ثالثا شوف الراجل الطيب دا عمل ايــه بعد الزواج

ابتدأ ابتدا المشوار

واخرتها فل اتوماتيك حاضر يا ستي

الاستاذ الفاضل قديم

ألف شكر ليك ورربنا يبارك فيك يا رب

والفرح يا سيدى هيكون باذن الله فى الرياض

يلا بقى عايزين نعرف اماكن تأجير الفساتين وكمان استراحة كويسة ورخيصة كدة وياريت كمان طلب من الاخوات السيدات

اللى تعرف فيهم ستوديو تصوير نسائى تبلغنى بيه او مكانه او حتى اسمه وانا هاتصفر واوصله اسأل او حتى لو عندكم معلومات عن التكلفة يبقى كويس

وشكرا ليك مرة اخرى يا اخى العزيز

[vipwithyou]

مبروك يا أستاذ تامر

الف مبروك

و ربنا يتمم بخير ان شاء الله

ألف شكر ليكى يا دكتورة وربنا يباركلك يارب

وعقبالك ان شاء الله ونباركلك قريب كدة يارب انتى وجميع الاخوات اللى مش متجوزات

[vipwithyou]

الف الف مبروك يا أستاذ تامر بس ياريت تفكر مرة تانيه في موضوع أن يكون الفرح في السعودية لأن الأهل كمان من حقهم يفرحوا بيك ولا أيه ؟؟؟ أنت عارف أن الأهل من يوم ما أبنهم بيتولد بيستنوا اللحظه دي . يا ريت يشاركوك فرحتك بيها . أنا عارف أن الفتره اللي فاتت كانت صعبة عليك و أستنزفت الكتير و لكن لو تاخد رأيي أصبر شويه لغاية ما ربنا يقدرك و تنزل تعمل فرحك في مصر وسط أهلك وأصحابك . أنا أسف أني خرجت عن الموضوع بس أحنا أخوات و أكيد هتتقبل كلامي بصدر رحب . أما عن موضوع تأجير الفستان لو مصمم يكون الفرح في السعودية فأتمني من الأخوه والأخوات المقيمين في المملكة يكون عندهم الرد. تقبل تحياتي

انا طبعا ً مقدر كلام حضرتك الاكثر من رائع وانا فعلا كان نفسى اعمله فى مصر

بس هنا انا مش هاعمل فرح يعنى فرح بمعنى الكلمه

لا دا ممكن يكون بس استراحة وأعزم فيها كل اللى اعرفهم هنا

وطبعا ً لما احدد الميعاد والمكان هيكون كل اعضاء المحاورات اول المدعويين

بس بينى وبينك بجد

التكلفة اقل فى الفرح

غير ان النزول اجازة هيكلفنى كتير وانا مريت بظروف ربنا اعلم بيها وقعدت فى مصر 7 شهور من غير شغل وانت اكيد عارف الوضع دة بيكون شكله ايه

غير ان كمان الواحد مش عارف هيعيش قد ايه يعنى مش عايز اضيع سنتين على الاقل من عمرى علشان استنى لما افرش بيتى فى مصر واعمل فرح

وبعدين يا اهلى الحمد لله فرحوا بأخويا الكبير وهيفرحوا بالصغير يمكن قبلى لو كنت استنيت لما انزل مصر

وكمان هما فرحوا معايا فى الشبكة

واكيد يهمهم مصلحتى

وكمان صدقنى الفرح ما بيمثلش لينا كرجاله زى ما بيمثل للزوجات يعنى هما اللى اهم انه يعملوا الفرح فى مصر

وبنت الحلال وافقة انها تسافر والظروف ساعدة فى كدة يبقى انا هاقول لا

وليك يا سيدى كرت فرح مخصوص ابعتهولك الكويس بس تعالى انت بس

الخلاصة لا تدرى نفس ماذا تكسب غدأ ولا تدرى نفس باى ارض تموت

فانا قلت الحق اعف نفسى وربنا اكيد هيرزقنى كمان برزقها يبقى اعجل بانى آخد رزق مراتى معايا ياعم

وشكرا ليك مرة تانية على نصيحتك الغالية

وربنا يخليكم ليا يارب

[vipwithyou]

الف الف مبررروك ياتامر ان شاء الله تكون استقريت في الشغل

انتظرت مكالمتك ولم ترد

ماتخافيش ياهبه النيل في الرياض بس محتار الغساله ولاالتلاجه ولا البوتاجاز

المهم ربنا يتمم علي خير

ان شاء الله الاخوات في الرياض حيتصرفوا متقلقش

الأستاذ الفاضل الأخ سليمان انا والله بعد ما كلمت حضرتك فى يومها سبت العليا ورحت المنفوحة وتانى يوم سلمت لكفيلى الجواز علشان الاقامة ومحبتش اتحرك كتير فى الرياض علشان انت عارف من غير اقامة وانا مش ناقص مشاكل فى الاول كدة

لكن ربنا يسهل احتمال بكرة ان شاء الله تكون خلصت الاقامة واعرف اتحرك واكيد هاقابل حضرتك باذن الله

والشغل لسة لما اخلص الاقامة وربنا يسهل فى الاتجاه اللى قلت لك عليه

ادعيلى بس

شكرا ليك يا اخى الكريم

بس مفيش ولا أخت نصفتنى وجابت لى فستانها اعمل بيه الفرح واديها 50 ريال ايجار ولا حاجة

ماشى ماشى

دى وقفتكم معايا برضوا :blink:

بأهزر طبعا ً انا عارف ان اكيد لو فى حد يعرف هيقولولى علطول

عموما ً لسة معانا وقت من شهر لشهرين عارفين لو ما جبتوش فستان

wst::

:sad:

:cry:

مش هاعمل حاجة

هاحط ايدى على خد واسكت واشترى واحد بـ 5000 ريال غصب عنى واشرب بقى يا تامر

ههههههه

شكرا لكم جميعا ً

[vipwithyou]

الف الف مبررروك ياتامر ان شاء الله تكون استقريت في الشغل

انتظرت مكالمتك ولم ترد

ماتخافيش ياهبه النيل في الرياض بس محتار الغساله ولاالتلاجه ولا البوتاجاز

المهم ربنا يتمم علي خير

ان شاء الله الاخوات في الرياض حيتصرفوا متقلقش

أصـــــــــيــــــــل و الله يا النيل

اهو كده انا ابقى مطمنة على تامر :blink:

ما تخافيش يا هبه الناس هنا واخدين بالهم منى خالص

ان كان الأخ سليمان ولا سي السيد

حتى انا قارف سي السيد كل شوية تليفون اسأله عن حاجة لما فى الآخر هيرمى التليفون فى وشى

فى ناس ولا بلد بصحيح يا هبه ورجاله وعلى فكرة باحمد ربنا جدا ً ان اهم حاجة ان الناس اللى معايا فى السكن شباب زى الورد ورجاله بجد ودا انا كنت متخوف منه قبل ما اسكن معاهم لكن الحمد لله كلنا حلوين والله يا هبه

وبجد شكرا ً لإهتمامك باخوكى

[vipwithyou]

يعني عدم اللامؤخذه .. إنت عايز تأجر الفستان من الرياض وتبعته مصر والعروسة تيجي لابساه وبكده تدخل لك في إسبوع إيجار يعني تعدي ثمن الفستان الجديد ؟

ولا تأجروا من الرياض و تروح به للعروسة في المطار ؟

أنا مين وفين وليه ؟

إنت عايز إيه بالظبط ؟

ضحكتنى يا ريس ههههه :blink:

بص يا سيدى

العروسة اختها هنا فى الرياض

فلما تيجى هتقعد معاها اسبوع ولا حاجة لغاية لما نجهز الشقة يعنى انا هاسيب شوية حاجات هى لما تيجى تشتريهم معايا

وبعدها يا ريس نعمل حفله صغيرة كدة واكيد انت معزوم اول واحد امال مين اللى هيرص البوفيه ويضرب اى حد يمد ايدة على حاجة

صح ولا لا

ومش إنت اللي فضلنا ننصح فيك لما كنت بتجيب قلوب وشوكلاته ومناديل معطرة بالشيء الفلاني في أعياد الام والعمال .. وقلنا لك إعمل حساب لبكرة ؟ إنت ولا مش إنت ؟

انا يا باشا بس ما تضربش

اكتب اى حاجة وانا هامضى علطول

بس الحل الوحيد يا تامر يا إبني هو إنك تبعت لها باكو مقفول وتخليها تشتري فستان معقول من هناك وإخلص بلا تأجير بلا وجع دماغ ولا حد ياخد منك بطاقتك رهن ولا ييجي تاني يوم الصبحية من النجمة يخبط عليك عشان ياخد الفستان ..

يا لهو هما هيجوا من النجمة لا دا انا اشتريه احسن

على فكرة مقترح فعلا اننا نشترى من مصر بس هما لسة هيسألوا على السعر فى مصر كام وهاقارن بين الايجار اذا فيه هنا ولا لا وبين السعر كله من هناك وشكلها كدة هتشتريه وخلاص لأنه آخرة فى مصر 1500 حـ ويكون فستان محترم

ولما يقرب ميعاد الفرح هاقولك على كام إستراحة سعرهم حنين ... بس ده يتوقف على عدد المعازيم ..

بجد ياريت والله طيب ما تبعتلى ملف بالمعلومات دى وحنين لدرجة ايه لأنى متخوف من حاجة زى كدة

والتلكلفة كلها والأكل وكدة انت فاهم الدوشة دى

وخلي بالك لو روحت بأسطول عربيات المطار ومشيتوا تعملوا زيطه وزمباليطه .. يبقى هاتقضوا الليلة في الكراكون .. لإن هنا ممنوع ..

يعني سُكيتي سُكيتي

لا والله يعنى حتى انا وهى بس كدة لو مشينا وزمرنا شوية لوحدنا ولو حد مسكنا اقولهم الكلكس علق وافوتله بريزة وخلاص

وقولي برضوا لو عايز فرقة طجاجات - عوالم بس بالسعودي - بس كده الميزانية هاتفتح معاك يا معلم ...

ايه يا ريس انت شغال متعهد هنا وانا مش عارف

خلى الموضوع دة للآخر ممكن نمشيها دى جى اجيب حته اللاب توب بتاعى اللى اشتريته تقسيط بسعر الكلش من جرير واحط عليه الست ام نانسى وحمادة قمر ونعملها ليله

بس سؤال هما المعازيم هيروحوا منقبات يعنى العروسة كمان هتتنقب ولا ايه يا ريس بما انك خبرة فى الحاجات دى

واحسن حل إنك تمشيها بلدي وتجيب كام صينية كبسات على مفطحات على منديات .. وكل واحد ييجي يضرب له طبق كبسة ويدنو مروح .... وعلى رأي المثل " العروسة للعريس ... والكبسة للمتاعيس "

تمام تمام هو كدة بالظبط واللى ياخد طبق يمد ايدة فى جيبة قبل ما يمد ايدة عليه ويطلع 50 ريال ثمن الطبق ويحطة على التربيزة

[vipwithyou]

تأكيد يا جماعة عايز كمان اسعار التصوير النسائى لانى عرفت انه مش اى ستوديو فيه تصوير افراح

لأنهم بيكونوا سيدات

فا اللى يعرف حاجة يقول علطول

[badroora]

العزيز تامر ..........الف الف مبروك ربنا يتم عليك بخير ويوفقك يا رب ......... :blink:

السعودية فيها فساتين زفاف من اروع مايكون وممكن تلاقي جديد باسعار حنينة واهو يبقي ملككلم وتشولوه للاولاد ان شاء الله ......وبتبقي ذكرة جميلة

والف الف مبروك .........وتحياتى للعروسة وابقي لسمهلنا هنا بقي عشان نعرفها حقوقها ........ :sad: ماشي ومتخفش مش هضمها لجمعيتى wst::

[زهرة الجبل]

الأخ لكريم تامر السيد

ألف مبروك و ربنا يتمم بخير يا رب

كنت أتمنى أفيدك و الله لكن إن شاء الله الأخوات في الرياض يفيدوك

و سلامنا و تهانينا لزوجتك الكريمه إن شاء الله

ربنا يوفقك و ييسر لك أمرك إن شاء الله يا رب

أختك أم كريم